串燒屋

营业中

休息中

冇影相，因為唔習慣打咭，唔習慣寫食評。想食懶人bbq，搵到這間。搭小巴落車，要上斜路，心諗，搵自己笨！原來都唔係好高，行一陣就到。到左，初頭覺得裝修舊，但坐落有少少韓國地道feel，係乾淨企理。講返食物，種類好多，都有啲回本野，但我哋想食唔同種類，佢哋食物係好用心製作，普通到油菜都整得好食，服務好好。只可以講，佢一定有賺，但冇賺盡，良心製作！原本係任食2.5鐘，但我哋食左1.5已經投降，齋飲。可能係咁樣，佢哋到夠鐘都冇催我哋走！唔似得，有啲夠鐘前45分鐘已經想趕你走！

撞岩放假落雨天，一於約埋細佬落觀塘串燒屋，食下吹下水，呢間串燒屋去過幾次，質素都ok，而且仲係一個價錢任飲任食，岩晒我細佬呢啲大食王，可以一個價錢盡情大吃大喝。串燒屋5:00pm開始開門，我就係5:00落去等開門🤣呢個時段17:00-19:00好抵食，$188任食兩小時，除咗串燒仲有網燒同炸物。對住門口有兩個凍櫃，一個放飲品，除左汽水、啤酒，仲有自製涼茶；另一個凍櫃放沙律，甜品，全部擺放整齊乾淨。第一round先點網燒，嘩，選擇好多，樣樣都點左啲，🦪生蠔肥美，一啲都唔會有腥味；羊架越燒越香，油脂慢慢浸出，入口軟嫩，有羊羶味但唔算濃烈；牛仔骨係薄切，只須兩邊輕輕燒一下即可入口；安格斯牛肩肉，肉味較重且較有口感；原條秋刀魚同茄子🍆係我極力推介，秋刀魚原條燒至外皮小小蕉燶，極之香口；秋刀魚原條燒好有睇頭，雖然較多小骨，但肉質非常美味。串燒🍡🍢，台灣一口腸、牛舌、麻辣雞腎、海蝦，多春魚、牛肋條、牛西冷…. 嘩，多到講唔晒，每樣食完一round又一round，食放題就係咁好，唔洗就住個何包🤣，食完網燒就放晒啲串燒落爐，轉呀轉，個爐將啲串燒均勻轉動，我地唔洗咁忙，可以輕輕鬆鬆吹下水等食😆。串燒好多

呢間係一間好小店式嘅串燒屋幫襯嘅應該都係附近嘅居民今次試佢嘅串燒放題星期六我哋五點入座，七點前離座只需要$208/位餐廳嘅嘢食選擇主要分咗3張紙，串燒，網燒同埋炸物。由於都比較肚餓所以我哋嗌左啲炸物先，可以一路食住先一路等燒其他嘢食。炸物: 吉列炸生蠔吉列炸蝦炸蝦餅迷你炸魚餅紫薯餅榴槤波波台灣香芋地瓜丸脆皮香蕉(糕) 香炸雞中翼串燒+網燒厚切牛舌台灣一口腸蒜蓉烤蠔蒜蓉燒茄子熊本一口牛安格斯牛肩肉片麻辣雞翼蒜蓉燒扇貝兩隻(送既) 另外出邊雪櫃仲有啲野飲，蔬菜，菇，牛油粟米，泡菜，醃蘿蔔，中華沙律等等可以自助拎。總括嚟講我幾鍾意佢個串燒爐係識得自己轉嘅，咁就唔驚會燒得唔平均啦，啱晒我呢啲懶人。嘢食方面啲炸物全部係新鮮炸起，炸蝦，紫薯餅，榴槤波波，地瓜丸呢幾款我都幾鍾意。尤其是係榴槤波波，一咬開啲榴槤即刻流晒出嚟！由於食得太多炸物嘅關係所以今次串燒食唔得多。燒嘅嘢食方面我就鍾意台灣一口腸，麻辣雞翼，蒜蓉燒扇貝同埋蒜蓉燒茄子。茄子大大嚿，上面擺滿左勁多蒜蓉，本身仲驚要燒好耐，點知原來都幾快😂

幾個月前食過一次覺得都幾好😉， 今次朋友生日佢想來試下， 我就預先一個星期前已經打電話訂枱☎️， 訂了晚上7點鐘， 到當日大概下午五點45分， 餐廳打電話來問可唔可以早點到？ 當然有難度啦，放工時間都六點鐘， 那我們照舊七點鐘到達， 店內還沒有其他客人，我們差不多是第一台，$258一位再加10％， 食物種類都算多，同上次一樣，串燒大約三十多款🍢， 有網燒食物和炸物等等。 自助區有自家製飲品🥤、啤酒🍺、汽水🧃和甜品🧁等等。不過個人感覺今次食物的質素沒有上次咁好😅， 青口、 扇貝、蒜蓉烤蠔和海蝦都不算太新鮮， 烤蠔細細粒🤔。 肉類方面， 我記得上次我喜歡吃牛仔骨，但今次味道都沒有上次軟腍好味了， 唯獨是還有我最喜歡的燒棉花糖吧！我相信有些餐廳很難可以每一次keep到同一個水準， 還記得上次是好評的， 今次只能給一個中評了📝。

最近同朋友經過見到間好特別嘅餐廳平時經常食中西餐轉下口味都唔錯佢係位於觀塘嘅串燒屋一個個電子爐放喺枱面而且上面有一個格網睇嚟真係好方便佢係屬於半自助餐廳飲品蔬菜甜品都係自助區重點要介紹佢嗰啲燒物美國牛肋條牛西冷係必食牛既油脂分布好好食得出好濃厚牛味鍾意食海鮮嘅我當然要點幾串海蝦多春魚 鯖魚放喺爐上面佢會自轉令到食物好快可以熟 火力又夠！網燒類嘅食物更加好味！生蠔，燒茄子，安格斯牛肩肉漢堡扒，牛仔骨等等聽到都流口水 仲可以享受自己燒既樂趣呀無論係肉類定係蔬菜類都係選用新鮮嘅食材火喉好足夠 唔怕佢會燒得慢以後食嘢又可以多一個選擇啦

位於觀塘通明街54號地舖嘅串燒屋要上一段斜路先到。食放題之前行個斜路做吓運動就啱曬啦😜。有名你叫串燒屋梗係有串燒食啦。最特別係個爐係有條輸送帶，特意為串燒而設。因為串燒末端有一個齒輪，將佢放喺輸送帶上面就可以「自轉」，唔使自己揸住黎燒，啱晒我呢啲懶人😝除咗串燒仲有好多嘢食，例如炸物、海鮮、蔬菜等。熱食外另有冷盤，例如：沙律🥗。放題當然唔少得甜品啦！甜品有雪糕、啫哩同泡芙。食到咁上下口乾想飲野？冇問題。雪櫃有各種飲品可供選擇：罐裝飲品、涼茶、玄米茶，重有健康飲品如薏米檸檬水同埋洛神花山楂茶，梗有款啱你。誠意推薦你哋食「原條日本秋刀魚」！一上枱真係嘩咗一聲，因為估唔到咁大條！唧埋檸檬落條魚度一齊食鮮味十足😋！美國特級牛仔骨牛味濃，有咬口。正價時段幫襯送扇貝。扇貝落咗辣椒同埋蒜蓉調味，食落又辣又香～你試過放題有炒菜食未？是日油菜係爽脆清甜生菜。清酒煮蜆蜆肉鮮甜，加左少少鹽調味夠入味，唔會淡而無味。蒜蓉包切成長方形條，微微烘一烘就食得，入口香而鬆脆。蒜蓉雜菌同埋 牛油粟米用錫紙兜盛載。蒜蓉雜菌好足料！大量金菇鋪喺面，本身以為剩係得金菇，原來金菇下面重有秀珍菇等。牛油粟米未打開以為係切成一塊塊嘅

第一次食串燒店，食物種類選擇都幾多，而且調味料有孜然粉都較少見。第一轉先燒帶子，蒜蓉好香口應該有爆香過，而且帶有微辣，帶子肥美厚肉，同樣麻辣雞翼都唔錯，麻香味夠濃。跟住串燒都係我至愛既肉類，有雞腎、牛舌、豬頸肉、芝士獅子狗、黑椒台灣腸，肉類都好入味，豬頸肉彈牙有口感，而且油脂味濃郁。燒金菇都係必食食物，而且用左同一款爆過既蒜蓉，所以非常惹味。蜜汁叉燒豬柳，叉燒汁處理得完全一模一樣，燒熟後邊位有焦香味。羊扒半肥半瘦羶味夠重，而且唔會韌，最緊要放d孜然粉更加絕配，茄子一樣係必食，軟腍入味。炸物好出色，粉漿炸得酥脆，八爪魚角口感最好，因為食到有粒粒八爪魚肉，口感層次豐富。甜品我食左青檸啫喱，口感岩岩好，唔會太實，而且好滑。飲埋杯薏米水，好飲又可以解油膩感。

呢間位於觀塘嘅串燒屋唔算係旺區，所以人流都唔多，但CP值真係高，百幾二百蚊就有肉有菜有海鮮，又有自轉燒烤又有網燒，仲要係任飲任食嘅！而且材料都比得好足，唔會話比d碎肉或者質素較差嘅食材黎比人燒。睇下舊羊架肥瘦分明，蠔又大大隻仲加滿蒜，好味！除咗串燒，呢到仲有d即炸小食，係等串燒嘅時間又可以食下熱辣辣嘅小食！我最中意係炸蝦餅，香口彈牙成餐飯都無空檔時間，非常充實不得不提呢到仲有得燒綿花糖！真係唔多地方有得食架！另外呢到有提供自家製飲品，開胃清熱嘅都有，唔洗好似去其他任食燒烤通常都只提供汽水，飲到成肚氣就食唔落野啦！

是日同朋友去到哩間任食串燒有部機幫你轉下轉下串燒，方便又衛生朋友早收工，就同佢食個早晚餐任燒2.5小時，時間好足夠，餐廳闊落，雪櫃裏有不同的飲品，仲有自家製的涼茶飲品，仲有啫喱甜品，小食炸物，一定食得飽帶子真系好新鮮，所有串燒都有架放住，都好快燒熟d食物，另外都有埋棉花糖，麵包，真係好吸引炸物都新鮮熱辣，食落脆口，等下串燒時都可以食下炸物，另外佢肉的串燒都夠味，唔駛點落味都咁好食，職員服務態度都唔錯，搵日再搵多少少朋友再食過💪🏻

好耐無食串燒啦！今晚男友黎左接我放工，我地就黎左呢度食串燒，感覺乾淨衛生食完成身唔會太大陣味😁前菜，蔬菜，飲品同甜品可以自己係雪櫃拎竟然有我同男友童年時都好愛既啫喱😍 仲要有青檸味！🤣 男友一黎就係咁隊佢好中意既中華沙律同螺肉😅我地坐低之後店員就奉上送既兩隻扇貝，好肥美😍 配啲酸辣汁一齊燒好滋味😋由於種類繁多，以下係我比較推薦既野食😎1. 雞腎勁爽脆，原味比較重芝麻香，麻辣就刺激啲，兩樣都好食😂2. 原條日本秋刀魚罐頭秋刀魚我就食得多😅 第一次原條燒，好有風味👍 輕輕落啲鹽同檸檬汁調味已經好香好好食😋3. 農場雞腿肉舊舊都非常嫰滑juicy！！😯4. 一口牛就咁燒完唔落任何調味都好淋好好食，有牛味但唔羶🤤5. 一口台灣腸呢樣係私心推介🙊 因為我本身好中意食台灣腸，呢度供應既係黑椒味，放上個爐佢自己會轉，好快就食得，超方便！🤣6. 黃金魚片頭平時食麵或打邊爐就食得多，原來燒起上黎會變到外面脆裡面依然彈牙，驚喜地好食！😱7. 泰式豬頸肉微微酸辣又帶啲香茅味，好清新，雖然係豬頸肉但唔會太肥，肉質彈牙😋原本諗住最後叫啲炸物食下，但食左咁多肉已經食唔落😂第一次食呢啲會自己轉動唔駛我理既串燒，原來

我好鍾意食串燒，成日見到ig有自轉串燒店，呢間觀塘嘅自轉任食串 燒店串燒屋 位置唔算十分方便。不過住九龍東過黎的話都唔錯😆有前菜可以比大家係自助區夾，例如泡菜同中華沙律海鮮方面，有蒜蓉焗生蠔 同青口 。蠔size唔錯 幾新鮮 👻👻係幾好食仲有豬頸肉、牛柳粒、雞肉甚至羊架都有😆😆轉爐每一次可放到大約10串串燒，串燒放好位置，肉串會自己轉動。我地就可以等食 肉串燒得唔錯 金黃色香口加日式燒汁更加好食另外自助區有飲品同甜品供應 有自家製檸檬薏米水！————————————————Taste 3/5Service 3/5.💡 串燒屋 (觀塘)📮 觀塘通明街54號地舖————————————————

想食串燒近近地去左牛頭角的串燒屋🍢任食2小時價錢只係$2xx, 價錢相宜，喜歡鐘意食串燒的呢度係唔錯的choice😊不過要book位，如果唔係walk-in有機會要21:00先可以入座每位會送蒜蓉扇貝一隻，另外可點蒜蓉燒蠔🦪、蝦🦐、魷魚🦑、秋刀魚等海鮮。。。。。。肉類有分網燒同串燒的肉~和牛粒、牛仔骨、安格斯牛應有盡有😚外面自助bar亦有蒜蓉雜菇🍄、牛油栗米🌽、蒜蓉包🍞、綿花糖、jelly、泡芙等小食同甜品而且飲品種類都幾多~有自家製飲品同罐裝飲品🥤🧃選擇多又抵食👍🏻

今日同老公去觀塘整車，時間尚早，未有得攞，咁啱又見到附近有間餐廳，咁就不如食個early dinner先。呢間餐廳係食串燒放題，空間寬敞，每枱都有一個自動燒烤爐，上面仲可以網燒，呢度都幾乾淨，坐得舒服。以為只得串燒食，原來仲有網燒同炸物，所以覺得有d驚喜，另外黑板上仲有一啲新品放題添。出面d雪櫃就有沙律，甜品，飲品同雪糕。飲品仲有自家製涼茶同埋茶類，咁就唔怕太甜或熱氣啦。清酒煮蜆有好濃清酒味，帶出左蜆肉鮮味。串燒樣樣都好想食我哋就隨便叫左幾款。美國穀飼牛腩條、牛西冷，仲有麻辣雞翼都有調味，味道幾好，好好食。黃金魚片頭同迷你豆卜就燒到卜卜脆，海蝦新鮮，用網燒嘅挪威鯖魚又唔會散晒。另外值得讚就係每串串燒都串得幾好，就算自轉嘅時候都唔會攪到隔離串click住左，夠晒貼心。網燒種類都唔少，兩位入坐先送每人一隻扇貝，另外我哋叫咗蒜蓉烤蠔同埋青口。蠔大好隻，入口肥美，蠔，扇貝同青口都好香蒜蓉味。安格斯牛肩肉片同埋美國特級牛仔骨切得大細剛好，容易熟，一路燒一路出油，一口一啖，好香好好食。呢度嘅炸物都好多選擇，即叫即炸，我就叫左越南豬肉春卷，炸蝦餅同炸雞軟骨。黎到嘅時候仲係熱辣辣，啲炸物食落去都係脆卜

朋友帶我試新嘢，位於觀塘通明街的串燒放題。2.5 小時任食放題，每位都係 $238。首先枱面會有剔剔紙，可以儘情揀自己鍾意嘅嘢。基本上串燒常見的豬、牛、雞、羊就一定有齊。肉類冇乜特別醃製，反而枱上有好多不同醬料，可以俾大家按自己喜好去調教味道。個串燒爐的特別之處係食物放上去之後佢會自動轉，確保每個部份都燒得夠均勻。一邊燒一邊加調味，都幾過癮。而有比較大件的，例如羊架及雞中翼等就可以放落下一層網燒。上面轉轉串燒，下面就網燒，爽呀回本食物都唔少選擇，例如安格斯牛肩、熊本一口牛、燒生蠔、青口及元貝等，無限追加 除咗一眾的燒烤食物，亦有好多日韓頭盤，例如蟹子沙律、螺肉、中華沙律、泡菜等，全部一盒盒有蓋密封，好衛生飲品除咗罐裝，仲有好多自家煲的飲品，少D糖，少D潻加劑，健康D👍除咗肉類，仲有好多菇菌類及蔬菜可以串燒，例如雞脾菇、脆肉瓜、秋葵、甜薯及菠蘿等等。蒜蓉燒茄子係必食，燒完出嚟軟滑香又好味，多多都唔夠。連棉花糖都有得串燒，正呀！總括來說，二百幾蚊真心抵食，推介！

餐廳位置係觀塘同牛頭角中間 唔算話好方便但平日夜晚都非常爆滿💥💥全因價錢實惠✅ 食物多選擇✅ 而且質素唔錯✅•💰 $238/1任食2.5小時!⏰食足兩個半鐘 今次真係fatfat👅💦💦餐廳既燒爐可以自己網燒🔥又可以自動轉轉串燒 夠曬方便😝😝而且每枱都有充足既調味料🧂孜然粉 椒鹽粉 辣椒粉之外仲有秘製串燒醬同燒肉汁👩🏻‍🍳可以隨你所好😙😙🐽 肉類🥩肉類有牛豬雞羊🐮🐖🐓🐏 非常豐富超級推介 麻辣雞腎🌶️醃得好入味 夠曬惹味🤤🤤厚切牛舌 美國殼飼牛肋條都好唔錯 有濃郁既牛味🥰農場雞腿肉燒完都keep到juicy💦加上串燒醬 正🤩🤩🐽 海鮮類🦐樣樣都唔錯🤩🤩 有蒜蓉烤蠔🦪 蒜蓉烤青口海蝦🦐同 挪威鯖魚🐟幾鮮味🤪另外都好推介 熟食既 清酒煮蜆🍶清酒味香濃 蜆大大粒又鮮甜😼😼🐽 炸物🍟依度既炸物好有驚喜炸得好香脆🔥🔥特別推介 吉列魷魚圈🦑同迷你炸魚餅好彈牙😛 臺灣香芋地瓜波🍠 同 榴槤波波都正外面夠脆 入面有濃濃既香芋地瓜/榴槤蓉😻🐽 蔬菜🥬蒜蓉燒茄子🍆啱曬鐘意重蒜味既人🧄🧄另外仲有各種菇類🍄翠玉瓜同菠蘿🍍🐽 飲品 & 甜品🍹🍨除左一般汽水罐裝之外可以試下餐廳自家製既洛神花茶🌺 檸檬意米水🍋 無糖玄