串燒屋

营业中

休息中

自轉燒根本就係為懶人而設，串燒識自己轉，熟就食得，正！呢到食物種類都多，黎得都快，但會有漏下單咁，但唔算多既。呢到轉下轉下又幾岩幾個朋友黎傾下計咁食，再加上呢到有唔同既飲品同前菜，而重點佢係既飲品係有啤酒揀，任食串燒再加上任飲啤酒真係超嘆，但係有唔夠好係佢d啤酒一開埸既時候係唔凍，之後再拎都係唔算夠凍，呢樣係扣咗分既。不過吒間款式多又有啤酒飲係都值得去食下。

自動轉 唔洗自己燒可以專心同fd傾偈 都唔怕啲嘢窿唒比起想像中 冇咁大煙抽風系統做得幾好個爐都幾猛可以寫紙仔叫嘢食或者行去出面雪櫃攞嘢食雪櫃裏面仲有好多甜品同埋嘢飲有好多唔同顏色啫喱杯 泡芙仲有個雪糕櫃嘢飲方面 除咗罐裝飲品仲有一啲杯裝 檸檬雪米水燒蠔 燒帶子 燒青口 燒茄子上面嗰pat 蒜蓉 好正 好嘢味最欣賞嘅就係燒肉 很薄片 好快熟可以調教自己喜歡的味道枱面有海鹽 孜然粉 辣椒粉 炸物大部份都是放題類型都吃到的東西正常水平侍應姐姐有留意我哋枱面放垃圾的鐵筒紙巾筒自動幫我哋更換呢樣野幾貼心

夏天熱辣辣，同三五知己一路飲啤酒一路任食串燒就最爽啦。依間係觀塘嘅串燒屋可謂風味十足，全場任飲任食，而且質素非常之高，一到放工時間即刻坐爆，唔早啲嚟攞位都唔得。串燒除咗肉類仲有海鮮，扇貝同埋生蠔都非常新鮮上面放滿蒜蓉辣椒，超惹味啊。肉類真係比想像中高質好多，熊本一口牛超好食，咬落一啲都唔韌，好香口。仲有安格斯牛肩肉片同牛仔骨，兩款肉既質素都好高，牛肉味濃除咗燒烤仲可以點炸物，炸香蕉，炸榴槤波波，地瓜球，全部新鮮炸起熱辣辣。仲有其他任食甜品，花奶芒果布甸好old School啊🤣抵食又好味，好值得再黎過啊！

冇得去韓國旅行，但係又想食韓國嘢嘅朋友就有福啦，因為依間觀塘嘅串燒屋可以滿足晒你所有嘅願望！餐廳嘅嘢食超級多元化，種類勁豐富，而且嘢食仲要好高質好好食😋餐廳喺觀塘地鐵站，行一陣就到，我同朋友6:00嚟到，等佢開門就可以入去，依度最好嘅係用既燒烤盤屬於電動，所以可以唔使人手轉，個機會自己幫你轉啲串燒，咁就唔驚會燒燶啦🤣重點係依度嘢食超級好食！特別推介嘅係依度嘅美國牛西蘭、泰式豬頸肉肉質超級豐富，同平時食嘅唔同，呢度嘅肉真係好有肉味，肉質好鮮嫩，仲要勁多汁，超juicy💕另外依度嘅海鮮都好好食😋尤其是係北海道帆立貝同埋加拿大燒春魚味道好鮮甜，呢個價錢離講可以食到咁高質，真係超級抵🤩另外仲有好多甜品嘢飲都係任飲，最令我驚喜嘅係有涼茶，咁就唔驚熱氣啦！

朋友住在觀塘，同我講有間平民串燒放題，最鍾意周圍試，仲要係2.5小時放題，一於食個夠😍😍店內所有食物飲品都係任飲任食，每位送扇貝一隻😋😋，大隻肥美！配上蒜蓉辣椒，好鬼惹味😋😋飲品相當多，有自家製，有罐裝😊😊小食、甜品種類都有好多，我食左泡芙(綠茶、原味、朱古力)，味道不錯，仲有味付螺肉，都係任食㗎👍🏻👍🏻仲有放題新品，都係任點任食，選擇都唔少呀😆😆，我試左清酒煮蜆，好入味，蜆肉鮮甜無沙，值得encore😍香草羊架，超級大份，不過食完一舊都好飽肚😅😅串燒重點來了，可網燒可串燒，串燒自動轉，不用手動，非常方便又好玩😍海鮮類有燒蠔、燒青口、凡立貝、海蝦都係任食㗎👍🏻👍🏻熟食多數都係炸物，炸物估唔到咁出色，吉列蝦非常脆，但皮一d都唔厚，非常非常好食😍😍😍魷魚圈都好彈牙好好食！就算好飽，我都encore多一round炸物！😆😆網燒我覺得反而好食d，無咁韌，肉質都好靚，推介安格斯牛肩肉，好有肉汁，食多幾舊都唔會漏😍最後都係食唔到2.5小時，2個鐘慢慢傾住計咁食都已經好夠，食埋個雪糕，滿足了❤️

位於觀塘的串燒屋，地點唔算非常方便，係牛頭角同觀塘地鐵站之間，落車大概要行十分鐘，雖然係咁，但餐廳性價比很高，因此閒日餐廳都好多人幫襯，最好預先訂座。.星期一至四、黃金時段7-930: 成人$238 小童$138其餘時間：成人$188 小童$98星期五至日及公眾假期及前夕加$10.食物選擇非常多，有羊架，燒蠔，燒蝦，多款肉類等等嘅食物揀，又有前菜炸物甜品等食物，而且係任飲任食「2.5hrs」,5人以上仲可以食足「3.5hrs」，真係夠哂時間比你慢慢食慢慢飲慢慢傾😆 串燒又係自動燒烤爐，就咁將串燒放入爐中，就會自轉自己搞惦，唔洗怕燒燶，而且燒得夠平均，係懶人同廚藝白痴之選😄

呢排都開左唔小旋轉串燒放題，今日我地去到觀塘試下呢間朋友介紹既餐廳。我地今次由五點開始食到七點，因為七點前離座優惠啲。呢度除咗提供串燒之外，都有提供網燒。除咗生蠔之外，而家去幫襯仲會送二隻大大隻既扇貝俾你，夠晒鮮甜多汁。放題黎講佢食物種類都算多，一般串燒店有既野食佢都有。我會推薦大家試下呢度既燒生蠔，因為佢個size 適中，海水味唔會太勁，加上可以按自己喜好落調味料。本身其實都夠味就咁食都ok，不過由於我朋友比較重口味，落左勁多秘製串燒醬，覆蓋晒成隻生蠔，係出面食唔到既味道。串燒方面我就會推薦大家食厚切牛舌，一黎佢真係夠晒厚，二黎就係佢好淋，入口即化。雞腿肉同豬頸肉都好出色，肥美嫩滑。另外都可以試下佢個麻辣雞翼，佢醃得好入味，夠晒麻，鐘意食辣既朋友一定要叫嚟試吓。海蝦就唔好燒咁耐啲肉先會嫩口。仲有好多食物款式不能一一盡錄，最好一定係親身黎試哂佢☺️最後食完串燒都飽飽地，不過都叫左少量網燒食品，茄子好入味，其他玉子漢堡扒各樣都好食。呢度都有甜品，例如啫喱、布甸、雪糕、泡芙，試左啫喱食得過有埋花奶好甜心，仲有螺肉、中華沙律、泡菜等前菜。食串燒除咗食物本身質素之外，調味料都係一個好重要嘅因素。

過開嚟觀塘好想食串燒，上網見到呢間任食嘅，好似幾特別，所以再試下。呢度嘅串燒種類應有盡有。我哋叫咗一堆之後，就可以放喺旁邊個架上面，好方便。除咗串燒之外，每人仲送一隻扇貝。串燒可以放上個爐上面。我起初仲奇怪點解佢啲串燒肉切到咁細粒，原來裏邊有機關，只要將全消放上去，個機關就會令個串燒自己喺度轉。咁樣我哋就可以放晒上去之後，唔使睇火，一路慢慢食，一路傾偈。呢個設計真係好好。除咗串燒之外，仲有啲網燒嘅食物。可以燒牛肩脊，同埋秋刀魚等等。最後我地仲叫咗一系列炸物。榴槤空，千祈唔好Miss咗炸榴槤波！啲榴槤流心㗎！除咗食物之外，佢仲有任飲同埋前菜。前菜我哋就無乜興趣，飲品就有基本嘅汽水呀，同埋一啲健康嘅薏米水。

作為官塘既街坊，住係同一條街，點都要去試下呢間串燒屋，支持下街坊生意嘛睇格局，佢有別於一般既街坊鋪。門面大，地方大，尤其樓底高， 成晚都無出現煙霧彌漫既情況枱面放左多款不同調味料，可見店主係幾咁用心經營。除左燒肉汁，仲有自家秘制串燒醬。我最愛的，當然係可以無限添加的孜然粉餐廳無煙濛濛，多得呢個抽氣扇同爐，非常給力。串燒爐夠哂火力，食物好快熟之餘又唔會燒到出哂煙 放題除左有串燒，仲有網燒同熟食不論串燒，網燒同熟食既水準都不俗 以前去食放題，對於一早整好既熟食通常都無乜興趣，但呢度既燒雞軟骨， 蝦餅，魚餅都係新鮮整好，熱辣辣， 同平時餐廳單點既質素一樣咁好 串燒以串黎order, 每串都有4舊肉以上，而且仲係大大舊， 唔係碎濕濕， 所以我同女每樣點一串share食都已經飽哂 網燒既食物亦非常出色， 除左靚靚牛肩肉， 個漢堡扒都好juicy好味呀， 有驚喜 爐既火力好好， 無痴網但又好易造到燒既效果。阿女話見到一格格呀小店仲好貼心咁將雞翼既底部剪開，方便快熟註： 扇貝係每人送1隻，無得任食，而4人黎的話仲會送甲羅燒架 呢度既串燒係放係爐度自轉架， 一路轉一路燒，火力均勻又唔使理佢。 係咪

係觀塘行街想食串燒，選了串燒屋。串燒屋是放題形式，2.5小時任飲任食，7點前離座或9點後入座有優惠。同其他放題一樣都是寫紙，分別有炸物、串燒和網燒。飲品除了罐裝汽水，還有自家製涼茶、薏米水、玄米茶、菊花茶等可以選擇。寫了紙後，可以去雪櫃選飲品和其他食品。有比較少見的烤棉花糖，亦有些菇和沙律菜。錫紙盒裏面是牛油粟米和蒜蓉雜菇，推薦。放喺爐邊由佢自己烤就可以，十分方便。每位都會送一隻扇貝。如果四人以上，會送甲羅燒兩份。熟食都上得很快，在串燒未熟之前，可以先墊墊肚。為什麼標題會用懶人專用自動串燒？其實是因為串燒屋個串燒機的設計，只要你對準個卡位放落去，串燒就會自動轉，不怕串燒典型會出現的情況，一邊燒燶但另一邊還未熟。一開始會先上串燒，基本上每種肉都會搵到。每一台都放有調味料，可以在燒的時侯，因應個人口味加減放。還有網燒類，推薦一口牛和茄子。串燒屋的蒜蓉有放辣椒，食落冇咁溜，怕辣的朋友記得係燒之前拎走啲辣椒。P.S. 最後記得去攞甜品，收銀旁邊有雪糕，值得一讚是餐廳不會限每人一杯。另外，雪櫃會有泡芙和糕點。

今日同女朋友去完觀塘行街，搵嘢食嘅時候好想食串燒，所以上OpenRice睇吓，搵到呢間啲食評都唔錯，所以就同佢過咗嚟試吓。好彩去得早，人唔算多，夜少少已經full Booking，冇得walk in, 估唔到咁人山人海佢係可以網燒+串燒，除你自己喜歡，食物種類真係有好多，基本上樣樣都想叫，所以基本上咩都圈啲嚟試吓，仲要佢係任食，有時候食串燒覺得貴係因為一串一串叫，但呢度可以任叫，所以都幾開心食得，同埋鍾意食嗰啲叫多幾串都無所謂~~海鮮來講，都幾新鮮，再加埋佢嘅調味，整體不錯，幾好食肉類其實好多款，因你自己鍾意食啲咩去叫比較深印象嘅係麻辣雞翼，係我不斷會叫嘅一隻雞翼，因為食落辣得來又夠麻，感覺好正，而我又鍾意食辣，所以佢吸引咗我炸物來講，亦都係唔油膩，算係乾身，選擇又多，所以整體來講佢嘅嘢食都真係幾唔錯，而且老闆好好人好nice，得閒問我哋啱唔啱食啊，又會問候下咁，所以都幾Nice野飲方面，除左好似放題咁有汽水果汁外，仲有特別既飲品，涼茶、檸檬意米水、玄米茶、洛神花茶，我竟然冇飲過汽水，即刻覺得健康好多！總體來講，都算係幾性價比高，比着我下一次想食嘅時候，經開觀塘我想過嚟食多次！不過我估

人生第一次食串燒放題，感覺好新鮮！只要將預先串好食物放上燒烤機上，便會自動反轉轉燒烤機，簡直是「 懶人恩物」。正！串燒有齊豬、牛、羊、鴨、魚等，其中牛肉款式特別多，有美國安格斯牛肩胛、西冷、牛肋腩、牛板腱、牛舌共5款；另外亦推薦雞軟骨串。雖然主打串燒，除了有近30款肉類和蔬果串燒任食，更有炸物和甜品可任點，如炸生蠔、炸蟹鉗、薯條等，而且啤酒、汽水都是任飲，最多任食2.5小時，十分足夠。每個顧客仲有贈送扇貝一隻😍地方乾淨企理，食物新鮮，口碑不俗。食客讚全部食物沒有預先醃製，可以吃到食物原本鮮味。店家提供以洋葱、蒜頭、豉油製成的燒汁，可於燒烤時塗上，另有海鹽、彩椒味、孜然粉等可供自行調味。飲品方面，除了有各款汽水，還有限定特飲，如涼茶和檸檬薏米水，以助食客清熱消濟。

想食串燒放題但唔想手動轉，呢間幫到你2.5小時晚市放題 💲238✅ 第一次食串燒放題，望住佢哋自轉好治癒☺️ 推薦燒茄子、一口腸同雞腎，海鮮類如炸蠔都唔錯🦪✅ 除串燒外，仲有網燒、炸物同自助區，等串燒嘅同時可以食住其他嘢頂癮🤤✅ 店員服務周到🙆🏻‍♂️ 時不時會走埋嚟幫手睇火🤣👅Taste：7/10💰CP值：6.75/10🙋🏻‍♂️Service：7.25/10👁‍🗨Stylishness：6.5/10

即使年紀大食量細咗，都鐘意間唔中食下放題自助餐😋。平日嚟到呢間燒烤店，$238/位(+10%)任飲任食。🍍蔬菜、🍹飲品、🍦甜品都係自助拎。🥩串燒、網燒、炸物都要落單。每枱齊晒孜然粉、辣椒粉、椒鹽、燒肉汁。燒烤爐火力可以調較，亦比想像中均勻，唔會燒極都唔熟。嘢食嚟得好快又唔會漏單。🥢串燒大多數串燒肉類都有預先醃過。泰式豬頸肉好爽口，仲有濃郁香茅味。海蝦肉質彈牙，基本上枱枱都叫好多。🥢網燒網燒肉比較多要自己調味。但睇得出肉類質素唔錯，牛肩肉脂肪分佈平均。一口牛亦都唔係坊間常見嘅合成肉。就算冇落調味料都唔會有雪味。🥢炸物炸雞軟骨用豉油醃過所以顏色比較深。但其實炸得好香脆又唔燶。炸蝦餅爽口鮮甜。🥢蔬菜菠蘿清甜多汁，仲可以解膩。翠玉瓜同雞髀菇易燒又好味。蒜蓉雜菌蒜香同牛油香都好重。🥢飲品除咗汽水，仲有自家製嘅涼茶、洛神花茶、薏米水、無糖茶。🥢甜品有自家製嘅啫喱，亦有泡芙、雀巢雪糕杯。

一頓飯之面貌《第一章》 跟知己聊天，暢飲，任吃，傾到忘了時間的鐘，這是一套戲的序，自成一角，多年不見，互相問候，下次相遇難道是下一世紀麼？你最近還好嗎？《角度》枱上的層架，長方型的燒烤爐，井井有條的調味料，從鳥瞰的角度，極像島嶼與島嶼之間，既獨立又連貫……用平視角度，就是一個燒烤陣，二人對吃，溫度炙熱，把酒言歡。《多樣》 目測超越30樣美吃，真的數之不盡，有炸物、有網燒、有肉食，我一口氣點了牛舌、麻辣鷄翼、原味鷄中翼、台灣一口腸、農場鷄腿肉、海蝦、北海道帆立貝、午餐肉、叉燒豬柳、牛肋條、牛西冷、牛仔骨、厚燒玉子……《聚焦》 神器自轉燒簡直是懶人恩物，放下串燒卡在盤邊，它會自己自轉，直至食物熟了，便可自行拿出，神也！不是太陽能，更不是水力發電，全電力操作，先放海鮮滙，有帆立貝、青口、海蝦，入到口仍滋味十足，加上salt ，充分引出海鮮的產物，海蝦鮮甜，切記過熟，到頭來變蝦乾！《牛宴》 一排排的牛放在燒烤爐上，有牛肋條，切割適中，牛味濃，牛西冷，中尚盛，肉感嫩，易入口，由紅變半紅，再到剛熟，入口，極盛牛宴完全顛覆我想像，配上韓國燒酒，人生仍求什麼呢？《終章》 在半飽及半醉的狀況下，我跟朋友