三餐冰室

营业中

休息中

出黎尖沙咀買口罩，買完就梗係要搵食啦，本來諗住去食米線，但同行友人再三強調米線周圍都有分店，要食啲尖沙咀先有嘅野，而且佢話要飲紅豆冰，咁最後就去食茶記啦。既然食茶記，咁就帶友人黎三餐冰室好啦，掛住佢地個三餐三蛋飯，哈哈，人地整嘅餐蛋飯總係好食過自己整。天氣咁熱即刻點杯凍飲降降溫，友人就點佢想飲嘅紅豆冰，自己點左凍奶茶。紅豆冰的豆很軟腍，甜度剛好。凍奶茶個茶底幾香，走甜都無澀口。自己就點左三餐三蛋飯，最近黎幾次都係食呢樣。啲蛋汁預備爆出黎啦，正啊。厚切餐肉有三大片，啱哂午餐肉fans，哈哈。加埋個甜豉油係咪好靚仔先？睇見就想食，甜豉油加埋蛋汁撈飯實在太正了。友人點左焗鮮茄雞扒意粉，哈哈，唔出聲以為係大x樂個一哥豬扒飯。非常熱！啲茄汁同芝士起緊泡泡㗎，小心唔好掂到個焗盤啊。意粉軟腍但仍有咬口，吸了茄汁同雞油正喎，茄汁酸酸甜甜好開胃，雞扒大大塊厚身，好多肉呀～最正仲要多芝士，好味好味。不用加一～抵食夾大件，尖沙咀的好選擇啊！

其實我已經好耐好耐無食過冰室唔太食港式野既我對於冰室既最大印象就係西多士！所以今次黎「三餐冰室」感覺好得意對於食開港式野既人會覺得係一種懷舊經典對於我呢類極少接觸既人就係一種尋寶既樂趣裝修都幾有心思有多個打卡位除左三餐冰室既燈牌外 仲有路牌道具可以影相強烈推介大家試招牌鐵板牛柳餐🥩通常出面食鐵板餐明明要5成熟最後都會熟到變左7成但係呢間既火候控制得非常好牛柳肉質鮮嫩多汁配上惹味黑椒汁再加埋粗身薯條 真係無得頂我地仲選擇自己淋汁 吱吱聲好治癒馬來咖喱薯仔牛腩飯都值得食🍛咖喱加左香料同椰奶 微辣之餘又夠滑身牛腩肥瘦適中 腍身得黎又夠入味真係飯都可以食多兩碗啊！焗豬扒飯就有大大塊鬆軟豬扒配上濃香茄醬、芝士加埋乾身飯底 真係夠晒經典而我好期待既芝心煉奶西多士用上厚身香脆鬆軟麵包令成個多士更加有層次感好食好食好食！😋據聞佢地既海南雞飯都唔錯 下次要試下

尋找經典滋味回憶～～「三餐冰室」《經典焗飯》、《鐵板餐》、《馬來咖喱飯》、《羅宋湯》🥰🥰🥰🥰😋。超足份量嘅經典茶記味道👍。🌟經典焗豬扒飯🌟大大塊鬆軟豬扒配上濃香茄醬、芝士，加埋乾身飯底😋😋😋。🌟鐵板招牌牛柳餐🌟惹味黑椒汁，粉嫩牛柳、粗身薯條，滋味到極。橙紅色跟餐羅宋湯，味道香濃暖甜、微辣💯😋。🌟 馬來咖喱薯仔牛腩飯🌟淡淡椰香味嘅香辣咖喱汁配上腍滑薯仔🥔、入味牛腩，💯 令人上癮嘅🥇香辣惹味！

今日去左食lunch, 食物就普普通通啦，不過不失，但真係好唔夠冷氣，坐窗邊就最熱！就算附近開埋風扇，都一路食一路出汗，坐隔離枱既人都嘈佢地好熱，好快食完，出返去仲涼過係餐廳到！而家未去到最熱既時候都咁，如果到7-8月。。。不敢想像

同兩個frd去左試呢間冰室，三個女仔叫左兩個餐，咖喱牛腩同唔記得咩牛扒，黑椒汁，想講三個人叫兩個餐完完全全夠食！！！份牛扒分量好多，好厚身，如果一個女仔食未必食得曬，就算食曬都好飽。要左五成熟，牛肉好嫩滑，食落口唔會好多渣。咖喱牛腩d咖喱味好濃，奶味都好香，牛腩燜得好淋，入口就散開，d汁餸飯食可以食好多，😅搞到唔小心變左飯桶。另外想講下佢跟餐果個忌廉湯都好飲，唔係外面餐廳果d淡茂茂嘅，湯中間有d唔記得係咩，口感都幾特別。價錢又唔貴，經過尖沙咀諗唔到食咩就食佢啦！！

茶餐廳，是香港的精神，是香港的文化遺產，也是一個源起於香港的獨得飲食文化。而妙就是妙在，餐廳可以把好簡單的食材，好中國的食材，做到中餐西食或西餐中食。近日，朋友告知有一個走懷舊路線的茶餐廳在尖沙咀開業，那天人剛好在尖沙咀，就決定走過來，一試這名叫《三餐冰室》的下午茶。改日我同朋友去柯士甸路找餐廳發現沒開門，又想起這店，我們吃了一個午餐。這《三餐冰室》，一看就知道是以懷舊做招徠。一行入門口，當中的份霓虹招牌，古代的鐵信箱。香港式的路牌，以新舊香港的事物來做交替，做出了一種既有復刻感覺而又有少少潮的味道。裝修不多說了，入直路說食吧。下午茶，來了一份吉列魚柳配薯條。也就是一份港式的 Fish and Chips。配上了海鮮醬，要不要茄汁就自便。即叫即炸起的吉列魚肉同薯條份外地香口，香脆好味道。同行太太點了一份西多士。方方正正的，厚切，而且一看顏色，就證明到，這多士炸得/煎得非常之均勻。西多士的內心是花生醬，加上牛油，加上楓蜜，是一個又甜又香的港式美食。改日同朋友來的午餐，朋友要了一份吉列豬扒腸仔飯。最美妙的，是那個外皮脆，內心又充滿豬肉同豬油香的吉列豬扒，點一點伴上的茄汁醬，連飯連肉連汁一起

又過來三餐冰室打躉比起上次 味道穩定左好多今次試下惹味椒鹽雞排 $68雞排仲keep到嫩口好Surprise整體味道偏咸椒鹽味、蒜香、辣味略嫌不足可以清淡番少少紫菜湯味道剛剛好 （套餐附送）整體算唔錯原來呢度有黑牛飲（朱古力味雪糕+可樂底）真係地道的餐廳先有得飲🤩想試下港味呢個必試-經典焗豬扒飯 $72每一間餐廳都有自己的formula有時食得多快餐難免會用左作比較呢一間的茄味唔算濃 如果怕酸的朋友反而比較適合🈴️你豬扒肉質煙韌帶咸香可以一試以下Menu

時日特別限定的羊腩煲，呢一排我都好小出街食飯，好怕去到d好亂嘅地方。今日終於有得透下氣出嚟。呢一個羊腩煲係我今年食嘅第一個。我中意拒嘅味道夠正宗，濃度剛剛好，隱約中爆香嘅薑同蒜味會透出，而這兩個配料是不能忽視的，沒有了他做不出這個味道，更加沒了羊腩煲驅寒嘅功效。羊腩的軟硬度適中，不會像其他餐廳，硬到咬唔到。肉質又不會太韌，肥瘦適中。而且價錢實惠，份量剛好，還附送一盤時令蔬菜和一碗白飯。諗起又好想出去食，唔知幾時可以呢。

基本上我覺得性價比係幾高, 因為野食係幾好食, 坐又坐得舒服我會形容三餐為高級啲ge茶記我食過佢個海南雞飯, 就覺得麻麻地, 因為我鍾意無骨ge,, 但佢就係有骨ge,, 所以有啲保留,,, 湯飯我食過, 係好食! 同埋小菜尼講我食過咕嚕肉~ 都係好好味~ 周圍望下其他人食戈啲個賣相都唔差架!! 我有啲時候過左9點先去食, 就安靜啲, 但當然可以揀ge菜式就少左好多, 但都總有一款係啱食~ 所以都係值得一試!

今日茶市試咗佢哋午餐炸雞翼喇沙及焗豬扒飯，焗豬扒飯焗得夠火喉，芝士及蕃茄都夠味，堅好食過上星期我在大型連鎖快餐店所食到的。尤其豬扒夠大塊又鬆軟，下次一定要帶老婆及兩個囡嚟再試下先掂。喇沙配米粉，個湯頭都好鮮甜，果三隻雞翼炸得好香好脆，夠晒喉，OL嚟講午餐一定好夠，叫得三餐冰室，估計早午晚三餐都要做得夠多選擇先至合格，以今日試呢兩款茶式都及格有餘，推論出其它食品飲品都有返咁上下水準的。位置在漆咸道南，其實都好方便的。

早前與友人參觀科學館後便出發到尖東「覓食」， 經過漆咸道時看見三餐冰室裝飾別緻，所以決定試一試。 整體餐廳設計特別，以舊香港特色為主題，感覺回到小時候。   晚餐設有中式客飯套餐，無論單人食定雙人分享都好方便。 友人點了滑蛋韭黃炒蝦仁，而我就叫招牌牛柳餐。 餐盤設計亦花了心思，寫著「三餐有幸」， 小妹認為的確有幸，因為可以食足三餐，照顧週全。 而且冰室整體食物水準偏高，食完有一種飽滿的幸福感。   滑蛋韭黃炒蝦仁賣相精美，雞蛋炒得恰到好處，口感嫩滑， 同時散發韭黃的香味，蝦仁亦算彈牙，味道不會過鹹。 附送的紫菜湯味道清甜，感覺真材實料，沒有加入味精。招牌牛柳餐值得推薦，鐵板夠熱，一倒入黑椒汁已經散發香味， 而且牛柳份量足夠，肉質軟腍，熟成度控制得非常好， 小妹點了5成熟，切開剛剛好，不會過熟可以保留肉的嫩滑口感。 附送的羅宋湯也很好喝，味道濃郁，整體質素偏高。 個人最喜歡是奶茶紅豆冰，紅豆煮得軟腍但不會爛， 仍然保持粒粒口感，每一口都是十分享受。 此外，奶茶茶底出色，茶香但又不會掩蓋奶味，做到兩者平衡， 幼滑香濃

同朋友黎三餐冰室食個便飯，佢個餐牌多左野揀喎，而加有中式小菜套餐，一餸一湯一飯都係六十幾蚊，仲送餐飲添喎，抵食！xo醬豬頸肉炒西蘭花xo醬十分惹味，西蘭花吸了豬油同醬汁勁正，呢碟餸勁好下飯喎。白飯都算幾大碗，女人一定夠飽，男人就睇下你大唔大食啦，哈哈。海南雞飯雞件滑溜，雖然有骨，但都只係下面一層薄骨，所以都係好易咬嘅。附送黃薑飯唔係油飯，感覺上健康啲，而且黃薑飯好香口，就算無餸都可以食幾碗！紫菜雞腳湯中式套餐送紫菜湯，湯頭清甜。西多士食完正餐就點下甜品先，茶記梗係西多士啦。金黃色好鬆軟，仲有糖漿任落，食西多士點可以唔夠甜。起筷囉～舊牛油真係好正，但太邪惡唔夠膽食晒全塊呀…沙爹牛肉治牛麵就食得多，未見過有沙嗲牛治，試下先，好香濃嘅沙嗲汁，用塗左花生醬，正呀，烘得香脆，呢個真係無得彈。熱檸茶最後食飽飽飲返杯檸茶解解膩，正。中餐份量雖然細左少少，但價錢平，食完正餐再加兩個小食都係一百蚊個人左右，飽到上心口了，哈哈。

同老婆行街買完野，係尖沙咀搵地方醫肚。在尖沙咀玫瑰教堂附近其實有好多野可以食，三角公廁一帶更加多到數之不盡。之前吃過呢間三餐冰室，試過佢一啲茶餐同扒餐，同區來講算係非常之抵食。聽過一個老友話呢度而家多咗好多不同種類晚飯套餐，全部價錢都是六七十到。兩口子都是百幾，算係非常合理同化算，本來都想去試吓朋友介紹嘅另一間雞腸麵都放棄，一於再訪三餐。叫了兩個餐，我點了香菇土魷蒸肉餅 $62，加豉油加飯一流，香菇土魷都非常多，足料野味，而且重有紫菜雞腳湯。老婆吃的是滑蛋韭黃炒蝦仁 $72，個滑蛋同茶餐嘅蛋一樣炒得好滑好香，送飯真係非常一流，而且蝦仁有好多粒，全部都好爽，值得大推。內有粗粒花生醬的西多士，單點$24，咁平，係邊搵，食呢個當甜品就唔使去食糖水。講真一餐正餐再加糖水都係每人唔使$80 ，喺尖沙咀來講真係佛心價錢，餐廳環境仲要好舒適，值得多來。重要簡單唔使諗，適合不煮飯嘅兩口子，簡單晚飯一流。

在理工大學返工嘅人大部份都經歷了兩個月Home Office嘅生活。其實Home Office返工都幾慘因為相對比較悶同黑板而且長時間留咗喺住嘅地區，冇得同同事食飯交流，好無奈。呢兩個月係星期六日我哋都會出去食飯聚下，好過完全唔見。過左兩個月，大家過返正常生活，開始返返工，過喺辦公室為三餐嘅生活。大家咁耐冇見一定要喺公司飯堂食飯聚。兩個月冇來三餐冰室估唔到有新嘢食。晚餐有套餐小菜，加上紫菜湯或是日餐湯及絲苗白飯，配咖啡或茶，都只是七十左右。說真以價錢來講非常吸引，知道之後我地成班同事立刻去。先點了黑椒醬爆牛柳粒，好惹味，牛柳粒數量係深水埗大排檔食一個小菜一樣咁多，而且黑椒送飯好精彩。椒鹽豬扒勁大件，一定無乜落乜嘢鬆肉粉，大件得叫幾位女士高呼食唔晒。雜果糖醋魚塊就是我最愛作品，酸甜度剛好，而且魚塊啖啖魚肉，絕對不會厚皮少魚肉。返工就係為三餐，我們全班同事都好喜歡呢度又平又高質，有時喺屋企home office 都想番去食，期望有更多新餐單可以提供，等我哋同事有更多新鮮感。

又來了！我最愛的茶餐廳三餐冰室！下午茶時段內就是為了他們的港式美食，今天晚飯時候來，發現他們除了港人最愛的「碟頭飯」，還有各式小炒，約$60~$70，怎麼尖沙咀吃晚飯這麼便宜！韭黃蝦仁炒蛋，好多蝦！其實要炒得好吃，看似簡單其實都不容易...自己在家炒過就不知怎的水汪汪...（掩面）附送白飯例湯咖啡或茶，例湯今天是紫菜雞腳，小炒也吃得好溫馨啊～我的最愛的香菇土魷肉餅！加一點豉油，真是人間美食～從前嫲嫲和媽媽也經常剁肉餅，兒時的回憶都藏在食物之中。媽媽老了肩痛，大龍鳳菜式已經很少再弄，無奈我的廚藝真是百份之一門都沒有... 想吃到家常便飯沒味精的住家飯，三餐冰室是個好地方。三餐三蛋飯是這裡的名物，而我覺得真的很值得一試（笑）陣容很宏偉，三塊厚切午餐肉（疊起來起碼是半罐份量吧！！）和三顆太陽蛋，邪惡到不得了。蛋汁加上豉油是經典中的經典！食肉獸可以點這裡的鐵板鴛鴦扒，灑上洋蔥汁時吱吱聲，特別香也讓人特別餓！配紅或白湯加薯菜，$88絕對合理！一定要讚一讚三餐冰室的水吧，好有水準。老實說，吃到好吃的不難，但喝到好喝的奶茶就地方就真的不多。一家茶餐廳，上餐要快，要好吃，又要好喝，缺一不可，哪裡找？竟