串爆

营业中

休息中

串爆最近發現喺旺角廣華街新開有間食川菜嘅串燒，真係幾正門外有小人龍，而且室內坐滿食客，感覺好吃以串燒放題為主，港式串燒就食得多啦，但串燒又放題真係好少食仲有多款小食任食放題 $168，加了$30任飲飲品，有豆漿 夏枯草 竹蔗根茅根等樽裝比較衛生棒棒雞食落口其實就好似手撕雞配胡麻醬咁雞肉結實加埋胡麻醬幾好食甜甜地又唔會太漏。蒜泥手拍青瓜蒜蓉味濃串燒四十種配料可以選擇串串選擇多樣，我們差不多點都點上了, 湯底辣度都係自選有唔同嘅辣度可以揀我地點左中辣熱辣辣，好好食雞柳質感嫩滑。花枝丸爽口又煙韌。甜品成都老冰粉，加上青提子乾和山渣，食落口解膩同埋解辣一流。超級好味既小店食前最好訂定位 可以減少等候嘅時間

旺角四川式串燒黎到旺角，同男朋友仔想試下川式串燒，咁就黎到位於廣華街專食川式串燒既串爆。佢空間唔算多，坐得比較逼。餐廳以放題式落餐，岩曬餓底既我同男朋友仔。價錢：$168+$30(飲品)味道：8.5/10我同佢分別叫左一個小辣同清湯既湯底。我就叫左萵苣，雞肉，鵪鶉蛋，金菇。佢另外仲有一個比較少見既厚百頁，食落去海應既特別～而男朋友就叫得比較多肉類，有魚蛋，牛肉，雞肉，餐肉，芝士腸等～佢特別推介餐廳既餐肉同魚蛋。餐肉切得好厚身，而魚蛋就好彈牙，勁好食。餐廳另外都有提供小食同飲品，都係以放題形式去叫。我地叫左個棒棒雞，其實都係類似雞軟骨加大量芝麻醬，幾開胃。值得一讚，餐廳都有提供白飯！岩曬鐘意食飯既我地～特別值得一提係佢個甜品好好食，似硬少少嘅涼粉，但又唔會太甜地址：串爆 (旺角)旺角廣華街2-20號翠園大樓地下2號舖

廣華街出名多好野食～今次拉埋朋友一齊黎試下成都串燒差唔多有6、70款野飲野食選擇🤩仲有得揀唔同辣度～風味小食/前菜：麻辣豬紅-好爽口、入味～朋友大讚好味😋蒜泥青瓜-室溫、唔係冰凍的👍🏻女仔食都唔怕寒涼，蒜泥香口🧄跟住係我地既主菜🤣點咗超大盤～辣度我地揀咗小辣，食唔慣辣既朋友仔，建議點小辣同BB辣就好了😋菜類多數放在底，上面係肉類，串燒好入味😋超中意食佢地既西蘭花🥦好淋又入味，encore咗3、4轉🤣腸仔、午餐肉、丸、肉類都好正呀🤣我地係咁喪食，好似打邊爐咁🤣 坐定定等食既感覺，真係好正😆😆我地仲試咗火鍋川粉（豬骨味）第一次食，原來好煙銀，口感Q彈，好正🤣成都老冰粉-口感有d似涼粉，上面有d水果乾，酸酸甜甜，幾開胃～食串燒當然要飲野，我地加咗$30任飲～成餐飯超豐富，勁滿足😆😆

//未試過食麻辣串串今次旺角見到間可以任食嘅串串試試成都風味先～～第一次落單要選擇返辣度如果唔食辣都有得揀豬骨湯底不同時段入座不同價錢勝在星期一至日同價👍🏻串串嚟之前我地首先食咗小食麻辣無骨鳳爪、麻辣雲耳加咗醋嘅雲耳更爽口 鳳爪有嚼口 正！串串放題我地叫咗好多餸其中成都小香腸似mini版臘腸 好味道肥腸好香 少少脂肪 好邪惡～愈食愈辣 追加$30任飲飲品呢道仲有麵食、白飯任食～食到飽飽 最後食碗小小成都老冰粉作尾 完美～！

餐廳：串爆 (旺角)地址：旺角廣華街2-20號翠園大樓地下2號舖唔知你有無食過串串火鍋呢🍢？呢種用竹籤插住食物再浸入湯鍋入面，一串一串吉住黎食嘅食法慢慢開始係香港流行🍡，亦愈開愈多相類近嘅店今次去到旺角廣華街嘅串爆食串串放題😋，即刻睇下有咩食先😎，7:15pm前埋單就$128加一食兩個鐘，加$30有野飲任飲，可樂、豆漿少不了，仲可以叫啤酒架🍻辣度有5️⃣個選擇，唔食得辣嘅人仲可以揀唔辣嘅豬骨湯底，問左店員話最多人揀中辣，所以我就一於試下佢地中間程度嘅中辣🌶，辣得幾過癮😆，食落口先係辣嘅香味同熱辣辣感覺，之後就慢慢感受到麻嘅滋味👅（我就覺得下次可以挑戰下大辣），如果個辣度太勁或者唔夠喉仲可以換過個湯底添串串食物有40款，特別推介下佢地嘅雞軟骨，入口爽脆，可以過下口癮😁，另外呢到嘅厚百頁（牛柏葉）都幾彈牙入味，可以順便一嚐熱辣辣湯底嘅精華🤩除左串串之外仲有9款小食同5款粉麵🍜，白飯都有得叫🍚，香辣無骨鳳爪係另一個必叫之選😍，醃得好香好好食，仲要真係無骨架，愛辣之人一定會愛上❤️順帶一題呢到上野食嘅速度都幾快👍🏼，叫完轉過頭就有，係串串可能每轉要等5-10分鐘左右，算幾抵食

其實平時好少食呢類型嘅麻辣串串因為我唔係一個好食得辣嘅人🤔🤔但今次因為朋友話想食所以就去咗呢間應該係新開張嘅串爆———————————我地去嘅時候已經係八點幾正價時段嘅話就係$168@1 再加一幾乎都有40幾款麻辣串/麵/甜品可以任揀同埋我衷心建議一定要加$30要嘢飲放題因為食辣野冇嘢飲我會好想死😢😢同埋會食到好熱我哋一開始係嗌BB辣嘅主要係嗌肉類同埋丸類😄😄例如係雞肉、牛肉、五花肉、貢丸同花枝丸但係我發現自己真係afford唔到嗰邊嘅辣度（我食到個喉嚨幾乎着火咁滯）所以食咗一陣我都係主要嗌返要一碗豬骨湯（不過其實啲串燒煮嘅時候已經係有啲辣）我自己就覺得啲質素都算唔錯例如係啲雞肉同埋牛肉都唔會煮得令到佢哋太韌😆😆所以我一直都Encore 啲雞肉❤️❤️❤️ 同埋都有Encore貢丸同埋佢哋嘅珍珠豆卜（我自己就覺得珍珠豆卜擺喺豬骨湯度會好食啲）而佢呢度都有幾款麵可以揀可以揀要麻辣湯底定係豬骨湯底但係我哋食完一轉已經有啲飽所以就無嗌到要麵呢度亦都係有10款小食可以任揀嘅我哋嗌咗其中2款，就係棒棒雞+鐘水餃我幾乎encore左嗰個棒棒雞三至四次❤️❤️因為棒棒雞係將啲雞肉mix埋啲芝麻醬而且我係一個超

好耐以前喺大陸食過串串，又辣有香好過癮，香港比較少呢一類嘅食店，不過近年都陸續店舖主打成都串串，呢一間最近都係新開，聽朋友講唔錯，所以就黎試吓。我同朋友6:00入座所以每位都只係$128，就可以任食串串，選擇都幾豐富，除此之外仲有多款川式小食，仲有湯麵任食添！唔使驚唔夠飽！《香辣無骨鳳爪》《麻辣千層肚》果然夠香夠辣，無骨之餘食起嚟好爽脆，作為餐前小食真係好開胃。而千層肚亦好好味！《棒棒雞》其實呢個係涼拌雞絲，表面有胡麻醬，食唔到辣嘅朋友可以揀呢個。到咗重頭戲串串，因為當日腸胃唔係咁舒服，所以嗌左豬骨湯，同樣濃郁，唔怕淡口。而且串串本身都小辣，入味。每一串既份量都唔多，唔夠再嗌，可以避免浪費食物，味道都不錯。《番茄牛肉麵》雖然係蕃茄湯底，但係湯底都有少少辣。值得一讚係牛肉好林同埋好有咬口，麵都頗彈牙。 總括黎講$128一位有禁多野食真係好抵，推薦！

星期五收工約左朋友去左旺角買野同食飯行到去廣華街一帶穩下有咩食🍽見到有間個名好型棍嘅餐廳叫串爆✨✨原來係食麻辣串串任食放題😌任食放題 $168最方便就係就係可以剔剔紙上面剔✔️✔️一送上嚟就食得😝串串🍡有四十種配料可以選擇架😄小妹推介鴨舌 魔芋 厚百頁 同蒿荀仲有多款肉類 海鮮 丸類 蔬菜可以揀🥰個湯底辣度都係自選🌶🌶有唔同嘅辣度可以揀仲有唔辣 係豬骨湯☺️啲食物仲要吸晒啲辣汁 好香間唔中食下辣 都幾過癮🤣🤣風味小食同甜品方面🍽都係啲特色小食 我地嗌左麻辣千層肚 滷水雞翼尖 蒜泥青瓜同棒棒雞我地係咁蒜泥青瓜同棒棒雞嚟食 用嚟解辣😜😜甜品係成都老冰粉食完辣嘢食就最好不過😂 入面加上山楂同提子乾 清甜 解辣一流加$30 任飲汽水啤酒仲有豆漿 夏枯草 竹蔗根茅根等等嘅飲品見到枱枱都有加 始終都係食辣野😝.小貼士🔖🔖:📌唔同時間有唔同嘅價錢 食之前可以留意返時段📌食前book 位 可以減少等候嘅時間

朋友話黎試下 要Book枱都好閒 冇咩問題我地打工仔放工先食到 所以我地Book 9:00p.m 諗住因為Book左會預好時間俾枱 等都唔洗等好耐嘛 點知個阿姐同我講未有位10:00p.m番黎先有位 咁我Book黎做咩🤬我同朋友周圍見到好多人排 行左好耐又冇咩心水我地見到差不多10:00p.m我地又餓又嬲 就衝番去拎位 食野剛好有個員工知我地Book左 同我地講有位我地就入左去 都覺得間野好細又好迫 啲位set到好近好埋 我地一坐低 又係個阿姐 佢同我地講：下次話有位 要係門口繼續企係到等我就好嬲咁回應：係你叫我地10:00p.m番黎有位佢冇回應走左繼續做野我同朋友點野食 叫最少個隻辣 啲野食可以辣到冇哂野食味🤯得個辣字叫第二轉醒啲要唔辣 俾清湯之後佢成碗串燒隊埋黎諗住放落辣湯到 我地叫停佢問：我地要唔辣喎😥佢竟然答：唔放落個湯咪唔辣囉！佢就咁放哂係個碗到 完全冇湯咁俾我地食🤯原來唔辣係唔俾湯 有冇搞錯🤬🤬🤬之後再叫多轉 個妹妹落單 佢俾我地個陣就有俾清湯我心諗呢到到底咩事 其實員工都冇問題咁係個阿姐奇奇怪怪 做野極馬虎 又冇服務態度個樣又黑口黑面 我得罪你啲咩呀 我入黎食野姐最好仲好

最近屋企附近新開左間主打正宗成都串串風味放題的「串爆」。星期一至日自選兩小時，多款風味串串、小食及湯麵都任食，價錢最低又$128起，非常超值抵食湯底有辣有唔辣，有多款不同辣度🌶️，任君選擇鐘水餃🥟水餃皮好似雲吞咁薄，細細粒，裏面係豬肉餡料，配上辣辣的紅油，好滋味蕃茄牛肉麵牛肉片好嫩滑，微微辣，好惹味！蕃茄就juicy又清甜～滑溜麵條配上鮮香麻辣嘅湯底，正啊呢碗串串大雜錦集結十多款我喜愛嘅食材，同朋友一齊開心share就最好不過！揀咗豬骨湯底，味濃鮮香！墨魚丸、魚皮餃、貢丸、牛筋丸、魚片頭、豆腐乾、厚百頁、海帶、娃娃菜、黑木耳、魔芋、腐皮、雞柳、牛肉等等，每款都吸收晒豬骨湯嘅香氣，熱辣辣，好好食

首先食物其實是還可以的 但服務態度和上菜是超級超級惡劣！！！從來冇試過咁不滿地食一餐飯！2個鐘頭嘅進餐時間，叫咗不下於10張單，當中只上咗5、6次菜，仲要每次都落漏單，叫咩咩唔上（鵪鶉蛋、金菇、冬菇、魚片頭、魚皮餃、菜都幾乎冇上過咁濟），秉持著唔好太浪費嘅精神，我地每樣餸都唔係叫好多，但下下都唔做我地張枱，其他枱明明唔早過我地俾單，就連續好幾輪都未到我地，我明白及體諒多單係要等，但都冇理由次次都miss咗單又上錯菜嘛（例如只點過1次雞柳就上咗3-4次、又上咗冇點過嘅魷魚）唔好以為到夠鐘啦，就可以趕人走先得ga！食物還是其次，服務態度係無比地差！催咗幾次單，只係講’煮緊啦今日好多單‘ 入面做嘅後生女仲要黑面睥住我地！最最離譜嘅係，有嗰阿姐仲要拎手機影我地大頭！！惡人先告狀，話就話2個鐘頭，我地4個人起碼有一半時間係等佢上菜。最後我地係食長咗15分鐘，因為一路都唔上嘢俾我地，佢要我地埋單仲要串我地過咗時，咁咪同佢地講返係因為你地上菜好慢又上錯嘢，，我地根本冇食幾多嘢！，佢就一句‘都冇催你地走’ 但後面有張枱明明仲早過我地黎，但好似係識得嘅就夠鐘都係一路冇講嘢，仲要打埋牌劈酒添！真係人如其

你鍾唔鍾意食串串？串串原來都可以食得滿足～串串都可以有放題！但係香港又好難搵到正宗嘅麻辣串串，呢間成都麻辣串串放題就係旺角，地理位置好方便2個鐘任飲任食放題時間都真係好多而且款式都多種選擇解辣飲品可以有豆漿、竹蔗茅根或者鹹柑桔💕鍾意飲汽水呢度都有㗎！ 每個竹籤串起食物，加上秘製麻辣湯中真係辣得過癮！而且呢度辣度都可以選擇，非常貼心！食唔到辣都可以轉豬骨湯，都唔錯有牛肉、五花肉、魚蛋、花枝丸、豆卜、千層肚、魷魚、鴨舌等，我都試過曬，樣樣都好味，建議每人一次食一串試下先，鍾意就繼續嗌因為上菜都好快！魷魚好爽脆，不過就冇咁入味其他配菜都要試下，棒棒雞、滷水雞翼、無骨鳳爪等都 唔好錯過❤️唔夠飽仲有主食，但我就真係我已經食到好飽⋯⋯唯有下次去食啦甜品記得食返碗冰粉解辣啦！凍冰冰，好適合食完辣野✨✌️環境來講雖然唔係好大不過都坐得舒服，記得要提早預訂！

服務態度差上菜經常上錯 上少落左好多張單 淨係上少少 又要等勁耐推卸責任單多 但其他台上齊 又上得多冇個個菜 唔講聲就直接畀其他菜落3張單 淨係得1張單嘅嘢 仲要得好少落左十幾張單 都唔夠人地1張多唔會再食

服務質素非常差，每一次落單後，她上的菜都是不一樣的，兩小時共交了九張單，只上了五次食物，五次都是錯的！跟他說錯了，他就說對啊，然後就沒有處理。甚至黑面對大家！服務態度勁差，上菜效率也極差！

吾知大家食過四川嘅麻辣串燒未呢？仲記得自己好耐之前喺上海實習過，機緣巧合之下喺戈度食過四川嘅串燒，一直都念念不忘。但係香港確實冇乜四川嘅串燒可以食，極其量係有好多港式嘅燒烤，自己都試過好多間，到最近發現喺旺角廣華街一帶有一間食川菜嘅串燒，真係幾正終於有機會重拾嗰份回憶。店名真系夠曬特別，叫「串爆」，唔知啲人係咪真係咁串？餐廳晚上以串燒放題為主，港式串燒就食得多啦，但串燒放題真係好少食，放題都可以話係依幾年嘅潮流，用一個價錢就可以不停食自己想食嘅嘢，真係會好滿足佢啲食物種類都唔少啊，蔬菜、丸類、肉類等等嘅都有。仲有幾款風味小食，當然都係任食㗎。揭到餐牌另一頁系粉麵類同埋飲品類，粉麵可以揀麻辣或者豬骨湯底。食正餐之前就梗係食啲小食頂吓肚先，分別叫咗滷水雞翼尖、香辣無骨鳳爪、棒棒雞同埋蒜泥青瓜。滷水雞翼尖嘅滷水味好濃郁，簡單啲黎講就系好入味，啲皮都好嫩滑。棒棒雞算係幾款小食入面比較啱我食嘅，食落口其實就好似手撕雞配胡麻醬咁，啲雞肉比較結實，加埋胡麻醬幾好食，甜甜地又唔會太漏。蒜泥手拍青瓜嘅蒜蓉味都幾明顯，青瓜就夠爽口。佢成堆咁黎，要一串串咁影就影吾到了🙈唯有用呢個視角啦。叫嘅野都幾多，有五花