三餐冰室

营业中

休息中

一日三餐，早午餐都試過，一於試埋個晚餐啦。原來而家連酒都有得賣，叫番支「接骨木花蘋果汽酒」解解渴先，酒精度只有4.5%，微甜帶陣陣蘋果香，似果汁梳打多啲，女仕們會很喜歡。晚餐選擇多多，包餐湯及飲品，價錢實惠。鐵板鷄扒拼魚柳配洋蔥汁～汁液倒入鐵板時發出的「吱吱聲」令我想起兒時在「銀宮」吃西餐的畫面！魚肉面頭抹了一層薄薄的蛋漿，增添了香味；入口軟滑，雞扒皮微脆、肉質嫩滑兼Juicy，很好吃。配菜的西蘭花及車厘茄翠綠鮮紅；加埋薯條；問你飽未？忌廉湯跟牛油多士～粟米忌廉湯，OK啦。反而多士有驚喜，很多時吃到的都又腍又韌，所以每次都會小試一口，合意的話才繼續吃，這個會令你想再多吃一件。樽仔奶茶～自家出品，茶味頗濃；滑度夠，個人覺得甜度稍高，喜歡茶走的不要錯過呀。惹味椒鹽魚柳～外脆內滑，椒鹽菜式幾時都咁惹味，送飯更是一流。客家沙薑雞～雞肉滑得來帶𡁻頭，搭惹味的沙薑汁，友人吃得一件不留。這個是本地創作 - Cartoonoodle tote bag 公仔麵 ～ 手印布袋，以限量形式發售，每個盛惠$120，支持年青本土創作人的朋友可聯絡餐廳購買。#鐵板鷄扒拼魚柳 $86#樽仔奶茶 #跟

星期五晚一街都係人，餐廳食客都非常多。幸好，朋友預先來到取位子先唔洗等位。印象中三餐冰室嘅奶茶很不錯，而家新餐牌出左樽仔奶茶 $24率先來了一個蔥油撈麵煎蛋雞扒蔥油撈麵 $56 +凍檸茶(跟餐加$3 雞扒上碟已切好方便食，炸左嘅蔥油超級香，配埋甜豉油、蛋汁撈麵食很不錯。招牌肉醬熱狗餐是新餐牌，（有法蘭克福腸、招牌肉醬、芥辣醬) $38 配龍鳳檸雪碧熱狗份量都幾足料，肉醬唔會好乾，抵食之選。朋友點了一個馬來咖喱，咖喱薯仔吉列豬扒飯 $68，已包免費熱飲 +$3凍飲。以茶記來講咖喱幾高質，食落幾順滑。吉列豬扒外皮夠脆，食落唔乾，仲好大塊。最後點了三餐炒飯 (有餐肉粒、蝦仁、菜粒) $62 炒飯夠乾身，調味不錯，蝦仁都幾大粒仲可加配Strongbow 接骨木花蘋果汽酒 加$28汽酒在冰室屬比較少見，另有其他啤酒供應。

每次去冰室前也是想點其他菜式的, 但一到落單時還是選了鐵板餐,到底是什麼原因呢？看下去便知囉, 這是 2 人限聚令後, 第 1 次與朋友食飯,當然要選坐得舒服, 又吃得飽的地方啦, 三餐冰室便是個不錯的選擇了~晚餐 - 鐵板鷄扒拼魚柳離不開鐵板餐是因為本身喜愛吃肉, 而且扒肉大件, 最重要是美味嘛,魚柳外面香脆, 內裡軟滑, 雞扒也肉汁豐富, 是很滿足的一餐啦~忌廉湯跟牛油多士及紅豆冰晚餐當然有餐湯及飲品啦, 餐湯份量也不少, 而且濃杰適中,絕不欺場不是只有湯水, 還有食材在內, 牛油多士烘烤成金黃帶脆不錯呀,紅豆冰也很足料, 紅豆差不多佔半杯啊~另外三餐老闆支持本地創作, 門口的環保袋,是一個香港插畫師 cartoonoodle 在寄賣, 布袋以限量發售

🥳去完科學館同歷史博物館想揾野食，就發現附近有呢間三餐冰室。一入門口既裝修已經好香港情懷，路牌，招牌，舊信箱。。。鐵板招牌牛柳餐 $128 🌠夜晚最岩食鐵板，見到在場都有唔少人叫鐵板餐，就叫左碟試🤪羅宋湯好大碗🐂牛柳肉質好腍，有啲人口即融既感覺，幾surprised 😎配埋好夾既黑椒汁，旁邊有薯條同小小蔬菜經典焗豬扒飯 $72😮呢個就反而普通啦，茄汁味道還好，睇落以為幾大份，但原來豬扒份量有啲少👉🏿👈🏿

呢個周五又黎左三餐冰室食晚餐。所有餐廳因只能容納一半的客人，真的近乎爆滿。又轉了新餐牌樽仔奶茶超吸引，不過今次就選擇飲酒。有5款酒精類飲品。呢排潮流興 熱狗招牌肉醬熱狗 餐 配 龍鳳檸雪碧$38 肉醬夠濕潤似平時食到肉醬意粉嘅肉醬，仲有條脆口嘅法蘭克福腸，推介！繼上次食過三餐三蛋飯 招牌飯後，另一新作三餐炒飯 $62 主要有餐肉粒、蝦仁、菜粒，料頭夠多，炒得乾身惹味～加配 strongbow 接骨木花蘋果汽酒 $28 （正價$38）冰室通常得啤酒提供，好少會有蘋果汽酒照顧埋女生嘅口味，抵讚！咖喱薯仔吉列豬扒飯$68吉列朱扒size大過塊面，麵包糠唔厚，炸得唔乾～ 煎蛋雞扒 蔥油撈麵 $56 凍檸茶跟餐 +$3 蔥油果然係整碟嘅靈魂，配飯可能更美味。

抗疫疲勞,番工又疲勞, 放工人又沒胃口,本來隨便到三餐茶餐廳食個頹餐算, 見晚上還有常餐, 就常餐啦! 醒目既燈箱好有香港特色,不過放工後既我真係好累, 只關心上菜快唔快, 好在無令我失望, 好快就放低左呢碗紅色好SHARP醒既午餐肉粒羅宋湯通粉 一放下來,聞到酸酸甜甜既茄味已經精神一震! LET’S 比個近鏡佢: 餐肉大大粒, 一定厚過1.5MM. 仲好多粒下 而且仲真係有牛肉架: 見個餐只係$46(尖沙咀晚餐黎講真係好抵), 我豪左$6, UPGRADE 左杯野飲做龍鳳檸樂! 係支裝架, 而且兩款檸檬都好夠味, D 味好夾, 飲完個人醒晒! 埋單都係$52 美中不足呢度無甜品, 唔知可唔可以整番D 港式甜品, 例如雜果O者喱咁

係一間茶餐廳，竟然有扒房質素的鐵板牛柳，你想像得到嗎？在三餐冰室便找到了！鐵板招牌牛柳 + 龍鳳檸樂 -》$134首先個羅宋湯已經十分足料，味道不會太酸但帶一點辣，好開胃的一個湯！再來主菜鐵板招牌牛柳。兩塊厚厚的牛柳，真心有酒店扒房的水準！Order 七成熟就真是剛剛好，牛扒也一點不靭，這個絕對是師傅用心炮製所得！切開更是有肉汁的，嫩滑夠味。配上熱辣辣的燒汁，真是絕配！厚切粗薯條跟鐵板也是Perfect Match!食牛扒，再配龍鳳檸樂。。。絕對是滿足的晚餐。唔夠喉，來多一客茶記之寶。。。西多士(走牛油) -》$24西多內有厚厚的花生醬，加上外層香脆，入口十分有口感！三餐老闆支持本地創作，門口嗰個環保袋，老闆免費俾一個香港插畫師cartoonoodle 放響度寄賣。Cartoonoodle tote bag 會在三餐冰室上架，布袋以限量發售!

又係星期六上班時間，通常一班朋友都要來下午茶一下，朋友提議去食三餐。因為公司行過嚟實在唔遠，而且呢度價錢平靚正，我哋通常久不久就會過嚟食個下午茶。今日我食light D，香蔥厚蛋咸牛肉三文治烘底，絕對不錯，呢個同我喺深水埗食到嘅質素冇乜大分別，唯一唔好嘅就係個麵包烘底烘得唔夠。幾個女仔，當然要食甜品，之前次次都係食紅豆西多士，今次店員推介呢度有新西多士，原來係法蘭西多士伴雪糕 ，當然不錯，只不過冇紅豆西多士咁驚喜。男同事話焗飯好，於是點了經典焗豬扒飯 $72，我也忘記之前有沒有食過但係試咗淡，都真係做得唔錯，絕對好過嗰啲大快活大家樂嘅質素。W小姐比較不受歡迎，連佢叫啲野相對我哋個個都覺得不好，雞扒蔥油撈麵，雞係非常不錯，只不過個麵當日做得唔係幾好。三個女仔，要叫點菜，上湯浸唐生菜，不貴呀。原來這裡有啤酒，W小姐吃完先走，我地坐多一會叫了Paulaner的黑啤，平時酒吧歡樂時光一杯啤酒都起碼貴多兩倍，我覺得好值。簡簡單單又三餐，雖然對住老闆，但飯還是要吃，好不容易，但大概這就是生活。

去尖沙咀百利广场，途中经过这餐厅，名字很特别，一日三餐中先吃第一餐。餐厅面向着漆咸道南，应该不难找到。这个位置离购物区有点距离，所以客人不算多。进入餐厅首先会看到一个类似霓虹灯的招牌，很有怀旧 feel 。还没到午饭时间，本来是想点他们的热狗餐，但被告知要两点过后才会制作。已经11点多了，又不想吃米饭或最后服务员提议可以点早晨套餐。点了一个午餐肉汤通粉，午餐肉是厚切，咬着很过瘾。另外通粉份量也不少，再配合厚多士，百分百港式口味。

疫情下好耐冇見過呢班水友，但自從上次食自助餐一聚之後，我就話搵一日游完水去食下下午茶。於是就同一班水友嚟到我嘅主場，三餐冰室，冇他，方便得來，而且係尖沙咀來講又好食價錢又抵又超值，只此一家。當日我哋四個人一台食咗幾樣野，然後成班人吹吓水過咗兩個鐘，坐得又舒適好過Cafe同茶樓。三餐炒飯有餐肉粒，蝦仁同菜粒，炒得非常好吃，乾身而且雖然簡單只用上三個材料，但出嚟效果非常驚人地好看，仲要係食到一粒飯都無剩。食過咁多次呢度嘅出品，相對來講XO醬海鮮炒意粉真係相對最普通，XO醬炒個意粉係真係幾好食，只不過佢嘅海鮮雖然好多款式，有蟹柳、蝦、青口同魷魚，但吃得出係較普通的海鮮。有一水友叫的煎雞扒蔥油撈麵 ，仲要邪惡加上呢到剛剛出的啤酒，Paulaner 保羅蘭啤酒，下午午有酒飲都係呢個價，幾過份。另一水友叫咗個香葱咸牛肉炒蛋多士配即磨咖啡，真係最佳下午茶選擇。兩點開始有的扒餐鐵板招牌牛柳，加黑椒汁係我最愛，有羅宋湯跟牛油多士跟，加一杯奶茶紅豆冰，完美，個牛柳真係好好食，La冧滑唔鞋兼有肉汁，水準高過我屋企附近嗰兩間扒房。看看仲有其他酒類飲品，如Strongbow，Paulaner 保羅蘭黑啤，朋友已

今天經過呢間好多人話好食嘅茶餐廳，點知原來呢度竟然有啤酒飲，點解可以咁正。先來個招牌牛柳餐，我多個讀Poly朋友都推薦，食完就知，基本上質素比那些所謂乜嘢咁金鳳和第尾牛扒都好得多，價錢又不太高。個牛真係好好食，有兩件，加上薯條同菜，仲有黑椒汁，正到癲。蔥油雞扒麵，好得仲有蔥同炸蒜，個麵韌度又剛好，好正。最後，推薦佢羅宋湯，好好飲，有點辣味。呢度有幾種啤酒，又有strongbow，又有黑啤，又有太陽啤，好多選擇，又唔貴。喺尖沙咀一個不太貴嘅價錢，可以食到咁多野，好得。又有啤酒飲，係呢面開飯好推薦。

有一排在這裡食足三餐，因工作關係又有一排沒有到這裡，今天同朋友行過於是又入去尋找之前嘅味道，這裡方便就腳，行完加連威老道轉個灣行多幾步就到，我最喜歡除了食物外，還有這裡嘅特色裝修，一行入去嘅信箱懷舊感覺好正！望主餐牌選了惹味椒鹽魚柳，配埋個足料紫菜湯，我就加錢選擇埋三餐樽仔奶茶，而朋友就點了新出嘅鐵板厚切梅頭豬扒配洋蔥汁，跟餐有羅宋湯及牛油多士，而飲品就係這裡特色嘅奶茶紅豆冰！最快就係支冰凍嘅樽仔奶茶，奶茶香滑茶味濃郁，最緊要少甜，夠晒香滑好味！個中式客飯一來就係惹味椒鹽魚柳，件件大小差不多，加埋碗白飯，同足料紫菜湯，椒鹽魚柳入口香脆惹味，當中還有翠玉瓜在碟內，又紅又綠，加埋炸得香口嘅金黃魚柳，真係一個唔錯嘅晚餐選擇！而鐵板厚切梅頭豬扒，真係估不到佢嘅肉質十分軟熟嫩滑，加埋切開見到充滿肉汁，入口時個種軟熟嫩滑感覺真係夠晒味道，喜歡吃肉嘅朋友推介之選！而伴碟嘅薯條亦夠粗身入口好有口感！最後追加了一法蘭西多士，切開見到西多內有一層厚厚的花生醬，入口時十分有口感，外面香脆加埋糖漿，今晚真係接近爆標了！😂水準都沒有退步，口味多選擇就係這裡嘅堅持！

終於都等到限聚令放寬，雖然只可以四人啊！朋友已經急不及待話要約出嚟見吓面，就佢放工去佢嘅三餐飯堂，位置尖沙咀科學館對面都幾方便。玫塊豉油雞 $68傳統的男人喜歡吃中式客飯，豉油雞配絲苗白飯充滿童年回憶，玫塊豉油雞皮滑肉嫩又多汁。奶茶紅豆冰特別有特色，紅豆粒粒飽滿有咬口，奶茶味道香濃。XO醬海鮮炒意粉 $66另一款經典系列，我去茶餐廳必食的XO醬海鮮炒意粉 ，香辣惹味，海鮮又足料， 炒意粉彈牙好味道又唔會炒到好乾，夠鑊氣。加羅宋湯及牛油多士 $12這裏的羅宋湯材料十足，味道濃郁，尤其是喜歡吃羅宋湯裏面的雜菜和牛肉粒；加上牛油厚多士，滋味無窮。招牌肉醬熱狗餐 $38熱狗真係唔係周圍都整得好食，三餐的熱狗夠晒香港風味，法蘭克福腸、招牌肉醬、芥辣醬 啱晒我鍾意食重口味。餐飲仲可以免費升級 龍鳳檸雪碧，第一次飲 龍鳳檸 感覺新奇，不能錯過。

「下雨天留客天留我不留」「下雨天，留客天，留我？不留。」「下雨天，留客天；留我不？留。」一個黃雨的晚上腦海裏勾起了小學時的有趣標點符號句子，與太座和女兒探小姨後，為免難為了小姨的廚房，這晚還是乾脆出街吃吧！女兒這晚想吃鐵板餐，要找間懷舊冰室才有，如果在港島區，大致上會去「波士頓」，而尖沙咀區，便會去「三餐」。雖然是黃色暴雨警告，這冰室不乏捧場者，我們找到一個角落，剛好安頓我們四人，餐牌款式頗多，焗飯，鐵板餐，咖喱，即食麵餐等，各人點自己想吃的。女兒率先點鐡板肉眼牛扒餐，選了經典的紅湯，港式羅宋湯味道濃郁，還用湯碟上，夠懷舊，完全是兒時味道，惟年紀大，感覺稍鹹。不一會，主菜上場，侍應提示我們拿起餐巾略作遮擋，片刻洋蔥汁傾下，鐵板滋滋作響，烽煙四起，煙霧彌漫，女兒露出喜悅的笑容，因可嘗久違了的鐵板餐。肉眼牛扒非常大件，五成熟，她讓我們各人嚐了一小塊，肉質軟腍，邊位有些脆筋，女兒橫傳了給我，因知我喜歡吃，伴碟有粗薯條和蔬菜，也很可口。跟餐飲品選了檸檬可樂，吃牛扒配可樂是和我們吃飯時的配搭，若是與她的朋友則會配紅酒。還有跟牛油多士，以籐籃盛著，兒時回憶！小姨點了鐵板雜扒餐，餐湯是忌廉蘑菇湯，味

基本上一日至少點都要都食足三餐先至滿足食慾，特別係夜晚晚餐一定要夠豐富，是日去了尖沙咀呢間冰室品嚐食物餐牌已有多款不同美食供應，我哋點了兩三款美食一同享用，先來係招牌肉醬熱狗配埋升級特飲龍鳳檸樂即係鹹柑桔同檸檬熱狗賣相十足有七吋法蘭克福腸、招牌肉醬配埋芥辣醬，入口啖啖濃郁肉醬連辣汁香味，再一口食埋香脆可口嘅肉腸特別惹味接住有另一款小食就係芝心煉奶西多士，炸得金黃鬆脆，切開已見軟滑芝士混合煉奶香甜係多士內，口感更加飽滿終於到主菜出場就係呢款鐵板招牌牛柳餐，配餐湯有忌廉湯或羅宋湯連餐飲，加送牛油厚多士一邊飲住湯又再食啖多士，至於鐵板牛柳餐點了五成熟，熱辣辣的鐵板一邊煎煮半熟牛柳淋上黑椒汁簡直係最佳組合，陣陣香味四溢，而且仲係厚切牛柳入口肉汁香濃之餘，肉質飽滿香嫩，啖啖肉食得夠晒滋味又繼續一邊品嚐餘下美食。