一點心 (通菜街)

营业中

休息中

太子的一點心，果然是拎咗平民米芝蓮的點心小店。點心即叫即蒸，全部熱辣辣，真係好好食及高質，味道是中等之上。鮮蝦腐皮卷，蝦好彈牙，腐皮鬆脆。香煎蘿白糕，料唔多，但勝在煎得2面都香脆。懷舊雞包，正正常常。鲜蝦菜苗餃，脹脹卜卜料多美味👍🏼。豉椒蒸鳯爪都係正常。蜜汁叉燒腸，喜歡佢嘅粉皮薄滑。最後；不得不提啖茶，好難飮😅（所以見到有人自己帶茶葉去沖）坐位位置一般舒適。如果繁忙時間預咗要等位，總括價格ok,味道好。

話說放假一早起身想食點心，聽朋友講太子呢間點心都唔錯，一於坐車出去遠道去試試星期六都接近滿坐，幸好等咗一陣就有位餐牌上嘅點心選擇都多，我一行二人點了5 籠點心，滿足了！▶️蟹皇蒸燒賣 - 蟹黃蟹籽都唔覺有，老實說$31 有點偏高▶️叉燒焗餐包 - 叉燒餡料豐富，必食之選！▶️潮洲蒸粉果 - 正正常常，但餡料足夠嘅▶️四寶滑雞扎 - 只係正常，又係唔明點解要$33 ▶️炸兩腸粉 - 油炸鬼食落還脆，比坊間大多數炸兩嘅油炸鬼淋晒好好多，讚！總結：點心質素合格，但某啲點心價錢略高，感覺上似將價位拉上補下，但整體而言還可接受

一點心⭐️食物質素：4.5/5（部份食品食得出係人手製作，非一般茶樓可以食到）⭐️環境：4.5/5（座位後有壁畫，畫得好靚，特別有香港味道）⭐️服務：3/5（侍應冇乜反應）⭐️抵食指數：4/5茶錢$6@位人均消費：$60左右地址：九龍旺角通菜街209 A -209 B地下（太子A出口）ps: 逢星期六日同公眾假期要收+1服務費，所以閒日過嚟食就最抵食啦！#太子 #太子美食 #飲茶 #你今日飲咗未 #香港 #香港窮遊 #foodie #foodiehk

呢個dept最後一次飲茶🍵自從疫情開始咗一排，已經經常喺公司叫外賣，就快離開嘅我想飲多次茶，呢間仲話係米芝蓮添，最愛佢嘅咸水角～食過佢先發覺出面好多間茶樓都冇佢咁好食！仲有，九龍城送到過嚟仲熱㗎！點心：🥠咸水角🥢外脆內軟，就算放咗喺盒入面焗住一陣都冇淋，呢個真係十分滿分！叫親都要人頭數目，起碼每人一件！🉐推介🉐🦐鮮蝦菜苗蝦餃、蝦腸、鮮蝦腐皮卷🥢呢幾款都好味～蝦大大粒，腸粉好滑👍🏻🉐推介🉐🥢馬拉糕🥢好味又軟熟🦐炸雲吞🥢好味，又係焗咗陣都仲keep到好脆👍🏻🐽叉燒餐包🥢略嫌面頭唔夠蜜糖，食得叉燒餐包就係鐘意面頭光亮，充滿蜜糖嘅味道🐷馬蹄肉餅飯🍚唔鐘意食飯嘅我冇食到飯，但同事都話佢嘅盅飯好味，肉餅都好大件👍🏻💰$393/5人份量（包含運費）⭐️4.5星/5星🈵分

行到餓餓地，又想嘆杯茶，於是即刻行去食一點心。一坐低店員會先送上熱茶，茶款冇得揀，只有普洱。一黎到第一時間點炸雲吞幾乎係每一枱都會點既野食，因為呢到既炸雲吞係一直都保持水準，油經常換好乾淨。所有食物都即叫即蒸，叉燒包軟棉棉。燒賣唔會太多肥肉，蝦肉夠實。排骨飯粒粒分明，但略嫌肉太肥。仲有腸粉方面…我比較講究塊皮，呢到既腸粉皮有小小透明，算是做得幾薄的。2個人食到飽都係$141食物好食之餘..價錢同樣相當吸引👍🏻

今日同朋友去食一點心，坐低都覺得個女服務員態度普通，之後食食下，佢拎梯爬上去整冷氣機塊布，完全無視我地，明明食緊野，話完佢仲要唔道歉，眼啤啤咁，大家唔使去食*一肚氣，不知所謂女服務員，係丫姐黎茶位6蚊，無味既茶，完全係用黎使餐具茶一樣，真心唔會推介呢間一點心，雖然野食都ok, 不過服務唔得，唔會再有下次，我朋友都好想投訴佢，但又無電話，3個人食$214，都ok既，坐都舒服，但服務完全不能接受，再好炒左佢

一早出去太子接小朋友上暑期班，趁住有兩個小時空檔，就同老公搵吓有咩好食！行行吓就諗住去食點心，就行咗入去一點心，等9:30am 開門。服務員姐姐態度非常好，叫我地慢慢坐低再點食物，食物即叫即蒸！熱辣辣！原來一點心有米其林一星的榮耀，味道超正！2個人簡單點了四寶滑雞扎、蒸牛柏葉等食物⋯⋯味道跟小時候食正宗傳統茶樓更佳！食得出材料新鮮～～每碟點心平均只需$20至$30幾元左右，環境亦好舒服，真係平靚正之選！值得推介

𓂁 一 點 心 𓂁𓋯回想起第一次去一點心它還在對面街的小鋪位耶疫情前 充滿著各國遊客慕名而來有平日到訪也需要等半小時以上的各種回憶疫情下剩下本地人生意 侯位終於容易了！最近幾次去都不再需要等 但人流還是很多好吃的東西 人總是很多嘛 ^_^𓋪 鮮竹牛肉球 𓋪 鮮蝦腐皮卷 𓋪 蟹皇蒸燒賣𓋪 薄皮鮮蝦餃 𓋪 豉椒蒸鳳爪 𓋪 古法炸蛋散點心是現點現蒸的而且分量都很多喔每次必點的一定是牛肉球超大一顆的 而且跟現在酒樓吃的不一樣是所以小時候在酒樓吃的牛肉球味道！還有—樣是必試的 就是它的辣油 💖一般我們都用作蘸燒賣吃它的辣度很夠 但不會完全蓋過食物的味道吃完之後五分鐘嘴還是超麻 但還是想吃！中毒性超強的辣油要是它有做商品的話我一定買 XD喔 還有炸蛋散也很好吃感覺現在找不到蛋散做得好的酒樓了呢這邊做得還不錯喔 有時會稍冷了不過還是脆的舊式酒樓現在年輕人很少去了但像是這種點心專門店的年齡層卻是很廣偶爾帶老爸來吃一下點心懷舊一下也很不錯喔

今日去開花墟行街，而家先行行吓見到呢間食點心，好似添好運咁嘅，就入咗去試❤️兩嗰人叫咗7嗰點心，非常飽♥️1. 蜜汁叉燒包$18-佢嗰叉燒餡料好足但有啲酒味，食落唔係好慣2. 炸兩腸粉$23 - 油炸鬼雖然唔脆但腸粉皮夠滑，配合起嚟依然好食，值得一讚嘅係個豉油，鹹甜度啱啱好3. 鮮竹牛肉球$22 - 牛肉球好大粒好煙韌4. 蒜香蝦春卷$21 - 啲餡入面有好大隻蝦，同一般春卷唔一樣，春捲皮好脆5. 白灼青油菜$20 - 條條都好鮮嫩，又唔算貴6. 時令老火湯@節瓜章魚例湯$24 - 唔係味精湯！7. 豐料糯米雞 $31 總括嚟講，呢間舖頭啲用料新鮮，員工有禮貌，啲食物嘅份量會比平時大份，所以叫嘅時候就唔好咁重手啦😂

星期日同媽媽去左花墟買花 買完後見到呢間點心鋪 又諗起好耐無同媽媽飲茶 就入左去試下 點心既質素都中上 我極度推薦大家要試佢既糯米雞同馬拉糕 我覺得真係超好味 而價錢亦唔係特別貴 如果大家行開行埋可以一試

話說今早去一點心，他們的點心水準保持，但個別職員就不敢恭維喇，因我朋友上OpenRice ，見到一點心食評不錯咪走去試吓，我自己試過不錯，明明見到他們可以支付寶可以付款，咪懶走去拑錢.點知埋單時，嗰個態度差劣的收銀員，呢度只收現金，吓！OpenRice 話你地可以接受支付寶喎，她好似我欠她錢咁，要收現金，其實冇乜大不了既，如果她態度好一點，你哋突然間唔接受，又或者人哋屈你，講聲唔好意思，你哋現在只可以收現金，服務性行業不是咁樣囉！

Such delush dim sum..Especially the Cheung Fan, Ngau Yuk and Soy Bean wrapped pork in fish mawBut.... ALLLLL SOOOOO GOOD!70 Years in business, family restaurant... And still awesome!!!(and very reasonably priced... $176 for 3 people!!)

家鄉咸水角 $𝟷𝟿 雖然唔係好多料 但個皮炸到好脆 外脆內軟 好好食😍 記得趁熱食古法炸蛋散 $𝟸𝟹 唔係好鬆化 上面仲灑滿椰絲同花生粒 小嘴仔認為太甜 蔥花蝦米腸 $𝟸𝟺 腸粉好滑 啲蝦米嘅份量好多 加埋上面啲蔥花一齊食 好正 薄皮鮮蝦餃 $𝟹𝟸 個皮好薄 蝦肉好足 唔錯

平時食點心去茶樓嘅總覺得點心專門店係流流地直至黎到一點心完全改觀驚喜完全係抵食夾大件👍牛肉球勁足料大大個👍潮州粉果個皮好軟熟 凍左都唔會死硬👍叉燒餐飽勁正 熱辣辣嘅👍蛋散質地鬆化👍鹹水角好煙韌哩個級數嘅點心 實在係好耐無預見過值得大大力俾掌聲班點心師傅😋😋😋完全係推介大愛值得瘋狂encore環境同服務唔係特別出色但總體舒服嘅 周圍唔會黑媽媽殘殘舊舊即使新年期間去過 都唔會勁sell人買糕 問左唔買就算唔會黑我地面

其實之前都試過堂食，又試過外賣自取，點心都叫做有保證，以為疫情下大家支持下，都係一相情願的事喔。係openrice 訂咗外賣自取，真係開心呀有九折，晚市又無堂食唯有買多少少份量啦。 目測都係好新鮮，仲係熱架。 忍不住一開盒就食粒燒賣先，真係好味。。。。係呢個時候，望下張單，有十蚊附加費用，差不多成碟點心價錢呀。 開頭仲以為係盒錢或者餐具，點知打去問先最好笑，佢地話唔關佢地事，又話星期六日要多收，轉頭又話有最低消費，。。。。