串燒屋

营业中

休息中

今日同朋友一齊行下觀塘舊區，跟住朋友就發現咗呢間串燒屋，原來佢呢個五點時段都幾抵，咁我同朋友一齊入咗去食串燒。 其實呢度都幾多嘢食同飲品，佢亦都有一啲自家製嘅涼茶同薏米水，咁我覺得幾好嘅。最大特點嘅係呢度嘅燒烤機啲串燒會自動旋轉，令到啲食物平均受熱， 而且最啱曬我哋呢啲懶人。個人最推介美國穀飼牛西冷， 肉質幾好而且嫩口 ，牛、豬及雞都有好幾款唔同嘅選擇， 另外佢啲雞翼都幾好食我自己覺得麻辣雞翼同原味雞中翼都幾好食， 肉類就肥瘦適中，唔會太肥。 另外羊架亦都係必食之選 ， 因為佢肉質都幾肥美而且都幾蘇 。建議嗌多啲牛，抵返條數。網燒我自己就最鍾意就係蒜蓉烤蠔同佢個烤青口， 因為食到我就算燒完之後啲海鮮都幾新鮮而且幾入味， 另外一入到佢 侍應已經拎咗扇貝畀我哋燒，我覺得貝貝亦都好好食因為都幾新鮮同有甜味。另外佢啲炸物亦都整得精彩，自己就幾鍾意佢啲春捲、炸蝦餅及炸魚餅， 佢哋都炸得唔燶 自己燒完都攰都係鍾意食啲即食嘅就是人哋燒完嘢畀我食。 嘻嘻… 最後食完之後記住食佢啲甜品我自己幾鍾意佢啲啫喱仔。最後因為佢啲食物都幾多所以請大家參考嗰啲相啦， 而我自己覺得呢一間串燒屋， 食物同價錢都唔錯，

上次在公司開年時吃過一次，而且已經很久沒有燒烤，今次我就和朋友來吃。上次來吃時就覺得很方便，不用自己夾和串起食物，而且燒烤機自動轉，客人可自行決定食物的熟度和焦位置: 從觀塘地鐵站大約走10分鐘才到，也要走一少段斜路。環境: 環境不錯，每張桌子有自成一各的感覺。也有兩部大電視，一邊燒烤一邊追劇最適合。服務: 點的東西很快就到，服務效率很高👍晚市: 今次就自己給錢，價錢來說很合理！五點半來到，七點前離開，約二百元連加一。現在每位都送一份扇貝，記得之前是有送刺身。供應食物多元化，有海鮮，有肉類，有蔬菜。推薦青口，海蝦🍤，蠔🦪，秋刀魚，茄子🍆，所有食材都很新鮮🤤。前菜、炸物、飲品和甜品任食，推薦炸榴槤，香芋地瓜丸，炸紫薯餅，樣樣外脆內軟。另外還多了網燒（我上次是沒有的），點了一口牛和牛肋條，肉質靚過之前很多，又多肉類選擇，絕對能滿足大胃王和食飲獸。

放工同朋友食飯，朋友提議食呢間，我都好耐無串燒過啦，好期待😊😊飲品選擇算多，我飲左自家製菊花蜜，味道唔會太甜，食串燒飲呢d可以下一下火。😆😆除左串燒上可以任剔，放題新品都可以任食👍🏻👍🏻每人會送一隻蒜蓉扇貝，非常肥美😋😋清酒煮蜆絕對係值得encore，雖然有少少沙，但個蜆真係好鮮甜😆😆炸物都好好食，我鍾意食炸蝦同炸蠔，做到非常脆口，但粉漿又唔會太多👍🏻👍🏻燒雞翼真係非常好食，好香口🤤🤤燒蠔同燒青口，燒嘅時間比較耐，想燒多轉已經無咩時間了網燒d牛都非常好食！我特別推薦一口牛同牛仔骨！一口牛入口即溶，雪花油脂分布啱啱好，屬高級肉質！牛仔骨好煙韌，薄薄地好快熟！可以燒多幾轉🤣🤣串燒自動轉，懶人可以不用理，傾下計就食得，好方便😊😊😆

上次食完自助串燒後念念不忘，今次搵間近近地既來試下先。今次既食物式非常多，除左有生食外，仲有唔少熟食。使用手寫單，店員會好清講解點解落單。除左落單紙外，黑板上既款式都可以叫。調味料種類多，除左味粉仲有燒肉汁。送的一人一隻蒜蓉扇，大大粒好鮮甜。食物種類有好多款，豬牛羊、海鮮、菜類都齊。部分燒串有醬汁，亦有部分係辣的。其中雞腎好食夠爽脆，仲有我最愛既紅腸。除左串燒，仲有網燒，牛助肉好好食，雖然切得較薄但有肉味。食羊既朋友表示羊架好食。最正係三文魚鮫，先燒魚皮到金黃色就反轉，油脂飽滿入口即溶，又香又脆，推介。仲有燒蠔都好正。燒肉同中燒好食，但最令我地驚喜既係熟食。清酒煮蜆 - 無沙啖啖肉炸雞軟骨 - 超級推介！非常香口，調味夠好惹味。炸蝦 - 夠香口，蝦肉都大隻炸洋蔥圈 - 甜甜地好脆炸雞 - 夠嫩滑多汁炸大阪王將餃子 - 無太大特別飲品有罐裝，都有自家涼茶飲品，唔驚熱氣！仲有啤酒飲。甜品有啫喱、泡芙、雪糕、燒花糖整體好多款食物選擇，每款食一次已經好飽，質素唔錯價錢合理。

今日去左樂華南邨個邊影相順便就係附近搵間餐廳食個晚飯，行過小巷見到呢間串燒好吸引，仲要仼食放題，價錢又唔貴，於是就入左去試吓😋入去既時間只係5點幾，都已經有幾枱人係到食緊，到6點幾既時候已經愈黎愈多人，幾乎全場滿座。👥👥👥一坐低，店員好主動同我哋介紹呢到既餐單，除左三張餐單之外，仲有是日放題精選任你食👍🏻👍🏻我哋分別都叫左唔同既串燒，網燒同炸物。除咗呢啲野食之外，仲有個雪櫃擺滿曬甜品，前菜，蔬菜。仲有唔同既飲品，例如檸檬薏米水，山楂洛神花茶，呢啲都好岩燒烤既時候食，清下熱氣！首先送黎既係帶子（呢個係送既，按人頭上），跟住就係牛肉串，豬肉串，雞肉串，雞腎，牛舌，平時係出面見到串燒呢到都有得俾你食👍🏻👍🏻另外網燒方面，我地都嗌左雞翼，牛肩肉片，生蠔，羊架同一口牛，味道都幾新鮮唔錯😋😋😋炸物我地都試左雞軟骨，炸蝦，炸蠔同芋圓，炸粉唔厚，調味都岩岩好！呢間串燒屋既CP值真係好高，如果鍾意食串燒既朋友不仿一試！評分： 🌟🌟🌟🌟

星期日唔想煮飯又想食餐勁，於是黎左觀塘呢間串燒屋食串燒放題，上次食過返尋味 。由觀塘港鐵站出黎都要行一陣，仲要行上斜，要d腳骨力，要食返多d補充返。串燒放題任飲任食兩個半鐘，星期日晚7點前離座只係$208加一，啱哂食個早晚飯。呢度每張枱有個自轉燒烤爐，火力都算唔錯，上面有個抽氣扇直接吸油煙味。用order紙點完食物之後，服務員會將食物送上，然後自己喺個串燒爐度燒。燒烤爐隔離有個鐵架俾你放d生肉慢慢等燒。枱上面仲放左燒肉汁，秘製串燒醬，辣椒粉，孜然粉，椒鹽等調味料等你自行調味。Order紙選擇有三張，分別係串燒，網燒同炸物，選擇都唔少。1）串燒 美國穀飼牛肋條：牛味好好，只係需要咬下美國穀飼牛西冷：較韌蜜汁叉燒豬柳泰式豬頸肉：好爽脆，香茅味好香，好有泰式風味農場鷄腿肉：好嫩滑原味鷄中翼麻辣鷄翼 奧爾良辣鷄翼爽口鷄腎麻辣鷄腎 海蝦：烤完連殼食都得加拿大多春魚：春都有唔少挪威鯖魚 黃金魚片頭 臺灣一口腸鷄肉腸迷你豆卜 紅腸芝士腸黃金魚蛋芝士獅子狗卷龍蝦丸 日式蟹柳牛筋丸花枝丸台灣貢丸午餐肉2）網燒蒜蓉烤蠔：雖然細細隻，都可以，蒜蓉醬好好味蒜蓉烤青口：唔韌，都新鮮，蒜蓉醬好好味蒜蓉烤茄子：好大

串燒屋 (觀塘)觀塘APM就去得多，今次試吓大型商場以外的小店，行行下發現了這間小店串燒屋，這間串燒屋有自助串燒很有趣，忍不住要光顧一下～ 串燒及網燒放題 $208/位 （星期五至日及公眾假期），下午五點至七點，可以任食兩小時😆餐廳送每人一隻扇貝😍，扇貝是網燒手的，上面加了蒜蓉牛油，很香很鮮甜😋 這裏有很多食物供應，小編推介燒茄子🍆、蜜汁叉燒豬柳🐷，以及台灣一口腸🥰 燒茄子鋪滿了蒜蓉，茄子夠腍😋蜜汁叉燒豬柳和台灣一口腸只要把串燒放在自助串燒機上，串燒便會自轉😚不用擔心其中一面會過生或過熟，很方便😆😆 豬柳不會有肥膏，而且會笑得有少少焦香，蜜汁味很濃郁～台灣一口腸加了黑椒，而且外皮很香出去，非常惹味☺️甜食方面估不到有燒烤棉花糖和日本迷你紫薯😝😝棉花糖可以燒到外表金黃，外脆入邊軟綿綿，好好味😆迷你紫薯可以連皮一起食，糖心甜味🥰飲品也是可以任拎的，這間店有自家製的夏枯草涼茶、檸檬薏米水、無糖玄米茶等，飲得出是自家製的，而且真的是無糖或小糖，很適合燒烤飲用🥰整體食物美味指數：8/10 （10分滿分）地址：觀塘通明街54號地舖

經過見到都幾平就入左去試😳我係食17:00-19:00時段，先至$188/位，不過放題野食種類黎講唔算多，有啲可能紙上有既都冇，但勝在質素真心不錯，所以同價錢都成正比。🤪.每條串燒上都會有一個齒輪，只要放啱位置，佢就會喺個爐到自轉，完全唔使人手自己燒，好方便😚，同埋最緊要係個串燒爐好夠熱，之前我食過其他自助串燒，個爐熱得好慢，每轉都要等大概十五分鐘先開始熟，真係等燒仲多過食，變相冇乜食到太多嘢，依個爐就冇呢個問題，而且唔使人手燒，個身同埋隻手都冇彈到油，唔會食到好「呢hea」👍🏻.放題有分3張紙，分別係串燒、網燒、炸物，仲有黑板上有寫既野食、雪櫃既冷盤、飲品同埋甜品，最吸引我嘅係雪櫃竟然有泡芙，仲要有朱古力同埋士多啤梨味🤣🤣。.串燒方面，全部既肉類都新鮮，冇雪藏味，特別係個密汁叉燒豬柳，相比起街市買既新鮮叉燒，我覺得仲要好食，仲重密汁味，肉質完全唔乾😨然後，就係泰式豬頸肉，係同泰國食嘅冇分別😂好重香茅味，食完之後口腔仲留有住香茅味，中意食泰國嘢嘅話真係必食🤣.網燒方面，蒜蓉烤蠔必食！蒜蓉落得超多，蠔燒完之後size都唔係縮水得好勁，而且冇唔新鮮感覺，好香蒜蓉味！另外，日本漢堡扒好厚身😳

期待已久了，平時番上大陸食串燒，仲要食燒蠔。而家搵倒間在香港可任食燒蠔又有燒蝦既性價比高既食物。最重要係有哂我愛食既野，又有多款醬汁選擇。我一來先食左生果哈密瓜，涼涼個底先。出面凍櫃有好多選擇，有甜品 、蔬果、野飲我試左兩款係洛神花及薏米檸檬水，好飲。戲水款式又多，老闆都好大方呀。食物方便有三張紙剔，有炸物，燒物同網上燒，樣樣都點下啦，仲有是日精選，我哋點左清酒煮蜆、燒三文魚鰭、同埋燒羊架。最開心有轉轉燒，唔使下下自己轉，生熟度亦可以控制自如，仲要有好幾款味粉比你自己選擇。另外每人都送一元貝，今次燒得好，不會過火仲要鬼死咁多蒜茸在面，正😄另外肉類大了點選牛，有一口牛、牛仔骨、安格斯牛肉片，全部不錯，一口牛食下去很溶化，仲記憶猶新整體來講性價比高 7:00前埋單都平很多，放假早點去食都冇所謂啦

觀塘近牛頭角個邊有間串燒舖，專食串燒放題！環境乾淨企理，試過認真唔錯，推介比大家～呢間串燒舖最特別嘅就係佢嘅自動串燒架，只要擺啲串串上架，佢會自己轉下轉下，轉熟晒，啱晒啲懶人！另外下面有個網都可以網燒，又多一種食法。餐廳一黎就會送每人一隻扇貝，上面嘅蒜蓉好邪惡啊，放喺網上面燒，燒到吱吱聲，好似我嘅味蕾為眼前美食演奏咁，教人食指大動。雪櫃入面有好多唔同嘅小食同埋配料可以選擇，飲品方面都好多㗎，特別欣賞佢有一啲涼茶、薏米水等等，解膩得黎又健康！除咗餐單上面嘅食物選擇唔單只可以叫串燒，亦可叫炸物，例如薯條、炸雞軟骨等。另外亦有放題新品嘅menu，例如有芝士魚豆腐、清酒煮蜆等，添加特別菜色。Overall黎講，食物種類繁多，質素亦唔差，非常值得一試！🤤

餐廳喺牛頭角偏遠少少，有少少唔方便嘅，不過有幾多選擇，幾有新鮮感，食物質素可以接受，中規中矩，有得同時串燒同埋網燒，個雪櫃啲嘢都唔錯，有蒜蓉包棉花糖食下，飲品方面幾驚喜，有涼茶、玄米茶、薏米水、洛神花嗰啲飲吓，唔使次次都要飲罐裝。

假日要食飽的我, 今次黎左食串燒，最重要係任飲食任食。自助區包罹萬有, 涼荼、汽水、啤酒，前菜、沙律菜、菜類同蒜蓉什菌菇、栗米，甜點和生果都有。因為佢係自轉形式的串燒店, 唔使理就輕鬆有得食, 串燒類有牛、豬、蝦、腸類、丸類….，一串串的自轉，熱度平均唔怕濃。每位都會送1隻蒜蓉扇貝，可以網燒，燒物有豬腩片、香草羊架、蒜蓉蠔、魷魚、秋刀魚、燒茄子、和牛粒、牛仔骨、安格斯牛、蒜蓉包同綿花糖。 仲有炸物類，炸蠔、炸榴連、炸蝦、炸墨魚餅….都好好食，炸物炸得剛剛好，很香脆。最後食番杯雪糕，就飽晒啦！

凱匯和裕民坊都是觀塘區的新建項目。平時聽就聽得多，考慮到自己將來有機會抽中這個單位，所以今日特意來到這個場地參觀一下。行左一個下午，都是時候找找食的地方。老實說，APM 的大多都是連鎖餐廳，已經有點厭悶的感覺，所以我們都是想看看舊區那邊的餐廳，拓展一下新區域。去到舊區那邊行行，被我發現到這間「串燒屋」。見到7點前離座有優惠，由於時間尚早，我們一於把握機會，即刻入座。不用說都知道，餐廳主打串燒為主，但除左基本的串燒之外，串燒屋還有網燒食物、炸物、自助櫃和甜品供應，是一間串燒放題店。食物種類繁多，有大量串燒、網燒款式選擇，還有限定是日推介，真的要先想想食物的先後次序。由於這裡是自助形式，想食什麼就點什麼，非常方便。串燒爐自動轉轉，所以我們乖乖地等待就得，還可以放一些網燒的，保證熱辣辣地食落口。串燒有非常多款式，牛類方面我會特別精選：美國穀飼牛肋條、美國穀飼牛西冷、厚切牛舌。牛肉串燒絕對要瘋狂encore，牛肉大小切得恰到好處，在均勻受熱之下，牛肉入口即溶，而且富有牛香味，品質一定不是平價貨色。豬肉類就有：蜜汁叉燒豬柳、泰式豬頸肉。蜜汁叉燒要特別推介，其口感就像港式叉燒一樣，不過更加好食，叉