上海婆婆336 (iSQUARE國際廣場)

营业中

休息中

首先，排隊安排奇差......訂座電話唔聽。要食放題有要用專用wtsapp訂位 但對方完全唔應機。想點？六點放題 提早一個鐘去排隊 想walk in 入。等待嘅系豬一般嘅安排。問員工有冇位。佢就話有嘅有嘅 不過要等walk in....淨系叫我哋等等等 又唔講明要等人取消先有得入。其次，食物質素差.....個價錢148其實對得住佢食物質素。但至少佢應該要有佢本身食物嘅味。好 ！冇食物味都唔緊要 甜酸苦辣都冇 想點？ 酸辣湯只酸不辣。酒釀小丸子 只有蘆薈冇丸子.......其他菜連基本咸味都冇.......最後，員工態度差......講真 如果佢安排好啲我或者會原諒 但係呢 開頭排隊嘅時候人手安排好亂 客戶根本唔知到應該點排隊 人流咁亂嘅時候 貌似店長出黎嘅時候一句說話都唔講 淨系拎部手機出黎影相......想影人流好多？ 生意好好？ 門面熱鬧？一個管理人員做唔到管理 我都唔知講咩好....好啦 sorry for 1999 但我想講食野應該要開心 呢間我食嘅系唔開心 唔甘心 因為排左咁耐 唔想食唔到 真系太大落差...

之前已經有食過上海婆婆336,覺得不錯,可能疫情期間,實在小很多人流,所以搞左個放題優惠.咁我梗係埸機會,去食一食啦. 早早就打電話訂位, 當然..都係好難訂..不過都訂到去到6點鍾已經安排緊入座,很高效率! 仲安排到張卡位同埋近廚房...呢間分店係有左右兩邊, 每邊都係互通, 每邊都有個位係放置左4-5盤食物先給客人. 可自己夾.但食物種類好小, refill得好慢, 有部分食物被夾得好快, 只出一次之後唔再出. 例如生煎包鍋貼*為已為人,請帶上口罩才去夾食物!!!*對於轉左模式既上海婆婆來說,我對出餐速度及準確度我係打左個7折. 我早早就預料到出餐慢,食物不齊等等..請大家耐心等待!不要向員工門發脾氣!! 以下食評是個人口味的comment~想係開頭講左總結先*請大家安心等待或有禮貌對待員工! 佢地只係打工. 無謂比氣人受*上餐效率不快!但不會慢到你食晒成台野食都長時間無野食擺落口!*你點左十樣野食, 可能只會黎7樣.呢個亦都係我預料之內.*呢個價錢, 我完完全全收貨. 野食真係唔差.-雞絲粉皮 - 正常野. 第一次食用花生醬的,之前都食開麻醬. 幾好食! 不過唔夠凍-酒醉毛豆&油

今晚去咗試上海婆婆336的放題一個字～差，好差，非常差我們去吃6:00-7:30的時段，到7:30，店員都不敢叫客人埋單，大家估下點解？食物質素差～所有蟹粉嘅食品又腥又鹹(P.S：每位加$40升級才吃到）連豆腐，都可以煮到好鹹，我飲了兩罐汽水，飽了。(汽水每位加$12，雖然只有雪碧可樂忌廉，我們吃最早一埸，都可以無)吃上海菜，居然連上海炒年糕同糖醋排骨都無得吃🤬餐牌有，只係到走都未來完全中伏，失望😞

25號係第一日放題開始，見幾抵打左好耐電話訂枱訂左7:30,7:25已經超多人，安排得非常差，最後要等到8:40先入到，因為前一輪未食完，d野上太慢諗住食番夠本，點知啲單錯到離哂譜，應該係冇跟單可言咁濟，寫3比1,有d直情消失，好好彩我地台都有d野食上下，格離有d枱直情等小籠包等左一個半鐘都未見人，有d枱就狂上食到人地話冇叫，然後就直接問其他枱有冇人岩食諗住小籠包多人推薦，一行6人叫16粒，點知黎左8粒,d肉仲好散，好失望然後其他野食不斷落單，都等左個半鐘都係唔黎諗住問下啦，唔問唔知冇唒味道唔可以話好差，每碟都唔大份可以食多種類，但可能叫三份上海粗炒有一碟係唔同味，如果148加1，book左位再等個幾鐘，仲要叫咩冇咩咁，我唔會再黎

貪平去食晚市$148放題，星期六中午用 what’s app book 位，星期日晚上10點幾先打電話來問我係咪 book 位，不過職員態度都算係有禮貌嘅。(等覆其間都有嘗試打到餐廳，不過都係唔通嘅)Book 咗18:00- 19:30 時段，去到只問你有冇 book 位，根本冇 check booking 紀錄，然後就叫所有2位嘅客跟住同一個職員入座，有食客好心急自己揀位座，結果就攪到好似爭櫈仔咁。坐落唔會問你要唔要水，經要求下先獲分配一杯水(茶要收$6/ 杯)。啲枱勁密，同搭枱一樣18:04落單，等到18:19有個細心嘅職員發現我哋未有食物，主動幫我哋追，先發現原來冇落單，但當然冇同我哋交代啦，我哋只係偷聽到職員之間的對話，之後我哋不停追食物，眼見有人棒緊碟魚過嚟，點知有個食客話自己份魚未到就搶咗去。結果等到18:50都未有任何食物到，所有職員都話幫我追緊，但呢句說話我聽咗半個鐘，我哋唔會再等落去啦，走嘅時候見到有另外一枱人都係等咗50分鐘，結果連水都冇杯，都係乜都冇食過就嬲到走！唯一可取之處就係我要求賠償泊車費，職員都盡能力補償俾我

第一次去食 上菜又慢 餸菜細份 坐低左1個鐘先黎左3碟仲要上錯菜 吹一次上一次菜 隔離枱仲遲過自己坐低 但隔離上菜仲快過我地🙄🙄個人認為食物幾好 但服務真係麻麻 冇下次😃😃

平常既午餐 叫咗小籠包 煎餃 餛飩雞湯 炒回鍋肉 同埋炒福花菜。包點類點心非常有水準 上述講嗰3樣都同一個共通點 就係肉餡鮮味多汁 尤其煎餃 大家一定要食👍🏼其實中午有3-4位員工服務 喺現在既食肆限制嚟講 係好足夠既人手 只係有一位似係店長既員工 態度比起其他服務員差 可能我坐喺入口既走廊卡位 所以該位員工每次經過走廊帶位或安排食客入座 都會好大聲叫 講真真係似街市賣菜👎🏼 試諗下你每每食緊野既時候都有人喺你旁邊大叫 係幾咁討厭！😒其實佢唔需要每每大聲叫 我眼見佢成個場既員工都好合拍 而且服務效率快 係值得讚🎖但呢位似店長既員工 講嘢同招呼真係明顯無其他員工咁合拍 似係自己喺度顛咁🤦🏽‍♀️以商場有open área 既食店黎講 呢種大叫既服務水準 請改善一下🙏🏼我都會再去既 但唔會係尖沙咀呢間店囉🤷🏽‍♀️

相約好友去尖沙咀食午飯，隨心而行，行到iSQUARE國際廣場，朋友話想食上海菜，便試試 “上海婆婆336"。店舖很大，裝修似西餐廳多過上海菜館，室內設計用了水泥牆、鐵管，新派有型帶點工業風，也放置了一些懷舊嘅擺設增添風格，菜式傳統也迎合潮流。我們點了兩款熱食和一款甜品。♨️叁叁陸酸菜魚♨️招牌推介，但有點失望，因為湯不夠熱而且有點油膩，但魚很滑，也有蘿蔔片、芋絲作配菜。♨️336上海小籠包♨️皮薄肉嫩多汁，配搭黑醋趁熱食好好味。♨️南瓜餅♨️脹卜卜，豆沙內餡，品嚐起來很滋味，有點像帶著南瓜味嘅年糕。

今天做完運動後，第一個念想食上海菜，於是與好友在尖沙咀附近覓食，不知不覺行到ISQUARE，在招牌見到6樓有一間食上海菜「上海婆婆336」。來到門外見到古董電話裝飾滿心歡喜，裝修走型格路線，以工業風為主，一啲都無老派上海菜館嘅影子，燈光柔和，懷舊特色鋪地瓷磚，卓枱 佈置以啡木系色為主，嘅有時代感，也不失古典味。個店鋪滿大間好闊好深，一半左右係卡位，闊落舒適，另外一邊就是二人枱，四人枱感覺唔多方便傾偈。所以我們選擇了卡位。餐牌設計也很精美，打開餐牌價格比較親民，主打正宗上海菜，有部分的菜式是加入咗新派創意菜。看到餐牌賣相實在都覺得十分吸引。食上海菜一定要食我至愛的小籠包，皮簿包住滿滿清甜的肉餡湯汁，十分美味呀！酸菜魚應是四川菜吧!第一次在上海餐廳食到。魚肉吃下嫩滑，酸酸辣辣帶點鮮，非常開胃。湯裡還有爽脆的蘿蔔片和豆芽菜，滿開胃口的，但可惜不夠熱和湯㡳太過油膩。南瓜餅外炸到脆口內鬆軟，嚼勁更大。吃起來十分香脆酥。

從長洲回來，在尖沙咀晚飯，友人想食上海菜，便試試iSquare 的「上海婆婆」。店舖很大，裝修新頴雅緻有特色，如坐卡位，私隱度高，確是談天的好地方。客人不多，我可隨意影相。餐牌選擇多，典型的上海菜。我們點了上海小籠包($38-），蔥爆牛肉（$88-)，腿茸津白（$78-），黃金炒飯（$82-），有小食丶菜及肉。小籠湯包先上，皮薄，肉餡普通，略嫌不夠多及鮮味，味道ok!蔥爆牛肉上枱已很香，牛肉厚切，炒得剛熟，夠腍兼有牛肉味，唔係用很多鬆肉粉做的效果。京䓤幼切，完全吸收牛肉及𧐢油汁，好香好濃味！😋😋😋這個津白面上有少少腿茸（其他上海店是一片片的金華火腿），湯底介乎奶油與清湯之間，不過稠，味道剛好。只是平時津白只用黃芽白中間幼嫩部分，它用上一大棵，外面略嫌較老。當然，好處是可吸收更多纖維，但口感不夠幼滑。黃金炒飯是用咸蛋黃炒，飯炒得乾身而不油膩，有咬口。加埋蝦及火腿，無咁單調，但若同其他炒飯比，它失卻香味及穫氣。整體而言，上海婆婆價錢不貴，食物水準一般之上，兼不重味精，如加埋環境作考慮，是同朋友談天聚舊的好地方。

今晚放工約咗朋友行街食飯，係isquare有間上海婆婆食上海菜，乾煸四季豆雖然咸咗少少，嫩雞煨麵煮得幾好，上海小籠包冇得頂👍🏼，黑醋排骨酸咗少少，價錢適中，服務態度好，環境舒適，價錢適中。

店舖環境衛生，通道寬躺，半開放式格局，而且十分寧靜。一到達上海婆婆，店內都有七成滿，無需等位。服務員態度唔錯，有禮貌。今日晚餐點左五個菜，由點菜至上菜只需要2分鐘。所以我稱之為超音速滬菜。

禮拜五想撐下枱腳又覺得條街好熱又好多人聽朋友介紹過海黎到尖沙咀食個午餐，終於可以唔洗逼又坐得舒舒服服食返餐！平日既lunch set可以揀1份主食1分小食，爽！由於今次人數唔多所以唔可以試多幾樣，下次搵多幾個朋友仔黎食先小籠bell 熱辣辣熱辣辣 好味好味牛肉包味道都唔錯，再多d肉就仲正擔擔麵花生醬好香又唔太辣，應該岩大部份人既口味！酸辣湯麵都好足料，一啖湯一啖麵，正呀！埋單夾埋唔洗一百都食得飽飽又滿足，絕對係唔錯既選擇

星期六收工就同好姐妹去行街食飯，呢個商場人流會比較少，所以特登行過去睇下有啲咩食，見到吾洗排隊，環境又OK，感覺坐得會舒服，所以就決定上海婆婆上海粗炒，超級鹹，啲面又炒得太耐，好林黃金四季豆，送到上枱熱辣辣好香蛋黃味，但超級超級超級鹹，我食一條要飲一啖水，一定要配白飯先食到松子魚，酸酸甜甜幾好味，不過嫌佢有點細條，但佢好好起埋肉唔會有骨👍係今餐最好味嘅餸，挽回小小分數雞絲粉皮，每次去上海鋪必叫嘅，個花生醬好‘杰’，所以吾滑！

上年食既時候覺得各款味道都幾好。但今天再食時感覺味道大不如前，菜式中只有黃金四季豆及小籠包覺得好味，另外黃金炒飯炒得唔夠乾身，韭王炒膳糊味道更有點腥，整體表現一般。希望下次再黎時味道變返好...