中環茶記 (已結業)

經過中環威靈頓街時被佢閃爍的霓虹招牌吸引，再望吓佢的裝修是充滿六十年代港式茶記情懷，於是就入去懷舊一吓皇牌焗豬扒飯豬扒軟腍有肉汁，炒飯粒粒分明配埋芝士茄醬超開胃芝士焗肉醬意大利粉芝士微焦肉醬香濃惹味，而且意粉軟硬適中，水準之作烤豬扒拼鰻魚用上原條鰻魚份量非常足，鰻魚肉厚肥美入口即化，豬扒厚切肉質鬆化軟腍有肉汁，配埋蒜蓉汁非常惹味鐵板味菜牛柳絲炒麵味菜酸甜醒胃，牛柳絲軟腍，炒麵以鐵板上有焦香再淋上黑椒汁，味道無得輸咸魚雞粒炒飯炒飯有鑊氣夠爽身，入口充滿鹹鮮咖哩牛肉配蔥油餅牛肉切片配上港式咖哩，微辛帶椰香，再以酥脆的蔥油餅蘸食滋味無窮沙爹牛肉菠蘿包菠蘿包超大個，皮脆鬆軟，配以惹味的沙爹牛肉，一咸一甜，味道出奇的夾西多士嘩！超厚的西多，即叫即炸，金黃香脆，中央塗滿花生醬加上豐腴的牛油及糖漿，懷舊感返曬嚟懷舊紅豆冰/龍鳳檸樂/懷舊雪兔懷舊紅豆冰紅豆夠腍夠甜加上椰汁入口清甜龍鳳檸樂鹹檸檬加上鮮檸檬再溝埋可樂，味道好有層次懷舊雪兔其實是雜果賓治再加上七彩賓紛的綿花糖，懷舊感十足

好友最近中環返工,勁OT...所以近近地陪佢食樓下間中環茶記, 速戰速決~~我地每人叫左一個常餐+ 鐵版羊+郊外油菜！食傳統茶餐廳，必食常餐呀！沙嗲牛肉麵好香肉味，食落好滑，係我最愛；而朋友點左蕃茄薯仔肉碎通粉，蕃茄湯好飲冇咩味精，而薯仔肉碎份量都幾多，有飽肚感～常餐仲配奶油豬+炒蛋多士，D 蛋好滑!!鐵版羊扒冇得輸，份量多，而且羊唔會有好勁既羶味，加埋薯條又脆又可口。另外仲叫左個郊外油菜，菜心非常新鮮，食落爽口！最後每人一杯奶香順滑既紅豆冰，軟腍清甜自家製既紅荳，有咬口感，加埋香滑既椰汁，多重口感，正！

哩間茶餐廳，真係估佢唔到。屹立響中環美食街，以為價錢會好貴，但其實非常大眾化。佢個餐牌同上咗市嘅茶餐廳嘅餐牌差不多，但望真啲又有少少唔同。我最後叫咗個常餐，即係沙嗲牛雪菜肉絲米，大少就叫咗個焗豬扒飯。簡單一個常餐已經好好味，再配埋熱菜蜜更加不得了。大少哥焗豬扒飯就冇得跟餐飲。我見到有好大舊骨同埋肥豬肉，我問大少好唔好食，佢又話OK啦。總括來說，味道普普通通，但係響中環用50至$70嘅價錢食一個午餐咁就已經好化算。

經過中環茶記好幾次，覺得佢內部嘅裝修好靚，好有舊香港茶餐廳嘅感覺 終於嚟試下啦！！因為係下午茶時間，所以人唔係太多。分別叫咗2個常餐 ，常餐A）蕃茄薯仔肉碎湯通粉 配粉蛋厚多士 同 B）沙嗲牛肉麵 配奶油多 整體食物嘅溫度係唔夠熱，偏暖嘅～可能冷氣比較大佢食物嘅份量都係比較大，一定夠飽 多士嘅厚度真係好厚，可能個人比較喜歡食厚身多士，覺得係幾好食嘅 蕃茄薯仔肉碎湯通粉個人覺得蕃茄味唔夠濃，比較淡 覺得真係好普通好普通嘅常餐 完全無特別

中環地貴人擠，經濟食肆選擇唔多，近日在威靈頓街開了一間中環茶記，周不時在附出入的我，點都要去吓嘅。門面光猛，不過在斜路之上，食飯前先要做點運動，店內塗壁多彩，刻意營造懷舊風情。 沙嗲牛肉菠蘿包 餐廳建議客人必吃，何樂而不為！ 咖喱牛肉配菠蘿包，也許創意多於懷舊，亦鹹亦甜，外脆內多汁，牛肉非常腍嫩，味道豐富，組合有趣，食味可以的，但是如果相比，還原基本步，菠蘿油更合意。皇牌焗豬扒飯 以厚切豬扒作叫號，又真係幾厚，飯底炒得香，番茄醬汁調味及芝士鋪面是茶餐廳一貫的做法，倒是沒有出錯。香煎美國牛扒拼三文魚扒 懷緬一下鐵板扒，揀了牛扒應該最穩陣，又貪心一點加了三文魚扒。出場之時牛扒半生熟，利用鐵板的熱力令其變成近熟，時間掌握得不錯，肉質亦可以，基本上鬆軟帶少許筋，三文魚亦肉嫩，黑椒汁味道濃郁豐富，配牛扒及三文魚都夾。西多士極厚西多士，真有份量！香煎香多士的外脆內軟、配合豐腴的牛油及甜蜜的糖漿，歷久不衰的組合。雙層多士，中層早已塗上牛油，面頭再配一片，再加上糖漿，極之邪惡！薄荷朱古力 冰沙朱古力，清涼可口，並不過甜，但薄荷味不足。檸檬七喜 $24另一款懷舊飲品，至今依然得到客人的心。少有服務態

今日嚟呢間<<中環茶記>>三個字，我鍾意👍🏻首先舖面同裝修都好正好有6,70年代懷舊茶記嘅感覺好似睇緊電視咁好過癮😂講返食方面🌟🌟🌟🌟🔸烤豬扒拼鰻魚烤煮時間恰到好處，好多肉汁初時以為食豬扒已經好膩點知鰻魚甜甜地反而幾夾幾清新🔸咖喱魚柳飯咖哩充滿椰香味道有啲似細個食葡汁嘅感覺🔸菠蘿油菠蘿油熱辣辣，上面餅皮酥脆🔸西多士厚切西多士，分量十足見到上台嗰一刻都好震撼中間嘅花生醬多到流出黎🔸懷舊雪兔由紫色到橙色漸變色加上上面有彩色棉花糖topping外表夢幻嘅fruit punch今次嘅感受，由裝修到食物都有返咗細個食茶記嘅感覺💫而且價錢都好貼地🌟冇諗過中環茶餐廳可以咁抵食👍🏻兩三個女仔去食嘢仲可以影埋相👯

講起上嚟我依家最近都經常去中環工作，每次諗食乜嘢都諗到頭都爆，但係呢一間總係會係我諗唔到食咩嘅時候浮現係我嘅腦入面～雖然今次唔係第一次食，但係食返嚟嘅感覺總係返尋味。郊外油菜食主餐之前，當然要食個郊外油菜，菜心非常新鮮，食落好爽口！常餐去香港傳統嘅茶餐廳食嘢，當然常餐係必食㗎啦，沙嗲牛肉麵係我嘅最愛，當時上面嘅配料可以自由配搭，我就揀咗蘑菇同埋炒蛋，上菜嘅時候已經聞到好香，立即令我垂涎欲滴！韓式泡菜牛肉炒拉麵見到呢間餐廳除咗有港式菜式之外，仲有唔同嘅日韓料理，拉麵就食得多，炒拉麵就比較少見，估唔到都有驚喜，泡菜同埋牛肉嘅味道，完完全全滲入拉麵當中，而且好夠火喉！！紅豆冰我一直覺得紅豆冰係好高難度嘅，因為紅豆嘅數量以及奶嘅數量，要有一定嘅均衡，紅豆冰嘅味道先可以達到極致，呢度既紅豆冰，正正就做到呢一點，抵讚！總括來講，呢間餐廳雖然唔係第一次嚟，但係感覺仍夠新鮮，服務質素都唔錯，最緊要係食物夠多元化之餘，仍然能夠保持佢嘅質素，下次如果來開中環做嘢，都一定會再嚟！

最近同朋友去中環蘭桂坊飲野之前想喺附近搵啲野食打左底先諗起之前網上睇過介紹威靈頓街開左間懷舊港式茶餐廳好似唔錯就決定去試試西多士多士超厚咬落鬆脆而且即叫即炸色澤金黃；牛油半融加埋中間夾有花生醬餡香唔會太過甜滯；另外附有糖漿可以按照個人喜好自行添加沙嗲牛肉菠蘿包菠蘿包好大個而且質感鬆軟配埋牛肉嫩滑沙嗲濃惹意外地夾烤豬扒拼鰻魚豬扒厚切而且肉質嫩腍緊緻配埋蒜蓉汁好惹味；鰻魚膠質豐富口感略帶煙韌加上魚肉肥厚油脂甘香配搭醬汁微甜皇牌焗豬扒飯芝士微焦配搭蕃茄醬汁微酸開胃；豬扒份量唔少而且鬆軟恰宜；炒飯飯粒分明略帶蛋香芝士焗肉醬意大利粉肉醬香濃惹味而且肉粒飽滿加上芝士拉絲夠哂邪惡咖哩牛肉蔥油餅咖哩質感濃稠微辛而且椰香味濃但香料味唔重迎合香港大眾口味；牛肉切片嫩滑薯仔亦夠入味；蔥油餅酥脆柔韌最啱配咖哩鐵板味菜牛柳絲炒麵牛柳切絲腍滑配搭味菜微咸帶甜加上炒麵香脆淋埋黑椒芡汁軟硬適中咸魚雞粒炒飯咸魚咸香味鮮加埋雞肉切粒拌炒風味獨特；飯粒乾爽而且鑊氣十足好正龍鳳檸樂檸樂溝咸檸樂夠哂懷舊懷舊紅豆冰奶香順滑加上紅豆軟腍清甜懷舊雪兔雜果賓治加綿花糖色彩繽紛

對於我這些新界人，對港島特別是中環的感覺就是吃東西較昂貴，有些餐廳吃燒味飯動不動都要八十元～所以我很少到港島啊但是今天因為工作的關係，到了中環，肚餓也得醫肚子，所以選擇了這間中環茶記，餐牌看起來比較平民化原隻燒春雞 $128我們點了一隻燒春雞，因為餐牌上的圖實在太吸引了選擇配香蒜汁餐到了後，可以自己把汁淋上去的雖然是一隻雞，但是我們很快就吃完了，因為肉質有彈性而不粗糙咖哩魚塊 配薄餅咖哩汁十分適合配薄餅～滋味無窮郊外油菜 紅豆冰到茶餐廳例牌我都會點一杯紅豆冰

到大館閒逛過後，有點餓意，正當苦惱食這一個課題之際，意外發現前方有一間裝修甚具特色的「中環茶記」。近年時興懷舊風，坊間紛紛出現不少懷舊茶餐廳，相信「中環茶記」也是其中一員。雖然在中環商業區，但價錢不至於離地。以往的茶記扒餐都是配龍俐柳為多，「中環茶記」新穎地選擇了鰻魚來搭配。不過侍應有提醒：下醬汁之前需要先把鰻魚移開，否則鰻魚會被燒焦。出名作豬扒厚肉，煎得金黃，肉質入口軟腍又juicy，甚感滋味。鰻魚塗了燒汁頗為香口，肉質亦算腍滑。扒餐還配備了大量薯條。非常大碟的銀芽肉絲炒麵，因為置在鐵板上，炒麵溫度得以維持著。炒麵配上了芽菜、肉絲、菇菌絲等，再加芡汁，味道頗香口又不會過於濃味。當中筆者最愛麵餅被煎香後的卜卜脆口味。到茶餐廳又怎會不喝紅豆冰呢，這也是筆者小時候的回憶啊。「中環茶記」的紅豆冰用的是椰奶，第一口便感受到那股重椰香味。而紅豆也非常大粒，是大小朋友都會愛上的特飲。

近年興懷舊，好多餐廳都以懷舊裝潢吸引客人，其中呢間置身中環嘅茶記就更吸引外國遊客注目閃爍嘅燈泡💡招牌不其然想起小時候爸爸媽媽拖住自己就圍吃喝玩樂嘅情景餐廳內有多張舊照片，都係以前香港嘅地區環境，見到隔離嘅外國遊客非常有興趣呢度賣嘅都係地道茶記食品今次試咗幾樣西冷牛扒配燒汁牛肉質地唔嚡口，雖談不上頂吸水準，但價錢同質素成正比瑞士汁牛河河粉是濕炒形式，牛肉同喺其他茶記食嘅唔同，唔係用梳打粉嗱到鬆哂無哂口感兼無肉味，呢個好食到新鮮牛嘅感覺凍奶茶香滑順口，茶奶比例配搭得誼之後仲要叫多份奶醬多滿足口慾奶醬超多，麵包超厚喜歡多士嘅必食之選

On a rainy day tonight, my friends wanted to find a place comfortable to sit thus we decided to choose 中環茶記 in the end. It was located at Wellington street, where several well known F&B were located.The cafe was very big and spacious, occupying few levels. They offered dinner set as well as typical menu served in a cha chan teng.  Iced honey lemon drink was sweet and refreshing, with strong honey taste. Hot pomelo tea was sweet as well, with strong pomelo taste and having pomelo bits in it too. 

近年多了懷舊冰室，甚至開拓到中環區，相信一衆白領無不叫好。全店三層，唯三樓只開放午市，可見午市十分叫座。環境新淨企理，又同時充斥著懷舊的味道，這幅可樂砌出來的特色牆，可見一斑。知道這裡的豬扒是主打，不能錯過，點了烤豬扒拼鰻魚 $138，豬扒鬆軟入味，厚切爆汁；鰻魚則以量取勝，味道不錯的。配以濃味燒汁，味道更是吸引。話明是招牌奶茶，怎能不來一個，這個是茶記必備的，茶味香濃細滑，充滿港式情懷。煎澳洲羊仔扒 $128，羊肉有調味醃過，羶味略重，肉質鬆軟諗滑。選了黑椒汁，羊肉本身已調味，醬汁可免。自己還是比較喜歡配芥辣或薄荷啫喱。薄荷朱古力原價$30，跟餐可享$10優惠價。沒有炒菜，只好來客咖哩什菜蛋配蔥油餅 $58，咖哩味道濃郁，有少許辣，味道幾好。雜菜有西蘭花、紅蘿蔔、薯仔、椰菜花等……懷舊紅豆冰$30，跟普通紅豆冰最大分別是它用了椰奶，分外美味。餐牌偏重午市，機乎全部都是炒粉麵飯；但勝在經濟實惠，在中環區白領午飯好去處。

茶餐廳是香港的特色，代表了在茶餐廳內可以找到不同的美食，今晚因為友人告知這裡的套餐不錯，便來到了。店內裝修帶著濃濃的懷舊風，還設有樓上雅座。烤豬扒拼鰻魚$138，以鐵板上的，所以當黑椒汁淋上時發出吱吱聲，而黑椒味道即時香氣四溢。豬排🥩肉汁豐富，配合黑椒汁，簡直是天衣無縫。鰻魚有半尾，味道鮮甜，吃一口鰻魚，吃一口豬排，感覺非常美味。皇牌焗豬扒飯$68，茄汁味道適中，配上厚厚又多汁的豬排，令人欲罷不能，非要快速把它吃掉不成。原隻燒春雞$128，以鐵板上的燒雞，外皮甘香，配上香濃惹味的蒜蓉汁，三扒兩撥，已經把原隻燒春雞吃掉。龍鳳檸樂$24，以鹹檸檬和新鮮檸檬🍋加可樂，是最好的配搭，亦俱香港特色。香濃巧克力咖啡，跟鐵板餐加$10，巧克力和咖啡味道平均，加上口感似沙冰，就很解渴。

行過中環威靈頓街，你一定會俾呢間懷舊又金碧輝煌嘅茶餐廳吸引住。有咩理由唔入去試下?原隻燒春雞 ($128)大大隻燒春雞燒到外皮脆卜卜，雞肉亦焗得恰到好處，一啲都唔老。一刀切開，你會見到肉汁不幾從雞內流出，脆軟嘅雞肉再沾上黑椒汁，非常惹味!懷舊雪兔($26)呢杯雜果賓治顏色好特別，混有藍，黃，橙，三種顏色，非常矚目。上面再放上粒粒綿花糖，懷舊嘅童年記憶當堂翻哂嚟。甜酸蝦球鍋飯($72)想要挑戰味覺嘅話，就一定要揀呢個甜酸蝦球，超酸嘅甜酸汁令你精神為之一振，胃口亦都馬上大增。而蝦球大大粒，食落爽口彈牙。煎美國牛扒併三文魚扒($168)因為屋企人唔食得太生嘅牛，所以牛扒嗌咗七成熟。開頭以為實會煎到好老啦，點知食落外脆內軟，放入口咀嚼都唔會韌。另外大大塊三文魚扒都煎到非常之香口。魚扒一啲都唔腥，整體嚟講，性價比非常之高。