萬芳冰室 (富盈門商場) (已結業)

以前食過元朗嗰間萬芳，經過大埔呢間好多次，卒之可以試埋。呢間冰室座位都幾闊落，同隔離位唔算好近，我係2點幾去食，餐廳仲要唔算多人，侍應姐姐仲好有禮貌好有耐性幫我落單。點咗餐牌上嘅人氣No.1 - 金牌常餐就係牛肉招牌蕃茄意粉，餐肉火腿西煎雙蛋+牛油多士 $52。個蕃茄湯底好濃好好味仲食完冇口渴👍🏻，牛肉份量都唔少，加埋個餐肉火腿雙蛋其實成個餐都好大份，好飽😋😋 成個餐連埋餐飲呢個價錢其實都幾抵食。果然同元朗嗰間一樣，有信心保證☺️

行完街經過萬芳冰室就決定入去坐一坐休息下,叫左個沙丹豬扒飯(因為上次食過感覺幾正,冇乜邊到有咁大塊豬扒)豬扒煎得好香口好靚,重大隻過我隻手板成個頭咁大食落鬆化完全唔會柴,條邊重有小小肥膏更美味.有隻太陽旦撈埋D飯食冇得頂呀厚切菠蘿同火腿,菠蘿甜度十足(第一次食既時候覺得有塊菠蘿既配搭幾得意)值得推介

唔知係咪做完運動肚餓，本身揾好嗰間又冇開所以求其入呢間真係一試難忘成隻手咁大已經唔洗講見到佢有幾咁興奮佢可能冇你期望中嘅薄炸粉，但我就係鍾意厚肉厚粉，而且炸得夠酥脆，絕對唔難食！成隻蝦上嘅蝦多士已經買少見少，佢仲要隻隻蝦脹卜卜

聖誕過後第一個工作天，公司應該有滿滿的工作，今日特意去食個heavy早餐回公司工作。呢間蘭芳都係大埔開左一段時間，午餐試過一次話出名炸雞脾，但只覺得一般。早餐反而食過好多次，由最初佢嘅超厚切餐肉/紅腸...食到依家普通厚度，概嘆，生意難做所以今日揀返沙嗲牛麵煎雙旦加凍奶茶。沙嗲牛未算係最好，只覺得牛肉冇煮過火，沙嗲味未夠，反而佢嘅麵煮得軟硬度適中，湯底較清淡，反而食後唔會口渴，煎雙旦前都外熱內爆蛋汁，篤爆點麵包食，唔錯！奶茶才是呢餐重點，熱飲凍飲都試過，茶味較濃，茶味重，早餐不二之選！叉足電，返工！

佢哋雞髀大過我隻手，點解點解可以咁大隻呀！睇完又睇，一直掛住佢隻脾，雖然價錢係貴小小，但又係值得支持下嘅！其他食品都係一般，服務態度又係一般，所以我只係食過2次，就冇再去啦！

放飯時間落大雨🥺，亂入一間餐廳坐低，解決午餐先。好少喺呢附近食，第一次嚟。千挑萬選下揀左個黑椒牛肉炒意粉配熱飲$58意粉剛剛炒起就上枱，睇見熱呼呼的夠鑊氣👍牛肉唔過火，冇梳打粉或鬆肉粉啲怪味，黑椒夠多好惹味，食完碟底唔會剩低好多油👍👍

偶然行過、入去間冰室食下午茶真心純粹食個懷舊味道個裝修、格局都係薄荷綠加白色為主都幾舊式冰室咁樣飲品方面又有啲滾水蛋之類既懷舊飲品但我就叫左個自家製菊花茶都幾凍、夠哂清甜解渴一飲就知係自己煲、唔重糖水啲下午茶餐就中規中矩、無特別同行友人叫左個生炸雞髀share,啲生炸雞髀偏乾偏柴皮咬落硬堀堀咁～都偏咸我叫多份雞全翼薯條、點知佢係唔比跟轉沙律變左要叫小食類個到，唔係下午茶配沙律又加3蚊真心唔值、黎到又係乾爭爭柴皮咁啲雞翼唔抱期望、就正常一間茶記咁真係純粹食個環境、同啲懷舊情懷

今日經過大埔 搵個地方食個早餐 見到有間萬芳 就停駛食個早餐😬門口條路兩邊都有哪吒位 泊車都算方便 對面行人路有公廁 也是非常方便坐低叫咗兩個早餐 竟然有紅腸 好耐冇食紅腸 所以叫咗一份試一試 服務員服務都算不錯 個杯奶茶都幾好 個沙嗲牛肉都幾有質感 唔係嗰啲林謝謝有啲 只要環境方面 枱櫈地下都尚算清潔 而且係防疫期間 職員把大門開啟 增加空氣鮮風流量 呢個做法非常細心貼心👍👍👍我哋叫咗齋多士 麵包非常軟熟 外脆內軟 大家不妨一試👍👍😬😬

難得放假同朋友黎食個下午茶,見呢間冰室個裝修幾得意幾特別又未試過,一於黎試下,呢日閒日客人唔算多,環境OK我就無食飯所以嗌左個飯,朋友細食淨係叫左個果醬烘多士,個飯就無咩特別ge,都係普通一舊飯一舊肉加啲汁咁,但個烘多士真係不得之了,一拎起個底係凍ge,完全無法接受一間冰室連塊多士都烘唔好,價錢中規中矩,但比錢食一塊又凍又唔脆Ge凍多士真係太不智,加上唔係繁忙時段,點解塊多士凍都照上比客人?咁馬虎Ge餐廳真係試一次就夠,無下次啦真係

因為想食西多士，咁岩經過呢間茶記又唔想行去街市咁遠食李記於是就入黎！叫左份西多士，上面佈滿牛油，再加上煉奶同糖漿其實真係幾正！熱辣辣之餘入面仲有花生醬！食哂成舊真係好滿足！！！------------------------------不過呢度D 位就唔係咁好坐，如果想坐得舒服D呢度就唔岩啦~------------------------------不過西多士係唔錯既

今日入大埔，有緣可以試到老牌茶餐廳的古著味道，#萬芳冰室 經歷超過半個世紀，現在係香港只有三間分店分別係屯門、大埔和元朗！店內裝修充滿五六十年代懷舊氣息， 最搶眼的地方是牆壁畫上經典電影亂世佳人的劇照，另一旁放置了鄧麗君唱片收藏品！我哋叫咗生炸大雞髀、五香肉丁炒通粉和維他奶！ 其實紅豆冰係佢嘅招牌菜，但我哋揀咗飲維他奶，因為好少冰室有維他奶飲😝！生炸雞髀係佢哋嘅生招牌，份量好似塊面咁大，熱辣辣好香脆!五香肉丁炒通粉，而家喺茶餐廳已經好難食到，微辣惹味😋！

下午茶 — 生炸大雞髀配薯條$40 （改配沙律+$3）等左10幾分鐘，係值得等嘅，一上枱隻雞脾嘅份量好大隻！ 雞皮炸得香脆，不過邊位炸得有啲燶啲肉比較硬不過沙律係冇薯仔嘅，得啲（罐頭？）水果個人比較喜愛薯仔沙律多啲，呢個冇薯仔仲要加$3，有點不值

前排日日都落雨， 有一日我屋企人經過寶湖花園， 落超大雨， 然後我哋喺附近搵咗間茶餐廳食晚飯， 見餐牌有啲飯餐都幾平， 入咗去試下。咖哩雞皇飯咖哩汁夠香濃， 幾夠辣， 雞肉係應該用 雞髀肉嚟整， 份量都幾大碟。窩蛋牛肉飯牛肉飯用咗免治牛肉和菜粒而製成， 上碟時加咗隻蛋黃， 味道唔太鹹， 唔錯。蝦多士配薯條我本人都幾鍾意食蝦多士， 蝦多士大概有兩種做法一種係用蝦膠加麵包製成， 另一種做法係用原隻大蝦加麵包製成， 呢度做法係用蝦膠和原隻蝦 嚟做， 可以食到兩種口感。

冰室越開越多，大家對於食香港嘅本土食物更加講究呢間冰室喺大埔算係比較早期就開咗，不過一路未有機會試，今日難得有朋友嚟探我，就帶佢去冰室度搵好野食入面嘅裝修好有香港特色，啲枱凳都似舊式茶餐廳嘅風格餐牌同以前茶記一樣，放喺玻璃枱嘅下面選擇都幾多仲有D優惠嘅套餐連食物排行榜都有窩蛋免治牛肉飯呢個算係茶餐廳嘅經典食物之一，呢個飯同平時我食嘅免治牛肉飯唔同，佢嘅汁比較多，送飯一流最鍾意係將個蛋撈落D飯度，咁樣D飯可以索到D蛋汁，更加好味白汁雞皇飯呢個飯只係收$38，但係份量依然十足D汁味道唔太濃，唔鍾意食太咸嘅我覺得呢個飯剛剛好生炸雞脾沙律呢個雞脾一上枱又係嘩嘩聲，因為真係好大隻，外面炸得脆，裡面D肉唔會好鞋，幾抵食每個套餐都有跟飲品，見加錢就有樽裝維他奶可以跟餐

大埔懷舊冰室之選 平日最常食茶餐廳 今日突然想懷舊一下 同老公入到萬芳冰室 （我地都係第一次食）裝潢格局懷舊 打開餐牌樣樣都好吸引 最終我簡左沙丹豬扒飯 脆軟既沙丹豬扒固之言係重點 但我都好欣賞配菜既菠蘿配火腿扒 口感好清新 太陽蛋配上甜鼓油-配白飯一流 老公簡左公司三文治 估唔到比平時茶餐廳更足料 與別不同 烘底配芝士豬扒 加上厚餐肉蛋蕃茄 極上口感 層次豐富先明 見距得禁滿足 忍唔住食左距一件下次可以試試其他食物 冰室凍奶茶係我地指定既配答