串爆

营业中

休息中

最近呢半年個個都話返唔到大陸，身邊每個朋友都話想食成都串串香同埋想揼骨冇辦法之下，唯有喺香港搵吓睇吓有冇依類型嘅餐廳啦經過朋友介紹，旺角原來都有間爆汗串串經過門口其實已經聞到嗰陣味，愛吃辣既人一定會垂涎三尺🤤而且價錢一啲都唔貴，仲有三個時段可供選擇每段時間為期2小食食物多款款式選擇而且最好嘅係其實係唔需要自己動手去煮，餐廳有一張點餐紙，可以直接Order麻辣湯底聞起來有陣陣嗆鼻的香氣，仲帶有麻香花椒味道，越食越過癮，頭皮發麻🤣

今日放工同友人係旺角買野， 順便晚餐，行來行去都諗唔到食嘜好，竟然見到有間新開的店叫串爆，好奇心超大的我們咪走入去八下食咩，原來食四川串串， 睇餐單有辣有唔辣，我朋友見我好似想食就入去食了。嘩估唔到都未夠七點已經滿哂人，眼見大家個大碗都紅色，朋友驚驚，因佢唔食得辣， 我同佢講唔緊要啦，我地今次食唔辣，佢先放心。我叫左d風味小食有蒜泥青瓜，棒棒雞，麻辣千層肚， 香辣黑木耳， 小食有水準。主角第一輪串串 ：泡椒牛肉，鴨舌，魚片頭，腐皮，千層肚，鮮冬菇， 娃娃菜， 玉米，白蘿蔔，蓮藕 ， 湯底唔辣第二輪串串：五花腩，豬皮， 肥腸，雞胗，鴨舌，炸魚蛋，厚百頁，珍珠豆卜，芝士腸，餐肉， 魷魚，金菇腐皮卷，呢到幾得意，先比左湯底你，你要食咩佢就係廚房滾熟拎出來放入大碗吸味， 一串串咁方便大家食， 雖然我冇得食辣，但由於食物有d 醃料都會有微辣，所以我食落係dd香辣味, 我朋友就辣到係咁飲野，呢到加30蚊就任飲唔錯， 仲要有竹庶茅根，夏枯草呢d飲。朋友亦叫左碗番茄牛肉麵食，麵質幾彈，牛肉夠淋。整體野食都幾好， 最最最正係個成都老冰粉我地一人食左3碗呀！

要在旺角覓食，廣華街會是一個好選擇，兩邊街都開滿了形形色色的餐廳，其中一間門外有小人龍，而且室內坐滿食客，感覺好吃，原來是在北方常吃到的麻辣串串，忍不住想一試。「黃金放題每位 $168（有風味小食、湯麵、串串，任飲就每位+$30」。排了半小時左右便入座。地方小小，十分繁忙，但職員反應還算快，上菜都有效率。風味小食任食，先點了幾款，拍青瓜、鍾水餃、麻辣豬紅、雞翼尖，都很入味。青瓜有點小咸；鍾水餃即是紅油炒手，不錯；豬紅入味不鬆散；雞翼尖味道似是蠔油。湯麵任食，點了碗酸菜豬肚麵，好不錯呢！麵條有彈性，酸菜很提味。吃麻辣，所以加了$30任飲飲品，點了竹蔗茅根、咸柑桔和夏枯草，都是樽裝比較衛生。選湯底，可以一人一鍋，可辣可不辣，我們就點了各一，當然最後還是覺得麻辣好吃。主角 串串選擇多樣，我們差不多點都點上了，例如成都小香腸、肥腸、雞胗、牛肉、雞軟骨、鴨舌、牛筋丸、花之苑、貢丸、魚片頭、魚皮餃、芝士腸、餐肉、金菇腐皮卷、海帶、西蘭花、娃娃菜、白蘿蔔、蓮藕和魔芋。很多都切成薄片，所以吸味又不會令人太飽滯。最後還點了冰粉！冰冰涼涼的寒天很清暑，而且還加上青提子乾和山渣，更加解辣解膩呢！

旺角行完街，去咗廣華街附近搵食。 唔想食茶記，見到呢間「串爆」，朋友即刻話好想食。 但我又唔食得辣，睇吓單張，見到原來可以揀勁辣、大辣、中辣、小辣、BB辣、唔辣，good，咁一於試吓。成都口味   鮮香麻辣。任食兩個鐘夠晒時間。 朋友叫咗中辣，話好惹味，但有少少偏鹹； 我就叫咗唔辣，清清地又得！成都小香腸細細條，第一次食，又幾好味喎。鴨舌係貴嘢，回本之選。 好耐無食嘅鵪鶉蛋呢都都有。厚百頁、金菇腐皮卷吸湯一流。魷魚既新鮮又彈牙。玉米係超好食，可能嗦咗湯底嘅味道，顯得特別香甜。除咗串串，仲有啲風味小食，蒜泥青瓜爽脆又清新。 麻辣千層肚帶有香麻味，連我都食到喎！最後一定要食成都老冰粉，清涼清甜，解辣一流！