串燒屋

营业中

休息中

上星期同frd過咗觀塘食放題，不過唔係平時食開嗰種日式放題，係串燒放題😋 我哋去咗一間喺觀塘比較偏僻嘅串燒店，$238一位，可以任食2.5小時！一坐低，餐廳會首先送上兩隻大扇貝，好肥美下，加埋蒜蓉醬同辣椒係面，食落好惹味😆跟住我哋就嗌咗好多唔同種類嘅串燒，首先講下佢啲網燒，我同朋友都係愛蠔之人，所以嗌咗6隻蒜蓉烤蠔，估唔到佢每隻蠔都差唔多手掌咁大隻，超肥美，加埋啲蒜蓉醬食，好夾好好食🤩 我哋仲嗌左燒青口、燒茄子、燒玉子、一口牛、安格斯牛肩肉片同美國特級牛仔骨，其中最好味嘅係佢個牛肩肉片，牛味好出，又無咩筋，好食🤤至於串燒方面，我哋嗌左超多肉類，牛脷、蜜汁叉燒豬柳、牛西冷、牛肋條、豬頸肉、麻辣雞腎、海蝦、帆立貝、多春魚等等😋 其中佢嘅牛脷同叉燒豬柳都好出色，肉質夠軟腍，燒完仲有少少juicy🤤 不得不讚嘅係佢嘅串燒全部都會自動轉，完全唔使人手郁！而炸物方面，我哋嗌左炸地瓜丸、榴槤波波、炸牛奶、吉列炸蝦同炸雞軟骨等等。全部都好香口下，好熱氣🤣 不過炸物就還好，冇咩特別，但幾推薦佢個榴槤波波，好流心，好重榴槤味🤪另外，出面仲有冷盤小食、蔬菜同埋野飲係可以任拎，幾欣賞佢仲整埋自家製涼茶，可以比

相信唔會有人咁熱去燒嘢食，但嚟呢度又可以任食，部機會轉轉轉自己完全唔使動手，又有冷氣一啲都唔熱，咁樣大熱天時都可以開心食串燒!! 除咗串燒仲有網燒丶炸物同埋一啲熟食，以下係覺得幾好食嘅嘢：羊架雞翼豬頸肉叉燒台灣一口腸蒜蓉燒茄子烤蠔牛肩肉蒜蓉金菇炸生蠔吉列蝦雙皮奶榴槤波波最後見到出面有蒜蓉包同棉花糖，用呢個爐燒棉花糖好好，見住佢慢慢膨脹，正!!! 飲品有自家製菊花茶同薏米水，健康之選!! 一開始唔係好知啲串燒要燒幾耐，店員都有耐心講解，又有行過嚟提我地食得啦!! 蒜蓉金菇同茄子呢一類要燒得耐啲，要同啲快熟嘅一齊燒咁就唔會坐好耐都冇嘢食!! 整體來講食物唔錯，其實我都係第一次咁樣食串燒，係幾好嘅體驗，幾好玩!!

妹妹好鍾意食烤肉 但係我好懶得落手見到有人介紹呢間自轉串燒店 幾過癮任飲任食兩個半鐘 時間夠哂長慢慢燒款式勁多 串燒網燒炸物前菜飲品甜品個人覺得串燒自動燒傾計慢慢食 唔錯優惠時段仲抵唔洗二百 後嚟都幾多人-⧫⧫2.5小時 任飲任食放題⧫⧫ $238-每位送一隻蒜蓉帶子 調味唔錯幾鮮甜仲有孜然粉/椒鹽/辣粉/燒肉汁等任落-⧫串燒⧫放題食材自然唔會太高級 醃得似BBQ勝在多款 胃容量有限有印象嘅簡單寫·美國穀飼牛助條· 唔錯 唔韌一啖一粒·美國穀飼牛西冷· 醃得相對地重口味·厚燒牛舌· 好味 加孜然粉燒好有牛味·蜜汁叉燒· 甜甜地邊位燒到脆身 幾好·泰式豬頸肉· 重香芧味 呢個呀妹讚好·麻辣雞腎· 好辣但係好正呀 爽口過癮·奧爾良辣雞翼· 呀妹技術好 外脆內嫩·迷你豆卜·台灣一口腸·好有台灣風味·北海道熟帆立貝·海蝦·相對地較遜色·蒜蓉包· 絕對必食!又香又有蒜味又脆·棉花糖· 無諗過有 外脆內軟童年回憶-⧫網燒⧫感覺網燒水準比串燒好 食材亦更吸引·蒜蓉烤蠔· 唔算飽滿 但係唔錯夠惹味·蒜蓉烤青口· 比較普通 食調味嘅一款·蒜蓉烤茄子· 最愛!同出面勁似仲任食·安格斯牛肩肉片· 較淡 需要

XXG來到觀塘覓食 食得太多放題都覺得好厭 搵到呢一間串烤放題 最平$188 2.5hr任飲任食‼️ 仲可以自己落手落腳去燒 好玩又有趣🥰超級推介呢度嘅蒜蓉海鮮 尤其是蒜蓉帶子同埋生蠔🦪 瘋狂encall 呢度嘅蒜蓉特別好食係屬於重口味嗰種🥰 海鮮食落好新鮮 生蠔size亦都算大隻‼️ 厚肉 海水味重🥰串燒來講最推泰式豬頸肉、蜜汁叉燒豬柳、美國榖飼牛西冷、台灣一口腸同麻辣雞翼🥰🥰 泰式豬頸肉用上多種泰式香料 豬頸肉脂香味重 ~牛西冷切粒 肉質嫩滑 牛味重 牛扒控絕對唔可以放過😛 台灣腸食唔停 油膩感會重啲但係超香口😍 蜜汁叉燒豬柳軟嫩多汁 好正😋炸物方面最鍾意炸雞軟骨、台灣香芋地瓜圓、榴槤波波、炸蝦餅同雙皮奶😋 炸雞軟骨超酥脆而且激香口 嗌咗兩大兜🤣 芋頭控絕對唔可以錯過香芋地瓜圓 外層炸至酥脆 入面佈滿芋泥 起香濃🍡 酥炸榴槤波波一咬榴槤蓉湧出 榴槤味一啲都唔假👍🏻 炸蝦餅有泰式嘅味道 咬落爽口彈牙~雙皮奶其實似台灣嘅炸鮮奶 外脆內滑✌🏻另外加推廚師推介嘅三文魚腩 魚脂極高 油香味未重😍飲品方面亦都好多選擇 除一般罐裝飲品同啤酒外 本人最鍾意自家製嘅飲品 有檸檬薏米水、洛神花茶、涼茶同烏

朋友係牛頭角搵到間自己燒既串燒屋 交通唔算方便 未食就行條小斜路 消耗下體力先😂店鋪細 人流唔太多 限食2.5小時 時間都足夠 因為佢火力好夠🔥🔥 有個自助bar 有杯裝飲品同罐裝 仲有啲小吃 例如泡菜 八爪魚 中華沙律 串燒款式都幾多 仲有網燒既選擇我地差不多都試曬啲串燒 推薦👍👍 泰式豬頸肉 醃得好好食 豬頸肉好爽口 網燒大部份都好推 CP值好高 特別係 五花腩片同牛肩肉 好新鮮 肉汁🤤🤤 燒蠔燒帶子好食唔洗講啦 回本之選 火力勁都唔雖然話等好耐 秋刀魚🐟原來都係必試之一 出面日本料理都幾十蚊條 但呢到你絕對可以自己燒到出面既水準 good good😋😋

好耐冇同男朋友食飯，我哋兩個都好鍾意食串燒，今晚同佢一齊嚟試吓呢間自助串燒放題。呢種串燒嘅方式我都係第一次食，用到呢個特別嘅器材又可以串燒又可以網燒。最特別嘅係你放咗上去之後佢會自動轉，基本上成個過程好輕鬆，只需要顧住食就得啦，完全唔使驚距會變燶。調味方面佢枱面已經有好多調味粉同埋醬汁，俾你自己調教自己想要嘅口味。最先來都係佢哋贈送嘅兩隻扇貝，扇貝都好新鮮，絕對唔係雪藏嘢。然後我哋就嗌咗啲丸類嘅嘢，我好欣賞佢呢種每樣都細細份，一啖一舊嘅份量係啱啱好，因為即使唔夠你仲可以嗌，但係你就算那一份都唔會塞飽你自己，可以試多啲唔同嘅嘢。呢度都有好多種類俾你揀，有肉類有海鮮類任君選擇。係食串燒嘅時候我覺得佢俾我哋用嘅呢支細夾仔好方便，因為好輕鬆就可以喺串燒上面扯啲肉落嚟。除咗串燒之外仲可以同時網燒，網燒食材方面最吸引嘅有一口牛同埋安格斯牛肩肉。啲牛肉絕對有肉味，唔似得其他雪到乜味都冇。除咗牛之外，佢都有海鮮俾你揀，我哋試咗佢嘅生蠔同埋青口，同樣地呢兩種都係新鮮海鮮，都係食到佢哋嘅鮮甜味。另外我覺得最正嘅係佢個燒茄子，肥肥矮咁好得意。最重要係佢個調味真係不得了，好香蒜香味，真係似返咗大陸食嘅燒茄子。

之前食過類似嘅餐廳，覺得好特別，今次同朋友再戰呢一間位於牛頭角同觀塘交界嘅串燒店✌🏻價錢方面，5-7pm 就$188+1，7pm起$238+1，9pm 後就$188+1，用餐時間係1.5小時。呢款爐又可以轉熟啲串燒，就可以直接將啲肉擺喺烤盤上，一籠兩用，啱晒貪食嘅我👻仲可以按照個人口味加唔同調味粉同埋醬汁🙈不過由於唔知要燒幾耐先熟，好多時我哋都燒燶或者燒成肉乾，浪費咗啲嘢食🤢如果有說明會更好食物選擇都算多，牛肉豚肉雞肉魚肉都有😆仲有唔少炸物同熟食可以揀，不過其實上菜嘅時候我都唔係幾分得清肉嘅種類，要食落口先知👻飲品任飲，除咗汽水之外，仲有自家製嘅涼茶等，我自己就攞咗個檸檬薏米水，酸酸地幾好飲，又可以消下熱氣😽隔離個櫃仲有啲甜品例如啫喱同埋小菜，我哋就一齊試咗個中華沙律，份量都幾多，啱晒未上菜前過下口癮😎整體而言，價錢超級合理，服務態度好，食物選擇不過不失，不過冇咩耐性嘅我略嫌轉熟啲嘢食嘅速度比較慢，如果快啲熟我個胃應該仲放得落無數條串燒😈

今晚專程過嚟官塘通明街食串燒自助餐，我同朋友平時都鍾意食吓串燒飲吓啤酒🍻，不過埋單真係好肉痛，近来係網上見到有間「串燒屋」自助餐就相約一齊過嚟食過痛快吧😍😍任飲任食串燒自助餐 $198/人（假日晚市優惠七點前離座）餐廳燒烤爐火力十足，抽氣設施又好，完全唔會煙到眼👀，另外店員又細心介紹餐具🍴、調味料擺放等方便我們用餐👍第一Round : 網燒每人惠顧自助餐送扇貝一隻，網燒扇貝，烤蠔🦪、茄子🍆配上蒜蓉醬料好惹味，厚燒玉子、安格斯牛肩肉片、日本漢堡扒、西班牙黑毛豬五花腩片、美國特級牛仔骨，只要沾少少椒鹽粉、辣椒粉、孜然粉已經好好味😋😋原條日本秋刀魚，魚皮燒得香脆，肉質甜美，必食之選👍👍第二Round : 串燒烤爐設有自動燒烤功能，只要將串燒放落去就可以，厚切牛舌、麻辣雞翼、爽口雞腎、海蝦🦐、加拿大多春魚、選擇超多😍😍第三Round ： 炸物吉列炸生蠔🦪、魷魚圈、黑魚角、炸蝦🦐、外層香脆，鮮嫩，炸雙皮奶、紫薯餅、台灣香芋地瓜圓，又甜又好味😋炸雞軟骨送啤酒🍻一流😍😍自助餐飲品選擇多，多款罐裝飲品、啤酒、自家製涼茶、洛神花山楂茶、玄米茶、薏米檸檬水、甜品🍮、雪糕🍦、啫喱.........😍😍

今日黎觀塘做野，經過呢間串燒店好吸引，同同事就放左工黎食。價錢係$248/位 （星期五至日），時段：19:00-21:30 ，2.5小時任飲任食 ，每人送扇貝一隻。.佢有3張叫野食紙，包括：有炸物類、串燒類、網燒類 。炸物類真心好炸但好食，例如：炸蠔、炸榴連、炸蝦🍤、炸豬扒同炸墨魚餅都好好食，全部炸到啱啱好唔會過火。種類繁多，啱晒選擇困難症既我。.另外串燒類就有：豬頸肉串、牛肩肉串、黑毛豬串、大蝦、芝士腸、丸類、雞腎.. 個人超鍾意豬、牛串，因為平時網燒會燒好耐，整做一串串仲要自己識轉，好快就食得又唔會濃。.網燒就有香草羊架、牛仔骨、豬腩片、重點係有蒜蓉燒蠔😍😍😍任食唔嬲，同埋燒茄子。.出面仲有自助飲品區、沙律、沙律菜、菜類同蒜蓉包自取，真係好多野食同好多選擇，其實成晚都食唔晒咁多樣野。天氣咁熱又想bbq真係要黎有冷氣地方食懶人燒烤。

餐廳：串燒屋 (觀塘)地址：觀塘通明街54號地舖平時韓燒同鐵板燒就食得多，今次嚟到觀塘近住康寧道嘅串燒屋食自助燒烤又喺另一番嘅享受🥰餐廳嘅食物主要分開三大類，有炸物、串燒同網燒，每格座位都有一個電熱燒爐，而爐上面就有齊網架同埋串燒架🍢，最特別嘅係只要將串燒放啱爐嘅卡槽，啲串燒就會自己轉動，燒得勻均之餘仲唔驚是但一邊會燒燶👍，喺一個好正嘅設計😎淨喺剔剔紙可以揀嘅燒物、炸物都多過50款，仲未計新推出嘅食物、飲品🧃、甜品、前菜同蔬菜🥬，我5點去食7點離座都喺$188再加一，每位仲送一隻扇貝。飲品值得一讚嘅有涼茶同啤酒任飲🍻，食串燒飲雞骨草、金錢草、夏枯草煲製而成嘅涼茶真喺可以下番唔少火🔥呢到特別嘅招牌菜有蒜蓉烤茄子🍆、麻辣雞翼同埋新推出嘅香草羊架🥩，大部分食物都喺餐廳自己醃製，值得一試。茄子真喺好好食，燒10-15分鐘就熟透，撈勻啲蒜香醬料一齊食真喺好惹味😍串燒方面我就推薦麻辣雞腎、蜜汁叉燒豬柳、臺灣一口腸、海蝦🦐；炸物唔介紹唔得嘅喺爆多汁嘅吉列炸蠔🦪，仲有炸雞軟骨，雖然食到落底有少少油膩，不過佢哋嘅炸物真係炸得唔錯，令我食唔停口🤤

這間有一排都相當旺，因為少可串燒店的機器是自動轉，自己燒之餘又全自己，而且除左串燒，中間還可以網燒燒肉，真係一次過滿足兩個願望。今次兩人入座，所以會送上新鮮扇貝，而且識食當然再叫帆立貝係殼上繼續燒，鐘意食海鮮的，生蠔、海蝦和青口都推薦，都相鮮甜。肉類都無失望，雞，豬，羊架都有，牛都有幾款，個人推薦安格斯牛肩肉片同黑毛五花腩肉片，即刻有食日式燒烤的感覺。原條秋刀魚同茄子，都係相當大條抵食，個人懶仲有即叫即整炸物，一定可以食得滿足，覺得油膩，可以係出面拎菜類、波羅等，最開心就係有綿花糖，童年回憶都番哂黎。最好飲品方面，我只係飲自家制既檸檬薏米水、洛神花茶同菊花茶，當然有其他汽水飲，而且想飲酒可以加錢任飲燒酒識飲當然加其他野溝燒酒飲。

一向有舖食串燒癮喺出面普通傳銷舖食閑閑哋都要五六百蚊先賣到單有時又等得耐朋友就介紹我去觀塘食串燒放題$198 一位任食，仲要有海鮮地方呢就真係唔就腳，但價錢低當日5點去到已經有book枱嘅人排緊隊2.5小時任食每位送扇貝一隻，好好味！大部份嘢食呢都係用紙仔點餐落單部份小食，蔬菜類就可以喺雪櫃到拎前菜都有8/9款餐廳衛生好好，每樣都用有蓋食物盒儲存燒烤爐呢就自動會轉唔使啲嘢食咁易燒燶同埋佢哋嘅炸物每一樣都好好食選擇超多即叫即炸，可以變燒變食等住先海鮮方面生蠔海蝦青口都係任食真係超抵食食物調味都唔錯枱面仲有其他嘅調味料可以自己加

今日天氣好，早收工，就約朋友仔行街食飯，黎到觀塘行街，行到累累地就搵間餐廳食野休息下，比我地發現左呢間餐廳。好快就坐底左。服務員非常熱情既招待。心情興奮又有好野食。呢道既餐廳主打任食韓燒串燒，點完之黎服務員就送上黎，每張桌每人送一隻扇貝，非常新鮮。呢道既生蠔係任食既，我地已經叫左幾轉，真係肥味新鮮好味，上面放啲蒜蓉令呢件事提升到世界級水平，真係好好味。另外點左啲串燒，有台灣一口腸，海蝦，厚切牛舌。桌上有好多調味料可自行調教。牛告非常煙銀有彈性，而且容易入口，口感一流。另外重點左一口牛，日本漢堡扒，五花腩，肥瘦適中，肉入口即溶，真係好新鮮好味。炸物方面，我地點左紫薯餅，雙皮奶，重有最好味既榴槤波波，呢個係流心既非常足料，好香濃既榴槤味令我流連忘返。重有各款甜品，我地就試左個啫喱布甸，放咪啲奶係面真係非常吸引。而且有各款飲品都係任飲架，怕熱氣重有涼茶降火，真係好細心。最後重有雀巢雪糕，今日係有香芋同咪紅豆冰兩款口味選。

你有幾耐無BBQ呀？未發生疫症前，我同M佬不時都會去郊野公園燒嘢食，好掛住燒烤嘅味道呀！雖然依家就未可以去BBQ，不過都可以食住自助自動串燒放題頂住癮先啦！我哋嚟到觀塘嘅串燒屋，呢度有串燒、炸物、前菜小食、飲品同甜品，選擇勁多，歎住冷氣感受燒烤味道，真係好爽呀！串燒選擇勁多，包括美國穀飼牛肋條、美國穀飼牛西冷、厚切牛舌、蜜汁叉燒豬柳、泰式豬頸肉、農場鷄腿肉、原味鷄中翼、麻辣鷄翼、奧爾良辣鷄翼、爽口鷄腎、麻辣鷄腎、海蝦、北海道熟帆立貝、挪威鯖魚、黃金魚片頭、臺灣一口腸、鷄肉腸、迷你豆卜、紅腸、芝士腸、魚蛋、芝士獅子狗卷、龍蝦丸、日式蟹柳、牛筋丸、花枝丸、貢丸、午餐肉等。咁多選擇，梗係要揀啲最好味嘅推介俾大家，等大家唔會嘥咗個胃啦！美國穀飼牛西冷嘅牛肉味濃，夠juicy；厚切牛舌夠厚身，食落非常有口感；蜜汁叉燒豬柳個叉燒汁濃郁微甜，好入味；泰式豬頸肉夠爽口，微辣又帶有香茅味；海蝦大大隻，新鮮彈牙。枱上面仲放左燒肉汁、秘製串燒醬、辣椒粉、孜然粉同椒鹽等調味料，令燒烤味道層次大大提升。網燒類除咗串燒，仲可以網燒。選擇有蒜蓉烤蠔、蒜蓉烤青口、蒜蓉烤茄子、原條日本秋刀魚、一口牛、安格斯牛肩肉片、日

係一個偶然的機會下~朋友介紹原來牛頭角有間串燒屋是任食放題🍢🍡🍘限時2.5hrs⏱️我地book左7點鐘😛真係足足食左2.5hrs...因為一邊傾計一邊等它燒🔥大致分左3 種類~串燒/網燒/炸物~和牛、海鮮、豚、雞、魚全部一應俱全我地每樣都叫左d試下😋而且雪櫃仲會有蒜蓉雜菇、生菜、綿花糖、菠蘿🍍。。。。。。真係可以食足一日一夜🤭除任食外，呢度仲係任飲有汽水、涼茶、烏龍茶、薏米水等等，仲有小朋友至愛的jelly🍮同雪糕🍨