串爆

营业中

休息中

除咗經常遇到嘅日本菜韓國菜西餐台灣菜之外，有陣時都會想食下辣野尤其是而家就嚟去到冬天當然要食下辣暖下個身啦😊得知旺角有一間就係食一串串嘅麻辣燙仲要有得放題，又鍾意少食多滋味又鍾意食辣嘅當然唔可以放過。首先睇吓餐牌你可以選擇嘅食物都非常之多，肉又有丸又有菜又有，辣到都可以隨自己喜歡而選擇。就算係放題嘅價錢都真係夠晒經濟同埋實惠，一班人一串串咁樣真係好似喺度燒嘢食，平時食得多日式同埋韓式放題依家嚟少少川式都多幾好😊👍🏼個人會推介雞肉牛柏葉，呢兩款食物只要一浸完麻辣嘅湯底之後會零瀉入味，尤其是雞肉因為上菜之前亦都會烤過少少，所以唔會剩係得辣味而係有啲似燒烤完再配少少辣汁嘅味道。蔬菜類嘅話無論係粟米定係番薯又或者各式各樣嘅菜類都非常之新鮮，重點都係可以一啖一串，少食多滋味就係咁解😁😁如果開始覺得熱或者覺得辣嘅話旁邊仲有好多種類嘅飲俾你揀，咁啱我就係椰子愛好者所以可以瘋狂飲唔常出現嘅椰子汁，另外亦都有汽水豆漿啤酒，所以真係好為食客貼心。 另外亦都因為場地唔會太大所以上菜嘅速度亦都有一定嘅保證，包保喺時間完之前每一個都可以飲飽食醉，滿載而歸咁樣返去👍🏼👍🏼👍🏼👍🏼👍🏼👍🏼

放工同同事肚餓，又唔想食甜品，留意到旺角有間係食四川串串，辣辣地感覺幾開胃，就黎試下先！呢個係一間小店，地方都較為淺窄，但係勝在環境都乾淨姿整👍🏻一坐低店員有問我哋想散叫定任食，因為見到價錢都相差唔遠，最後我哋揀咗任食。宵夜時段就每位$128加一。因為我同朋友都比較肚餓，一上到黎就係咁tick咗好多😂❤️前菜係麻辣千層肚/手拍青瓜麻辣千層肚我就覺得幾辣，幾入味，有四川的感覺👍🏻都算好食。手拍青瓜略嫌淡咗少少，不過當清下腸胃另外一個前菜棒棒雞就有啲似手撕雞，佢用個醬料類似日本胡麻醬咁酸酸地幾開胃串串我地叫左小辣，一上到嚟勁大碗😂差d嚇親。因為朋友唔太食得辣，佢就覺得小辣啱啱好😌串串整體來講都入味，我個人最鍾意食腐皮同雞肉👍🏻枱面側邊有個筒仔俾我哋放竹籤，我諗呢度只係我哋食嘅¼😂食完辣野黎返碗冰粉，呢個係四川成都特色甜品，甜甜地好似啫喱咁，解辣一流👌🏻

好少見既四川串串放題，有各種辣度同唔辣，既可以滿足嗜辣既人，又令食唔到辣既人一嚐四川"麻辣"燙既滋味。提供2小時任食，加$30任飲。點好串串數量後，廚房會用指定湯底淥好，再一大盤浸住湯底上枱食。叫咗BB辣，都容易入口，愈食愈有麻辣既感覺。除咗串串，各種風味小食都係任食，份量精巧，可以多試幾款，全部都係耐心醃製而成，非常惹味。例如有香辣無骨鳳爪、麻辣豬紅，少少辣但唔係嗆鼻個d。蒜泥青瓜爽脆、滷水雞翼尖亦入味。最後仲可以叫四川湯麵，同埋甜品成都老冰粉。冰粉黏黏軟軟，加埋酒釀、提子乾同山楂片，特別解辣。串串種類有好多，好似平時打邊爐既配料，肉、丸、菜類，不過串係竹籤上，容易吸收湯底既精華。以下幾款好好味，叫左好多串。鴨舌好爽口。成都小香腸，好似臘腸。雞軟骨、千層肚夠爽。蓮藕、豆腐乾、魔芋容易吸汁，所以偏辣。整體，抵食又可以過口癮，鍾意辣既朋友唔好錯過，可以挑戰辣度，一串串食仲好方便添。送菜好快手。

去到廣華街見到依間食成都串燒任食，就入咗去一試，兩小時任食任飲。 叫咗個青瓜鳳爪同千層肚。食過青瓜好開胃，嘻嘻個千層肚有驚喜，下邊仲有娃娃菜叫咗第一輪先，間野好好呀，每樣最多2串，1串個量又唔多，好岩我只想試試味。覺得好食再叫咁樣，唔會浪費食物！ 都係叫咗我鍾意食3娃娃菜薯仔腸仔魚皮餃。我就叫左bb辣，我平時食開小辣嘅，呢度叫bb辣我覺得就差唔多。火腿包住金菇食咗三輪就已經好飽。值得介紹佢個豆漿，我未飲過豆漿係一罐罐裝，我望埋去糖份唔係好高好似先得四點幾糖。我兩個人飲咗佢5個而且侍應姐姐服侍好周到，態度好好，在場有學生哥仲會主動關心佢哋食得夠唔夠仲有啲咩想要，好有人情味的說。佢入邊仲有洗手間供應，都好乾淨下同朋友其實宵夜輕鬆一下坐兩個鐘我覺得好舒服，好放鬆嘅感覺

百幾蚊放題，睇落去幾抵，但係選擇好少，特別肉類好少，得丸類蔬菜比較多，性價比低。湯底唔會加唔會換，麻麻地。另外野飲要加30一個，加一之後都200一個。味道都係還好

呢排天氣開始轉涼🌬好想食熱騰騰嘅食物為身體取暖😆經過附近見到好多人排晒長龍,原來係食四川麻辣串串😍見到價錢之後終於明白點解會咁多人!每人只需$128就可以任食+多$30飲品任飲(記得睇時段)👍覺得CP值真係好高,食物正宗好味又多有選擇,強烈推介！棒棒雞⭐️雞肉好嫩滑,麻醬味濃郁,就算食好多都唔會膩😋係咁重複叫真係好好味推介👍香辣無骨鳳爪⭐️酸酸辣辣好開胃,最鍾意佢啖啖肉。麻辣千層肚⭐️牛柏葉爽口彈牙好過癮。麻辣豬紅⭐️香辣蓮藕片⭐️食落脆卜卜令我食不停口,麻辣味偏重好適合我呢啲重口味嘅人😆麻辣串串🍢我叫咗中辣,辣到剛好!食物種類好多,我最鍾意麻辣牛肉,成都小香腸,泡椒肥牛,萵筍,鴨舌等等...火鍋川粉⭐️口感煙煙韌韌好特別,第一次食愛上了！成都老冰粉⭐️用紅糖熬製,食完辣野食一口可以解辣,口感似啫喱食一碗已經好滿足。

廣華醫院附近一向都有好多野食，今次試啲傳統啲嘅串燒～$100幾蚊會有得任飲任食，舖面唔算好大，不過都坐得舒服我地先叫兩個小食，不過其實我地都唔係好食得辣，一叫叫左個豬紅，即刻醒哂，隔離係棒棒雞，超級岩唔多食到辣嘅人用尼balance返，我地前後叫左4-5碟！尼個雞翼尖都好值得推介！都係岩食唔到辣嘅人，卤水！好鍾意尼種串燒，唔會食完由頭髮到面都好多油都係陣味，尼種免卻左尼個麻煩尼個一見到好多串，就已經有超級滿足嘅感覺！特別推介！ 雞肉！鴨舌，牛根丸，豬皮（略厭魷魚未夠入味）不過我地兩個食肉獸，掛住食肉，都無見到啲蔬菜同菇🤣成都老冰粉，我第一次食！見佢咁特別，點都要叫尼試下，有桂花香，口感適中嘅蒟蒻咁，凍凍地食，涼返個咀，又見識多一樣野喇！

今日經過旺角，一直都有聽朋友講呢間串爆放題好好食，所以今日特登去試吓。正宗成都口味，麻辣串串😋🌶🥰入面環境都好闊落，最重要嘅係侍應哥哥非常之有禮貌同友善，主動向我哋推薦，仲叫我哋試多啲唔同款式串串😍食物方面，個餐牌十分之豐富，有好多唔同款式哇😍因為我怕太辣所以第一次揀咗小辣，個泡椒肥牛、肥腸同五花肉真係一定推薦！好入味好入味，肥牛包住一個泡椒，五花肉唔會太難咬，好軟。不過我最鍾意食嘅就係萵筍！佢最精粹係個湯底，好似啲麻辣燙咁，好入味好好味😋😋🤙🏻魷魚、腸仔、花枝丸、仲有好多好多都好正！🍡辣味濃但唔會令喉嚨乾，辣得滋味☺️第二輪我就挑戰難度，試吓中辣😋🌶果然真係有成都風味啊好好味！不知不覺食下食下都食咗60串🤪以下呢三款涼拌小食都好好味；1️⃣蒜泥青瓜🥒🥒🥒（4/5）2️⃣棒棒雞🍗🍗🍗（5/5）3️⃣麻辣千層肚🌶（4/5）青瓜口感爽脆😋雞肉嫩滑，配合麻醬😋麻辣千層肚即係牛柏葉，切成小塊爽脆😋仲有呢一個成都老冰粉😋食完啲麻辣嘢之後食佢真係透心涼，好清甜冰涼😋甜甜地，有啲似啫喱，做一個飯後甜品係好適合🤪😍價錢方便真係好抵呀，$128任食兩小時，仲要咁多類型揀，真係好值得去試！加$30仲有得飲品任飲！大家經

帶咗個同我一樣好食得辣嘅朋友🌶️試下食下呢間 香港好少會有咁平嘅麻辣串串🍡🍡仲有多款風味小食可以任食 而我哋揀嗰段時間 任食兩個鐘都係$128+10% 算幾抵食🤩串串放題 有好多辣度俾大家選擇🌶️而我哋知道香港啲辣唔太辣 所以就叫咗勁辣湯底🌶️🌶️🌶️🌶️🌶️不過食完都覺得唔係好辣 可能我食辣已經食到無哂感覺😂如果怕辣嘅朋友仔 就揀返小辣就👌啦 而佢哋有40款串串畀大家揀 想食啲咩響張紙剔就得架啦 夠哂方便😉棒棒雞雞肉嫩滑🐔配上麻醬一流 幾好食🤤🤤涼拌海帶絲爽口鮮甜 前菜夠哂開胃👍麻辣豬紅唔太好食 無咩味 只係好似普通豬紅一樣香辣蓮藕片味道咸咗少少 不過就夠哂爽脆😊香辣無骨鳳爪呢個整得唔錯 微辣帶有一點鮮甜嘅味道😆😆成都老冰粉食完辣野 食返啲甜品就啱曬啦 勝在唔太甜 不過我覺得少咗啲山渣餅 多返少少應該好食啲🥰

廣華街呢頭係小店聚集嘅地方當中都藏著好多隱世美食今日一於試試串串麻辣燙 暖一暖個胃麻辣燙有得單點或任食或外賣亦都係分時段收費晚上9:30 平日 都有一半枱我同朋友揀左任食任飲野食只需要剔便可 姐姐會跟返人頭俾數量飲品有椰子汁好surprise 第一轉每款都會俾多串 所以一上枱功豐富辣度只需揀一次 因為之後加單 姐姐會事先燙好再浸落返個辣湯辣湯入面有齊香料 我叫左小辣啱啱好唔會話太辣 呢度嘅辣係唔會麻嘅 可以不停食 一串大概有一舊或兩舊野食 所以雖然望落好多串但係食得晒既野食太多 揀啲重點講下蓮藕好爽口鴨舌 夠特別 唔係成日有得食牛根丸 牛味重魚皮餃 juicy 無漲大 個皮唔會爛 千層肚 即牛栢葉 吸湯 同爽口魷魚 又係爽口彈牙無overcooked五花肉 又唔會話太肥 薄薄一塊又幾好食成都小香腸 幾得意 有少少臘腸嘅感覺仲有小食任食 棒棒雞即係麻醬雞絲 麻醬味濃無骨鳳爪較辣 麻辣豬紅 爽口仲好熱辣辣添火鍋川粉 厚身 吸晒湯 滑嘟嘟 勁唔辣嘅有瀂水雞翼尖大大隻翼尖最後仲有冰粉解辣 有啲山渣係面頭甜甜凍凍的好抵食嘅一餐 姐姐仲好好客

係香港真係好難得搵到一間專食「串串香」既食店 係其他地方食 一串都十幾蚊 食小小已經好貴 😭😭竟然比我搵到一間任食嘅！ 仲要係正宗嘅成都辣味😍 Menu 基本上都應有盡有！ 我地偷聽到一杯罐裝飲品要$15 支裝$18 （好似） 所以我地點都加$30任飲！ 我哋每人都好似飲咗3支/罐 ！ 支裝都係大大支😍Eg 水 豆漿 綠茶 椰子汁 菊花茶 D串串製作中 小食好快就上到枱😍 我地第一round 試左 -蒜泥青瓜 （唔辣可以解辣！） -香辣蓮藕片 （健康之選😍 好食過串串香 叫左2碟🤭）-涼拌雲耳 （偏咸左少少 不過好正😍 麻麻地🤤）-麻辣豬紅（ 最愛係呢個！ 但原來已經飽到叫唔到多一碟😭）哇！ 超正！ 滿滿既一盤好吸引🤤🤤 我地叫左大辣😂 佢嘅大啦唔係香港嘅大辣🤣 係成都lv🤣 辣到我呱呱叫 飲勁多豆漿解辣 😂你睇吓大大嚿五花肉🤤🤤 幾入味！ 係減肥恩物（魔芋） 好難得先叫到佢 通常見到都係一大舊 原來棒棒雞係 （拌拌雞） 即係青瓜拌麻漿手撕雞😍 絕對沒有吝嗇d麻漿😍 好好味 又叫左2碟🤣🤣-涼拌海帶絲 都好正 不過如果d海帶再粗小小就好了 🤣🤣 就更有咬口😍 重叫左碗川面 sha

轉咗新工之後終於唔洗晚晚留到11點12點先收工抽空可以同朋友食晚飯有時候 番工番到冇得食午飯所以夜晚個一餐好重要㗎今晚黎到旺角食飯唔知食咩好廣華街一帶有好多餐廳見到呢個串爆係食四川野就試下啦我哋係夜晚2130之後先入座所以$128就可以任食串串啦連小食都可以任食呢個價錢真係好抵食串串點可以唔飲野所以我哋加多30蚊任飲其實飲品既選擇都好多基本既可樂個d都有但最近實在飲得太多啦我就健康d飲豆漿啦😂要咗2個小食一個係棒棒雞呢個係每次食四川菜我都要食既呢個棒棒雞好好食雞好滑身再配埋胡麻醬👍🏻👍🏻👍🏻蒜泥青瓜d青瓜入哂味蒜味適中 我自己本身超鐘意食蒜如果蒜味再重d就再正d串串個湯底只係for第一次簡既唔會重新點一次就俾上一次新既湯底既~我同朋友都係鐘意食辣但又唔係食得好辣所以保險d我哋都係簡不辣不過不辣都係有d辣既😂因為有d食物本來就有辣味所以唔太食得辣既不辣都好足夠㗎啦叫咗2轉其實已經好飽因為我而家夜晚已經食少咗好多但係有d我覺得係必點既串串1.五花肉2.雞軟骨3.豆卜4.魔芋呢幾款都好入味辣得黎好正好夾👍🏻

係油麻地無意中發現依間四川嘅串燒鋪頭，原來都好多人排隊食喎雖然間鋪唔算好大，不過有得擺個袋喺個籃入邊，都坐得幾舒服！我哋係9:30pm 後食所以每人都係$128，堂食放題就任食另收加一。佢有勁多串燒嘅款可以揀，不過每一輪都要揀辣度，小辣嘅話就成碟都係小辣。首先第一輪梗係要試吓佢個泡椒肥牛、麻辣牛肉、豬皮、雞翼尖、花枝丸、鴨舌、魚片頭勁多四川地道嘅嘢食，我嗰個泡椒肥牛整得好好食，不過唔識得辣嘅朋友就要嗌定杯嘢飲先啦第二輪就梗係要叫啲菜同埋瓜食下，冇咁油膩呀嘛！我不嬲都係鍾意食菜嘅人所以我覺得好好食呀，啲素嘅串燒，好入味啊！最好食嘅我覺得就係魷魚🦑冬菇、娃娃菜、蓮藕，蓮藕整得好出色薄薄地一片咁樣但係又好爽口另外，冬瓜、薯仔🥔同萵筍都好好味最唔少得嘅就係魔芋！仲有好多風味小食都係任食，我哋就食咗香辣無骨鳳爪、滷水雞翼尖、同埋棒棒雞（即係青瓜伴雞絲）全部都係涼拌，辣辣地好過癮好開胃嘢飲我哋就叫咗菊花茶、好耐冇飲過嘅椰汁🥥，同埋無糖可口可樂。咁梗係每人至少飲兩杯先得啦，椰汁用嚟解辣係一流呀！

廣華街個一帶不嬲多嘢食，有選擇困難症嘅我哋行行下見到一間門面尤其搶眼嘅舖頭✨咁啱我哋17:30左右到，撞正19:15前離座嘅優惠，$128+1 就可以食兩個鐘✌🏻連埋飲品(加多$30任飲) 都只係$174一個人，值得一試👍🏻我哋叫咗小辣，趁熱食嘅時候都幾辣喉😵食完一輪之後，再叫嘢食會重用番個湯，店員會將啲熱辣辣嘅串串放番入去😂串串選擇望落好似好多，仲可以叫其他風味小食😋每人每輪每款串串可以叫兩串，每串得一粒，如果中意食某款串串要不停「入紙」😂最鍾意佢嘅泡椒肥牛🤩成功咁衝擊左我嘅味覺超上癮！🤩🤩風味小食方面，我哋叫咗蒜泥青瓜、棒棒雞 (芝麻雞絲青瓜) 同涼拌海帶絲 (麻辣味)，細細份啱曬開胃👍🏻整體而言都幾特色，中意食麻辣湯嘅可以一試🤩

旺角🙌🏻可算是九龍最多姿多彩嘅地區商場/女人街兩旁都設多間不同類型餐廳而廣華街亦同樣廣為人知👥今次我就同朋友揀咗間專食成都串串的因為香港不多餐廳會有這樣的放題供應🧐餐廳收費清晰💕只需要按照入座時段就可最平時段$128 就已經可以任食兩小時😋湯底分別有大,中,小,甚至唔辣都得🙆🏻‍♀️而辣度只需要在第一次選擇就可以了除了串串 就連啲熱門嘅冷盤小食都任食的當中包括「棒棒雞」：麻醬伴雞絲🐥雞肉嫩滑味鮮 配上香濃的芝麻醬以此作為前菜👅特別醒胃甚至麻辣千層肚,豬紅都有添🤤而且絕不馬虎👏🏻色香味俱全👏🏻麻香十足兩者亦分別用上娃娃菜 及 韭菜墊底都是能吸盡精華且配搭麻辣最正的蔬菜難得一場嚟到就梗係要叫返個大辣開心下反正朋友都接受到 願意陪我癲♥️而第一輪相信大家都會選不停手所以一上枱就會見到整碗好澎湃,豐盛但好在我們只是兩個人👯‍♀️相信如果再多人一齊食可能就會不夠擺🤭大辣🌶令湯底顏色變得紅卜卜 非常鮮艷更是香氣四溢 讓人頓時胃口大開👃🏻辣味既香口惹味 卻又做到不嗆口再同時間望住樣樣都係我鍾意食嘅嘢一時三刻變得選擇困難症🤯🐮麻辣牛肉絕對是必食之一🔝🔝除咗有原本湯底的香辣味 這牛肉經醃製後又夠晒香濃鬆軟更增