丸和食堂 (已結業)

聽聞上水最近少咗好多內地人 就梗係要去逛逛 經過呢間位於馬會度嘅丸和食堂 晚餐時段竟然座無虛席 梗係要食下啦可能太好生意 所以枱櫈都比較迫刧 坐得唔太舒服吉列大蝦手卷 手捲份量正常 吉列炸蝦炸得脆卜卜再加上邪惡嘅沙律醬同埋海量蟹子同青瓜 味道梗係好食靜岡辣油挪威三文魚腩加州反捲 好搶眼嘅紅色辣油味道唔太辣 不過配上火炙左嘅三文魚腩 極度惹味香口魚油爆發出嚟 和歌山便當 估唔到便當有咁豐富嘅嘢食 首先有味付螺肉 粒粒都大個手指公非常爽口仲有刺身有三文魚 帶子同甜蝦 三文魚超級厚切 口感十足 金菇肥牛卷用咗燒汁去做 好惹味 炭燒巨型虎蝦 虎蝦有三大隻 肉質彈牙夠新鮮飯底再配上香甜微辣嘅咖哩汁 非常完美