上海婆婆336 (iSQUARE國際廣場)

营业中

休息中

趁 Happy Friday 一家人來尖沙咀吃晚飯，而今次嘅目標就係去吃上海菜，皆因小鬼話已很久沒嚐過。選了位於 iSQUARE 國際廣場 6 樓嘅「上海婆婆336」。其實這間上海菜館，之前都幫襯過，對店裡的出品，印象甚佳，既好味又不油膩，而且價錢亦相當合理，合乎經濟原則。雖然對上一次到訪已經是一年前嘅事，但店內裝潢變動不大，仍舊以水泥牆地、鎢絲燈及天花外露的鐵管等作設計，新派有型又帶點工業味。至於餐牌方面，項目就包括有冷菜、湯類、豆腐、河海鮮、豬牛、雞鴨、小炒蔬菜、飯麵、手造拉麵、點心、甜品及飲品等，另收茗茶每位 $6。由於剛剛喺 The ONE 吃了件蜂蜜抹茶蛋糕和茶飲，不算太肚餓，所以今次就只係點咗一客手切牛肉包、2 條小黃魚、黃金四季豆、兩麵黃同一份甜品。 京蔥手切牛肉包 ($42/3隻)，牛肉包上桌時仍熱辣辣，面層烘至色澤金黃，入口非常香脆，而且包身厚度適中，賣相對辦。至於內裡的牛肉餡亦做得很不錯，質感軟腍又有肉汁，香濃惹味，值得一吃。椒鹽小黃魚 ($52/1條)，黃魚是滬菜常用的魚類，肉味鮮而濃，用來燻、炸或汁煮都好吃。而這裡的小黃魚亦做得很不錯，炸香後再撒上自家製嘅香辣椒

今日放咗學之後， 收到朋友 Dog gor 嘅電話， 話想叫我出去尖沙咀食上海菜， 反正冇乜特別嘢做， 於是就出去食晚飯，反正大家好耐冇見。通常，上海菜館俾人嘅感覺都係比較平實，但呢間 「上海婆婆336 」就唔同，成個裝修同埋現場氣氛都好朝氣。 好耐冇食有關於蟹粉嘅食物，所以就叫咗 蟹粉小籠包， 一籠小籠包有四隻， 小籠包好飽滿好重手， 我覺得係皮薄餡靚，一啖咬落去啲湯汁標出嚟 ，湯好鮮甜，蟹粉加埋豬肉就更加好味，啲湯真好正。 呢個係我好鍾意食嘅，上海粗炒， 都幾大碟，炒得好夠味道又唔會太過鹹，啲食物有豬肉絲、椰菜、 冬菇絲， 係真係炒得好香口， 食的時候加少少醋，就咁啱我胃口。 魚籽煙燻蛋，係逐隻計的，一隻會分開一半，煙燻蛋嘅味道好有煙燻味，蛋黃近乎係流心，雞蛋雞蛋上面放咗黑色嘅魚籽，好正好好味。其實我哋仲叫咗好多餸菜 ，不過我就冇影到，以上係我最喜歡嘅， 所以記錄同大家分享。

這晚在尖沙咀購物後，家中的小哥兒嚷著要吃東西，慈母和議，走上這商場覓食，環顧食肆眾多，結果選了曾光顧過的「上海婆婆」。事實上，很多時選擇食肆時，都出現兩種心態，一是選擇曾光顧過的，喜歡其穩穩陣陣，中伏的機會較少，另一種是想嚐新，但又怕中伏，有時都很矛盾。過去兩年間，已是第三次來探「婆婆336」，(336是上海話謝謝儂(您)的諧音)，無他，食物不錯，服務週到，價錢合理，惟獨是有時要等位，幸好今晚有位，可以快快吃飽回家。點菜由他們發辦，免得我點了他們不喜歡的。芹香小木耳，應該是太座點的，她喜歡吃木耳的質感，這碟木耳加了幾粒杞子，紅色的點綴增加了生氣，又加了唐芹，微滲清香，入口還發覺有日本青芥，一道辣勁直攻上鼻，煞是刺激。兒子很想吃排骨擔擔麵，上海菜稱豬扒為排骨，炸好後切條，與麵分開上，以免湯水把豬排浸軟，湯底並不算很辣，勁濃的花生味，麵條彈牙可口，與湯汁很夾，排骨炸得很香口，肉質有彈性，相當好味。松子黃魚，賣相吸引，有頭有尾，魚是起了骨，肉上了粉炸，上面淋了酸甜的醬汁，並有松子，毛豆，菠蘿等，炸的魚，無骨的魚，誰都喜歡你，醬汁開胃醒神，差點連魚頭也吃掉！接著是點心，糯米燒賣，入面加了臘腸，

國際廣場六樓的食肆都越來越多，老口味的熟悉感都會試一試上海婆婆。今次試左醉雞黃油雞，一大塊冰塊鋪在上面。好似冰糖咁，但入口冰鎮口感ok。雲吞係好細份，湯汁普通。最後不過不失的便是這個麻辣小籠包。入口辣汁射出。

一直以黎都情迷上海菜，適逢同朋友係I square 看完電影Shazam! 就去食上海菜！行哂好多鋪頭都無乜幾間有好多好多嘅素菜食，好灰⋯忽然見到呢間上海姥姥336！ 見到有素dumplings ... okay入去！我就叫左醉雞，對住個商場空心嘅窗，我地有一種搭緊天星小輪嘅感覺，都幾舒服！而醉雞到了，表面上鋪左一D D 嘅冰花令到我食到酒味之餘有一種淡淡然的回甘味道就係呢個口味令我覺得同自己整嘅，係唔同嘅！抵讚！

我和閨蜜一向愛吃上海菜，逛完尖沙咀，便到了上海婆婆336試試。我們點了雞絲粉皮作前菜。可惜這道菜落太多花生醬了！有點令人吃不消。若少一點花生醬，加入一點麻辣醬相信效果會更好。然後叫了個黃金炒飯，若喜歡咸蛋的朋友定必很喜歡這道菜，因為有很濃的咸蛋味，而且炒得粒粒分明及乾身。份量亦足夠三人食用。另外不得不叫上海小籠包，味道蠻好，略嫌包裏的湯不夠熱。但亦值得一試！最後叫了每次上海菜必吃的豆沙窩餅。豆沙蓉尚算足夠，若外表再薄身一點便很完美了！若怕太甜的，建議先將外面的椰絲用筷子拿開。總括來說，這餐廳場地很大，即使假日晚餐時段亦不用等位，食物價錢中規中矩，尚算不錯

餐廳定位： 白領，遊客裝修：高級版茶餐廳燈光：柔和價錢：都貴奉送茶：龍井 味道清香上菜速度：快噪音：一般，可以接受溫度：適中Wifi：使用商場內wifi點菜紅油抄手餃子：麵很長，要用茶餐廳小籠包：附有黑醋 規規矩矩，皮不薄不厚 灌湯有汁菜：淡蔥油餅：捲捲的很漂亮，餡是火腿碎和蔥花 有一點油膩味，蘇而不脆魚香茄子：入口即溶，茄子幼身，肉碎較少都是肥肉，醬汁咸甜滑口，一般咕嚕肉：酸酸甜甜，醬汁較濃擔擔麵：醬汁有點辣，和紅油抄手的面一樣，面很長，需要用鐵羹割斷，有點花生醬味擔擔麵餃子：皮彈牙，餡是蔥和豬肉，味道不錯，微甜，推薦白飯：一般，顆粒完整，沒有香味服務：人手充足，侍應帶耳機，態度良好小物品：有紙巾和筷子，沒有特別準備刀叉 ，有牙籤(另外叫，最後上)汁醬：和菜一起上，桌上一開始沒有放調味料

今朝同朋友嚟到尖沙咀isquare睇早場戲，睇完都已經lunch time就落左下面揾嘢食，見呢間上海婆婆336啲lunch好似都ok就走咗入嚟作為茄子愛好者嘅我醬燒茄子嘅我一見到有醬燒茄子就二話不說叫咗呢味餸佢同平時食開嘅魚香茄子唔同，佢係唔辣嘅，亦冇咸魚香，伴隨嘅係好香嘅甜醬油味呢碟茄子嘅成色好靚，就咁聞落就已經覺得好香，茄子炸得啱啱好食落好有咬口，個醬油味真係好鬼死香，佢個醬係甜甜地再帶出小小咸味咁，同茄子真係好夾，味道係就係重啲不過真係好正而且佢份量都唔小，細食嘅人可以2個人share都得如果豬肉嘅肥肉比例可以再高啲應該會更加好食

約了好友談心相約在這兒吃上海菜在星期二的晚上不用等位並且有卡位坐 都幾舒服我們兩個人 叫了四碟餸菜~餸菜上菜非常快 10分鐘後所有菜都上了~~雞絲粉皮是我最愛的上海前菜麻將香 粉皮滑 加埋雞絲食是很好吃只不過略嫌份量比較少小籠包 不算太多汁 感覺上比較一般黃金炒飯 是用鹹蛋黃炒的 加上蝦仁 肉粒蛋 都炒得幾乾身 可以一試砂鍋雲吞雞 我們叫了個大鍋的 總共有六粒雲吞 加半隻雞 湯有少許鹹 雞肉不太嫰 一般而已總共埋單$450港幣 價錢略貴~如果想舒服地找個位置吃上海菜 都可以一試

Xiao Lung Bao was good but other then that food was just blend and oily. The seats are comfortable but that’s it. I don’t understand why it has such high ratings. Yes the atmosphere is good as you get good views by the windows with skyscrapers of Hong Kong but there are better restaurants with better view!

去親isquare 睇戲，嘢食都無咩得揀，附近好食都唔敢去，等𨋢上間戲院買埋飛，坐得低都要15分鐘，試過幾次「奔跑吧戴檸樂」滿頭大汗遲睇片頭，都係係返6、7樓食算。你話呢幾間難食咩？又唔係，但係唔會話好想好想再食囉！穩陣又划算，都係幫襯呢間336，食過上海粗炒，OK啦，佬佬好食dd，同正宗上海鋪就無謂比。今次試下午茶餐，$56+10%，有碗麵，有個小食，尖沙嘴算抵啦！小籠包：夠熱，皮OK薄但易穿，肉質肉味OK，湯汁略少，同級來比，佬佬贏。擔擔麵：下午茶份量，麵質手打得好好，順滑彈牙正宗陽春麵，湯底好味唔油，花生醬量適中，辣味適中，贏佬佬（佢地太油）下次睇戲試食其他先！

一直都係呢間上海婆婆嘅忠實擁躉，每次同中學同學聚會都會嚟呢一間，每次來已經唔使再睇餐牌！成日食嘅原因係因為好味又抵食，不過今次就覺得水準差過以前！！✨婆婆擔擔麵（$50）🙅🏿‍♂️個湯好稀，完全冇擔擔麵個種濃厚嘅感覺，啲面又煮得太林，第一碟已經好失望✨干貝賽螃蟹（$78）👌🏾幾清淡嘅一道菜，配埋黑醋食都幾好味，健康唔油膩之選✨乾煸四季豆（$70）👌🏾豆角炒得好林，唔臭青味，唯一係鹹左少少，同埋份量好細✨336上海小籠包（$38四隻）👌🏾正正常常，冇乜驚喜，又唔會特別多汁，好普通嘅小籠包✨川椒辣子雞（$85）🙅🏿‍♂️份量超級少，六個人食每人都食唔到兩舊肉.....淨係搵啲🌶塞滿個碟✨腿茸津白（$72）🙅🏿‍♂️味道超級超級淡，好似食烚菜咁，上面啲金華火腿得返幾粒碎....以前明明唔係咁✨上海炒年糕👍🏾最好食嘅一道菜，叫做keep到水準，好惹味又唔會太鹹，肉絲，椰菜，年糕分量配搭啱啱好✨銀絲卷（$23一條）👍🏾叫咗一蒸一炸，兩個都好好食，尤其是係蒸，店員都好好俾咗好多碟煉奶我哋覺得呢間開始交hea貨，冇以前咁好食，水準差左好多，得一兩道菜係OK，應該唔會成日黎食喇☹️

大概大半年前同啲舊同事嚟「上海婆婆336」聚舊食咗餐飯，大家都一致讚好。所以，今次同班團友聚舊，再翻兜「上海婆婆336」，除地點便利所有人之外，重點喺夠穩陣，讓大家實食得開心。不過，話時話，就喺大半年無食過上海菜，點知呢兩個月因唔同聚會，就接連食咗幾餐上海嘢。因為都嚟過幾次，都知環境格局，因為今次人多啲，成一行9人，印象上佢哋好似無乜大圓枱夠咁多人坐，故此，訂枱時都問問有無，原來佢哋嘅6人圓枱喺可以加大，咁就啱啱好啱啱晒我哋。魚籽煙燻蛋 $88冷盤嚟講，呢款煙燻蛋喺小弟推介俾朋友嘅必然之選，魚籽煙燻蛋賣$22 / 隻，次次嚟食都無失望，今次再試，亦喺保持水準。凝香嘅蛋黃入口綿綿滑滑，蛋香濃郁，又有淡淡煙燻味；加入脆卜卜嘅黑魚籽，增加層次感，更因色差嘅對比令賣相更好睇。無錫脆鱔 $102因為今次人多，就唔點拼盤，揀幾款特色冷盤俾大家試，脆鱔喺其一。咪睇佢外觀黑掹掹，又似為好似平常啲鱔肉咁軟腍腍，一咬就知幾咁脆卜卜，加上掛滿糖醋汁，酸香沉實，喺上佳嘅開胃冷菜。醉乳鴿 $102大家話醉雞食得多，醉鴿就未試過，所以，特登叫一客俾大家過吓口癮。一客嘅份量唔少，總次就夠大家都試到，入口感覺好爽，肉

Isquare啲餐廳冇乜人排隊🤣🤣揀左上海婆婆336，可以喺度傾計談心😝😝😝醬燒茄子，同傳統嘅魚香茄子冇乜大分別，但就冇鹹魚，肉碎炒得好香口，醬油味濃，用黎撈飯一流啊😝😋小籠包d湯汁鮮甜，肉質唔算話好嫩滑，質素不過不失，我都係最鍾情翡翠拉麵小籠包嘅小籠包。記住趁熱食啊！😚仲有黃金炒飯（冇影到相添），飯係一粒一粒嘅，唔會黐埋一齊，爽口😝有陣陣嘅鹹蛋味，幾好！我嘅至愛係高力豆沙，香蕉高力豆沙表面灑滿左砂糖，口感柔軟似棉花，甜度適中，香蕉味都出，唔油唔膩，越食越想食！🥰

本來打算去另一間餐廳，但見超級多人，而上海婆婆又唔洗等位咪去食囉，都諗住粗粗地食一餐。點知，初黎個雞絲粉皮，d花生醬杰到一peg野，d粉皮又痴到一舊舊，最後都真係食唔落。黎左個酸辣湯，係唔酸，唔算辣，都係超杰架喇，仲算飲得落。之後有個牛麵，清湯到無得再清，完全無味，牛超薄，麵一陣皂水味，超唔得，唯有撈酸辣湯食埋佢。跟住叫左個紅油炒手，完全唔辣，都唔知點解可以做唔唔辣，丁丁辣都無真係。內裡就普通一舊豬肉。最後個小籠包，叫做最正正常常，不過不失，唔難食，內裡都有少少湯。