冷盤除了肴肉係常叫，海哲分蹄都係我既選擇，因為肴肉水準真係一時時，好的時候係一半肉一半果凍狀，一般般的時候全部只係實實的肉，好影響咬口同味道。反而個海哲就食幾次都好錯，食落爽脆，唔係一味落麻油。分蹄都唔錯，都係爽爽的，係冷盤既好選擇。
鱔糊，水準正常，不過其實好多地方做鱔糊做得好潺下，要食正常的，都真係要睇彩數。擔擔麵，湯底係偏向麻醬味，用上幼身麵條，都幾唔錯。
除了上海小菜，其他小菜其實都做得唔錯，最強勁的，首推黑椒豬手，豬手軟腍，黑椒味濃郁，用黎送飯無得頂。另一款食過的係椒鹽田雞，田雞就好一般，雖然有好多隻脾，不過真係整得好腍，無椒鹽應有既香口，不過亮點係個麵底，非常香脆，用黎做炒麵都唔會太失色。
有時一個人，都可以要客飯，客飯我通常都係要獅子頭，有肉有菜，肉唔係一夾就散，用黎撈飯真係無得傾。仲有個例水，都係四十幾蚊，都幾抵食。
上海甜食除左豆沙鍋餅，仲有自家製既芝麻湯丸，軟熟非常，係豆沙鍋餅以外既選擇。
一個人可以食個客飯，多兩個人可以叫餸，做左咁多年，都依然做得唔錯的老店。
有事要在灣仔一帶辦，辦好之後，與唔太一行三人找個地方吃飯，是日的午餐時段也頗多人，始終灣仔也是多上班族的地方，好不容易找了個座位坐坐，之後大家就看看有什麼好吃了。
其實大家也沒有什麼所謂，最後就由本人發板好了，就選了本人最愛的頭盤，及即興想吃的主菜獅子頭，另外叫了點點心，相信是很夠吃了。
先來介紹個頭盤，所謂本人最喜歡的頭盤，其實就是醉雞，其份量也不少，而且也有不少深棕色的花雕酒作底，嗅起來已經覺得花雕味確是很濃，但同時那股酒精的氣味是太過突出，蓋過了花雕的香味，這某程度可知道店家用的花雕真的很麻麻，而且可能浸煮的時間不夠長，雞肉的酒味較削，然而雞肉頗為細嫩，考慮到雞胸的位置都不嚡不韌，其實已經不錯，不過問題是其肉質偏散，看來都是雪藏方式，更不要談雞味了，總括而言，不難吃，但真的是很普通的貨色。
接下來就是小籠包了，一客有五件，小籠包的皮真的超厚，皮入口粉腍而不夠彈性，咬開再一看，這難怪！就算是上海的店子，很多時其皮也是厚得不得了。
不過人家的至少肉汁會很澎湃，但是日的不是沒有，但就真的是太少，唯一較為好的是其肉餡夠飽滿，但無什麼口感可言，塞滿了小籠包的皮又如何？一吃就知道是機打的豬肉，如果用上多一點精肉，再肥美一點，肉餡鬆一點，吃起來應該會更多汁，更好吃吧。
另外一款點心煎窩貼又如何？其皮又是超厚，不過今回因為是煎得很脆的關係，沒有了厚實感，反之就是一種香脆的感覺，可算是不幸中之大幸。
不過咬開來香口之餘，肉餡就真的不要寄望太多了，跟小籠包的一模一樣，不夠肥美，不夠多肉汁，蘸上的醋也不是太香，個人認為在香港也還有不少地方比它好，如紅磡的上海飽餃店就是一例。
個人比較喜歡吃清一點的清燉獅子頭，不過店家就只供應紅燒獅子頭，用上本幫菜的風格，紅燒汁就是夠色夠味，不過比起正宗的上海風，還是少了分甜味，受到這個濃油赤醬的影響之下，當中的小棠菜及筍都被煮得很軟腍入味，至於那獅子頭其實都不太大件，還記得上回在留園雅敘吃到的湯獅子頭，可真的是蚊比及牛比。
最後來一碟上海炒年糕來填肚子，也是用上濃醬油，配上豬肉絲、菇絲及津白絲等同炒，但味道明顯不夠濃，年糕的色水都不夠深，甜度也不足，這個本幫風味不夠道地呢！加上店家用的年糕有點過實，稍為欠了一份煙韌黏糯的感覺。
開胃食品來了，材料有蛋花、木耳、豬血、肉絲、筍絲、蝦仁等，用料十分豐富。味道適中，不太辣或酸，唔錯！
有Ginger絲、肉絲、雪菜同年糕。食起來年糕嚥嚥UnUn，口感不俗，但嫌味不夠濃，不夠正宗 
材料有豬肉同白菜，大大粒，皮算薄味道okay，但不算突出。我食左3、4粒都飽到上心口了。
小籠包皮過厚了，有d位未夾上來已穿，可見得師父手工還差少少，而肉圓還可以。肉汁不多但味道亦可以。
賣相唔錯，食落外皮略脆，穫氣非常。魷魚係新鮮的，味道係唔同o的 ~~ 呢個可以一試呀！
份量唔多,而冇毛菜用白菜仔代替,但侍應冇講聲.百葉豆味好重,厲害.
應該係節瓜豬(月展)湯,呢個好夠甜,唔覺有味精,唔錯.
size大大個,汁唔係好多,皮亦唔係薄,呢個差o左啲.
豆腐大大件,味道唔太辣.
平平無奇.
湯底辣度同花生味岩岩好,唔會同出面落得太重手,搞到好易飽.不過就稠左,亦得好得因為榨菜嘅問題,搞到個湯底好咸.呢到嘅擔擔面配料落得好多,而且配料味道唔錯.麵條比較幼身,都算彈牙.如果湯底煮得好d,相信會係非常出色嘅擔擔麵.
影片
