一點心 (通菜街)

营业中

休息中

今次係第二次嚟呢度，星期六下晝嚟到都唔算等左好耐，落完單入到座位好快就有嘢食，雖然呢度唔係傳統飲茶有一壺茶俾你慢慢品嚐，無得簡自己鐘意飲既茶，但佢都會keep 住fill。呢到勝在就腳同食物唔錯☺️呢個既牆係畫上去，超靚，黎到可以好好欣賞一下。古法炸蛋散佢呢個係炸好咗之後，直接淋蜜糖上去，所以會比較甜，蛋散脆口鬆化都幾特別， 唔油膩，但如果佢鍾意食甜嘅就未必會鐘意。飲茶最愛四寶滑雞扎炸過既腐皮包住滑雞件，冬菇，厚切火腿，魚肚。 每一舊都吸晒大家既精華，食一舊都超滿足，夠晒飽。

一直想試依間嘅點心，但次次都大排長龍，今次竟然唔駛等位，咁就一於要試吓喇!我地點左四樣野:1. 時令老火湯~霸王花瘦肉湯好足料，好多湯渣，味道清甜，飲番碗熱湯，成個人感覺好舒服。2. 鱆魚肉餅飯家常餸菜我最鍾意食係肉餅，厚厚的，食到一粒粒鱆魚，好味道。3. 蒜香蝦春卷炸到金黃色，脆卜卜，裏面有材料豐富，一啲都唔油膩。4. 香煎馬蹄糕表面煎得好脆，好香口，食到一粒粒馬蹄，煙煙軔軔，有口感，甜度適中，好好味每樣野都係廿幾蚊，都算抵食!

一個人沒什麼好做就是去吃點心，看一套戲推介，雞扎厚實，裡面有冬菇，雞肉，魚肚，火腿冬菇有冬菇味，很多雞扎裡面的冬菇也沒味的，雞肉也算嫩很推介鮮蝦腐皮卷，不太油，外層基本脆，咬落不會裂成碎塊但有咔嗦的聲效，裡面有蝦，紅蘿蔔，東菇，豬肉，西芹，蝦很多，也不是剮碎，爽彈不霉，每一口也會吃到腸粉足料，味道一般，可以不點是日老火湯，眉豆花生，好喝，材料的味也出了，不會料還料，水還水，就是太"足料"，湯較小，叫兩盅又太多，一盅又唔夠味道普通，但份量很多，完整，不會切得細碎，不會難咬推介，味道不錯，份量很多，很大一片亦入味，有韌性但不難嚼走醬青菜，要健康下次要走油蝦餃蒸出來內餡隱約可見，裡面都是蝦，味道也不錯，不過有荀會更香牛肉球較多馬碲，較易夾開不死實，沒有溝太多水或粉，可惜噫汁過酸，但可能只是個人偏好李派林而已xd整體也給到滿高分，但要挑剔的是走去洗手間的路和洗手間均不太乾淨

因為等唔切帶🇯🇵朋友食茶樓下午茶所以即刻諗起呢間朋友之前提過既一點心我地大概十二點半到，幾好彩我地唔駛點等位😌一點心係好多遊客推薦既🔥🔥🔥裡面的確都幾多日本人同內地遊客咁岩今日唔駛排隊!係好新式既一間點心餐廳唔似傳統既茶樓🔥呢張點心紙幾簡簡單單仲有呢張都幾茶樓FEEL有國際翻譯加圖片既menu,抵讚!👍🏻🌟🌟香煎馬蹄膏$2️⃣8️⃣🇯🇵朋友食唔慣佢話覺得呢個應該要係凍食既野黎有時食馬蹄膏都幾驚食到太甜我個人認為呢到馬蹄膏做得幾好因為一點心呢個係微甜😋👍🏻🌟蜜汁叉燒包$1️⃣8️⃣黎到個陣第一個反應係:得兩隻既🥺但同日本朋友食完之後佢同我講:好味既野唔洗食太多架又好似幾有道理呢到叉燒包又係鬆軟既好味呀🌟鮮竹牛肉球$2️⃣1️⃣(記住問侍應姐姐拎喼汁)牛肉球正呀!彈牙啦同平時茶樓水準有過之而無不及🌟咖哩土魷$2️⃣6️⃣因為宜家都唔多茶樓有整呢個咖哩土魷所以我見到即刻叫返籠呀爽脆既土魷,咖哩味都好入味🌟薑蔥牛柏葉$2️⃣6️⃣都係爽脆既牛柏葉!好香薑蔥味,入曬味呀!茶位每人$6️⃣係用馬克杯，而唔係傳統既茶壺同杯，會有侍應姐姐間中幫手補茶，幾特別既🤪

飲茶食點心係香港人週末嘅指定動作雖然點心專門店款式較少，但CP值比酒樓高一點心名揚海外，門外有好多遊客等位。櫃檯店員精通英語、普通話同日語 交談流利，好厲害！一坐低店員就斟茶，並呈上辣椒油同豉油。1\古法馬拉糕脹卜卜、好鬆軟嘅馬拉糕帶有兒時嘅味道。我一口氣食咗5/6個若要自己食晒成個都冇難度～ 2\蜜汁叉燒包飲茶無包不嗌嘅我又點會錯過叉燒包呢Y(^_^)Y 味道同其他酒樓不相伯仲，勝在叉燒多，真材實料。3\鮮蝦菜苗餃皮薄煙韌，菜苗份量多，而且冇一般酒樓嗰啲咁油。原隻蝦肉好爽口 配辣椒油唔錯4\燒賣飲茶必嗌點心之一蝦唔算好大🦐 但可接受。整體而言，唔油膩，肉質鮮美，價錢相宜。5\香芒奶皇卷用椰絲、奶黃同糯米粉搓嘅皮包住甜甜嘅芒果肉。個皮好煙韌，椰香奶黃味適中，唔會蓋過芒果嘅香甜。總括而言，點心味道不錯，餡料充足，無偷工減料。下次經過有時間可以再戰！

Heard this dim sum shop for long and finally got to try with my friends. We arrived the restaurant at 1pm and no need to wait! The place was not crowded  and quite spacious coz we were inside the room. Ordered few dim sum to share. Cha siu bao was good! The bun was soft and the filling was good, not too salty. The steamed dim sum were ok Nothing special. But the mango roll was quite dry.

啱啱個星期去咗太子覓食 見到網上好多人都推介曾經攞過米芝蓮嘅一點 心 就一於去試下其實一個月前 已經嚟過，當時係食飯時間好多人等位。今次我哋過咗繁忙時間先黎，人少好多等十五分鐘就有位，好開心!呢間點心舖有好多外國人，佢哋全部都好似拎住本旅遊書跟住佢哋嘅推介黎呢邊度食野。四個人就叫咗八碟嘢有燒賣，蝦餃，蘿蔔糕，炸兩，奶黃包，蒸雞飯 ，炸雲吞同蒸粉果炸雲吞好脆蝦餃皮好薄蘿白糕有好多蘿蔔絲燒賣都幾juicy可惜奶黃包冇期望咁好，另外一間xx皇宮好食啲埋單都係二百零蚊都幾抵 性價比都幾高

曾幾何時記得"一點心" 應該係唔錯嘅點心餐廳，佢嘅大廚好出名，係出名門而且仲得咗好多傳媒嘅追捧，所以每逢經過呢度都會入去食返啲點心。想講就係出名並非偶爾嘅事，出名都係有原因嘅，呢度啲點心的確係有料到， 鮮蝦菜苗餃真係做得好有水準，皮薄餡料多餡料又新鮮，蝦又大大隻，菜苗又鮮甜。北菇棉花雞 ，北菇真係有冬菇味，魚肚又鮮又入味又香，雞肉有冇雪藏味，食落好有鮮味真係好好食，絕對唔係一般連鎖式酒樓可以媲美。香芒奶黃卷，做到個外皮煙煙靭靭，芒果又鲜又甜唔係酸 ，奶黃做得又香又甜，真係好有高級甜品嘅水準，一啲都唔係亂嚟，味道真係好好。

一入黎都見到做遊客生意，侍應都係大陸人黎，同我地講普通話😂地方算企理，近地鐵站，坐都舒服既。點心選擇ok，無特別出色，咸水角翻炸到好乾，蒸飯好細兜，叉燒餐包ok。

呢間點心店以前我已經食開，漸漸地佢出咗名好多外國人走黎食，次次嚟到都冇晒位，不過有時都會叫下外賣，因為呢間野真係幾好食。佢自從出完米之蓮之後仲更加多人食。依家佢連舖都換埋，換咗間大舖，人流去得快啲就唔使等咁耐啦。睇一睇餐牌，雖然價錢比以前貴咗啲，但呢個價錢會平過茶樓，淨係茶錢都淨係收$6。我哋兩個人唔係好大食，叫三四個都好夠。次次嚟到都係叫北菇滑雞飯，佢個雞無骨好嫩口，個菇都好入味。蝦餃就唔使講啦，皮薄餡靚。呢個係牛肉球，加埋喼汁好好食。叉燒焗餐包都係佢嘅出名食品。埋單先百零蚊 滿足

超級中意食點心嘅我 次次經過太子都見到呢間點心專門店成日排晒長隊難得星期五路經太子 下午一點半左右 午飯時段竟然唔洗等位！一入場依然係十分旺場 揀咗個角落位二人枱開始揀點心 我地二人同行共點了5籠點心1. 香煎馬蹄糕好耐冇食過煎糕 點咗好耐冇食過久違了的馬蹄糕煎得好香口 唔會太燶又好有咬感 糕之餘仲有好多一粒粒嘅馬蹄粒 甜得嚟又夠熱氣 我中意2. 蒜香蝦春卷食點心必食嘅炸春卷 一上枱就熱辣辣 炸得脆卜卜 餡又夠多料 size又適中 好滿足3. 蟹皇蒸燒賣食點心必點其一 蝦雖然唔算大隻 但都叫適中因為比較中意食蒸籠點心 所以對佢是十分滿意4.薑蔥牛栢葉呢一款蒸點心唔係間間點心專賣店或茶樓會賣一見有蒸牛栢葉就諗都冇諗就點了牛栢葉一到就十分興奮了 因為薑蔥同牛栢葉是絕配好味到想整多幾籠5. 精製馬拉糕馬拉糕又是我至愛的點心之一夠鬆軟 好好咬呀~~

06:30pm前到達，不用排隊。餐廳裝修美觀，座位舒適，有梳化坐。上菜快。叉燒焗餐包21元，輕飃飃，皮薄餡靚，叉燒軟軟地。香茜牛肉腸23元，腸粉滑，牛肉彈牙。香芒奶黃券29元，芒果凍冰冰，外皮軟軟。薄皮鮮蝦餃30元，皮薄肉厚，蝦肉爽口彈牙。總結：好滿意的點心餐。

細舖搬大舖，生意keep住好👍🏽，味道依然好😋！朋友心急想食點心，揀嚟揀去🤔都係揀返食極都咁有水準嘅米芝連食肆🥢。當晚未夠🕖已經攞咗位坐底咗，真係早坐早享受✌🏽坐底即刻點嘢食，餐牌上食物嘅選擇都同之前一樣，不過地方就真係大咗幾倍，可以招待更加多食客，唔使等咁耐呀👏🏽！等陣幾分鐘，食物陸續送上，份量適中又熱辣辣兼脆卜卜，味道仍然不變，一様咁好味，再配上香濃熱茶，襯到絕！喺度食最緊要係CP值夠高☝🏽，4️⃣個人叫咗10幾様嘢食，連埋茶💰都唔使一舊水，你都咪話唔抵食囉🤣!📣不過提提大家，因為人流旺嘅關係，每枱食客預計品嚐1-1.5小時就要走下場，令更多自己人或者旅客可以嚟朝吓聖😊

成日搭車經過都見到呢間米芝蓮點心好多人等位，今日突然想飲茶，所以就去試下。大慨7點鐘去到，好多唔洗等好耐就有位。menu上既野唔算多，離不開點心，蒸飯，粥，同甜品。叫左燒賣，蝦餃，炸兩腸粉，菜苗餃，鮮蝦腐皮卷，牛柏葉同奶皇包。炸兩腸粉入面既炸兩明顯係新鮮炸起，入面仲十分脆卜卜，但係職員落既豉油太重手，食落得豉油味。鮮蝦腐皮卷都係脆卜卜，又唔會好油，食落乾身，好味。但係牛柏葉就有啲煙韌，不值得一試。最後叫左個香芒奶皇卷，芒果好甜，果然係最受歡迎既甜品。但呢個等左有啲耐，本來仲以為佢漏單添。呢間一點心真係好多外國人黎食，侍應都識小小英文，反而我地用廣東話，佢地又用返普通話答返我地。

第一次寫食評 因為真係太差忍唔到唔講出黎同朋友3個人黎 食左唔夠半個鐘已經不停問d野食到齊未 心諗我地已經食得好快 野食到齊姐我未食完呀嘛點心完全無特別 食唔出同普通酒樓有咩分別價錢比較貴 蝦餃都三十蚊一籠完全唔明點解會咁多人去食3個人比張二人檯我 坐都坐得唔舒服總之就係咁趕你走 態度超差 全部員工都當你乞衣咁應該無乜餐廳係你未食夠半個鐘就催你買單野食一般 咁既服務一定唔會再去劣評劣評劣評劣評劣評劣評劣評劣評劣評劣評