影片
更多
2019-06-01
252 浏览
趁 Happy Friday 一家人來尖沙咀吃晚飯，而今次嘅目標就係去吃上海菜，皆因小鬼話已很久沒嚐過。選了位於 iSQUARE 國際廣場 6 樓嘅「上海婆婆336」。其實這間上海菜館，之前都幫襯過，對店裡的出品，印象甚佳，既好味又不油膩，而且價錢亦相當合理，合乎經濟原則。雖然對上一次到訪已經是一年前嘅事，但店內裝潢變動不大，仍舊以水泥牆地、鎢絲燈及天花外露的鐵管等作設計，新派有型又帶點工業味。至於餐牌方面，項目就包括有冷菜、湯類、豆腐、河海鮮、豬牛、雞鴨、小炒蔬菜、飯麵、手造拉麵、點心、甜品及飲品等，另收茗茶每位 $6。由於剛剛喺 The ONE 吃了件蜂蜜抹茶蛋糕和茶飲，不算太肚餓，所以今次就只係點咗一客手切牛肉包、2 條小黃魚、黃金四季豆、兩麵黃同一份甜品。 京蔥手切牛肉包 ($42/3隻)，牛肉包上桌時仍熱辣辣，面層烘至色澤金黃，入口非常香脆，而且包身厚度適中，賣相對辦。至於內裡的牛肉餡亦做得很不錯，質感軟腍又有肉汁，香濃惹味，值得一吃。椒鹽小黃魚 ($52/1條)，黃魚是滬菜常用的魚類，肉味鮮而濃，用來燻、炸或汁煮都好吃。而這裡的小黃魚亦做得很不錯，炸香後再撒上自家製嘅香辣椒
趁 Happy Friday 一家人來尖沙咀吃晚飯，而今次嘅目標就係去吃上海菜，皆因小鬼話已很久沒嚐過。選了位於 iSQUARE 國際廣場 6 樓嘅「上海婆婆336」。其實這間上海菜館，之前都幫襯過，對店裡的出品，印象甚佳，既好味又不油膩，而且價錢亦相當合理，合乎經濟原則。
雖然對上一次到訪已經是一年前嘅事，但店內裝潢變動不大，仍舊以水泥牆地、鎢絲燈及天花外露的鐵管等作設計，新派有型又帶點工業味。
至於餐牌方面，項目就包括有冷菜、湯類、豆腐、河海鮮、豬牛、雞鴨、小炒蔬菜、飯麵、手造拉麵、點心、甜品及飲品等，另收茗茶每位 $6。由於剛剛喺 The ONE 吃了件蜂蜜抹茶蛋糕和茶飲，不算太肚餓，所以今次就只係點咗一客手切牛肉包、2 條小黃魚、黃金四季豆、兩麵黃同一份甜品。 
京蔥手切牛肉包 ($42/3隻)，牛肉包上桌時仍熱辣辣，面層烘至色澤金黃，入口非常香脆，而且包身厚度適中，賣相對辦。至於內裡的牛肉餡亦做得很不錯，質感軟腍又有肉汁，香濃惹味，值得一吃。
椒鹽小黃魚 ($52/1條)，黃魚是滬菜常用的魚類，肉味鮮而濃，用來燻、炸或汁煮都好吃。而這裡的小黃魚亦做得很不錯，炸香後再撒上自家製嘅香辣椒鹽炸蒜，入口外酥內嫩，香口無比，惹味又不過鹹，加上魚肉仍帶鮮味，令人回味無窮，用來下酒一流。
近年鹹蛋黃大熱，所以亦特意點了一客黃金四季豆 ($72) ，四季豆炒得色澤均勻，面層沾滿鹹蛋黃醬，入口惹味鹹香，而且食落仲保持一定嘅爽脆度，完全唔覺得漏，一個人食一碟都得。
於飯麵一欄選了三絲兩麵黃 ($78)，廚師先用油鍋以慢火將麵條煎香，再以肉絲、冬菇絲、銀芽、青紅椒等加個芡汁鋪面。邊位的麵條咬下非常酥脆，韌而不硬，微黃不焦，帶有鍋巴的香味；而中央的麵條由於吸收了醬汁，所以食落會比較鬆軟，兩種質感一起入口，配埋肉絲等吃，味道極佳。
壓尾的甜品點了酒釀丸子 ($32)，丸子細細粒，軟糯煙韌，入口帶陣陣桂花的幽香；而糖桂花亦下得恰到好處，不會搶去酒釀的乳酸和甜味。酒釀沒有酸味，酒香怡人，加上本身嘅天然甜味，的確令人回味。雖然這晚吃得不多，但幾款菜式都做得很不錯，水準不低，總括而言，是吃得滿意的。
张贴
