三餐冰室

营业中

休息中

平常嘅一餐多數都會係餐廳品嚐一下招牌美食，款式同口味都比較多元化，價錢親民又足料肯定食得滿足，而且每間餐廳都有佢嘅吸引之處係度，真係可以逐一品嚐一番，是日行開呢頭行到咁上下係附近搵間餐廳食個晚餐，係餐牌上有幾多選擇提供我就點了呢款經典焗豬扒飯，襯番杯椰香紅豆冰，再追加多一份法蘭西多士食住先，西多士炸得金黃香脆將鮮牛油搽上表面，再淋上糖漿慢慢切開一件件咁食最正，裏面仲食到濃厚嘅粗粒花生醬，係一份唔錯餐前小吃，輪到焗飯出場估唔到分量十足真係有兩三碗飯啱晒我呢D飯桶痴，嗰陣味道特別香，濃厚嘅醬汁同芝士混埋一齊，入口開胃又滋味，再食件厚切豬扒肉口感飽滿配啖炒飯一邊食就最正，一餐餐室美食又品嚐完。

其實係呢個時間最啱去食D時令美食，簡單得來又好味，不過都要睇吓時間有冇得食，未必一定會食到正所謂你識食其他人都會一樣，計我話都係早食早享受，是日晚餐就係呢度開飯雖然只係一間餐廳但都有吸引之處係度，除咗有一般晚飯套餐提供外，都有D推介美食，講緊係合時羊腩煲逢晚市供應配例湯、白飯同生菜我都點番個食，最緊要係一邊滾煮一邊食夠晒風味，一揭開蓋已聞到香味散發望見件件都係半肥瘦羊腩外，仲有馬蹄、冬菇、支竹呢D必有嘅配料先食件羊腩肉質入口香軟又肥美啖啖香濃肉汁口感十足，點埋腐乳醬食更滋味配啖飯食就最正再食埋其他配料，同時落埋生菜吸收湯汁精華食落特別入味，咁又品嚐一餐暖笠笠時令美食。

平時行過都有入去幫襯，近排佢除了我最愛食開嘅鐵板外，還有雞煲同羊腩煲嘅選擇，冬冬地嘅天氣就梗係叫返個雞煲套餐，試吓冰室嘅味道！落單後店員就會先上個迷你火爐，轉頭就上了個雞煲同埋紫菜餐湯同白飯，滾一下打開，熱騰騰嘅雞煲香味直撲向鼻！見到又紅又綠嘅青椒配上嫩滑入味嘅雞肉，入口軟滑，味道十足，真係估不到在這裡亦可以食到唔錯嘅雞煲！當然喜歡食肉嘅我就要加埋個鐵板什扒餐，鐵板上一次過有齊最上嘅太陽蛋、致愛嘅雞肉腸仔、火腿扒、香煎嘅煙肉、大大塊又軟熟嘅豬扒、同埋一樣大大塊嫩滑嘅鷄扒，上枱時才淋上自選嘅蒜蓉汁，炸一聲，在鐵板上出現，細心店員亦會先送上席巾，配埋最愛忌廉湯，忌廉湯底有爽口粟米肉粒，還有塊牛油多士，真係十分完美滿分！而這裡嘅奶茶紅豆冰跟餐多加$12，當然一次過加埋！香滑奶茶托底配上軟熟嘅紅豆，今晚熱氣啲都唔怕！在這裡完全可以慢慢嘆!食飽後還可以行多陣漆咸道先至搵車回家！

星期天去科學館前想醫咗肚先，想不到對面路的茶餐廳竟然可以不用等位。三餐冰室較其他餐廳光猛整潔，所以我們毫不猶豫就進去了。入到去見到有懷舊電話，又有畫上跳飛機的天花板，都幾特別喎！午餐set 都好多選擇，最特別係有胡椒豬肚雞湯飯，不過我們今次點了芝士焗火腿吞拿魚意粉和不在午餐set中的咖哩牛肉飯。芝士焗火腿吞拿魚意粉($58)上面舖了一層好重手的芝士，焗飯又夠熱，多汁，送意粉一流！火腿吞拿魚都足料，份量正常，如果大胃王就可能八成飽吧。咖哩牛肉飯都好好味，薯仔夠淋，咖哩汁又香。如果咖哩的份量可以多一些更好。

今晚出咗去尖沙咀交收, 好耐都冇行過加連威老道啦!好多鋪頭都唔同咗樣，行行下轉返個彎搵地方食個晚飯，喜歡科學館對面靜靜地冇咁逼人。三餐冰室，裝修夠晒懷舊特色，打卡影相一流。最緊要幸福簡單，天氣凍冰冰，一於食佢嗰個新上市嘅麻辣雞煲 $108。呢個雞煲對得起個價錢，熱辣辣香噴噴明火上枱，感覺加倍認真。麻辣雞煲 ，香而帶一點小辣，雞件嫩滑多汁，肉質柔軟，果然色香味俱全！雞煲配白飯，吸收晒雞汁嘅精華，例湯有紫菜湯味道好正呀！朋友揀咗有米之晩餐，甜酸咕嚕肉飯 $52，甜甜酸酸的醬汁好開胃，咕嚕肉入口有少少外脆內嫩，送飯真係好啱口味！最近有啲咳，聽講熱檸檬可樂煲薑可以止咳喎，又試吓先！跟餐加$8 真係抵飲。

聖誕節前去尖沙咀做個Facial，靚靚去party！做完Facial冇化妝，就同閨蜜一齊去附近食個晚飯。門面光鮮，裝修有一點點懷舊味道的三餐冰室，座位都坐得幾舒服，一於入內吃個鐵板餐。最鍾意有鑊氣的鐵板扒餐，熱辣辣吱吱咋咋，冬天食就最香噴噴啦！《招牌牛柳餐》$128先來餐湯，羅宋湯或是日餐湯，店員說羅宋湯是這裏的招牌湯，配厚多士又真係好少見。羅宋湯酸酸甜甜很開胃，帶點牛肉粒更加有咬口。鐵板招牌牛柳餐配薯菜，這份五成熟 的鐵板招牌牛柳，雖然有成寸厚，但入口確實有驚喜。肉質鮮嫩多汁，肉色粉嫩，黑椒汁十分惹味，兩樣加埋真係好香，令人食指大動！每客鐵板餐可追加：加$10白飯或意粉。不過兩大件牛柳確實足料，飽飽滿足了！奶茶紅豆冰，跟餐只加$12，平靚正！奶茶香濃、紅豆甜美，是一杯不錯的特飲。

每次剪頭髮加染髮也要數小時, 身為餓底的人, 當然要醫醫肚先囉, 否則也不知如何捱肚餓, 剛好位於尖沙咀髮型屋附近看到三餐冰室, 不用想便入內進餐啦~看看餐牌三餐冰室的午餐及下午茶供應時間也蠻長的, 換句話說即是多了很多套餐選擇啦, 只是貪心的人選了有湯、 有肉、有粉的常餐囉~午餐肉粒羅宋湯通粉 $46 大大粒的午餐肉, 滿足了口感需要, 通粉軟腍剛好不會難以咀嚼, 混合蔬菜感覺更健康, 加上羅宋湯的味道, 整碗連湯也給吃光光囉~熱檸茶 新鮮檸檬酸味不苦澀, 而且茶味濃郁呀~

今日又去香港歷史博物館，之前先在附近來個快速午餐，完全沒目標餐廳，碰巧經過「三餐冰室」，就在這裏開餐。雖然並非擁有悠久歷史的港式老冰室，但裝修風格就加入了一些 1970年代建成的第一代公共屋邨元素。最明顯一點就是餐廳玻璃外牆刻意燙上了第一代公共屋邨（非1950 年代徙置區）的相片。室外陽光普照看不清楚，室內影的相片就清楚得多了。撥開門外塑膠捲簾，原來是一條小甬道，甬道尾是類似霓虹光管的餐廳招牌。甬道一邊是冰室室內，還有一道自動趟門隔開；另一邊牆壁就掛了幾個鋅鐵皮信箱，很明顯是 1970年代的公共屋邨元素。還有一個更明顯的 1970年代茶餐廳或冰室特色，就是撥盤式模擬信號電話。當然，眼前這台電話只是裝飾品，已經不能使用，但就勾起無數兒時回憶。今時今日，由幾歲的小朋友至七八十歲的老人家，人人手拿一台移動電話；20歲以下的年青一輩，當然想像不到就只在30年前，茶餐廳或冰室內的這台免費固定有線電話的重要性。更抵死就是旁邊張貼的字條「打電話請勿超過3分鐘」！完全是當年的實際情況。室內裝修環境同其他普通茶餐廳無異，只是較為摩登、及更加光猛，因為冰室兩邊都是落地玻璃，直接面向街外。為了強化一下老香港

有日大家研究放工吃什麼，腦細推介「三餐」，問我們有沒有試過。然後我們笑笑口：「一早食過幾次了。」於是我們放工（十月客人來，很忙，要OT),又來光顧。每次來也是會點紅湯，很多料呢。堅.厚多士，外脆內綿，帶牛油香，而且真是比一般茶餐廳的厚。鐵板牛柳餐牛柳夠厚大多汁，有牛味。最喜歡聽著沙沙聲大口吃肉，連聽覺也滿足起來。牛柳必要跟薯條，這兒薯條份量也不少。來杯熱檸樂煲薑滋潤一下。這兒lunch 也不錯，找天分享一下。

都說了三餐冰室是否以一日食三餐的。上一次試了晚餐有很好的印象，今次就聯同同事去試午餐了！除了有一般正常的午餐外，餐牌外有一個海南雞飯，是店員極力推薦，咁我就試一試啦！午餐時段的海南雞飯跟了一碗中湯，說得上是真材真料，不是味精的朋友。海南雞飯除了雞⋯⋯便是黃油飯。沒有這個黃油飯便失去了重點。這兒的黃油飯香而不膩，還是粒粒分明的。因為很多時油飯都會過軟，就便得不好吃了！雞十分滑嫩同少骨，黃油得來又不會好肥，另外，是有雞味的，不會只有雪味。茶餐廳熱檸茶不能說有什麼可取之處，但在水準之上，即使不加糖，茶底也不苦澀。

這間三餐冰室在我公司附近，雖然坐落大街，但那位置在尖沙咀來說是不多人會到，所以就算午飯時間亦多數不用等位，所以係一個唔錯嘅選擇。大部分餐廳午餐很多時都是ABCDE幾款選擇，但這裡每天午餐都有十幾款可以揀的。今天選了這個香蒜汁雞排飯，先講雞排，他們是煎得不錯，可以說是皮脆肉滑，雞排還保留著不少肉汁，個蒜香汁調味亦不錯👍🏻。重點係個飯，我最欣賞佢哋個白飯真係煮得剛剛好，飯粒分明帶小許煙韌，這樣的飯吃起來特別好食👍🏻👍🏻👍🏻。

難得幾個朋友放下假，可以lunch + Tea 慢慢嘆！#鐵板夏威夷雞扒餐 嫩滑雞扒皮香肉嫩，仲有新鮮菠蘿送口，減低油膩感。#經典焗豬扒飯 炒飯底夠乾身！配上面既鮮蕃茄，茄醬同半溶芝士，加上醃得入味又鬆化既豬扒，呢種美味你係要親身體驗先至會知！#咖哩薯仔牛腩飯 馬來西亞咖哩口味 椰香味重又夠辣 超好送飯❤️ 牛腩牛筋入味夠稔，我唔好食飯都忍唔住食曬👍🏻跟餐配 #羅宋湯 唔係又濃郁飲到個咀紅曬果種，真係自己煲加上新鮮牛腩，清清地微酸👍🏻#奶茶紅豆冰 超級驚喜！因為我本身係咖啡狂，但原來綿綿紅豆加茶香奶滑既奶茶係咁好飲既😻救命呀！我諗我會上癮囉🙈#檸檬可樂煲薑 有點感冒飲真心一流！薑切成條狀夠辣夠多，仲有兩大片檸檬🍋酸甜辣剛剛好👍🏻坐到有 #下午茶時段 又想試下經典小食！#椰香紅豆冰 試，就試埋港式冰室一定有既野！紅豆係一樣綿一樣既甜度，但加上濃厚既椰汁🥥即刻成件事唔同左！比起奶茶底，椰汁底椰香味升級甜度升級！好甜或者小朋友一定係至愛！#法蘭西多士 除左沾上厚蛋漿炸脆左既麵包同內裏既粗粒花生醬之外，最令我驚喜反而係佢地用既糖漿，只有微微既甜味唔會 「妹仔大個主人婆」，落多少少都唔怕！#沙爹牛

傳統港式冰室一向不賣花巧，鐵板扒餐，焗飯意粉，常餐等等，大件夾抵食，已經夠吸引。最近來到三餐冰室，這裡沒有舊式裝修，但精美的屋邨畫同樣好有味道。餐牌選擇豐富，各式各樣冰室出品都有供應。招牌牛柳餐 $128五成熟，黑椒汁，我的經典組合，然後再淋汁，即時香噴噴。當然，硬要和西式扒房比較，價錢也有一定差距，但以港式來說牛柳絕對出色，大塊又香腍，口感不錯。跟餐的的羅宋湯用料十足，加入牛肉以及大量雜菜熬製而成，酸酸辣辣好開胃。芝士焗肉醬意粉 $68澎湃的芝士肉醬，非常邪惡。意粉跟肉醬一樣沒有偷工減料，食極都有，濃香的芝士肉醬味非常吸引。招牌海南鷄飯 $58冰室的海南雞飯一點也不遜色，海南雞嫩滑，不會乾巴巴。油飯充滿油香，兩款醬汁有水準，整個出品都拍得上海南雞飯專門店的出品。法蘭西多士(鮮牛油) $33厚切西多外脆內軟，中間的粒粒花生口感豐富，大量糖漿和鮮牛油又香又邪惡。凍檸茶來到港式冰室，凍檸茶點可以少得。要嚐港式味道，三餐幫到你。

近年興懷舊風所以行街好容易會見到有間冰室喺左近不過呢間三餐冰室又有少少唔同喎一入去見到大大個霓虹燈牌係咪以為佢好似其他冰室咁裝修到好似懷舊冰室咁呢點知佢反而係幾modern牆上貼有好多具有香港特色嘅圖案勾起大家嘅香港情懷佢嘅餐牌都係走同一路線用左好多得意圖案 好有心思三餐冰室嘅食物好有質素淨係睇佢個招牌三餐三蛋飯($56)就知道餐肉煎蛋飯係頹飯之選但佢整得一啲都唔頹佢叫得三餐三蛋飯就係因為佢有三隻蛋三塊餐肉三隻蛋一齊煎仲要煎得咁靚隻隻蛋黃都水汪汪咁仲要配埋厚餐肉 聽講豉油都有調校過另一推介係法蘭西多士($33)首先佢選用厚多士比起平時食到嘅西多士足足厚左一倍最邪惡嘅係咩呀?有大大片牛油之餘 中間仲要搽滿花生醬架仲要係有花生粒嗰隻呀仲有一樣必定要推介嘅係奶茶紅豆冰($28)紅豆冰因為有好多椰汁嘅關係我一向都覺得好甜咁就一於試下奶茶會係點啦我都驚有啲奶茶奶多又係會好甜架嘛但呢個真心推介因為個奶茶好好飲 茶味好夠濃 做埋紅豆冰都唔會覺得佢得奶味或者只係覺得甜最後經典焗豬扒飯($72)都好唔錯豬扒好腍番茄汁好香濃雖然而家冰室開到成行成市賣嘅食物好似製作好簡單但其實有冇用心整食客一定分得出

假日經過尖沙咀，因為遊客減少而份外感覺舒服，逛得累就找個地方吃點東西，經過見到這間冰室裝修很有味道，亦有我想吃的東西，就進去試試。門口有一個霓虹燈寫着冰室的名字，有點像回到70年代的感覺，門口掛着一個個舊式的信箱，還有各款燈泡，很有懷舊氣息。牆上可愛的屋村壁畫，完全是香港人的回憶。餐牌有各款常餐、扒類、意粉及焗飯餐等等，價格亦很相宜。招牌牛柳餐 $128這裡的鐵板扒餐供應時間為2-10pm，配即磨咖啡及餐飲，點了招牌牛柳餐配羅宋湯，羅宋湯還配有一塊厚多士，多士跟平常吃到的不一樣，又香脆又軟熟。鐵板餐均配薯菜及醬汁一款：黑椒汁、洋葱汁、燒汁或蒜蓉汁，選了黑椒汁，牛柳軟腍可口，很輕易就能切開，而且份量亦好多，實在很抵吃。招牌海南鷄飯 $58說是招牌的，所以也點了個海南雞飯，配上的醬汁沾上飯粒很惹味，海南雞滑滑的，沒有很多骨，還附上雞髀位置，性價比高。三餐馬來咖喱咖喱薯仔牛腩飯 $68朋友想吃咖喱，點了個咖喱飯，咖喱味香濃，吃得出是馬來西亞咖喱，牛腩腍身，沾上咖喱汁很好配飯。法蘭西多士(鮮牛油) $33最後來個西多士作為甜品，多士仍然是非常軟熟，Order了多花生醬，更多花生粗粒更有口感，沾