不二江湖菜

营业中

休息中

我地兩個都無辣不歡，登龍街岀名多野食，就係度搵下有冇辣野食都好喎！見到呢間川菜，睇到都流口水，快啲入去試下先得。呢度係掃曲落單既渝味鮮椒牛肉，小辣，誠意之作，用爈熱住唔會結油，個牛肉吸收晒椒味，另外啲蒜頭都好香好好味。口水雞，小辣，雞件好有肉，辣味夠，好香口，食到辣辣地，可以有啲青瓜爽口一下。大盆花菜，花菜有孜然味，好惹味，花菜好爽口，入味又唔油膩，仲有五花肉去炒。熱咸金橘蜜，又咸又甘，潤喉又潤肺

點了沸騰魚，鮮椒牛肉，口水雞最最驚人的就是⭐沸騰魚，有去內地吃過正宗沸騰魚能懂我，他是真正的沸騰魚!不是水煮魚!能吃到鑊氣，還有被滾燙的油濺過的辣椒花椒香非常香!魚肉很嫩滑，但不是巴沙魚下面的豆芽和萵筍火候也剛剛好，非，常，好，吃⭐鮮椒牛肉也不錯，牛肉保留了口感，鑊氣也有，鹹鹹香的還有新鮮青辣椒和紅辣椒的香氣，很下飯⭐口水雞味道正常如果兩個人來吃，強烈推薦⭐沸騰魚吃辣的配兩杯冰飲料例如手打檸檬茶也是不錯的選擇白飯是免費任添的值得一吃

一入餐廳就有撲鼻濃郁的香辣氣息，瞬間喚醒味蕾。店內裝潢簡約樸實，卻不失江湖氣息。餐廳有單人晚巿套餐，超級經濟實惠。多人一定要叫主菜，份量驚人！🐟不二酸菜魚作為招牌菜，果然名不虛傳。魚片鮮嫩爽滑，酸菜酸爽開胃，湯底濃郁鮮美，辣度適中，魚肉的鮮美與酸菜的爽脆搭配得恰到好處。🦐香辣蝦同樣令人驚艷。蝦肉飽滿彈牙，外殼酥脆入味，香辣滋味滲透其中，辣度比酸菜魚稍高，超級惹味。🐥口水雞清爽開胃，雞肉嫩滑多汁，醬汁麻辣鮮香，辣度並不高，更多的是香麻的口感，非常適合不太能吃辣的朋友。🥤鴨屎香檸檬茶🥤芒芒梳打解辣神器! 鴨屎香檸檬茶茶香濃郁，檸檬清新，芒芒梳打則充滿了芒果的香甜，氣泡感十足，瞬間清涼舒爽。餐廳菜品份量十足，味道正宗，價格親民，白飯任裝更是讓人吃得盡興！

🌟🍴 【銅鑼灣 •不二江湖菜 】 🍴🌟 📍 不二江湖菜登龍街31-35號玉山大廈地下2號舖🍖🥟🍟🥚🍰🍲🍇 • 🥪🍓🍤🍪🍜🍡🍹 花椒雞：雞肉嫩滑，花椒的麻香撲鼻，辣度剛好刺激味蕾，讓人一口接一口 🌶️🐔🔥 超讚！ 大盆花菜：花菜煮得恰到好處，保留脆嫩口感，清淡中帶點鮮甜，健康又滿足 🥦✨😋 很棒！ 鮮脆魚皮：魚皮炸得金黃酥脆，咬下去喀滋作響，帶點海味，超適合當小吃 🐟🍟👌 好吃！ 凍咸金橘蜜：金橘的酸甜混合微鹹，冰涼入口超解渴，層次豐富又開胃 🍊❄️😍 愛了！ 鴨屎香檸檬茶：茶香濃郁（別被名字嚇到！），檸檬酸爽平衡了茶的單寧，喝起來清新又特別 🍋🌿🤤 驚艷！🍙🥤 餐廳評分🥤🍙 🔥 餐廳環境：🔥🔥🔥🔥🔥 ⛄ 服務質素：⛄⛄⛄⛄⛄ 🍾 食物味道：🍾🍾🍾🍾🍾 🎟️ 性價比：🎟️🎟️🎟️🎟️🎟️ 💰 消費：HKD 500✨🥢🍣🍕🍜🍴🍰✨ #銅鑼灣美食 #不二江湖菜 #web3不二江湖菜

今日和同事路過銅鑼灣，突然想食辣，於是就搵到呢間簡約裝修、飯堂Feel嘅川菜店。價錢親民，份量足，食完超滿足！抵食又夠味，食辣必試！🔥🏅麻辣香鍋（$142）** 夠哂惹味！牛肉、五花肉同蔬菜（油麥菜和四季豆）炒到有鑊氣，每啖都香辣過癮，配碗白飯一流！這餐廳的白飯幾好食，軟硬適中。🏅酸菜魚（$168 + $28寬粉）** 份量誠意十足，大大片鱸魚片滑溜嫩口，酸辣湯底勁開胃，加埋寬粉吸哂湯汁，正！ 🏅口水雞（$68）** 雞肉嫩滑，辣汁帶麻香，係開胃小食之選！ 飲品方面，檸檬可樂（$28）清新解膩，鹹柑桔蜜（$20）又香又潤喉，配埋辣野食啱晒。

琴日喺朋友介紹之下，喺銅鑼灣登龍街搵到一間好似好純正嘅川菜。排咗一陣間對先入到去。喺出面排隊嘅時候已經聞到川菜獨有嗰陣麻辣嘅味道，越排越肚餓🤣🤣入到去二話不說嗌咗個招牌嘅酸菜魚先，跟住再揀咗個喺香港比較小食到既牛乾鍋蛙，前菜就揀咗個蒜蓉青瓜。酸菜魚係好正宗既味道。魚嫩滑！非常開胃，我食魚片個時係會連埋d湯一齊飲！正🤤最有驚喜係個乾鍋蛙！！一咬落去，個皮係脆架😱😱但入面就juicy, 同埋勁香口！不過對我黎講好似辣咗小小🙂‍↔️好彩叫咗個蒜蓉青瓜，勁解辣！食咗一粒之後完全停唔到😂結果清哂👍

不二江湖菜開咗喺銅鑼灣，對於鍾意食川菜又怕麻煩嘅人嚟講真係幾方便，唔使成日特登上深圳先食到 。加上依家天氣轉涼，食辣野暖身又過癮。 不二沸騰魚、口水雞、渝味鮮椒牛肉，全部都係佢哋嘅招牌菜，夠惹味，小辣都已經有層次感，麻香味唔錯。原本想試鴨屎香檸檬茶可惜賣晒，最後改咗咸檸檬雪碧同咸金橘蜜，飲落都幾解辣又舒服。 最驚喜嘅佢哋一人套餐大概 $60-$80，以銅鑼灣嚟講真係幾抵食。對於想簡單醫肚又想滿足辣癮嘅人嚟講係唔錯嘅選擇。如果下次再去，可以挑戰中辣或者大辣，應該會更加有kick！—————————————————𖠿𖥣 不二江湖菜 (銅鑼灣)〒銅鑼灣登龍街31-35號玉山大廈地下2號舖————————————————⠀⠀⠀⠀⠀⠀⠀⠀⠀#銅鑼灣美食 #香港川菜 #不二江湖菜 #川菜推薦 #沸騰魚 #口水雞 #麻辣牛肉 #重慶風味 #食辣必試 #打邊爐以外嘅選擇 #銅鑼灣餐廳 #平價美食 #抵食之選 #香辣過癮 #夜晚套餐 #懶人福音 #辣得過癮 #天氣凍食辣 #開胃料理 #銅鑼灣好去處 #麻辣控___🥇Follow @eathkgirls#eathkgirls #食港女

我哋叫咗個麻辣乾鍋，加咗黃喉、黑牛柏葉、田雞、同埋花菜。一上枱勁大份，熱辣辣香噴噴，所有食材都做得啱啱好，因為黃喉同埋黑牛柏葉一煮過火，就會好硬唔好食。呢度唔會，全部都好爽脆！而且份量都好多。之後我哋嗌咗個辣椒炒牛肉，店員話呢一個係牛肋條嘅部份，好重牛肉味，而且好腍好好味。唔會好油膩， keep住愛嚟送飯，辣椒都好香。最後仲嗌咗個口水雞，勁大份，雞髀位置好嫩，口水汁椒香麻辣全部有齊！keep住係咁JapJap🧡呢度仲有一啲廢水可以揀，豬EE揀咗鴨屎香檸檬茶，都幾好味。值得一提嘅係，嗰啲都係白飯任裝，因為真係好好送飯，我哋最後都要咗兩碗。

餐廳地方明亮寬敞，裝修風格揉合傳統與現代元素，簡潔牆飾和幾句隆重地裱起的標語，不違和之餘，還增添幾分幽默感！有趣！📌香醋雲耳大大隻浸透了香醋的貓耳朵，作為前菜，十分省胃。📌不二酸菜魚餐廳的招牌菜式，份量充足，魚片滑溜細膩，與鹹酸度剛好的酸菜和小辣不嗆喉的湯汁搭配出絕妙的味覺體驗。📌香辣蝦蝦碌又多又大隻，新鮮爽口，蝦殼也炒得甘香鬆脆，香辣惹味。配菜土豆吸收了香料醬汁，好味之餘，還增添飽足感。📌夫妻肺片薄切牛肉片和牛舌入味彈牙，質感厚實，配合爽脆的青瓜，清新又解辣。叫了這麼下飯的餸菜，好歹也叫返碗飯。咦！牆上牌匾寫著「白飯免費，消費唔貴」，不是閃閃縮縮的優惠。有這樣慷慨的老闆，實在驚喜。📌百香果梳打新鮮百香果與梳打水的美妙結合，酸酸甜甜，清潤可口。📌芒芒梳打芒果汁與梳打水結合在一起，香甜可口，清新解渴。今晚的餸菜，無論色香味都絕對高質，加上環境、地點和服務，CP值是超高。

今次我地過左黎銅鑼灣行街，之前經過登龍街，都記得有呢間川菜餐廳想試下，事關睇餐廳格局都feel到種惹味，唔洗北上就食到既好食川菜🔥口水雞（$68）份口水雞都唔細，辣度揀左小辣，辣辣地岩岩好，雞件都幾滑🐥辣椒炒肉（$128）辣椒炒肉用鐵鍋上，仲一直有火熱住佢保持溫度，佢既肉係腩肉黎，幾夠肥，仲有好多脆口既木耳，同樣揀左小辣，唔算好辣，夠曬惹味🐷不二酸菜魚（$168）加寬粉（+$28）呢個酸菜魚好抵食，佢超大份，平時呢個size起碼$200幾先食到，d魚好滑之餘，又冇骨，個湯就偏油，隔開面果浸飲個底既就fit曬，呢個湯夠我食幾碗飯都得🐟鴨屎香檸檬茶（$32）呢度有而家好興既鴨屎香檸茶，味道都拍得住手搖飲品店🥤咸檸檬雪碧（$20）咸檸七就飲得多，呢度就有咸檸雪碧，雪碧都都幾夾🍹呢間川菜店我覺得價錢算平，碟碟都幾大份，味道我覺得唔錯，d菜式餸飯食一流😋

🍊 餐廳名稱：不二江湖菜 (銅鑼灣)🐝 味道：8/10環境：7.5/10整體分數：8/10💰人均：$200+———————————————————不二酸菜魚💰168呢個價錢係晚市黎講，真係好抵食，而且份量都唔少野。新鮮魚肉肉質鮮嫩滑，酸辣味道剛剛好，配菜又多，仲要白飯任裝！性價比好高。口水雞💰 68川菜必食之一，雞肉好嫩唔嚡，個口水汁偏香唔會太辣。花椒雞 💰128辣子雞食得多，花椒雞又有無聽過？整體味道麻麻辣辣的，炸過嘅雞粒令到更加惹味，送飯一流。手打鴨屎香檸檬茶 💰32親眼見住姐姐手打，味道唔多講，我只係一個人飲左2杯。

銅鑼灣登龍街開左好多新餐廳，其中一間川菜價格相宜，而且無限追加白飯真係適合附近上班族，午餐晚餐都非常方便店內地方寛敞明亮，裝潢融合了傳統與現代的元素主要供應地道川菜，如口水雞、酸菜魚及麻辣香鍋等，香辣惹味食物方面:不二沸騰魚 : 魚肉新鮮，份量十足，食落麻辣鮮香，魚肉口感順滑，完全冇魚腥，再加入芽菜、萵筍等配料，夠曬麻辣味，仲會用一個熱爐保持溫度，慢慢食都無問題夫妻肺片 : 用上優質牛肚、豬心及豬舌，搭配香辣調味料，麻辣鮮香，色香味俱全，精緻川味小食渝味鮮椒牛肉 : 用紅辣同青椒去爆炒，牛肉份量足料，肉質嫩滑又有嚼勁，炒到火候剛剛好，仲會用一個熱爐保持溫度，非常細心，撈飯非常美味鴨屎香檸檬茶 : 用上鴨屎香，茶底醇厚，檸檬帶微酸，職員再即場手打，夠曬冰涼解辣白飯 : 餐廳白飯任裝，餸菜又美味，真係白飯都可以食得兩碗

一直都好想試川菜，但係自己又食唔到辣，朋友講呢間可以揀唔同嘅難度，啱晒我呢啲食唔到辣嘅人#夫妻肺片 $68夫妻肺片煮得剛剛好，口感滑嫩，搭配上特製的麻辣醬汁，既香又辣，令人食指大動，再加埋青瓜口感更加豐富同清新#辣子雞 $128辣子雞色澤紅亮，一見就令人垂涎欲滴，雞肉炸得金黃酥脆，再加上滿滿的乾辣椒和香料，辣得嚟又唔會只係得個辣字咩味都冇，真係好好餸飯#渝家小炒肉 $88渝家小炒肉真係一個唔可以錯過嘅美味，呢道菜用新鮮嘅五花肉炒至金黃，肉質肥而不膩，搭配上青椒、紅椒同埋蒜蓉，色香味俱全，而且佢嘅調味非常到位，微辣中帶有點點鹹香，真係令人食到停唔落口

天氣凍就好想食麻麻辣辣酸酸既野，就搵左呢間川菜食🩷，整體都好地道，麻酸辣香，勁惹味好食😋店長推介😎不二酸菜魚好大盤🤣，份量勁多，滿滿嘅酸菜魚，口感嫩滑味鮮，表面仲有啲炸蒜，食落更加有口感，叫左小辣，酸香味會衝出黎先，再慢慢辣香味出咁，幾有層次既酸辣味，入面仲有大量萵筍同酸菜等大盆花菜勁有鑊氣，孜然味濃郁，勁惹味，勁好送飯🤗口水雞 雞肉都好嫩滑，仲好厚肉下，雞皮食落係彈口，辣香味出鴨屎香檸檬茶 百香果梳打

花椒雞花椒雞真係好正，雞肉嫩滑，配上花椒嘅麻味，食落去好有層次。雞肉炒得香脆味道超餸飯，真係唔知食咗幾多碗飯。沸騰魚沸騰魚就係視覺同味覺嘅雙重享受！魚片放入滾燙嘅湯底，瞬間吸收咗湯嘅精華，味道鮮美。湯底辣味十足，配埋新鮮嘅豆芽，成碗湯油亮亮，叫咗小辣，辣到嚟講比起其他餐廳係有啲重，食唔到辣嘅要注意一下。涼拌魚皮涼拌魚皮就魚皮爽脆，配上酸辣嘅醬汁，真係好味。每一口都感受到魚皮嘅彈性，主茶花椒雞、沸騰魚嘅上菜模式都喺視覺上嘅享受，呢種就係江湖菜嘅魅力，所有嘢都大大盤。