三田製麵所 (K11購物藝術館)

营业中

休息中

早前去到尖沙咀好想食沾麵，所以就黎到"三田製麵所", 次次經過都見到好多人排隊，好彩今次2個人好易搵位🤣🤣排左一陣就入得😃今次叫左 🐽😋濃厚豚骨魚介沾麵👍🏻😍大滿足😃麵質好有口感👍🏻沾麵既湯又吾會太濃，味道岩岩好，每條麵都可以沾上湯😍正😋食完吾會有口乾🤣🤣唐心蛋都好味👍🏻**🍜麵可以選擇份量： 小，中，大，特大 (前三個同一個價錢）

同三個朋友喺尖沙咀行完街，諗緊食乜，突然想食拉麵，朋友話想試吓K11呢間拉麵，去到等左15分鐘就有位，都算好彩最搞笑係其中一位朋友第一次食沾麵，而沾麵係呢間鋪頭最出名，仲可以選擇加大個面底不用價錢適合晒大胃王嘅朋友，就算加特大麵底，只係需要加多$10！我偷吃了朋友一口沾麵，沾麵味道比較濃厚我也喜歡吃！中左3個小食，覺得雞翼好出色胡椒雞翼餃子，蟹肉忌廉薯餅都好好味性價比高，侍應服務都好好，坐得叫做舒服

今日三個女仔shopping完！🛍到尖沙咀搵間野醫下肚！💋之前經過河內道對面成日見到有間大大間拉麵店舖好想去試！🙈每次都只係經過，所以同朋友提議不如食拉麵！🍜去到排隊冇幾耐就可以入去！🥰呢度有沾麵同拉麵揀！🍜我朋友就揀咗沾麵！🍜而我就揀咗拉麵！🍜因為係香港食沾面🍜次次食親都感覺麻麻！😫叫拉麵最穩陣！🍜試咗朋友一兩啖沾麵的確咸左小小！🙈反而拉麵好食！🍜👍🏼仲要係我最鍾意食嘅中華麵！🍜我成碗清晒！😋而我哋都叫咗幾款小食！胡椒雞翼好食！🐔忌廉蟹肉薯餅也不錯！🦀🥔餃子方面我就冇食！🥟因為原來入邊有韭菜的！🙈因為小妹唔食韭菜！整體來講都唔錯！👍🏼價錢方面每人都係除開百零蚊！💵又坐得幾舒服！所以鍾意食中華面嘅朋友都可以過嚟試一試！🍜#三田製麵所

妹成日都話cwb 既山田製面好食，今日一齊路過k11 呢間，決心試一試佢。我要左"濃厚豚骨魚介沾面"($78),妹就要左"濃厚豚骨魚介辛沾面"($80)面既質地黎講就好似硬d 既烏冬，無我之前係日本食過既沾面咁彈牙。湯底黎講佢碗湯唔夠熱，需知道沾面山湯就係要夠熱同埋夠濃味，咁先可以將佢既湯汁好好地掛係面上，湯夠熱應該係基本要求。其實仲有個小插曲，本身我地仲嗌左個小食"三田流手羽先，唐辛子風味". 但係雞翼黎到時一睇就覺得個皮係林既，一d 都唔脆，同menu 張相差好遠wor咩事。好在表達完意見個staff 肯比我地cancel 個小食，唔使硬食。不過呢個小食既樣已經令我地對呢間野廚房既能力產生懷疑。

仲記得有一輪我係好迷沾麵，依家睇返原來都隔左一排無再食😳假日前夕尖沙咀四圍係人山人海，無訂位之下本身想食既餐廳滿座唔接受Walk In😭朋友們就決定去間有得排隊既餐廳，最後都排左成半個鐘，入到去之後要拿拿臨落單，跟住一夠鐘店員就會提醒要埋單，都咪話節奏唔急速👉🏻👈🏻▪️ 濃厚豚骨魚介沾麵💲78 (中)沾麵有三四款，我呢款係小中大同價，女仔通常都係要中既210g，正常係熱湯底加冷麵，不過個人唔特別鍾意凍麵條，平時都好少食冷麵、凍烏冬、凍蕎麥麵等等，所以有得揀凍熱之下多數我都係要熱麵🙈但熱麵出到黎唔係好熱，仲要個湯底本身都唔夠熱，成兜野越食越凍😭湯底尚算濃郁，麵條粗身掛湯度不過不失，另外我一向鍾意食偏硬麵條，但呢個既芯未免太過硬身，呢點我自己都覺得有啲意外，如果凍麵既話咪再硬啲🤔至於叉燒比較乾身鞋口，溏心蛋有滷過既，未算係好流心，但都尚可接受🥚整體少失望，回頭率唔高🔎 整體評分（6/10）🥜：個人暫時都係最鍾意麵屋一燈湯底味道，但記得之前食同樣有唔夠熱既問題，而鍾情於重口味湯底既建議試黑龍，漁場台風或者麵屋一燈既麵質就較為合我心意，西環既彩環境惡劣全餐廳係臭廁所味永世難忘已經比我列入黑名單🤪

早排係網上見到有另一間店推出新口味沾麵嘅片，勾起咗我想試沾麵嘅念頭。本身係打算幫襯個間，但後尾發現價錢唔算平，而且睇食評話個間現時嘅收費愈嚟愈怪。安全起見，都係搵過另一間正常啲嘅沾麵店過下口癮就算。-濃香豚骨魚介沾麵(210g)第一次食沾麵嘅我仲以為湯底同普通拉麵差唔多，但原來係濃稠好多。湯底鹹香濃烈，基本上將麵蘸少少湯已經好夠味。仲可以選擇要咩份量嘅麵，一共分為4個大小，我揀咗中size，但份量都幾多。對女仔而言，可能揀細份已經夠飽。亦可以揀冷麵或者熱麵，冷麵口感幾煙韌有彈性。-章魚丸子一共有5粒章魚小丸子，比起街邊個啲同日本食到個種係細粒啲，但味道又出乎意料唔錯。入口熱辣辣，但外皮煎得好焦香脆口，好似食緊大阪燒外皮嘅感覺。餡料軟糯，粉漿味唔算太重，章魚粒彈牙。

這間店開張到現在一直想試，終於有時間晚上來一試，我們很好彩不用排隊就可以入座，聽聞這家店麵的沾麵好好吃😋所以我一定是選濃香豚骨魚介沾麵🍜味道濃，另一碗就叫了湯麵🍜麵質不錯👍🏻是我杯茶，另外叫了一客唐辛子風味雞翼，味道還可以啦！不算太特別😬

經過好多次，因為weekend唔想排隊，所以嚟咗呢度下午茶。日本餐廳過江龍一半水準會大跌，但鋪頭裝潢、餐牌同店員睇落都有板有眼。店面幾闊落。喺K11隔離，地點十分方便。點咗辛辣沾麵，等咗大概五分鐘。一食落去感覺驚喜！湯底好香，麵韌度啱啱好，有日本既質素。小食既蟹肉忌廉薯餅就比較普通。店員有日本人，加重日本風味：P餐飲亦有幾多選擇。除咗汽水，有蜂蜜綠茶、calpis、烏龍茶等。會再嚟：）下次會試下佢既飯。

平日的晚上人在尖沙咀，9點多時段，不少食肆都就收舖，即去收得比較夜的茶記或拉麵店，行過成日經但從未幫襯過的三田製麵所，主打沾麵，進駐香港好幾年，今次一於試下，呢個時段都係好多人，幸好有3個位唔洗等。 店子環境頗大，樓底高，裝潢以木有系為主，和風設計，光線明亮，我們坐的是吧枱。 Menu，雖然主打沾麵，但仍然都係想食拉麵。 半熟蛋拉麵(中)，$90。 湯底味道濃郁，質感稠身，都幾重口味，半熟蛋嫩滑，大片薄切的叉燒口感軟嫩，麵條口感彈牙。 三田特製拉麵(辛辣)，$80，鯨的。 濃香豚骨魚介沾麵，$70，田會長的。味道正常水準。

同朋友在尖沙咀行街，行到K11附近，朋友想食拉麵，經過見到有間都幾大間既拉麵🍜餐廳。又唔洗等位就試下啦。我們都係食三田豚骨湯拉麵，但就覺得一般般，無特別，分量較小。所以除左拉麵🍜我地都叫左小食，餃子🥟+雞翼。或者唔想嗌小食又唔夠飽就可以加麵底。雞翼肥嘟嘟好吸引，上面灑滿黑椒，但不會太重黑椒味。有驚喜餃子🥟皮薄香口，都幾好食。下次再黎食的話會試下沾麵。（餐廳設了最低消費每人$70。）即是一碗拉麵的價錢。絕對冇問題啦！

之前比朋友帶過去銅鑼灣間三田食過，個次係人生第一次食沾麵。好驚豔，好好食，簡直好食到唔識形容。行開尖沙咀K11，發現原來呢到都有間三田，瞬間就成為我開餐既選擇。K11呢間裝修環境比銅鑼灣好，亦都乾淨D，起碼感覺唔係後巷。沾麵款式唔多，我都係食返最原始同大份量既冷麵，比我可以浸落熱湯入面，口感好舒服。個麵一黎到，我就等唔切起筷。夾好多麵落湯到。哇，係呢種味道喇。三扒兩步，好快就冇左半碗麵。食到呢到，先捨得食塊肉，都係浸落去，掛左好多汁，好淋好好食。流心蛋都係一流。雖然我成日覺得沾麵呢個價錢唔係咁抵，但三田絕對我會間唔中食，沾麵既首選呀。最後講多句，我覺得味道黎講銅鑼灣再正D。

無論拉麵定沾面我都真係好鍾意食，依一間三田喺銅鑼灣甚至係香港都好出名。基本上每一晚都大排長龍，今次算係幾好彩大概15分鐘就可以食啦。入到去今次我哋坐吧枱位，對正着師傅整面。我哋兩個都點左佢哋招牌嘅沾面。湯底濃郁之餘亦都熱辣辣，唔會係果種已經煮咗好耐攤左好耐嘅感覺。而且麵條我哋揀咗做軟身，配上熱辣辣嘅湯底啱啱好。除此之外佢哋嘅糖心蛋都好出色，於是我哋都加錢叫咗另一個再食。叉燒來講亦都唔會住得好耐，而且大大片，好正！

閒日晚上8點左右兩人到達這家拉面店，需要等位，店員請我們坐著等等，等了5分鐘便可入座。濃厚豬骨魚介沾麵 ($78) - 大中小麵同價，我叫了中麵，材料並不多，有一大片肉，半隻唐心蛋，及少許荀。豬骨魚介湯濃郁美味，比想像中好，可以一試。黑胡椒風味炸雞翼 - 不錯不錯，讓人一吃再吃的小食，個人覺得美中不足是雞皮太乾，但朋友覺得剛剛好，每人口味不同，大家同樣推薦。人均大約$100，雖稱不上抵食，但亦可接受，好評!

今日收工同老公係尖沙咀搵食，行到K11見到三田，就大叫想食沾麵啦😂因為老公喜歡食辣，所以佢叫咗「濃厚豚骨魚介辛つけ麵」，份量可以選擇大中小，中小同價，男士當然叫個中啦，飽啲嘛😂 雖然叫辛，其實也不算太辣，可以繼續有濃厚豚骨湯的味道，又滿足到辣的過癮。👍🏻而我就叫咗「特製明太子撈麵」，這款應該是期間限定，因為我超愛明太子，所以見到二話不說要點呢個🤣OMG 😱明太子超多呀！一點都唔慳😳，雖然相對會變得咸了一點，但因為我太愛明太子了，所以無問題啦😌哈哈！好味🤤仲叫咗一份小食雞翼，水準甚高！剛好的黑椒味。我同老公都異口同聲，感覺味道很熟悉，想起來味道很像名古屋名物👍🏻

今日經過K11時俾佢門口張明太子撈麵poster 吸引左所以就決定入去試試。入去時因為都已經接近下午2點半，所以完全唔駛等位，即刻有得入坐，侍應亦都非常有禮。睇返佢餐牌，其實款式唔係好多，主打嘅當然係佢嘅沾麵啦，但因為我今次係俾佢嘅明太子撈麵吸引，所以下次先試沾麵了。今次嘅明太子撈麵完全征服左我呀我一定會再返黎食呀佢同poster個樣真係9成似呀～一d 都無呃人，d 明太子真係好靚，鮮粉紅色家，份量又多，d 麵又有咬口，撈勻後啖啖都超多明太子但一d 都唔膩，平時去一d cafe 食明太子忌廉意粉有時都會覺得有少少腥，但依個撈麵一點都唔腥，正呀另外佢還加左少少紫蘇葉，所以食落又有另一種風味，真係好好味呀下次再來三田試埋個沾麵先