丸作食茶 (禮頓道)

营业中

休息中

我在當天的17：27分下單，當時我在銅鑼灣站F1 出口剛出站，好快就行到店舖，到店舖既時候app 才剛顯示“準備中”，我玩下電話，再睇下店舖既餐牌，等左十分鍾，眼見比我遲來的客人（店內下單的）都己經拿到飲品離開，我就show 我的openrice 訂單比員工，問佢地我果杯有得攞未, 當時佢地話泥加好忙，要我等多一陣先有得攞，當時我見佢地有單“大生意” 一口氣要沖二十杯飲品，我就不好意思打擾佢地，只好企埋一邊等。等多十分鍾，我越等越唔對路，眼見店裏面原本有十幾二十人，泥加只有五六個人，收銀員都係同客人講話要等5-10分鐘而已，而我，見到剛下單的客人又拿到飲品了，就只好繼續refresh openrice 個app，睇下攞得未，點知都仲係“準備中”……當時我都等左20幾分鍾，同佢app 顯示的17：58分有得攞差唔遠，我費事麻煩員工，繼續企係一邊等……等到17：58，個app 顯示有得攞了！我馬上走到取飲品處取餐，點知個員工竟然唔係比杯沖好左既飲品我，竟然係同cashier 講，“你睇下openrice 張單啦！個客等左好耐啦！” 當時收銀果個因爲冇客，先係枱底搵番我張單出泥，開始打單，貼

芋泥黑糖珍珠牛奶 $33因為我唔飲含咖啡因飲料，所以想飲台式飲品的選擇很少，行經丸作，好像有新岀品，而且是牛奶，所以就買一杯試一試了。牛奶味濃，珍珠煙韌彈牙有嚼勁，不會咬開有粉的感覺，再加上芋泥，與牛奶混在一起，口感很豐富。雖然比較貴，但下次會再幫襯。

今晚同媽媽在銅鑼灣經過丸作食茶飲品店，媽媽突然停步被吸引著。 她說喉嚨有點痛，而這間店舖竟然有菊花冬瓜茶25元，可以選擇完全去冰和微糖。 於是被她拉了入去幫襯，我就點選奶蓋珍珠黑糖奶茶41元。 媽媽非常滿意那菊花冬瓜茶連珍珠，茶是屬於清淡味，珍珠甜甜靭靭的， 菊花非常大朵令到整杯飲品生色不少。 喝著冬瓜水但味蕾上帶著菊花香味，連帶喉嚨也感到十分舒服。 我那杯奶蓋珍珠黑糖奶茶，奶味濃郁質地柔軟綿密，有點像飲著滑滑布丁的感覺，十分美味。

丸作食茶開了這麼久，感到遺憾的是還未嘗過剛開張時推出的芋香珍珠，這次推出了限定的芋頭丸綠拿鐵，令我來嘗鮮haha。還是有一如概往的小遊戲，最愛這個環節。季節限定系列是我最愛的紫色。菊花珍珠也是新推出，讓我心思思想多試幾款。最後點了宇治抹茶配仙人掌珍珠和芋頭珍珠。另一杯是芋頭丸綠拿鐵配上仙人半珍珠和芋頭珍珠，貪心的我還加點了菊花珍珠haha。三款珍珠顏色真的很美，漸變的紫色相當吸引，配合其他三款珍珠的顏色。宇治抹茶還是不能輸，因為真的很香濃，配上芋頭珍珠味道十分配合，仙人掌珍珠就以顏色取勝，菊花珍珠很有驚喜，味道清新。總括而言，丸作食茶的珍珠保持一貫水準，最新的菊花珍珠幾特別heheee。

今次會飲呢間台式飲品店係因為行過見到佢地有一間房係度制作珍珠.. 而間房係全玻璃,完全可以睇到佢既每一步step… 覺得呢度既珍珠都好新鮮~ 因為佢地既珍珠係比你睇到既情況下即整.. 飲品種類都係大路野. 有賣到大街小巷都有既黑糖珍珠鮮奶, 連而家你台式飲品店買小見小既青茶都有 但係佢哋嘅珍珠就好多種類本身想飲蜂蜜青茶, 又想試下佢地既芋頭珍珠.. 如果呢2樣mix埋應該唔係好夾… 所以我最後要左一杯烏龍奶茶加芋頭珍珠 (少甜少冰) 烏龍奶茶真係好正, 烏龍奶茶比一般奶茶既味道濃! 烏龍味苦苦甘甘咁好燒濟! 佢地既烏龍奶茶會飲到烏龍同奶茶2隻味! 真心唔錯!!! 佢地既芋頭珍珠好Q好彈! 比平時既珍珠更加有咬口!! 幾surprise! 除此之外，佢地既芋頭味都好足夠! 味道唔假! 呢杯飲品我比👍🏻👍🏻👍🏻👍🏻👍🏻… 而男主角則要左杯熱既琥珀鐵觀音 (無糖)第一次飲琥珀鐵觀音，佢既味道比起一般既鐵觀音味道濃得多! 亦都唔錯唔錯呢!

平時飲開老虎堂嗰啲今次就行遠少少試吓丸作啦，因為我見佢都幾多特色嘅嘢飲，珍珠係自己手打嘅，有好多唔同特色味道所以想試吓！好似真係有人喺度即刻整啲珍珠，冇花冇假淨係揀珍珠都已經揀咗我一陣喇，選擇困難症發作我同友人分別叫咗初摘茉香綠茶加仙人掌珍珠，黑洞拿鐵加黑芝麻珍珠茉香綠茶都幾香茶味㗎，仙人掌珍珠粉紅色，有啲漸變嘅效果好靚呀而且都幾彈牙～黑洞拿鐵即係黑芝麻味！第一啖飲落去係好重嘅黑芝麻，似芝麻糊咁，但又有啲奶香味喎。配上黑芝麻珍珠簡直就係一流！珍珠會食到入邊有一粒粒嘅芝麻㗎呢間店有好多特色嘢飲都唔錯下次可以試吓其他飲品

台式飲品唔知點解好似有種魔力咁，成日耐唔耐就想飲，所以今次黎開cwb就決定試下呢間丸作食茶。呢間既野飲無分size，比我想像中細杯，但價錢對比依家啲台式飲品黎講都唔算貴既，啲過江龍閒閒地都三十幾，呢間好在都叫唔過三十。今次叫左烏龍奶茶配焦糖珍珠同抹茶拿鐵，兩杯都係走冰微糖，甜度同冰度我覺得唔錯，係我鍾意既甜度。之後分別講下兩杯野既質素。1.烏龍奶茶茶味唔算好濃，但都算夠茶味，而且有烏龍茶嗰陣獨特既茶香，唔會比奶味遮左，茶味同奶味大概一半一半，我覺得唔錯。就咁叫烏龍奶茶好似$20，都算抵飲，之後可以加錢要珍珠，咁我就保守啲試下個焦糖珍珠先，見佢有可可珍珠同仙人掌珍珠呢啲，不過我驚中伏就無試。我見呢間野主打手好似係珍珠，但我試左個焦糖珍珠又覺得無咩特別，一黎無乜焦糖味，二黎唔算話特別有咬口，同一般嗰啲差唔多，同埋佢啲珍珠有一個好大既問題，就係大粒到會塞住枝飲管，飲到中半塞到飲唔到，呢到大扣分。有乜理由你整珍珠嗰時無預過你地枝飲管既粗度，以一間主打珍珠既鋪頭呢個位真係差啲。2.抹茶拿鐵呢個抹茶拿鐵真係好失望，完全都唔係抹茶沖既，佢陣味係完全唔抹茶，似係平價綠茶粉既味。我第一啖飲係嚇親，因為完

今日經過CWB接呀妹放學，佢係咁話要飲珍奶，平日係旺角就好多間飲。今日見到呢間叫丸作食茶，平時係九龍區唔多覺眼，今日難得經過呀妹又想飲就試下啦。殿堂級黑糖珍珠鮮奶 $32呢杯聽講係超級推介嚟，見排隊一路都好多人叫。妹妹本身好鍾意飲黑糖，見咁多人試佢都唔執輸，買咗呢杯試。我自己試咗少少，覺得味道偏甜，可能因為佢黑糖好足料，但奶好滑，而珍珠咬落又OK，不過不失，黑糖迷必試無誤。芋頭珍珠牛乳 $30反而呢杯可能無黑糖，甜度係我鍾意嘅。另外，佢嘅牛奶真係好滑。芋頭味還可以，唔算好濃。兩杯嚟講我比較鍾意自己呢杯，可能我怕太甜啦！哈哈🍽8/10🔎 丸作食茶 (銅鑼灣)銅鑼灣禮頓道138號希雲大廈地舖

#焦糖珍珠黑洞拿鐵 $32黑洞拿鐵隻色真係好靚好型而且仲好鮮明咁分咗黑白兩色用嚟打卡真係唔錯😍淨係睇名真係唔知係咩嚟飲落有竹炭味再加淡淡嘅綠茶真係好香 好吸引🤤而珍珠好煙韌 有啲焦糖味 但會比黑洞拿鐵搶咗啲味未飲過嘅推介大家試下🤩-#可可拿鐵 $26 (朱古力珍珠 +$6)平時去其他飲品舖頭 啲珍珠嘅選擇都係好少依到有好多款珍珠可以揀🥰嗰日嘅限定珍珠係朱古力珍珠 咁小編就叫嚟試吓啦🥳朱古力味嘅珍珠就好似朱古力糯米糍咁 煙煙韌韌幾好食🤩而可可拿鐵 小編叫咗半糖冇咁甜之餘仲可以品嚐到朱古力本身嘅香味🤤-丸作食茶銅鑼灣禮頓道138號希雲大廈地舖#SeeFoodGhost#SeeFoodGhost銅鑼灣#SeeFoodGhost飲品

都有一段時間冇黎呢邊買野飲啦！咁岩lunch同事要黎呢頭，所以就再次黎到這間手作珍珠的飲品店。比起剛開幕時好多人都需要排好耐先有得飲，今個午飯時間就不算太多人了！看見飲品店今天珍珠是芋頭的，所以就點了杯芋頭拿鐵加芋頭珍珠！芋頭拿鐵加芋頭珍珠($31)，飲品顏色好靚，用黎影相打卡一流！芋頭味都幾濃，由於店員建議半甜，所以甜度適中！珍珠好有咬口，質感不錯！同事跟我一樣點了同一杯飲品，不過是熱的！熱的珍珠會較軟身，飲落沒有凍的那麼甜！下次要再黎飲黑洞同埋抹茶味！

I walked passed this store tonight and although it was unusual of me to be ordering something in the middle of the week, I still went in. Their menu is both in English and in Chinese. They have such colorful pearls like they're marbles.I decided on Oolong milk tea ($20). The drink came out pretty fast. In one sentence to describe this drink is: I only got the oolong tea's aftertaste at every sip and the rest was just creamy milk.Cash, Octopus, VISA, MasterCard and AliPay are accepted. The 5th st

話說台式珍珠奶茶係香港又興起了，我就梗係唔執輸去試吓啦，今次去到銅鑼灣呢間叫丸作食茶，佢嘅噱頭幾好，有好多唔同種類嘅珍珠，我就梗係叫咗佢嘅白玉加仙人掌珍珠奶茶。好坦白講係咪真係值得排差唔多九個字去飲一杯呢，我又覺得唔洗咁誇張嘅，不過如果未試過嘅，都可以去試一試嘅話，佢哋呢間珍珠奶茶鋪頭好就好在可以俾你揀你自己鍾意嘅甜度同埋冰嘅份量，因為而家有好多珍珠奶茶鋪佢哋自己都set咗自己嘅一條formula，係唔會俾你揀甜度同埋冰嘅份量嘅，大家不妨去試吓。

開在中學旁邊嘅丸作銅鑼灣分店，相信客源都有一定保證。星期六經過，少咗學生幫趁，依然有一定人流。一睇menu就已打算試下招牌丸仨醇奶茶，價錢係成間鋪第2貴！飲落珍珠都幾有咬口，不過茶底相信同其他野飲係一樣，整體黎講價錢偏貴，雖然3色珍珠係有特色，不過都唔及一個靚茶底重要。

話呢間野嘅珍珠好好食，雖然同其他黑糖珍珠有啲唔同，但食落去好有咬口而且每粒珍珠都好有味道完全唔係得膠味嗰種珍珠啊而且成杯飲嘅配搭都好好，可惜離銅鑼灣地鐵站就有少少遠

吃完晚飯，梗係要飲返杯。本人第一次飲丸作，本來想試下佢哋嘅黑糖系列，但近排飲咗不少黑糖珍奶，想試一些新意，便試了本店推介的黑洞拿鐵＋焦糖珍珠（不愧也叫「丸作」，當然要試試它們的珍珠）。一上手，哇，好靚，打卡一流。😅 綠茶味十足，甜度剛好（我叫了微甜），珍珠雖然要點過諗，但也有焦糖味。👍下次會再試它們另外推薦的飲品。👌另外，店員也很善良，不會催趕我這些有選擇困難症的人。