三多炸肶 (已結業)

原來大埔有間小食店出名做炸雞髀叫「三多」，已變成連鎖店。今晚路過荃灣店試試。炸脾嘅炸皮粉漿做得好薄，加上鋪滿咗麵包糠，所以炸得好脆，而肉質嫩滑多汁又入味！服務亦唔錯，自動送埋一隻膠手套。但係，好可惜仍然擺脫唔到香港本土製作炸物嘅最大缺點：油膩！喺舖頭射燈下，炸脾面嘅油光好閃，紙袋底亦索哂油。要求冇油出係咪好嚴苛？如果食過臺灣士林豪大大，就會驚訝佢哋勁脆嘅炸雞扒唔會有油光，而紙袋更毫無油漬！而來自名古屋嘅世界の山ちゃん嘅半炸烤雞翼，碟底亦同樣唔會有油漬！咁點解人哋得我哋唔得？答案只有一個，都係土地問題！所以，隻炸脾可能等唔到返炸第二次，又或者等唔到晾乾d油就出俾客人。。。結論：試過一次就算，況且佢玩吓gimmick就叫高個價，唔係好值@$48包爆檸茶/水。加左個「爆」字，俾幾粒爆珠，就叫價去到48蚊！