串爆

营业中

休息中

旺角行完街，去咗廣華街附近搵食。 唔想食茶記，見到呢間「串爆」，朋友即刻話好想食。 但我又唔食得辣，睇吓單張，見到原來可以揀勁辣、大辣、中辣、小辣、BB辣、唔辣，good，咁一於試吓。成都口味   鮮香麻辣。任食兩個鐘夠晒時間。 朋友叫咗中辣，話好惹味，但有少少偏鹹； 我就叫咗唔辣，清清地又得！成都小香腸細細條，第一次食，又幾好味喎。鴨舌係貴嘢，回本之選。 好耐無食嘅鵪鶉蛋呢都都有。厚百頁、金菇腐皮卷吸湯一流。魷魚既新鮮又彈牙。玉米係超好食，可能嗦咗湯底嘅味道，顯得特別香甜。除咗串串，仲有啲風味小食，蒜泥青瓜爽脆又清新。 麻辣千層肚帶有香麻味，連我都食到喎！最後一定要食成都老冰粉，清涼清甜，解辣一流！