三多炸肶 (已結業)

三多以炸雞脾聞名 大埔人對三多耳熟能詳 幸好分店愈開愈多 今次到荃灣三多嚐試一下跟同行朋友點了： 炸脾 椒鹽雞軟骨 醬炒腸粉因所有炸物即點即炸 故等候時間需要最少15分鐘 等候期間 見不少人慕名而來 大多點炸雞脾 可見其受歡迎的程度剛炸起的雞脾比手掌還要長 皮脆肉嫩而且多汁 喜辣的朋友可要求灑上辣粉 不錯！椒鹽雞軟骨超級好食比起外面的雞軟骨 三多屬上級 大大粒雞軟骨 皮薄 極之可口 一整盒醬炒腸粉 沒有任個雜菜墊底 真材實料 醬料香濃 配上腸粉 絕配

早在三多只有在大埔一店時我已常常心思思想造訪，甚至安排了一個踏單車遊大埔的行程和男友分享，奈何要碰上一個合適的時機實行也非易事，之後得知它在荃灣開分店時真是雀躍萬分，地點在地鐵站附近，十分方便。 兩星期前和好友吃完晚飯經過本欲一試，但剛吃畢烤魚實在太飽，當時只在門外望了望，見它大大隻雞脾炸得金黃，已近十時半人仍舊有相當的人流，加大了我要吃的決心。今天出發行山前男友提議過來滿足一下我的願望，期待了好幾個月終能如願以償。 三多炸脾 $29雞脾即點即炸，等候時間約為十分鐘，附上一隻手套讓人更易進食。雞脾有手掌般大，外層炸得超級香脆，肉質嫩滑多汁，調味惹味，很久沒在街外吃到覺得「嘩好好味」的食物，果然名不虛傳，驚喜萬分！ 我一邊吃一邊默默盤算著何時再來；兩個人分享一隻是絕對不夠喉，強烈建議大家自私食！

荃灣美食不盡, 經友人得知三多都黎左荃灣, 一定要同我食, 因為連佢媽媽都話正門口招牌別緻, 唔識字都認住佢隻雞脾得喇三多出名即叫即炸, 付款處有溫馨提示：需時10分鐘.由於傍晚5點客人不多, 數十分鐘就炸好. 隨雞附送一隻手套, 咬一啖, 果然皮脆肉嫩, 無雪藏味, 雞脾周不時有肉汁流出, 佢既雞皮真係脆如薯片, 平時唔食雞皮既我,再睇埋佢個膠袋廣告字, 深深明白食三多唔食雞皮果然會係一種罪其實除左炸雞脾, 小店亦有其他小食, 有機會再見到三多, 我一定會再食一次

去完屯門遊完車河唔夠飽, 出返路德圍食野, 朋友知我上次係大埔食得好開心荃灣新開左三多叫我試下有冇分別生炸肶同大埔一樣熱辣辣, 夠熱氣炸我好脆肉質仲KEEP到JUICY反而沙嗲撈丁同大埔差少少, 有D強差人意個汁既味係似, 不過太太太油喇,個麵底全部都係油下次食返個炸肶穩陣D!

原來大埔有間小食店出名做炸雞髀叫「三多」，已變成連鎖店。今晚路過荃灣店試試。炸脾嘅炸皮粉漿做得好薄，加上鋪滿咗麵包糠，所以炸得好脆，而肉質嫩滑多汁又入味！服務亦唔錯，自動送埋一隻膠手套。但係，好可惜仍然擺脫唔到香港本土製作炸物嘅最大缺點：油膩！喺舖頭射燈下，炸脾面嘅油光好閃，紙袋底亦索哂油。要求冇油出係咪好嚴苛？如果食過臺灣士林豪大大，就會驚訝佢哋勁脆嘅炸雞扒唔會有油光，而紙袋更毫無油漬！而來自名古屋嘅世界の山ちゃん嘅半炸烤雞翼，碟底亦同樣唔會有油漬！咁點解人哋得我哋唔得？答案只有一個，都係土地問題！所以，隻炸脾可能等唔到返炸第二次，又或者等唔到晾乾d油就出俾客人。。。結論：試過一次就算，況且佢玩吓gimmick就叫高個價，唔係好值@$48包爆檸茶/水。加左個「爆」字，俾幾粒爆珠，就叫價去到48蚊！

岩岩買咗份炸脾餐，上網有做個research，認同部份食客所指辣粉太辣帶苦。輪候過程唔耐，約莫10分鐘，即叫即炸，好香。不過，爆檸真係好無謂，作為茶記凍檸茶fans，無啦啦係入面加爆珠，味道既唔係檸蜜又唔係檸茶，唔湯唔水，失望。至於主角: 炸脾，真係好香，垂涎三尺。呢種味道，就係細細個去操完游泳，餓到爆，聞到小食部傳來既炸脾味~~~ 今次加咗辣粉，好後悔! 明明話少少，份量仍然… 唔緊要，辣粉原來只灑一面。雖然，隻脾有竹籤吉住，不過仍然好貼心配埋個膠手套比你用。雞脾好香入味，仲有肉汁鎖住，但辣粉超越辣，岩岩仲要去完“唯一雲南米線”，而家反而比三多辣粉辣到仲要辣粉彈咗入眼，哇! 媽呀~~~ 個咀已經辣爆，隻眼仲要辣埋一份，好彩我出街有帶濕紙巾。頂，激辣! 隻眼醃咗10分鐘先無咁辣無標眼水，但個咀唇就… 含住粒冰都唔掂。辣到無心機再食…好後悔加辣，好後悔嗌爆檸。講真，睇得出門面裝修、餐牌設計、自創囗味，無疑想迎合年青人市場，不過我就中意還原基本步。。。凍檸茶、原味炸脾! 呢種至係香港風味!建議: 既然有手套提供，不妨提供埋濕紙巾，因為個隻脾札住個手套，搞到個手套有油又濕。

行行下又肚餓，又唔想坐底食。路經荃灣，見到大埔三多開分店，即刻入去試試。招牌炸雞脾，要等十分鐘，因為即炸，一于照等，見其他人叫D雞翼都幾香，等下次試試。鋪仔細細，有立食枱，但食完D骨要自己出去掉，有D怪怪。炸脾嚟喇，哥哥仔都好有禮貌叫我拎。炸雞脾用竹簽拮住，用紙袋袋好，仲有膠手套，幾貼心，但tissue就要另外買炸脾香脆，咬落裏面仲爆梗D計出嚟。味道見佢炸完灑了調味粉，唔係好咸，還可以。但我始終覺得以前美心快餐D炸脾係最正

我都未試過食到要寫評，今次真係唔寫唔得！今日買炸肶，我叫中辣，點知一食，點解愈來愈辣既，之後發覺成隻都辣椒粉囉！之後我剩食肉算數隻肶都唔平架，辣椒粉唔洗$咩，落到成隻都係~好食都有限啦！咁做生意都有！咁唔好做啦~以後都唔會食！呢張相係我食剩既皮.......幾多辣椒

聽講大埔既三多炸肶無得輸好耐但太遠 無入去食適逢假期同媽咪去左荃灣shopping 朋友又告知係荃灣開左間分店仲唔趁機會去試下而地點亦好方便係路德圍附近店內唔係好大 近牆位有一排枱比人可以企係店內食用原來炸肶外, 仲有其他炸物~~但一場黎到...緊係食佢地出名既炸肶炸肶$28.. 如套餐加埋杯大大既野飲就$48我都係單叫因為係新鮮即炸等左10MINS... 傳說中既炸肶終於出場炸得個色澤好金黃好靚雞肶大大隻.. 我同我媽咪SHARE 岩岩好雞皮炸得鬆脆肉質嫩滑...咬落口啖啖肉外...仲勁JUICY咁遠黎一試.. 覺得都值得28蚊值回票價最重要.. 連媽咪都好鍾意.. 會再返黎食!!

呢間野，果時未有分店時已經聽過佢既名！因為大埔既朋友成日post facebook話食呢間雞脾做宵夜～好似食上癮咁！我就好想試下係咪真係咁好食！但成日撞唔岩時間，都無咩機會入大埔食！之後聽聞開埋元朗，之後開埋荃灣！終於機會黎喇！一落巴士見無咩人就入去買左隻炸脾$28隻！其實都算貴！因為即炸等左10分鐘到！就拎得！係鋪頭落左d辣椒粉，就拎返屋企慢慢食！打開成隻都幾大隻！食落就知係皮大！但個皮好香口好脆，一d都唔會覺得成口油！雞肉都唔會乾有肉汁！係真係幾好食！成隻脾我覺得最好食就係個皮！值得一試！

見佢前兩個禮拜開左，諗住搵日去試下。點知完全中曬伏 叫左個撈面同雞脾，點知佢無比到隻炸脾我。得返個面一打開咁既賣相，芽菜多到爆，雞扒得四塊，45蚊仲要無野飲，絕對要拉黑。

見三多開左之後一直好想試, 次次經過都聞到好香的炸雞味!今日的午餐食得不算太飽 , 來到下午茶時間就馬上唸起三多!店內有易拉架餐牌, 食物都比較貴, 沒有多想就馬上點了一隻炸雞肶 (HK$28)套餐是HK$48, 即係比多HK$20 有杯飲品, 唔抵....店內有少量企位比人堂食~因為雞肶是即炸, 櫃台也有告示註明需時5 至10分鐘結果我也真的等了差不多10分鐘, 就有一隻新鮮熱辣的炸雞肶了皮好脆,沒有過厚的粉漿, 而且肉也很滑很多汁!最同意包裝袋上的字句

光顧咗三多好幾年 ， 未試過食雞髀唔洗等 ， 今日竟然可以試到 ！你收左爐可以同我講下次再黎，你點解要貪方便畀隻凍既雞髀畀我呢？連叮都懶？做到冇心機可以唔做，唔好影響出品！ open kitchen乜都見到你做乜，鹵水汁煲收左爐，你可以講聲收工喇！唔好做埋啲呃人行為！

自少愛吃香口食物的我早前到了日月星按此重溫朝聖炸雞脾後，心底裡對它的慾望從無減退，得知荃灣竟開了三多炸肶當然要去朝聖一番啦！ 差不多夜晚十才到人不多，店家裝上很可愛的雞脾投射，未行到店遠遠也見到。 食物都唔係獨孤一味係雞脾，另有雞翼，炸丸，涼拌雞腎，豬雞扒包及多士，連沙律，腸粉及沙嗲撈麵都有供應。 原來仲有套餐供應，炸雞脾+爆檸$48有交易，散叫要$56架！ 飲品款式都不少除了較普遍的黑牛和金牛外，仲有爆檸同柯檸，及藍天和紅莓意大利梳打。 落單後即時落鑊炸，所以要等10多分鐘㗎，心急人要留意吓喇！ 好喜歡膠袋上的語句，我冇罪呀哈哈哈！！ 炸脾上粉炸至金黃香脆，再灑上小辣度的辣粉，（同車爸爸分享）一定要小辣啦！ 炸雞脾外皮好酥脆，可惜邊位較硬，而辣粉的份量太多，尤其中心位置多到帶了苦味！但內裡的雞肉嫩滑多汁都算可口呢!!

大埔三多炸雞髀聽得多🍗今次佢地終於系荃灣開分店😍有機會試下啦！雞髀即叫即炸🍗生炸令到肉汁都鎖住系雞肉內，好juicy嫁😋肉質好嫩滑而且雞皮炸得好香脆，咬落卜卜聲💥店內金句💁食雞肶吾食皮系一種罪😎真系好邪惡呀😈溫馨提示🙂建議可以嗌小至中辣食，辣辣地會更加惹味😍