不二江湖菜

营业中

休息中

我哋叫咗個麻辣乾鍋，加咗黃喉、黑牛柏葉、田雞、同埋花菜。一上枱勁大份，熱辣辣香噴噴，所有食材都做得啱啱好，因為黃喉同埋黑牛柏葉一煮過火，就會好硬唔好食。呢度唔會，全部都好爽脆！而且份量都好多。之後我哋嗌咗個辣椒炒牛肉，店員話呢一個係牛肋條嘅部份，好重牛肉味，而且好腍好好味。唔會好油膩， keep住愛嚟送飯，辣椒都好香。最後仲嗌咗個口水雞，勁大份，雞髀位置好嫩，口水汁椒香麻辣全部有齊！keep住係咁JapJap🧡呢度仲有一啲廢水可以揀，豬EE揀咗鴨屎香檸檬茶，都幾好味。值得一提嘅係，嗰啲都係白飯任裝，因為真係好好送飯，我哋最後都要咗兩碗。