三田製麵所 (K11購物藝術館)

营业中

休息中

突然間想食拉麵，經過呢間見到有我最愛嘅粗身麵條，一於試試佢啦舖面唔算大，不過樓底都幾高，有埋落地玻璃感覺唔侷促Order咗一個【濃厚豚骨魚介辛沾麵】、一個【三田特製辛拉麵】，仲有小食【三田流手羽先唐辛子風味】。無論沾麵定湯麵都可以揀適合自己嘅份量，我哋兩款都揀咗中size，個人覺得啱啱好【濃厚豚骨魚介辛沾麵】湯底濃稠，粗身麵條有咬口，掛湯力十足，不過略嫌太重口味，唔算味精但可以唔使咁咸叉燒係薄薄嘅一片，肉質尚算嫩滑。【三田特製辛拉麵】麵條較淋身，咬口欠奉，果然幼麵並非我杯茶【三田流手羽先唐辛子風味】其實只係炸雞翼表面灑上七味粉，辣味欠奉，碟底仲有灘油⋯雖然價錢唔貴，不過都唔建議食

同朋友途經尖沙咀 朋友突然間想食沾麵 上openrice就search到呢間沾麵店 見評價唔錯就決定入去試下～我朋友點左一份大份量的沾麵，而我就點左個豬骨湯拉麵～呢到無論要小份量定大份量，價錢都一樣，最適合大食的朋友沾麵到左，先講湯頭，濃郁惹味，而且唔會太咸！麵的硬度適中，粗麵伴著濃湯，相比吃傳統拉麵又有另一種滋味～而叉燒都有兩大片，份量十足到我的拉麵啦～湯底都有濃郁的豬骨味～兩碗麵價錢唔算貴，比價性高！下次會再光顧！

至從係日本食過三田製麵所嘅沾麵後 一直都想係香港搵好食沾麵經過K11 見到依間 再睇下個menu 原來同日本嗰間 一樣就叫左個最基本嘅 濃厚豚骨魚介沾麵 （大） 同日本食到嘅分別不大個味道95% 似 嗰5%係佢冇日本嗰個咁咸我估佢做左少少adjustment入口都係好濃郁嘅湯 好重木魚味頭一兩啖可能有少少唔慣之後就會ok食食下先發展 原來有lunch set menuAround 110 有沾麵+小食+ 飲品我坐bar 枱 佢比漏左個set menu 下次可以留意下

唔開心要搵人傾訴，傾訴要坐底，結果選擇了三田製麵所,感覺地方大大地。差不多到兩點，以為有下午餐，係無既！我地照食，唔想搵地方點左豚骨沾麵，小中大同一價錢，我唔知食到幾多，於是叫左大既小食有餃子，忌廉南瓜薯餅餃子很一般，x方x集都好食過佢朋友叫了拉麵我叫了沾面，沾面一定要點湯既，否則齋食面無味道

三田製麵所質量有保證最近仲出左撈麵 岩哂我口味.香辣肉碎撈麵🌶好大碗唔算辣但好香 肉碎同肉鬆做出2種口感拉麵重麥味 加上生雞蛋 令到麵質更加滑.沾麵大中細同價 麵質彈牙 湯較濃 可加湯滷蛋就比較咸 但好滑好流心 叉燒肉質爽滑

🧨有好味既辣野食👨‍👩‍👧‍👦 唔適合帶小朋友一齊食------------------------------尖沙咀拉麵店太太太太多選擇啦, 間間都係大同小異豬骨湯呀,味噌湯呀甘, 呢間就特別在有花椒味既湯底, 個人認為係夠辣夠刺激架啦 (不過注意就會有少少油份過多)麵夠蛋味, 粗幼適中, 夠煙靭 佢地lunch set 係揀一款拉麵+小食+野飲(特飲再加錢),我食幾次都係炸雞, 呢度炸得好食, 入面唔會太乾身, 味道唔會太覺腌味,不過就太地道無醬跟, 只係會俾一小件鮮檸檬你加汁落去食.

一向對沾麵個感覺都麻麻覺得太鹹但有同事介紹就覺得認真不錯首先 主食款式不多沾麵只有 辣同原味普通拉麵有大約4-5款而且都有飯嘅選擇 但都只有4款左右———————我食的係原味沾麵 中 熱上麵底比拉麵底的粗 感覺更有彈性麵量有小 中 大 選擇(同價)建議女仔都係揀返小/中 因為都幾飽肚而麵都有分冷上/熱上 (冷更彈牙)但熱上黎講都已經超級彈牙沾麵個醬亦都唔會死鹹 真係幾有味————————店內都有不少小食 價錢ok味道沒特別 但都可以叫啲同朋友一齊share炸雞 雞翼真係熱辣辣幾正嘅—————————總括來說三田係令我對拉麵類/沾麵有所改觀 無咁抗拒

尖沙咀拉麵店林立，四處也是等候吃拉麵的人群。今天走到K11的三田製麵所發現等候的人不多，於是便和老公等了一會，很快便能入座！雖然拉麵款式選擇不多，但係每款也很吸引。餐廳以沾麵聞名，我這次便選擇了花椒沾麵！下單不久三分鐘，沾麵速速送上，花椒味很香濃，麵看起來好像很小，但是每一條麵條也是充滿份量，一個女孩子吃了一半已吃不下了。整體來說，這個沾麵真的不錯呀！因為平時香港不是很多地方有沾麵提供，這是一個不錯的選擇！

原本與女友約好到華嫂冰室食晚餐，可惜天公不造美，落雨落到寸步難行，唯有留係K11揾美食，用Openrice搜尋就發現這間三田製麵所，立即起動過去食麵。非常好彩一入去就有位，用膳期間更發現這間店人流不斷，非常受歡迎。睇完Menu就點了濃厚豚骨魚介沾麵及辛辣濃厚豚骨魚介沾麵，其實兩者只係相差了一點辣油，分別不分，但加了辣確實係令人食慾有所增加。另外，沾麵醬汁的魚介味勁香，掛在麵上令整碗麵的味道大大提升，加上糖心蛋亦做得很出色，整碗沾麵確實很完美。我地另外叫了香港限定的胡椒風味雞翼，炸得香醬汁濃，原來與麵一樣出色。這間三田製麵所確值得推薦。

經過多次，第一次試！【濃厚豚骨魚介辛つけ麵（大）】食評：麵質口感彈牙，條條分明，可以掛到較多湯汁；湯底不油膩亦夠辣，略嫌不夠濃郁。評分：★★★★☆價錢：$80【三田豚骨拉麵】食評：麵質口感彈牙，湯底普通不夠濃郁，但是豬肉得嫩滑夠味！評分：★★★☆☆價錢：$78【吉列豬扒】食評：炸粉厚薄適中，但炸太耐有少少濃味...肉質不嫩不柴，味道普通。評分：★★☆☆☆價錢：$36（套餐追加）整體用餐經驗良好，推介主打的沾麵。

This restaurant is quite simple in its decor. Seating is tight and limited. Expect to wait for awhile, and it was on a cash only payment.Service was quick once taken by the waiting staff. Presentation was not their forte, but taste was good. Tsukemen came with a rich, thick soup. The noodles had a texture that when dipped carried the flavours of the sauce with it. Topping on the noodles were a couple slices of pork and a few condiment like soft boiled egg, bamboo shoots and leek.One of their dis

收工食飯，自己一個人唔知食乜...無意間遇到了這家拉麵，抱著試一試葛心態。店面裝修還不錯，日式風麵鋪，簡單舒適，服務態度都是ok嘎。個人唔中意葛滴服務態度差葛店。睇下餐牌，價格可以接受，唔貴。拉麵大概80一份，特大份先90蚊，份量ok，抵食啊！仲有好多小食啊，豬扒、餃子都好好味，份量真係唔少，便宜啊。點了一份三田流燒餃子，推薦推薦！拉麵湯好濃啊，拉麵口感剛剛好，搭配食起身perfect！食飽，值得返轉頭啊，大家快D去試一試啦。

隔左一排無食沾面, 加上咁岩行開尖沙咀, 就帶左朋友黎食三田製面所既沾面到左餐廳, 個場full左九成, 所以待應都好快安排到我地入座落單亦好爽手我同我朋友都點左大size既辛辣沾面(有280g), 事因大家都餓同大食 唔係太大食既人都可以揀中size或者細size(女仔揀中size應該夠食 ) 辛辣濃香豚骨魚介沾面 ($80)等左無耐, 沾面就到 我同朋友都叫左冷面, 將冷面點落熱辣辣既沾汁黎食,個溫度岩岩好 個沾面汁勁濃郁勁香~(魚介味好濃 ) 加上三田既面比較粗身, 掛湯能力佳, 令到每啖面充滿住濃濃既沾汁食落去真心幸福 個沾汁又辣辣地, 令人忍唔住食完一啖又一啖配料方面, 溏心蛋蛋味濃, 叉燒有半個碗咁大塊 仲有d蔥同荀, 可以逐少搭埋沾面一齊食, 令感覺更清新, 亦無咁易食膩食曬d面之後, 我地叫左待應加湯, 鐘意個沾汁既話都不妨一試啦~最後賣單收加一, 每人都係$88, 咁既質素絕對值既~

同朋友黎尖咀k11附近飲野，之前緊係要先填飽個肚，行過見到依間沾麵，都好耐無食過沾麵，就入去試下睇下依間點。環境都ok丫，廚房都係半開放式，睇黎乾乾淨淨咁。點左佢既精選半熟蛋叉燒沾麵份糧揀中我覺得麻麻地夠，我覺得男要揀大，女就揀中啦。個糖心蛋幾好味叉燒好大塊，沾麵啲汁好濃好香，但我同我朋友都覺得略微有啲咸，所以最後都沾左唔多汁。整體我都覺得唔錯既，起k11依啲地方算係幾抵食。最後提一提大家，記得帶現金，只收cash

三田製麵所最鍾意啲開到咁夜嘅鋪頭 我好鍾意食沾面 而男朋友就鍾意食拉麵所以呢間滿足到我地 本身以為沾面會好漏 會食唔曬 因為平時食拉麵 我食到一半 就己經好飽 沾面嘅質地唔同 比較粗身一啲 亦都好掛汁 唔會發脹🤩呢間嘅麵量自己可以揀 細中大 都係同一價錢🤑🤑女仔都食到大 🤤