上海婆婆336 (iSQUARE國際廣場)

营业中

休息中

和老公一行二人特意來isquare試試變身後的「上海婆婆」。店內裝橫與其他分店盡是不同，喜歡與否因人而異吧，但相對舊的分店，這裡每枱客之間的相距遠多了，感覺自在了，是筆者欣賞的。食物方面，除了一般舊店有的食物外，亦有新意思，如冷盤的四小吃拼盤，做得非常出色。能在一碟菜式中有多種滋味！當然也有是失準的，好像烤雙方，金華火腿太厚，令其口感大硬。期待下一間336再試菜。

今日Facebook個個寫520的特別日子。我男友今日接我收工，當然去街街食飯。去到isquare見到有間西式裝修既上海菜。520+336（我愛你+謝謝儂）好特別既意思。門口小姐安排了入座，太肚餓了。即點：

一坐低已心知不妙,個陣油煙味....真係勁到,我兩個人坐既位已經係店最入最角落既位(心諗就算調位分分鐘可能仲衰),,開頭仲而為係開放式,但我望黎望去,連廚房個入口都見唔到.....咁就而為可能係我自己問題,問一問友人,佢都話有呢陣味因為本身又唔係肚餓,只係諗住食小小野,又唔係會坐得耐所以都無咩所謂。咁就叫左個撈面,雲吞雞,2籠小籠包野食好快就已經到,食物都叫正常,不是難食只係個雲吞雞太過清無咩味服務亦都可以當我未食完個時已經叫定一位哥仔幫我埋單,因為果陣油煙味真係好難頂,我只係想快D走,如果係我食韓燒有油煙味我會覺得好正常,但我唔明點解食上海野都有呢陣味叫完埋單之後大約10分鐘到已經有人黎將我張台上面既所有野收晒,我心諗都幾有效率,再過左一陣,發覺唔對路,台都執埋張單都仲未有,咁就再叫多次,又搵番同一位哥仔,我話埋單,佢話幫我叫左。咁即係唔係流左無叫埋單啦,咁又再過左一陣,張單都未黎,我諗大約20分鐘到,已經開始燥今次再叫第二位小姐埋單,我亦都同佢講我已經等左好耐,最慘佢無得好似酒樓咁自己拎張單去收銀到埋之後再叫過另一個人埋單在呢個時候我已經叫過4次埋單,分別搵過3個人此時門口亦都有人

My very best friend come back from Japan last week and we decided to have a quick lunch at i square before the movie time.we saw that there's a new restaurant on level 6 called 上海婆婆 - The renovation of the resto is very nice and unqiue. Plus, the receptionist is very friendly and kept on introducing the menu to us. We decided to go and have a try!We were offered a table at the semi sofa area while i requested for the seat at the sofa area for two people. The staff there said the resto is fully b

好耐都冇試過新餐廳, 尋日tea time 同朋友行過, 咁o岩經過見到有新野試下, 等左一陣位就入得喇入到去, 睇得出佢地D裝飾都幾有心思..有D似別墅feel我同2個朋友一人叫左一個餐#酸辣湯面 + 上海春卷春卷外面好脆口, 果然係即叫即做..#上海擔擔面 + 紅油抄手擔擔面我朋友話個湯底好濃花生味..#上海湯粗我一睇就見到好多料係面..好大碗...

尋日上午被上司訓示和勞役完，好想食餐好既！經過iSquare見到有間新開上海菜，我最喜歡試新野，而且仲係我喜歡既上海菜，一於入去試下！點左個麵既午餐小籠包同擔擔麵，小籠包有四件仲皮薄餡靚，食出有鮮肉味，唔係冰鮮，而且好多汁，未食都見到，個皮好薄！擔擔麵就細碗左小小，可能我大食，D麵就幾爽幾彈牙而且好少黐住舊舊，之前在食過一間出名既上海菜，佢既麵成日黐住一大舊，所以我覺得呢間唔錯！個湯夠味，花生醬少左少少，可能我鍾意味濃少少！不過D服務員好忙唔得閒理我，可能個位入左少少俾條柱阻住左，成日睇我唔到，等幾分鐘先有人見到我招呼我！價錢$75！尖沙咀iSquare食午餐有一個麵一個點心算抵食！食物幾好，有機會會再試，希望下次坐第二個位會好D啦！

和上星期到鄰店吃烏冬的場境接近一樣也是看電影前找些吃!只是看見這裡新開業,曾經在將軍澳吃過這品牌印象中是OK的.是品牌想走較高檔路線還是怎樣?蒜泥白肉----蒜香不足,青瓜吃草青味極重,差不多全是瘦肉吃起來一口是渣,!第一道上檯的前菜已令人留下極差印象.紅油抄手----第一次吃紅油抄手是一點紅油也沒有的!就只是蒜蓉蔥花加點和蒜泥白肉一樣的醋作調味汁.家常餅----是不用放鹽調味的嗎?極淡的味道加上幾粒蔥花,硬而不酥的質感是那一家的家常?小籠包----有點出乎意料,皮算薄不易穿有湯汁,餡料有點鬆散尚有一點鮮肉味.凍豆漿----比室溫略低算是凍吧!還幸味道尚可不太甜.本來還有點叫肉絲兩面黃,但所有東西吃完真十分鐘後也未出現.問了侍應兩次才說是漏單!距離開場只剩十分鐘不到,唯有取消吧!誰不知埋單找錢又等了十分鐘....看看現場人客不足兩成,經過落單覆單也可如此,客滿的話怎算?兩個人吃了二百五十元上海小吃後入場看電影還要買熱狗!看到這裡的擺設也真叫人佩服設計者的心思,把外國食店流行的展示食材風格引入.但內裡陳列的是木衣夾,魚膠粉,花生醬等物品....這關上海菜蛋治咩!

今日我同男朋友睇完戲行落一層睇下有d咩食果陣，發現原來i-square都有上海婆婆，唯一吾同既系上海婆婆後面仲有336，之後我問一問企系門口果位小姐，先知道原來336即系上海話既謝謝儂既意思，都幾有心思喎，可能今日系星期一既關系，吾使等位都入得，入面d裝修都幾有上海別墅果種特色風格，然後再睇睇menu先知入面d野食同其他分店系吾同…首先我試下個冰鎮黃油雞先，一口咬落去好香酒味且肉質嫩滑。再來一碟毛豆肉辣醬炒年糕，上枱果陣香噴噴，香辣辣地幾開胃，好入味而且食落又吾會太咸，真系要俾個讚俾師傅！然後過左陣個雲呑終於到喇，原來個湯都有點點辣味，雲吞大大粒，一口咬落去好有口感，正！最後甜品來到，因為我吾太中意食甜野，所以我男朋友特意點左個糯米飯，個食好煙un，飯入面有豆沙系入面，仲帶有酒香味，特別系吾太甜

尋晚同屋企人一齊去TST上海婆婆336食上海野,我好LIKE吃上海野,叫左好多野食,仔仔最愛吃餵麵,大大碗, 好抵食,D味道調得好好,麵質亦彈牙.另外再叫上海粗炒,賣相係好掂... 味道都好ok呀...特別推介既係~~~豆沙窩餅~~~超好味!乾身唔油, 又夠香, 豆沙的味亦唔太甜...幾乎每一枱都叫了小籠包。小籠包肉多，湯汁多...YUMMY。皮很薄，厚度啱啱好，不會厚得像吃粉糰...豬肉雖較少肥肉，但粉嫩彈牙，十分鮮甜；最重要的湯汁依舊在小籠包裡，豬肉餡料中流出來，然後再匯成湯汁。估唔到，lee度既小籠包都可以咁好吃架。特別推介既係~~~豆沙窩餅~~~超好味!乾身唔油, 又夠香, 豆沙的味亦唔太甜...服務員常斟茶, 反應亦很快, 亦比較有禮貌, 抵讚...

尖沙咀 iSquare 內的兩家元老餐廳 Cafe Key West 和 Kraze Burger 結業後, 新租客竟然將兩家屬中型面積的舖位打通, 變成相連的巨型餐廳, 於現時租金高昂的衝擊下, 仍然能夠於黃金地段開設一家這樣規模的餐廳, 實在不得不佩服。說的是於本港已經擁有多家分店的上海婆婆, 不過這家新店卻與別不同, 名字內多了「336」這幾個數目字, 以店內的裝潢來說, 大約也知道是這個品牌的高檔版, 「336」則象徵上海別墅的門牌, 諧音為上海話的「謝謝儂」。是日於樓上看電影, 某程度上「檸茶」也是給這家新店的裝潢吸引進內, 除了先來的小籠包較為正常外 (雖然質素不能跟鼎泰豐的相提並論, 但至少是可接受程度), 其他食品 (包括蔥爆牛肉、椒鹽骨等) 都是鹹得要命, 雖知道上海菜跟「濃油赤醬」不無關係, 於其他地方 (特別是上海當地) 卻吃過不少具質素的「濃油赤醬」菜式, 也不是死鹹的, 這裡鹹的程度是未吃完已經口渴, 更遑論把食物吃完。有見及此, 再點選了一碗以為是較為清淡的上海雲吞麵吃, 誰不知其湯頭也是跟其他食物般鹹得很, 最嚴重的是: 連麵條也煮不熟, 須要更換一碗,