世界第2好味雪糕蜜瓜麵包 (已結業)

黎自日本既世界第2好味雪糕蜜瓜包,之前睇杜如風介紹話好好食!終於開到黎HK,唔洗搭飛機去食啦!香港店有既味同日本唔同,暫時香港只有綠茶、朱古力同雲尼拿。我揀左綠茶啊,個雪糕食得出真係日本料,係特別滑,奶味都好香,綠茶味又夠突出。個包超正!外面果D方形粒粒係超脆,個包本身又好鬆軟,夾埋D雪糕一齊食,個包夠熱令到D雪糕半融,CREAMY半融既雪糕口感同個包好夾!但聽好多人講都話係日本好食D,下次去日本再試下先!

世界第2好味雪糕蜜瓜麵包終於唔洗恨死隔離啦 因為世界第2好味日本雪糕蜜瓜包正式登陸香港啦 哩間雪糕蜜瓜包一向係日本頗有人氣 自從經過杜如風介紹後 更加受香港人注意好多人去日本亦專登去試下 小妹亦時其中一位 記得當時熱辣辣既麵包加上嫩滑既雪糕 一冷一熱，雙重滋味 老闆還要非常親切friendly 現在這間人氣登陸香港雪糕蜜瓜包分別有三款口味可以選擇 包括綠茶、雲呢拿和朱古力 款款盛惠$38蚊 雖然唔算平但難得唔洗飛去日本食 幾大就幾大，燒賣就燒賣啦 小妹大約七點半去到 雲尼拿味已經賣曬 所以小妹選左朱古力味 人唔算好多等左五分鐘就有得食啦蜜瓜麵面層香脆內裹軟熟 夾住凍冰冰既朱古力雪糕，淡淡滋味 不過略嫌麵包唔夠熱 同埋朱古力味雪糕略為普通 不過可以過下口癮 溫馨提示 現時每一日限賣600個，想吃的朋友就要趁早啦

「世界第二好味」呢個只不過係個鋪頭名啊？定係真係有人咁形容過？喺萬寧街口已經見到條龍，不過好彩可能佢哋係一早整定嘅，所以雖然條龍少少長，但係好快3分鐘內已食到，啲人龍去得好快～＄38個今日大約三點半到，雲呢拿味已經冇晒，其實啲雪糕佢哋都係一早入定貨，可能冇諗到大家都會淨係揀雲呢拿味～最後得返朱古力同綠茶味，揀咗綠茶味因為唔想太甜，綠茶味唔夠濃，個包係新鮮熱辣脆嘅；琴日朋友食唔到因為唔想排隊我同佢講佢無損失，因真係好普通，完全無特別，只不過係個新鮮熱辣個包夾住過雪糕，世界第二好味真係太誇張了～ 好彩我唔使排咁耐咋～

世界第二好味雪糕蜜瓜麵包首試😋😋好好彩因爲識人不用排隊😛雪糕有雲呢嗱，朱古力同抹茶😍熱騰騰嘅蜜瓜麵包配上冰凍雪糕好正呀！！🍈🍦又脆又軟又凍又甜世界第二好味雪糕蜜瓜麵包Price $38hkd

The melon bun is crispy on the outside, soft and sweet on inside... the ice cream compliments the bun very well!The hot bun with cold ice cream is a great combo!