影片
更多
2021-06-18
3277 浏览
有一段時間冇去BBQ，但甘熱嘅天氣下，如果想去BBQ，未食已經熱到溶，朋友話油麻地地鐵站附近開左<串Grill自助燒烤專門店>，甘當然要去食番餐BBQ串燒放題啦！！～以任飲任食的放題價格來講，都係二百蚊左右起，串燒款式有成四十幾款，飲品都有好多選擇，仲要食足120分鐘，價格都算幾抵食。香料調味粉有四款，有辣有吾辣，能夠帶出串燒的鮮味。醬汁亦有三款，中間白色樽的醬汁可以一邊燒一邊加，出來效果更惹味。Order串燒用QR code便可，真係超級方便，而且下單後5分鐘內就送到枱上，效率勁高，仲要全程冇漏過單，真心抵讚！！串燒一串串甘放係木架上，非常整齊企理，都算好乾淨衛生。店舖服務員係開始燒之前，會細心講解點樣放串燒上去個自動燒烤機上面燒，值得一提嘅係，自動燒烤機燒食物既速度都幾快，所以都要留心吾好燒過火，大約燒幾分鐘就已經食得。由於餐廳供應的食物冇乜調味，建議燒時可以按照個人喜好，自己調味，甘燒出來效果會更好食。我地燒完一轉又一轉，實在真係回曬本！食物選擇有好多款，啱曬大胃王！！美國豬肉眼：肉質比較實在何蘭豬五花：半肥瘦腩肉，燒出來好好味美國豬肩胛：肉質不太多油脂，口感不錯
以任飲任食的放題價格來講，都係二百蚊左右起，串燒款式有成四十幾款，飲品都有好多選擇，仲要食足120分鐘，價格都算幾抵食。
香料調味粉有四款，有辣有吾辣，能夠帶出串燒的鮮味。
醬汁亦有三款，中間白色樽的醬汁可以一邊燒一邊加，出來效果更惹味。
Order串燒用QR code便可，真係超級方便，而且下單後5分鐘內就送到枱上，效率勁高，仲要全程冇漏過單，真心抵讚！！串燒一串串甘放係木架上，非常整齊企理，都算好乾淨衛生。
121 浏览
0 赞好
0 留言
店舖服務員係開始燒之前，會細心講解點樣放串燒上去個自動燒烤機上面燒，值得一提嘅係，自動燒烤機燒食物既速度都幾快，所以都要留心吾好燒過火，大約燒幾分鐘就已經食得。
125 浏览
0 赞好
0 留言
由於餐廳供應的食物冇乜調味，建議燒時可以按照個人喜好，自己調味，甘燒出來效果會更好食。
104 浏览
0 赞好
0 留言
我地燒完一轉又一轉，實在真係回曬本！
75 浏览
0 赞好
0 留言
食物選擇有好多款，啱曬大胃王！！
美國豬肉眼：肉質比較實在
何蘭豬五花：半肥瘦腩肉，燒出來好好味
美國豬肩胛：肉質不太多油脂，口感不錯
豬大腸：非常邪惡，但好香口，超級肥美
M6和牛牛柳：肉質較瘦，如果多點脂肪會更好
紐西蘭牛西冷：牛肉味夠，但建議不要燒太耐，半生熟反而更好食
美國牛肋腩：牛肉味濃，夠多肉汁，juicy好味
雞卷肉：非常juicy好味
雞軟骨/雞中翼/烤雞粒：建議加多點調味粉，出來效果更香口更惹味
鯖魚：魚肉夠鮮夠嫩，
墨魚咀：好香口
多春魚：好香脆，帶有焦香感
蜆肉：細細粒，帶微微鮮味
豬柳漢堡腸：啖啖burger肉勁惹味
魚蛋：正常魚蛋，較為普通
台灣腸：外皮烤得非常香脆，內裏肉汁豐富
魚肉豆腐：好彈牙好味
菠蘿：夠鮮甜多汁
日本甜薯：綿綿感覺加上微甜味道，口感不錯！
雞髀菇/冬菇：燒完較為乾身
車厘茄：極為juicy爆汁，非常好食！！
雞蛋仔：燒完脹卜卜，超級好食，我地order了3次！！
棉花糖：好好食，不過緊記燒幾十秒就食得！
48 浏览
0 赞好
0 留言
33 浏览
0 赞好
0 留言
27 浏览
0 赞好
0 留言
最後每人有一杯雪糕。
21 浏览
0 赞好
0 留言
飲品同樣是任飲的，我地試左菊花蜜、荔枝紅茶同蜜桃烏龍茶，個人推薦荔枝紅茶，荔枝味道夠清新。
19 浏览
0 赞好
0 留言
整體來講，我好鐘意呢道個自動BBQ機，因為真係整個燒烤過程都係自動嘅，而且呢道供應嘅食物款式有好多，餐枱同卡位夠闊落，吾會好迫，環境都坐得舒服，上菜快，而且食足120分鐘冇停過，真係飽到一個點，下次即興BBQ，呢道一定係首選！！
张贴
