三田製麵所 (K11購物藝術館)

营业中

休息中

沾~沾~沾~🎶🎵 男朋友未食過沾麵🙈, 今次就同佢嚟個沾麵初體驗😂😂 比左幾間位於尖沙咀食沾麵嘅餐廳, 最後佢揀左三田😊 三田製麵所其實我都未試過, 我地7點幾鐘去到, 大約等左15分鐘到就入得去😊 餐牌除左有沾麵之外, 亦都有拉麵🍜, 石燒炒飯🥘同小食🍤🥟🥗, 因為我地都有d肚餓, 所以就叫左兩個沾麵同兩個小食😋😋三田炸麵⬆️⬆️ E個炸麵就好似細個食嘅點心麵咁, 不過佢就粗d大條d, 佢有鹽味同咖哩味兩隻味, 我地就叫左鹽味, 嚟到嘅時候係熱到超誇張, 夾嘅時候隻手都感覺到有一股熱氣濃罩住果碟炸麵😲 肯肯定係新鮮炸好嘅😝😝 佢碟炸麵嘅份量都唔少, $18都真係唔貴🤭 食落去係超熱辣辣, 好脆卜卜, 有一粒粒嘅粗鹽痴實左係麵條到, 但味道又岩岩好, 唔會好咸😋 牛肉薯餅🐂, 又係熱辣辣嘅, 牛肉粒都ok多, 炸漿好簿好脆, 好味☺️終於到主角出場啦📢📢 我地叫左濃厚豚骨魚介味, 一個辣🌶一個唔辣。佢嘅份量有小(140g), 中(210g), 大(280g)同特大(420g), 小中大都係同樣格價, 非常抵, 就算係特大都係多$10😊, 我地怕食唔哂, 所以就叫左一個特大同一個大, 店員會問

尖沙咀拉麵嘅選擇都好多，有開得比較耐嘅哪霸拉麵，有眾所周知嘅一蘭拉麵，今晚決定試一試三田製麵所嘅拉麵！由於聽完講座在行到過嚟都已經九點，等嘅人已經唔多，前面只有一行三人及一行二人喺度等位，我大約等左15分鐘左右就已經入得。拉麵嘅選擇其實唔多， 沾麵定係湯麵，辣一或唔辣，其實已經決定咗你要食啲乜嘢。今晚我叫咗濃厚豚骨魚介辛拉麵。入嚟先試一試佢嘅麵條，好香嘅小麥味，微粗嘅拉麵身好有咬口，入口好豐富。叉燒好入味，唔使點任何嘅醬汁已經非常好味。佢嘅豚骨魚介醬好濃郁，每一啖都好似食緊精華一樣，亦都唔會太鹹。特別要讚一讚佢嘅紫菜，香氣撲鼻！以日本拉麵來講，佢嘅辛辣程度比較強，有後勁，唔識得太辣嘅人需要注意。湯底裏面都有一粒豚铃，四四方方好入味之餘又好軟熟。另外要讚一讚嘅係餐廳非常之細心，拉麵有分大中細份量，按自己需要去點，唔需要浪費食物，而且價錢係一樣嘅。特大就只係加少少錢，適合大胃王。如果係一般女士，小至中嘅份量應該就適合你啦！

A Tsukemen place that is definitely worth the wait! It’s my second time here and the queue is not getting any shorter. The Tsukemen here are the best compared to the ones I’ve tried before. They have a very thick soup base that sticks to the noodles but it’s not salty at all. The onsen egg and roast pork are also amazing. The only thing that confuses me is the fact that noodles of different sizes/potions are of the same price lol of course I’m going to get the bigger one.

每次到K11都必定會經過三田製麵所，但往往因早有準備想要光顧的餐廳而無緣一試。這次本應與朋友在尖沙咀品嚐浜燒海鮮，但因朋友下班後正值晚市繁忙時段，餐廳大排長龍似乎等候入座會是遙遙無期，還是決定轉場到其他餐廳用餐，饑腸轆轆的我們最後選擇了近在咫尺的三田製麵所。拉麵沾麵款式屈指可數，而沾麵亦基本上只有辣與不辣選擇，比較特別的是麵量有140克、210克、280克或420克可自由選擇，除了420克以外其他份量價錢一樣，而且亦可選熱麵或冷麵，不過正宗沾麵應統一為熱湯配冷麵，增設熱麵選項大概是為了討好部分不愛生冷食物的客人吧。濃厚豚骨魚介沾麵 ($78)招牌豚骨魚介沾麵所配的叉燒乾瘦如柴、口感粗糙，溏心蛋軟滑流心但不夠入味，不過自家製麵條的確做得出色，煙韌有致並富彈性。沾麵湯底質感濃稠，先嚐一口覺得豚骨及魚介味亦甚為濃厚，可惜鹹味實在過強且油膩感重。朋友點的濃厚豚骨魚介辛沾麵 ($80)其實與原味如出一轍，只是沾湯湯汁上會額外加上辣油，雖然香辣惹味但相對便削弱了湯底原有鮮味。總括而言三田製麵所的湯底口味實在過份濃重，並非個人所好，而且叉燒等配料更是強差人意，大概是以其麵條出奇制勝，亦是唯一可取之處

聽朋友介紹過話好食 今日去試下 唔洗排隊 上菜既速度都幾快 兩款既沾麵都叫左 辛辣同原味。麵質會覺得熱麵會好食過冷麵 冷麵偏硬啲。個沾麵湯其實就唔錯 個人幾鐘意 但塊肉比較硬左啲 所以整體感覺就只係一般

29/6/2019 @ 尖沙咀 三田製麵所三田製麵所又係一間有沾麵食嘅地方， 男朋友通常都會選沾麵，而我就比較喜歡吃拉麵。這款是三田特製拉麵， 湯底是十分濃郁的魚介湯， 本身想是豚骨拉麵的，但見他有三田特製拉麵，想必是餐廳的招牌拉麵， 於是就捨棄了我愛的豚骨湯拉麵吧。 魚介湯底也不錯但有點鹹，如果湯底可以再熱一點就好了叉燒只有一塊， 但入口即溶個人覺得略肥了一點… 魚蛋是普通的日本魚蛋， 面生住得剛好， 筍絲滲透了湯的味道拉麵來說，我覺得普普通通

呢間都唔係第一次食啦 同其他係尖沙咀沾麵比係比較平 味道都比較濃 沾麵小 中 大都係一樣價錢 不過記得叫自己食得完嘅size 唔好因為抵就叫大 呢2個都係大size 男仔食就一定夠晒啦 麵就好多 肉就得一塊比較少份量 個沾麵湯係剛剛好送到一碗大嘅沾麵底 湯/汁比其他麵店濃 有少少咸 食完都會飲下水 入面已經有紫菜 蔥同二舊肥豬肉 麵有時要點2次先完全掛晒啲汁上麵 店員一般都會recommend揀涼麵底 所以我都係揀左涼 個麵會比較硬少少 有咬口 肉就普通 唔會好濃味 好似一塊火腿咁樣 蛋就好似一隻普通既半熟蛋 唔係特別有味 雖然唔係特別出色 但呢個價錢黎講已經唔錯

因為女朋友要shopping既關係，今日專登係尖沙咀等佢，之後一齊去食lunch。佢話好想食拉麵就上網搵左呢間去食。我叫左個魚介湯沾麵，仲要麵係大份量，因為大中小都一樣價錢，唔錯！！因為我要凍麵，所以麵既質感較硬，會比較有咬口。將麵放落湯到都即刻掛汁，有好濃濃既魚介味。不過感覺湯底鹹左d，所以要飲好多水，希望下次湯底可以清返少少就更加好

炎炎夏日，氣溫高亦唔想食熱騰騰嘅食物，又唔想排隊等食，行過k11果邊眼見唔洗排隊就入左三田度食，今次叫左唔係恆常餐牌中嘅明太子撈麵，餐牌寫採用特製品牌的明太子，心有點期待點餐後唔需要太耐，麵就到面前，麵上有明太子、豬肉粒、蔥、海苔、紫蘇葉、牛油，賣相很好呀附上一碗海藻湯，自己撈一撈便可以食得，味道好好哦，每啖麵都會充滿明太子而紫蘇葉原來都可以同明太子好夾（當然唔鍾意紫蘇葉嘅朋友記住撈之前就要夾起）誠意推介俾鍾意撈麵或者鍾意明太子嘅朋友

今日同男朋友去尖沙咀行街，諗緊去食永年定係沾面之際，男朋友嘅選擇係食沾面。佢話好耐冇食過，同埋想轉下口味。咁我哋就揀咗去K11嗰間度食 。我哋去到嘅時候6:30左右，一半人數已經滿咗，我哋食到7:30嗰陣時已經滿晒人，要等位。所以大家想唔使排隊嘅話最好就6:30前要嚟到喇🤓我今次都係選擇食返佢最classic嗰隻款，因為今日比較肚餓🤣所以我揀咗最大嗰隻size嘅面，食完之後感覺係啱啱好嘅。雞蛋好低讚 夠味。 唯一唔滿意嘅係員工嘅服務態度，啱啱入到去嘅時候係四人枱變兩人枱，我見到侍應拍一拍佢地張凳，叫佢拎走雜物，而果一台客人都幾大聲咁話好冇禮貌喎。但侍應keep 住冇反應 🤔咁樣感覺上都幾唔舒服

帶住小B出街，好難食到拉麵。難得黎到尖沙咀，路過見到三田製麵所有BB櫈，好耐無食沾麵啦，對上一次仲係幇襯銅鑼灣店，所以唔洗諗直入。濃厚豚骨魚介沾麵 個人唔介意濃味，直接呷一啖沾湯，非常濃香，魚介味重，質地好厚好杰身。麵就係粗口，剛剛好掛滿湯。叉燒算腍滑，溏心蛋不錯。 蟹肉薯餅  另外叫左一客薯餅小食，外脆唔算油膩， 中間係忌廉夾雜類似蟹肉的東西，味道係不錯嘅。 非常滿足的一餐。以後可以帶阿B來食拉麵了。

最近愛上食沾麵，這間沾麵舖位於K11，住置非常方便，而且環境舒服，位亦寬敞。呢到可以選擇麵嘅份量，雖然除左特大麵量貴少少外，其他大、中、小嘅價錢係一樣，但係可以減少費，所以我好中意呢個安排。午餐有套餐供應，沾麵或拉麵+小食+飲品。可惜一定要三樣叫齊，無得只配飲品。如果食沾麵，就好好揀，只需要揀麵量、辣或不辣湯底，有選擇困難都一定揀到。麵好快送上，我點的係小麵量，配有一塊叉燒，幾片荀及半隻糖心蛋。麵質軟硬適中，仍然係熱，麵無痴埋一堆，好好夾好易分開。湯係濃香豬骨魚介湯，上面有一塊紫菜，湯味好濃，有好香嘅魚味，就咁飲一啖會有少少鹹，不過用麵沾黎食就岩岩好。由於湯有返咁上下濃，所以麵沾湯後，掛到汁，叉燒及蛋亦不過不失。最後叫店員提供熱湯 (定係熱水？)，加到濃湯中，將湯溝淡少少再飲，十分好味。

加大沾麵選了冷的麵條雖然是冷的麵條但也是即煮的煮熟麵條後再用冰水冷卻略凍的麵條沾上熱湯後掛湯能力不俗濃淡可說是剛剛好麵條煙韌偏硬身是最得我心的口感魚介湯味道亦濃蛋,荀就不過不失較為敗筆之處是叉燒僱乾身和韌湯中的叉燒粒也比它好吃點了兩款小食章魚小丸子普普通通(所以照片也沒有拍)反而是雞翼水準甚高炸漿的處理很好香脆的外皮很鬆化表面的糖漿和黑椒粉互相點綴口感和味道層次也相當豐富炸的時間也適中肉質很嫩滑雖然吃了一隻便覺得有點膩但是味道上是不錯的麵條，小食也有水準值得encore

早幾年係大阪食過沾麵令到我念念不忘，可能因為天氣凍，果碗暖粒粒既沾麵一直記到而家。之前係朋友口中得知來自日本既三田製麵所係香港開分店已經有2-3年，睇埋openrice 食評都好似唔錯，結果上星期就去左幫襯。😋三田製麵所係K11 海內道入口，鋪面日式裝修好寬敞，門口位置有清水供排隊人士飲用，感覺細心。沾麵🍜係得兩款：濃厚豚骨魚介沾麵 <辣/唔辣>麵有分3個size: 140g（小）/210g（中）/280g（大）💲7️⃣8️⃣，仲有特大420g （特大）落order 時候店員會問你烏冬想熱食定凍食。我揀左熱食。講返個湯，豚骨湯味+花生醬亦都配搭相當得宜，個湯仲有少許洋蔥絲。烏冬韌度十足，一沾落碗湯，d 湯汁會掛係烏冬既表面，非常非常好味。三田製麵所絕對可以俾我懷念日本時止下渴，但下次去日本都一定會再食沾麵。👍👍👍

今晚落好大雨，收工就諗起食三田，其實佢啲味道都幾好，之前都有梨食開。12點正到步，因為問了店員鋪頭內無廁所，附近又唔識路，再次回到店內已經12:15分，進入舖頭時店員話12:30要清場，15分鐘連上菜得翻15分鐘咁趕？？出奇地係佢門口寫住12:30 last order 1:00close ，我就問店員點解，佢無乜點回應，只係話可以食到12:40 俾多左你地，坐啦坐啦，態度又差，趕住收工咁，截單時間清場時間都討價還價，街市買餸咁？！，門口截單+關門時間可以同門口寫既唔同，咁大間公司都可以咁，好好失望，以後唔會再幫襯