三河屋 (已結業)

齋聽個名都好有日本FELL "MIKAWAYA" 上次同個同事去食...本人覺得幾好 餐廳有好濃郁的日本裝潢``D食物都系號地道日本風味 帶子海鮮沙律:唔錯哦.好特別.. 鰻魚飯: 鰻魚份量大又肥美,而且總好食~偶水準還有大阪燒餅.北海道忌廉烏冬..都唔錯服務態度親切``值得一试

久聞的地道三河屋, 今天終有機會一試. 從時新過來, 不用五分鐘. 一次過可盡覽這兩食肆的美食, 真係口福不淺.先來一個帶子海鮮沙律. 不要少看佢其貌不揚, 但其實有充足的內涵. 帶子, 魷魚, 蟹籽處處. 加上日式沙律醬, 不知是否加了點煉奶, 較平時稀少少, 帶少少甜味, 減卻了肥膩, 更可口. 隨之而上的係帶子剌身, oh. 呢個好唔典呀! 點解會有白白地的一灘水係底. 算吧, 或許味道很好呢…但事實卻不, 它肉質很淋, 似乎不是很新鮮. 我真不能下嚥, 唯有放棄. 想不到的侍應收碟時問道為何只吃了一片. 我們解釋原委和說收了便可. 他們竟然入了廚房, 出來跟我們說抱歉, 並不會收那剌身的錢. 真的十分驚喜, 很多時候, 香港的食肆對這種情況, 一定予以否認. 但他們卻主動道歉, 我們十分欣賞. 何況這不是五星級酒店, 只係小小食店而已?! 再來係呢度出名的雜錦天婦羅. 新鮮的蝦, 跟南瓜, 茄子, 全部炸得剛剛好, 脆漿也不太厚, 只緊緊包著炸物. 多餘的油份也被迫出, 吃下不會滿口油溢. 燒三文魚, 呢個一般啦, 可能不是腩位的關係, 魚油不太豐富. 係幾香咁囉!北海

前晚放工同老婆去黃埔反斗城行街~上openrice見到呢間迎排好評如潮,就黎趁下熱鬧~黎到門口見大廈外牆裝修緊..唔睇食評真係唔知有呢間野~呵本身都是鰻魚愛好者既我..黎之前做左功課~知道有幾樣野係必食~我地兩個人叫左4樣野鰻魚飯 - 鰻魚份量大又肥美,大得黎最緊要係好食~北海道忌廉烏冬 -烏冬食落煙un..好味大阪燒餅 -份量唔多,不過唔錯..細細地可以叫多幾樣野~餃子 -正常野....叫左4樣野埋單都係$170..抵食..下次再黎可以試埋拉麵同天婦羅..太多野都試唔晒~

星期二晚（16/12），女友學完琴來接我收工一起吃晚飯（其實說宵夜比較貼切），當我準備離開之際，竟然發生了突發事情令我遲了收工，累了女友在車站苦等了一會。為了賠罪和答謝女友，我決定帶女友去吃在OR不少網友盛讚鰻魚好食的三河屋，因為女友最愛吃鰻魚！約十時來到，不是太多人，不用等就可以入內而且可以選位坐。雖然店內樓面全是“阿姐”級，但招呼絕對週到，果然是小店，地方很細，相信最多可以坐二十人左右的。牆上貼滿各款食物名字，有些還有圖片，另一邊則有日文菜單。我和女友點了一客鰻魚飯（附麵豉湯），一個關東煮（全）和一個日式XXX（祇記的叫褔袋）。鰻魚飯：鰻魚頗大，而且很肥美，口感和味道皆一流，在香港能吃到有如此水準的鰻魚已屬難得，何況醬汁豐富且略帶甜，伴著飯來吃簡直是絕配！另外麵豉湯味道也不錯，相信絕不是即沖或“交行貨”的；關東煮（全），即是雜錦，在芋絲、獅子狗卷、蘿蔔、蛋等，每樣皆很入味，蘿蔔無渣，奈何吃的時候不夠熱，分數大減；褔貨：正確名稱已經不記得了（Sorry!），是腐皮包著日本年糕再放湯，湯底很鮮甜，夠熱，腐皮吸收晒湯底，吃著時味道一流，而日本年糕很軟綿、很滑，雖然無味，但很好食。另外我還

好耐冇寫食評lu...太懶之前睇雜誌介紹同呢度ge comments..就好想黎試啦~~可惜地點唔方便...遲遲都冇黎上星期終於搵埋朋友仔黎試啦~~~3個人黎到叫o左4樣野:鰻魚飯: 鰻魚好肥美呀~yummy~D汁都好正le北海道忌廉烏冬: 烏冬好煙"un"彈牙, 好味~配忌廉湯幾特別 朋友就咁飲個湯呀~哈大阪燒餅: 店員介紹~好味啊~ 唔會太粉太厚....不過Size細左d... 多人ge話..要叫多一個啦雜錦天婦羅: 香脆~~good~!!!下次想試咖哩飯呢~~

三河屋走勢持續凌厲, 連續幾個月打入頭十名的食店, 我身為紅磡的老街坊當然要去試一試。事源上星期某日臨放工, 母親大人才告知原來她在屋企竹戰, 一想起要食外賣兼聴住麻雀聲睇電視, 就把心一横叫埋阿妹在附近揾食。大約七點, 行到去三河屋, 竟然無人排隊, 立即行埋去一探究竟, 有位有位, 一坐低有熱茶, 是膠杯, 有點不環保, 而且都有點破壞左間店的氣氛。兩個女仔, 都知不會食得多, 就簡單一個 "北海道忌廉吉列豬扒飯" + "叉燒拉麵" + "炸薯餅" (阿妹最愛)。食物都算快到, 最先來的係拉麵, 湯底夠味, 不會好多油, 麵有咬口, 但叉燒太甜.......甜得有點像加左糖.......豬扒飯很正, 外皮炸得脆卜卜, 忌廉有好香的粟米味, 正中阿妹下懷, 加上珍珠米, 真的好好味。不過豬扒同飯同汁放在一起, 食到一半時剩下的豬扒外皮已經冧了, 明白是必然會發生的事, 但還是有點感到可惜。炸薯餅外皮炸得好脆, 餡料有薯仔茸, 看得出是用薯仔加其他材料打成, 不會成碟油, ok 好味。因為得兩個女仔, 無叫天婦羅及關東煮, 一定要再找機會來試其他食物。男友更已經報名下次一定要等埋他呢﹗

聞名以久的一間隱世美食，藏匿在紅磡區內鬧市中，雖然鋪面毫不起眼但每晚人流不輟定必有因。是晚專程提早光顧，6時許已經半滿因為座位只得廿個，坐得好逼仍然有咁多人嚟必定係以味取勝。當中有日籍顧客自携清酒幫襯，老闆親自招呼，店內各式食客都有但以年青人居多，當中夾雜國、粵、日語，小店風格氣氛隨便。以日式食肆嚟講食物種類可算多樣化，一網打盡，有燒、炸、煮、漬、拉麵、烏冬、飯等，基本上應有盡有。食咗大阪燒餅（$38）同饅魚飯（$48），大阪燒餅上面鋪滿木魚賣相十分討好，因為裡面有沙律醬食落亦好惹味，但係好細件，饅魚飯D饅魚已算肥美，醬汁亦好味。這裡的清酒跟傳统居酒屋一樣以盒計算但裝在一個類似咖啡壺的盛器，中間放冰使壺內的清酒冰涼，十分有趣，可惜是晚只得一人，向來亦不喜獨飲，等有機會再試。價錢雖然略貴但水準不俗，唯一可以挑剔係種類太多未必樣樣都咁掂。

星期六同男朋友特登駕車去食，因為睇過d食評，所以都抱幾高既期望。去到都唔係好多人等，都係大概等左半個鐘。其實d野食真係好普通，冇話有咩特別，如果係就腳d都會再食下既，但誠意就真係欠左d，好似個杯茶....係一杯以淺色到水甘樣既熱茶，跟住再用個薄頁頁既膠杯裝，感覺唔好！

記十二月中旬宵夜匆忙的一頓飯，也會有試過而不知其味時候，想起平民和食的燒魷魚，首次吃只新意十足，再嚐又是另一番滋味。家庭式小店下的燒魷魚，原尾挑去軟骨魷魚無法生燒，入底面爐焗也是聰明做法，魷魚難得保留著內贓，鮮濃膽汁以麵豉去腥，原件連汁，感覺是說不出的自然原味，想到將下欄物重新演譯，家常味道滲著一點點堅持，難得。欣賞魷魚微微彈性，切成細圈伴著甘濃鮮味的膽汁，說不出的「原味」，魷魚圈內發現軟糯的「白子」，大概是內臟的某部分吧？黏糯微鮮，配上鮮汁，別的地方吃不到，值得為此而來。入冬後的關東煮，蘿蔔甜味無渣，廣島蠔湯湯底帶著濃濃木魚味，略鮮，蠔是後加的口感不過老，家庭式做法，不要求細膩味道，卻是回味。認真的小店，會再來的。

自從多年前晌日本食過一碗無敵鰻魚飯之後, 已經好少晌香港再有食鰻魚飯既衝動.....今次一眾 “窮鬼飯局” 會員又晌 “聯記川王” 設辣局, 唔好辣既我又要食自己, 平日去開 “時新” 同呢班辣妹窮鬼 “與時並進”既我, 見近期 “三河屋” 長期高踞開飯榜一時無倆既氣勢, 於是便捨 “時新” 一次, 去”三河屋” 看個究竟..... 十二月八日(一), 晚上七時左右, 門口仲未有人排隊等候, 但入面原來已經差不多坐無虛席, 幸好單人匹馬既我自由度比較大, 隨即就被安排坐左晌最近門口果個位, 都好~ 呢個位可以睇晒成間餐廳既環境, 唔錯唔錯~ 店內環境一般, 典型小型食店的格局, 佈置卻不失日本色彩, 並給人一種家的感覺。首次光臨, 當然諗都唔駛諗, 就梗係要試下該店名物 “鰻魚飯” 啦~ 其實真係好難再有一個叫 “鰻魚飯” 既衝動, 但係事前當 蘋果會長 同 快閃頭目 得知我會到訪 “三河屋”既時候, 便大力推介 “鰻魚飯”, 仲話 “唔叫唔得”, 實在冇任何拒絕既理由...... 根據 蘋果會長 所講, 呢度既 “鰻魚飯” 價錢跟同類食店相若 ($48), 但份量和質素都好好多….

終於去食了，感覺是幾好，但又不是很好。環境實在很窄，食物則評價如下：　大板燒餅-木魚、沙律醬下得很多，因此味道是頗為滋味的，不過$38只得很細份，要叫雙份才夠分。牛肉烏冬-半熟的肥牛幾好食，但更令人驚艷是滑溜又彈牙的烏冬，令人留下深刻印象，也是大獲好評的一味。咖哩吉列豬扒飯-份量勁足，咖哩汁香且濃，聽聞是呂方最愛 ；炸豬扒的水準則一般。饅魚飯-饅魚超級豐厚肥美，但味道比台北肥前屋差很多。燒鯊魚芝士-口感軟軟的介乎年糕與棉花糖之間，咬開還有芝士夾心，是挺特別的一味，但$38得兩細件有點貴呢。松葉蟹腳酢-為愛蟹的壽星點的。醋的酸味搶過蟹的鮮味，昆布也不太滑，一般吧。海老天婦羅(5隻)-有炸海老，炸漿很鬆脆，蝦隻也新鮮，水準不錯的。雜錦天婦羅-有炸海老x3，以及一些雜菜，評價同上。燒多春魚-覺得此店的燒物火候掌握很好，水準尤在天婦羅之上，如這味多春魚就燒得鮮嫩可口。鹽燒靖魚-燒後魚肉本身的汁液保留了，又有適量的油分與淡淡的鹽香，另一款滿意之作。　食到這裡，大家都想重溫滑滑烏冬，於是叫多個北海道忌廉烏冬。香甜微粘口的忌廉汁，與彈牙的烏冬配搭在一起，效果是意想不到的夾，創新之餘也討好。　最後，雖

先送未婚妻一句 "生日快樂"在三河屋祝賀她的生日, 可能, 就係因為她喜歡吃日本食物的原故吧.吉列豬扒忌廉飯 ~~ 正, 未食過, 好特別的感覺, 豬扒一般SHRIMP 天婦羅 ~~ 平靚正, 必叫燒鯊魚蛋芝士 ~~ $48 元兩件, 貴到..... 普通, 不值螢光魷魚仔 ~~ salty 得... 連 waitress 都話佢地都頂吾順....好彩, 壽星女話佢很喜歡今天的晚餐.

早兩日跟男朋友o黎呢度食 Lunch聽朋友說呢度的拉都唔得， 一路都冇試過，o黎親都係食飯佢叫o左鰻魚飯，我就叫o左天婦羅飯鰻魚飯確實係幾好味，汁唔太多，夠撈飯 天婦羅熱辣辣，很脆的! 服務就一般，問阿姐拎多少少天婦羅汁好似好愕然，唔係咁想俾咁...Lunch o黎呢度食真係有點奢侈，話晒最平的飯都要 $48 呢...

食過2次~2次都係食完時新先黎呢度食, 2次都好後悔食左唔好味既時新佔左胃既空間, 無得食多d呢度既野!!2次食既食物唔同, 因為想試多d唔同既好野食, 除左螢光魷魚仔係翻兜, 因為真係好好食~!! 鰻魚飯: 鰻魚夠晒大條, 配埋珍珠米煮成既飯, 真係好正!!! 咖哩豬扒飯: 日式咖哩汁, 香甜惹味, 吉烈豬扒肉質夠鬆化, d汁好多, 撈埋飯食又係正!!! 螢光魷魚仔: 個汁咸咸地, 完全帶出魷魚仔既鮮味!! 一小碗入面有起碼10隻, 好好食!! 不過男朋友就話太咸~ 我就覺得好食到我要翻兜再食!!! 清酒煮蜆: 好鮮甜!!! 酒味唔會太濃烈, 蜆肉亦夠爽口, 正!!! 蟹籽沙律: 沙律汁稀左d, 不過唔係難食, 但可以不試!!! 三文魚皮下脂肪天婦羅: 好肥美!!! 正!!! 炸雞翼: 因為男朋友中意食雞翼所以叫, 但都幾失望, 因$48得2隻! 而且只係普通既炸雞中翼+雞翼尖! 唔明點解其他野收費同份量都成正比, 唯獨呢個就真係比較令人氣結...一定會再黎食螢光魷魚仔~

因為以前有朋友係度住, 所以成日幫襯,但even 朋友搬左, 都仍然成日去幫襯~~個日叫左個拉麵, 漢堡扒飯同curry 漢堡扒飯漢堡扒飯就酸左dd...其他就好好味,個拉麵湯完全是非一般~我仲叫左個 Tempura~ 粉唔多, 做可以有鮮蝦既味~平均都係$50 就有咁既水準,一試再試~~~~