中環茶記 (已結業)

誰說中環只要高級西餐？在威靈頓街就有一間非常搶眼的港式茶餐廳，只看門面和招牌已充滿懷舊氣息！一進去簡直像去了五、六十年代的樣子，尤其那樓梯！雖然我坐下層，都忍不住在樓梯拍幾張照片餐牌就在枱上，一張搞定。雖然我和友人在晚餐時段來，但因為看到鄰桌的菠蘿包太吸引，忍不住也點了。夾沙嗲牛肉都頗特別呢！菠蘿包的皮香脆，包身熱又鬆軟，能想像夾牛油的邪惡感！其實沙嗲牛肉好夾，充滿微甜的醬汁，肉質又軟，整個吃的舒服。愛吃肉的我選了個鐵板餐，有原條鰻魚和一大件豬扒，份量十足！鰻魚醬汁香甜，肉質油潤香軟，忍不住一塊接一塊吃。在豬扒上淋上醬汁時滋滋聲的，芳香四溢。而豬扒的賣點是2cm厚切，啖啖肉，肉質卻相當滑嫩鬆軟，絕對是驚喜位！友人點的是咖喱羊肉配蔥油餅，上菜時已聞到陣陣椰香。全椰漿製作的咖喱用了印度香料，質感濃稠足料，味道非常香又濃郁，用蔥油餅點來吃最惹味！不過咖喱偏辣~來到懷舊餐室當然要點懷舊飲品啦！紅豆冰充滿椰奶香味，粒粒紅豆香甜軟身。懷舊雪兔就更特別，是加了蝶豆花的什果賓治，底部滿滿什果，頂層佈滿彩色棉花糖，既可愛又豐富。每人百多元吃得飽飽的，又能感受古香港氣息，不錯喔！

係呢間出面行過，見到裝潢同門面都好舊年代既感覺，又有霓虹燈、舊式既地板等，睇下餐牌，原來係一間茶記，晚餐諗諗下就入左黎食下牆上有好多舊香港既相片晚餐選擇幾多，不過有個最吸引 - 鐵板餐！一望到就想食，沙嗲菠蘿包都想試，不過留返下次黎開下午茶先食！之後叫多左個小菜同朋友share 青紅蘿蔔老火燉湯飲得出燉煮左好耐，好夠火喉，平時冇咩湯水飲既，真係可以叫個，+$18就有，都幾扺飲！XO醬炒芥蘭好入味，芥蘭好爽口新鮮唔老，不過就油左d煎澳洲羊仔扒成塊面咁大既羊仔扒！薯條都一大堆，望見都已經覺得好飽，上茶淋汁落去”滋滋”聲個下，係食鐵板扒既精粹羊扒都唔失禮，肉質實淨，唔韌，薯條熱辣辣最後叫多左杯龍鳳檸樂，配上扒，正總體黎講，以中環呢個地方，呢個價錢食到呢個質素，都幾唔錯！

7,000呎、樓高四層既超大間懷舊冰室，有沙嗲牛肉菠蘿包、2cm厚切秘製豬扒、蝶豆花懷舊雪兔等等，又黎試新式冰室！餐廳內外睇門面真係睇唔岀原來餐廳咁大！樓底好高，座位與座位之間好寬敞，有做懷舊裝修，但同茶餐廳相比坐得舒服好多。食物選擇一張餐牌過，但選擇都唔少，鐵板餐、麵食、中式、咖喱，以至韓式都有，價格以中環地段及裝修都唔算太貴。沙嗲牛肉菠蘿包 $34估唔到係巨型菠蘿包！好大個，有成隻手掌咁大，份量十足，一咬落去真材實料，完全唔係空氣包，好重好實在，沙嗲牛餡都十分好多！但可惜菠蘿皮做得比較薄以至唔脆口，整體味道似餐包唔似菠蘿包，而沙嗲牛醬汁偏酸冇花生味，令牛肉味道有點古怪。星級常餐 $68包括明治牛奶奄列山多士、厚切豬扒麵或沙嗲牛肉麵以及特飲。- 明治牛奶奄列山多士多士有8款配料，分別有五香肉丁、秋葵、芝士、磨茹、火腿、蒽花、牛肉碎及日本木魚絲，8款選兩款，揀左五香肉丁及日本木魚絲，蛋份量夠厚夠多，生熟程度剛剛好，配木魚同肉丁又幾夾，如果多士再脆啲就更好！- 沙嗲牛肉麵而麵食就揀左沙嗲牛肉麵，問題同沙嗲牛肉菠蘿包一樣，個醬汁需要改良下，而麵亦太腍，湯水較大股鹼水味。烤豬扒拼鰻魚 $13

環境佈置有很多舊香港的元素。是日老火湯紅蘿蔔粟米煲豬骨。非常濃郁，飲完無口乾，感覺唔到有絲毫味精，推介!乾炒牛河香港茶餐廳的經典。雖然隨便去一間茶餐廳都吃到，但經常吃到一嘴油。無他，全因乾炒牛河易做難精，講求鑊氣、油量和調味適中。呢度河粉炒得夠乾身。牛肉無過份發水，生抽老抽比例剛剛好。椒鹽魚柳無骨魚柳啖啖肉。炸得夠乾身，酥脆唔油膩。椒鹽調味拿捏得剛剛好，唔會過鹹。港式凍奶茶茶味絕對夠濃厚。完美凍奶茶!

估吾到有間女士理想的茶餐廳在中環，由外至內都舒服！又吾汚湮漳氣。入門的女士似茶記招待我一人坐四人大廳中間枱，坐落一D吾迫。雖然三點幾餐牌冇tea set, 但有常餐。我只系想食多士/奶茶。多士外脆內軟，又太多醬、奶茶叫少𣲙少甜都OK，good!重要系D staff 有禮，吾核突，有靚女化埋粧，比起一般D港式茶餐室好100倍，貴小小都抵。不過如果款式多樣小小，加個茶餐就一百分了⋯⋯i will come again

工作繁忙既一日，連食飯時間都錯過左去到5點先有時間先搵我既早午餐拖住餓到無力既身體去搵嘢食行經呢到，懷舊既感覺令我有種莫明既安心，令我咁就入左去坐低傳統懷舊既設計用左現代化既材料，互相影響之下，又幾好睇啵牆上仲掛住當年今日既相添繁忙時間四人座，兩人記得坐埋一邊啦🤣其實我已經好多年無食過菠蘿油，年紀都有番咁上下啦今日黎放縱一次啦熱辣辣既菠蘿包，有著鬆軟而不失香氣，加上表面甜甜地，有黃金色既菠蘿皮，令到面包愈嚼愈香甜加上一大塊邪惡既鮮牛油，令成個包增加一份香滑一個菠蘿包只係早餐既份量，仲有午餐仲未食陣陣既咖喱香隨著上枱既時候迎面飄來，令我既口水自然咁分泌就咁睇，厚到不得了雖然好厚，但仍然鬆軟，唔會有硬綁綁既口感豬扒之中仲充滿肉汁，香味經過咀嚼更慢慢散開咖喱之中椰香味濃郁，有少少辣度，刺激得黎又係到吸引著迷最後一杯懷舊既紅荳冰就圓滿我既早午餐自家製紅荳，有啲煲到起沙棉滑，有啲就帶有咬口，加上香滑既椰汁，就已經形成多重口感

港式茶餐廳融合了中西的飲食文化，對於香港人來說，一杯紅豆冰、一個菠蘿油 ⋯ 這些獨特的本土美食在我們心目中都佔了一個重要的席位。位於中環的一間茶餐廳，名為中環茶記，取名既地道又親切，正正切合茶餐廳大衆化的味道。餐廳從內至外都裝修成五六十年代的舊香港，滿有懷舊的感覺。皇牌焗豬扒飯 （$68）👍👍👍👍厚切的豬扒舖在金黃色的炒飯上，再加上酸酸甜甜的蕃茄醬汁，就是一個經典的焗豬扒飯。豬扒肉質鬆軟，炒飯炒得很乾身，份量也十分足夠。鐵板銀芽肉絲炒麵（$68）👍👍👍👍平時吃的銀芽肉絲炒麵大多是以碟上，但是這個炒麵用了鐵板上，鐵板的熱力令到炒麵更香脆，而且食到最後，麵條還保持溫度。銀芽肉絲的味道不太鹹，味道清淡一點。沙爹牛肉菠蘿包（$34）👍👍👍👍這個菠蘿包夾著的是沙爹牛肉，甜甜的菠蘿飽跟鹹味的沙爹牛肉，味道又幾夾，如果喜歡創意配搭，值得一試。龍鳯檸樂（$24）👍👍👍👍新鮮檸檬配鹹檸，加埋冰涷的可樂，配任何食物都不會出錯。紅豆冰（$30）👍👍👍👍懷舊紅豆冰也是茶餐廳的經典之一，味道香甜，是一杯可以又食得又飲得的飲品。門面內在環境餐牌

去過中環區嘅朋友我諗都知道大部份餐廳都走高檔路線，平時食個晚餐我相信人均消費都要$300up,但係要搵啲性價比高嘅餐廳，則寥寥可數。今次呢間中環茶記，則fit囇我地要求。餐廳開得起中環，裝修梗係唔會差啦。餐廳風格走老香港嘅情懷，茶餐廳來講，非常有特色～!今次我哋三個女仔分別點左三樣嘢share嚟食，碟碟都超大碟，仲要價錢唔貴～!鐵板烤豬扒定鰻魚 $138鰻魚係原條上，大大份，配埋厚切嘅豬扒同熱辣辣嘅黑椒汁，正到痺～!咖喱牛肉配蔥油餅 $62呢度嘅咖哩全部都可以選擇配飯或者配蔥油餅， 我個人就認為咖喱配印度薄餅先係Perfect match～!豬扒炒公仔麵 $55豬扒全部都大大嚿，呢個價錢簡直值回票價！懷舊雪兔👍🏻👍🏻薄荷朱古力👍🏻👍🏻👍🏻咁抵食，大家下次去開中環區，都不妨試吓！

老婆今日唔得閒同我地出街，所以今日帶呀女去中環坐摩天輪，之後再去擺花街買糖，行去擺花街買糖期間，順便睇下附近有咩好野食，囡囡話想食西多士，但就黎晚飯好多餐廳都唔會有，但竟然中環茶記有西多士食，囡囡超開心。餐廳霓虹燈好搶眼，環境乾淨企理，走懷舊風格。餐廳好多選擇、有焗飯、小菜、意粉、常餐，懷舊鐵板餐等等。今日呀女話事，佢叫咩就食咩芝士焗肉醬意大利粉-唔會焗到意粉偏硬，意粉軟硬適中，每條意份都掛滿肉醬，而且份量夠我同呀囡食西多士-超厚西多，兩塊麵包夾著花生醬，牛油大大舊，西多士炸得乾左小小，但都不影響口感，一樣好味懷舊雪兔-第一次飲，其實係雜果賓治黎，上面加左幾粒棉花糖。香濃朱古力咖啡

中環茶記既霓紅燈其實係以條街好搶眼，好吸引，加上懷舊既裝潢，另到經過既人都會望多幾眼。係中環食飯，一諗就諗到特別貴，但望一望以間既餐牌，價錢合理，唔會因為中環既地段而特別貴。餐牌同其他茶餐廳餐牌差唔多，但多了懷舊鐵板餐，懷舊飲品、有幾款食物都好特別。星洲炒米（$58）好大碟，一個女人仔食唔晒，星洲炒米材料好豐富，有瘦肉絲、蛋絲、蝦仁、叉燒、火腿，炒米粉炒得乾身，辣度剛剛好，當然唔小得點辣椒醬。紅豆冰紅豆冰椰奶香味濃，甜度適中，因為好喜歡紅豆，如果多一點紅豆會更好

經過中環，試下尼間富有特色既茶記先🤩裝修一流，好有復古嘅味道！Menu選擇都多，有懷舊嘅食品，亦有新穎嘅食物，任君選擇🤘🏻 精選燉湯（$18）極力推介，冇味精！是日精選燉湯係木瓜雪耳排骨湯～一上枱面覺得$18真係物有所值！超大碗，而且木瓜雪耳排骨都係碗湯都搵到，絕對真材實料！仲有好好飲🤩🤩🤘🏻咖喱羊肉蔥油餅 （$68）咖喱汁唔錯，少少辣，味道濃郁！羊肉炆得夠哂淋，羶味唔會太重～最喜歡薯仔，好入味！但葱油餅就有少許失望，唔夠香脆，少少硬身～配搭咖哩都唔錯既鐵板烤豬扒拼鰻魚（$138）第一次係茶記食鐵板食鰻魚🤩有驚喜呢！鰻魚大條又肥美！超滿足！而豬扒超厚！ 外邊香脆 且juicy呢👍👍薯條都好多條，炸得好香脆，又不會太油 正！

喺中環返左好多年工，最近一年先搬離此地，但依然掛住呢區既美食。話說中環美食選擇多，但價碼同地價成正比，要搵到CP值高既餐廳並唔易。近日同女友返來行下，發覺X華條街多左間幾有趣既茶餐廳。近年好多茶餐廳都愈來愈注重裝潢，但好多食物水準一般，好多都係得個樣！但呢間就完全唔同，係從內涵上convince到我。呢間野既舖位以前係一家佔地3層既餐廳酒吧，冇做後原址全部變成呢間茶餐廳，所以淨係講面積都大過人。懷舊得過份既裝修好似帶我返去80、90年代黃金時期既香港，倍感親切；更值得表揚既係連餐牌上所有食物都彷彿時光倒流咁，我可以食返果陣時周街都係、但依家近乎沒落既鼓油西餐。經典之一係果時好興既鐵板牛扒餐——女友叫左一份香煎西冷扒5成熟，厚切既西冷用鐵板上，Waiter會喺你面前淋黑椒汁，即時煙冒瀰漫，塊扒腍得來質感很好，濃郁既肉汁非常入到塊牛扒，肉香亦不俗，絕對高質過以前既扒X之王，薯條係用舊酒樓食到既扭紋粗薯條，炸得香脆可口。整體對得住個價錢。另一經典係小弟叫既肉絲炒面，同樣係用鐵板上！面餅炸到脆一脆，正！令我驚喜既係啲銀芽全部都搣得乾淨，呢點好多高級餐廳都做唔到。肉絲、冬菇、韮王等材料都好傳統，

遠處已經見到勁搶眼的燈光招牌… 肚子餓餓的.. 快D 入去開餐先 !!! 原隻🐔燒春雞 – 配薯菜蒜蓉汁 ($128)外面燒到金黃色的🍖小春雞…一上枱店員就淋上蒜蓉汁…熱呼呼的鐵板, ✨⚡反應好熱烈呀!!!! 「炸炸」聲的…香味隨即而上。 一入口雞味香濃又嫩滑..仲有🍟脆卜卜的粗薯條..配上熱辣辣的蒜蓉汁…完全超出一般茶記的水準.. 正!!! 晚市套餐 – B : 椒盬魚柳🐟 ($88)椒盬鮮魷食得多…椒盬粟米都食過…椒盬魚柳第一次食唷!!! 心想應該與<Fish and chips> 差不多吧🤫! 椒盬魚柳的份量頗多的… 與<Fish and chips>完全不同.. 椒盬魚柳香口非常…咬下又juicy又夠味!!! 再喝一下檸樂.. 爽呀!!!!🤤大推依個!!! 包你不會後悔.. 晚市套餐 – E : XO醬炒🥗芥蘭 ($88)又燒雞又炸物… 就點個炒菜吧~~ (健康點..XD) 今次應用上芥蘭苗.. 芥蘭嫩小易入口…顏色青綠又有光澤… 加香氣四溢的XO醬…鑊氣不錯唷.. 有時候日日啖啖肉.. 點個炒芥蘭苗做晚餐..不錯的.. 龍鳳檸樂🥤 (跟餐 +

中環茶記閃爍的倪虹燈，大大隻招牌，平時見到都覺吸引，總想入去試嚇，今日終於來到。見到餐廳都很多款式，60年代港式茶記情懷，餐廳介紹扒類及肉類，都採用外國進口的高品質食材。當中介紹2cm厚切爆汁豬扒：製作工序繁複，先以秘製調味料長時間醃製，再以高溫煎焗，豬扒鮮嫩多汁、肉質香脆鬆軟。介紹還有自家製椰香咖喱可配牛、羊、豬、雞、魚肉，冰火菠蘿油及多款經典特飲...等，款式眾多，非常吸引。室內裝修體驗了60年代懷舊香港風味。原隻燒春雞$128，因隻剩下半隻，所以加了牛扒。燒春雞半隻，燒得啡啡的顔色更是令人垂涎，肉質嫩滑，皮不是很脆，我很喜愛連肉帶皮的食，很入味又香口。牛扒煎到五成熟，嫩紅的肉質，入口軟滑有牛肉味，黑椒汁令牛肉味道更濃郁。黑椒汁焗豬扒意粉$68豬扒是餐廳推薦之選，所以我要了黑椒汁焗豬扒意粉，很喜愛焗豬扒意粉面上濃濃的橙色的茄醬，帶適當甜咸的味道，豬扒厚切很大件，挂著濃濃的黑椒汁茄醬，一如餐廳介紹，鮮嫩多汁、肉質香脆鬆軟。星洲炒米$58星洲炒米炒得很香，黃色的咖哩伴著蛋碎，螞蟻上樹般沾著米粉，米粉入口帶著咖哩香辣，很是惹味凍杏仁霜跟餐加$3第一次飲味道這麼濃郁的杏仁霜，充滿杏仁特有的

朋友從外國來香港🇭🇰旅遊，今日帶佢到中環行下d特色街道，行到累累地就揾間餐廳食晚飯，本來想帶佢食燒鵝，但行過見到尼間中環茶記招牌實在太吸睛，朋友話好想試下，咁好啦！入去試下吧招牌真係好sharp醒，吸引到不少人嘅目光店內裝潢設計更加驚喜，以舊香港為題材，而且樓底特高，空間感十足，店員安排我們坐四人大卡位，又闊落又舒適，非常滿意啊吊扇同掛畫好有特色呢食物都有很多選擇，花多眼亂，店員推薦我們叫鐵板同焗飯，好啦！一於每樣叫一份share食吧香煎美國🇺🇸牛扒拼三文魚扒（黑椒汁），好大份，熱騰騰，配菜份量都好足三文魚扒表層煎到金黃色相當吸引，扒身極厚，食落好有口感，牛扒亦大大塊，雖然係薄牛扒，但咬落好諗而且牛味十足淋上惹味嘅黑椒汁即時香氣四散三文魚扒真係好大好厚身，啖啖肉皇牌焗豬扒飯，賣相吸引，熱辣辣豬扒大大塊好厚身，又諗又入味，飯底炒得好香好乾身，配合香濃鮮茄汁，滋味無窮，果然係招牌焗飯，必試飲品大大杯味道正宗，茶香奶滑總結尼間餐廳抵食夾大件，味道好好，服務亦周到，而且價錢合理，非常值得一試