三田製麵所 (K11購物藝術館)

营业中

休息中

建議：沾面揀熱可能會好食啲😋路經K11幾次，見到門口個沾面餐牌都幾吸引。今次平日 Lunch 黎到唔係好爆 (之前見晚市都幾Full)坐得都幾舒服。餐廳設有低消$70@🍲 一坐底，張明太子薯條既Poster 實在太吸睛🤣 即刻叫左一份🍟今次試左：▪️濃厚豚骨魚介沾面 (特大)有分4個Size (小中大同價 $78，特大420g $88)面有得揀凍/熱，特大既份量男仔食完都夠飽。落左單，5分鐘左右就上枱，湯頭好濃郁偏咸，不過就唔係太熱。▫️三田特製拉面 (大)分2個 size (中$78，大$88)湯頭比沾面湯頭稀少少，無甘咸。重點係夠熱，要吹下先入到口👍 叉燒偏嚡口，不過整體都唔差。▪️明太子×沙律醬薯條 (HK$35)作為沙律醬粉，真係比張poster 吸引左。價錢雖然有啲貴，不過熱辣辣薯條配沙律醬真係無得輸🤤 上枱唔夠5分鐘，已經清左碟❤️

上一次到三田製麵所是在銅鑼灣登龍街分店, 今個星期到尖沙咀逛街發現所有商場的餐廳都滿座, 所以唯有在K11外面的三田製麵所先填飽肚再出發! 尖沙咀分店有一種在日本街頭小店吃拉麵的感覺, 可能剛好坐在bar枱, 哈哈! 今次點了豚肉沾麵(必定點熱拉麵), 吃沾面最忌麵凍配熱湯, 令湯底變成和暖! 之後我點了中分量, 其實大中小份量價錢均一, 大家選自己的吃到的分量即可! 沾麵湯底非常濃郁以魚湯熬製, 配上筍、叉燒、糖心蛋及香蔥等配料$78就可以埋單！

天氣冷冰冰，Lunch都是吃一碗暖笠笠的沾麵比較好！等了一會兒就有位，一坐下就點了他們的招牌麵- 濃厚豚骨魚介沾麵（大Size)，再另加$26多一客炸雞和一罐忌廉。上菜時，湯是熱騰騰的，份量亦多，建議肚餓的朋友/男士可以點大Size，大、中、小size都是同價。肚餓的我急不及待喝了口湯，再吃麵，味道濃郁，麵條軟硬適中，口感堅韌，味道不錯。至於炸雞，味道一般，新鮮炸起，十分香口！既然現在去不到日本食拉麵，來這裡吃一碗過口癮也不錯！

👉🏻辛辣沾麵（大）$80個湯真係幾辣 如果平時食開十少辣既你就要小心喇🤪湯好濃好傑 但個味就一般般 似一堆味調味料溝出黎既味🧐沾麵雖然好大份 但上到黎都變左成餅野 好難夾開 味道都好一般😕⠀👉🏻三田拉麵（中）$78湯底基本上同沾麵既好似一樣 不過好似淡少少但都係傑😗拉麵係細身果隻 成碗麵味道整體唔差但略嫌普通左啲🤥⠀👉🏻煎餃子6隻 $38味道正常 底都ok脆既👌🏻⠀👉🏻炸雞翼（唐辛子4隻）$38唔夠熱 皮唔夠脆😶面頭落得太多辣粉 搞到隻啲雞翼得番辣味🥺普通 食唔到有咩特別🤭⠀⭕️另須加一⭕️價錢相宜 但味道同價錢成正比⠀#尖沙咀美食

今日2點零5分，現在是2點20分，我等朋友食lunch, 如果不是因為約左人費事改，我立即走。冇事冇干，冇人等位，個待應叫左我兩次1小時交枱，咩事呀！我朋友放lunch有事遲左來，係甘催，未食已經一肚氣，我自問是知情識趣既人，如果好多人等位，我會走囉。

一向鍾意食拉麵多個沾麵，因為通常都覺得沾麵個湯非常之鹹，通常都因為太鹹而完全食唔出湯底嘅精髓，但係今次食嘅呢一間三條製麵所就有感覺唔錯。午市黎食，唔使$100就可以選擇幾種份量。今次試咗佢嘅辣沾麵，同樣都係魚街湯底作為沾麵既湯，加咗辣到之後就帶出咗湯底嘅鮮甜，而且整體感覺並唔會太鹹，就算未加魚湯之前都感覺可以飲多幾啖，值得一提嘅係，小辣都有d辣！另外，面嘅掛湯能力都幾好，流心蛋加分，肉都有多個一片，感覺係食過比較抵食嘅沾麵，而且湯底都真係幾好！

呢間三田製麵好似日本都幾出名而家去唔到日本但又好想食沾麵就黎到K11呢間試下門口見佢個餐牌都幾吸引大 中 細份量都係同一個價錢-📍濃厚豚骨魚介沾麵 $78Lunch套餐有包一個麵再加小食同嘢飲呢個係大size嘅份量 啲麵都幾多女仔一定食唔晒 建議女仔叫中/細size就夠了我哋揀咗凍嘅麵條～麵質口感煙韌湯底非常濃郁 充滿魚介香味每一條麵條都可以沾到濃厚嘅魚介湯🍜不過唯一扣分嘅位就係湯底就略嫌唔夠熱-📍明太子薯條 $35見到餐牌話明太子係日本出產將明太子同沙律醬拌勻 再點薯條🍟薯條都係新鮮炸起 熱辣辣同明太子醬非常夾 好好食😋-呢個價錢喺香港食到有質素沾麵嘅都幾難得呢間都幾值得一試

同朋友過尖沙咀，順便試下呢間都算出名既三田沾麵，我本身都唔期望佢同日本水準有得比，😅但食完始終覺得認真麻麻🙄價錢又貴，咁既水準仲要等位。😕我叫左個大既招牌（黑碗）其他三碗係特大。好彩我以試既心憑去叫個大份，😰我朋友叫特大都唔知點頂。首先個麵質算係ok，個唐心蛋一般，個叉燒真係想哭（完全冇味），個湯仲夠膽用黎做招牌湯😑咸又唔好味，食多幾啖就覺得膩，佢餐牌仲教你最後飲埋碗湯🤯煎餃冇肉汁，甚至覺得油膩。炸雞好dry總括來講，不用試。貴又唔好食。招牌大沾麵價錢：$78仲要加一

我諗三田喺香港都開咗好一段日子，但直至最近先第一次食，因為之前朋友話啲拉麵都係一般，到近排偶然見到好似有日式麻辣麵 (花椒拉麵)，即係麻、辣、辛，就想試一試。去到尖沙咀間舖，多人排隊但好快就有位，啲位有隔開，唔會好迫。叫完嘢食大概5分鐘度就有得食，算係好有效率。呢個就係花椒拉麵，我當佢係日式麻辣味嘅拉麵，一嚟到聞到好香嘅洋蔥及辣味，個麵啲湯熱辣辣，雖然我食唔慣好濃嘅嘢，但佢個麵連埋個湯，啲味好夾。有洋蔥、蔥，有辣味有麻味，比想像中好味，啲湯雖然濃，但都可以飲，及飲咗之後冇令人好口渴，咁我估佢冇落好多味精，飲埋個汽水就更正。朋友食呢個有蛋嘅三田拉麵，個蛋整得幾好味，呢個湯麵係好食嘅。燒墨魚丸，唔見好多地方有，佢整得好食。炸豬扒，好熱，皮薄，肉嫰，有豬扒醬汁及沙律醬俾你，兩種都好食。全部嘢加埋加個汽水都只係$290幾蚊，咁嘅價錢有咁嘅質素，真係好抵食。會再嚟。

沒有預訂，到店的時候需要排隊，但是隊伍不長，10分鐘不到就入到。 叫了一份濃厚豚骨沾面，一份期間限定的梅子豚骨沾面，還有一份炸雞。 面可以選大、中、小，分別是280g, 210g, 140g價錢一樣。 如果選特大要價錢。 湯很濃，叉燒肉有點薄，本身是有蛋的，整體是好吃的。 梅子的那份，帶一點點梅子的酸味，與本身湯的味道不違和。 炸雞很好吃，多汁很香。 面吃完後剩下的湯可以加水喝掉，但因為湯有點油，不想變肥，就算了。

通常去三田製麵所都係食佢地嘅沾麵，真係比較少見到人叫拉麵黎食🤔今次叫左個好多人都會叫嘅豚骨魚介沾麵，另外見到個明太子撈麵好似都幾吸引就叫埋佢試下！**********<濃香豚骨魚介沾麵> $78沾麵有得揀冷麵或者熱麵，冷麵就會更加有咬口，而熱麵就唔會搞到個湯咁快凍曬，所以各有千秋啦！三田嘅麵雖然粗身，但掛湯能力都好足夠，湯底味道好重魚介味，不過食多幾啖就覺得偏鹹🙈**********<特製明太子撈麵> $90撈麵嘅麵條同沾麵係一樣嘅，份量好多超飽肚！但明太子味道唔太重，頭個幾啖將明太子加少少牛油食係唔錯嘅，但食到最底都幾多油下，所以個人唔太推薦🤭

我好耐無食過沾麵，疫情之下又唔去得日本，所以就係香港搵間有得食沾麵既餐廳，最終我選擇左三田製麵。我見到有個季節限定既梅子沾麵，就覺得應該會幾得意，所以就叫左。黎到就見到碗麵其實都幾大，叉燒都有兩塊。咁我沾左Ｄ梅子湯，食入口就覺得甜甜地又咸咸地幾得意，又有Ｄ梅子味。麵質方面幾陣牙，重點係沾完湯既時候Ｄ湯唔會流走，仲可以痴住係Ｄ麵上面，所以每啖都可以食到梅子既味。叉燒就唔係好厚身，咁都係意料之內，但佢半肥瘦所以都好好食。一啖沾麵一啖叉燒，係正既！好彩佢Ｄ梅子湯都好多，所以唔驚食到咁上下無哂湯。

之前聽鍾意食拉麵嘅朋友成日都推薦呢間今次終於有機會嚟食之前喺日本一間拉麵小店食過辣嘅拉麵之後就一直念念不忘 所以今次都要嗌返個辛辣拉麵嗌咗中size 份量都算夠但個湯底比我想像中 辣味冇咁香 味道不過不失同埋都嗌多咗個煎餃子 反而呢個有驚喜皮脆而咬落去會有肉汁爆出黎 點少少餃子汁更加好食

每次想食沾麵，都會諗起三田製麵所，兩間分店我都試過，質素同樣都係差唔多，又好食又抵食。➡️ 濃厚豚骨魚介沾麵 ($78)大中小份量都係同價，咁今日咁肚餓梗係叫大份啦，d麵多到連個碗嘅logo都睇唔到，真係比得好慷慨！麵嘅溫度暖暖地，唔會話乾到黐埋一舊，沾麵個汁就都幾熱，唔會話好油，亦都唔會太鹹，加埋啲麵一齊食，啱啱好！麵嘅質地好煙韌，粗粗地得嚟好有咬口，非常有口感。至於豚肉個味道就不過不失啦。三田製麵所地址📍: 尖沙咀河內道18號K11購物藝術館地下G21-G22號舖.............................. 味道😋: ⭐️⭐️⭐️💫環境👀: ⭐️⭐️⭐️服務👨🏻‍🍳: ⭐️⭐️⭐️抵食💰: ⭐️⭐️⭐️💫

忽然想食拉麵，諗起K11嘅三田，成日行過都好想試但係都冇行入去，今次終於都可以去試吓，見到門口有外賣八五折優惠都有啲衝動想叫外賣。不過最後都係堂食，叫咗兩個拉麵套餐，有一個都唔記得咗影，一個係三田特製加叉燒香蔥飯，另，一個拉麵配餃子，三田特製的湯味道濃郁，麵款都相對好味，個叉燒飯都正常，最估唔到係個餃子，餃子煎得唔算係好脆口，但係裏面肉汁留住，食完一隻之後令到好想再食。到埋單結帳再送一張九折卡，下次再嚟時候就有得全單九折