一點心 (通菜街)

营业中

休息中

擁有米芝蓮星🌟級的點心餐廳。慕名而來，滿足而歸。價錢非常平民化，座位可能因為新裝修的關係，非常寬敞舒適，有上酒樓的感覺。點心非常多元化。因為獨食的關係，可以試的款式不多，只能選擇比較大路的 蝦餃🦐 棉花雞🐔。真心非常好食。

原來呢間點心店有所謂加工費。本來對呢間點心店都幾好印象但因為胃口問題2人點了3籠點心，待付費陣時就要求俾返所謂嘅加工費。如果大家要去吃陣時就要先要唸清楚自己胃口同要點幾多籠點心先唔會出現所謂嘅加工費免得自己一肚氣。

好不幸要家居隔離, 唯有叫deliverxx一點心一向係質素保証, 不會失望,必叫叉燒焗餐飽, 好少地方有得食,蝦餃唔夠胆講全港第一, 但佢係做到咬落去有汁, 唔係咁多地方做到, 燒賣不是一舊死實實, 老派做法, 切肉燒賣今次要讚除了食物外, 係店員對顧客有“心”, 事源用外賣apps下單, 不小心揀了pick-up, 己即時發現, 打去外賣apps客服, 回覆是不能更改, 但隔離中不能出門去自取, 唯有再落張多張外送單, 細心的店員居然致電查詢是否下單出錯, 問我們是否食得哂, 建議我們double的那單, 他們會紀錄低, 下次再送, 不會浪費食物, 真係唔可以唔讚!

今個月愛上了點心就周圍去試，咁就嚟到"一點心", 水滾茶靚多款點心任意選擇， 以下點了:1) 咖哩土魚 $282) 薑蔥牛柏葉 $283) 鮮蝦腐皮卷 $284) 鳳爪排骨飯$305) 韭黃鮮蝦腸粉 $316) 北菇棉花雞 $327) 蟹粉蒸燒賣 $34這裡點心懷舊，味道適中， 虾夠鮮彈牙又大隻!點心有水準點心， 服務員有禮

中秋節同屋企人黎簡簡單單食下點心一點心好多年前已經有幫襯， 以前鋪既收銀阿叔都仲係度做， 以前間鋪好細， 細到得幾張枱， 出入都要非常禮讓， 而家鋪頭大左， 坐得舒服左， 枱同枱之間多左好多空間， 隔離幾枱都有d 遊客/外藉人士黎， 睇黎餐廳都受歡迎。 中午大約12點左右到， 假日等左陣就有位。坐低叫左蝦米腸， 牛柏葉， 粥， 糯米雞， 鮮竹卷， 焗餐包， 點心價錢實惠， 點心夠新鮮熱辣， 夾埋兩個人食左200多d , 而家食點心都好少去d 大型茶樓， 反而多左去呢d 點心鋪。

成日食點心都會不期然諗起一點心，長期排長龍嘅小店，好食之餘都算抵！最鍾意食嘅係佢嘅馬拉糕，大大舊又香！牛肉又大大粒，燒賣都好足料！新裝修嘅環境都唔斷錯，推介！！！

星期六晚上跟男朋友經過太子，因不太餓不想吃飯麵主食類 所以想吃點心。想起太子花街附近有這間一點心，我們叫了六樣食物。薄皮鮮蝦餃$36同蟹黃蒸燒賣$34雖然價錢偏貴 但係好好食 夠大粒👍🏻！章魚肉餅飯$30的肉餅都幾厚 加埋豉油有煲仔飯的味道 新鮮蒸出來熱辣辣 男朋友自己ko一整個了😂牛肉球$25有三粒 夠曬大粒 加埋喼汁好食👍🏻！魚湯鮮竹卷$23只有兩個 不太推薦 沒有魚湯的味道也不算大條 可以不吃👎🏻。酸甜炸雲吞$22有三個 凍咗都依然好脆 個蝦肉餡料唔會實 做得幾好 但略嫌晾油時間不夠 表面都幾油 要用紙巾再吸油。要注意星期六日堂食晚上九點前都要加一嫁 人均$100不算便宜 但質素不錯 可以試試。

First time to visit their new shop, just on the opposite of the old one. The new shop is bigger with more seats, brighter, but still can't say it's comfy. Prices have increased of course. But the dim sum quality has dropped a lot.Chicken feet and pork rib rice - chicken feet just like the frozen quality I could get from Kaibo. The chicken feet had a deep-fried skin, so dry that could not attach to the tendons, and tasted very light. The pork ribs were okay, tenderized enough. The rice, too much

個人喜歡粥底，雖然皮蛋粥和菜干粥賣晒，還是點了粟米粥。牛肉球是另外一個喜歡的食物。其他點心不過不失。老闆知道我是新客，特意找我嘗試芒果布甸，沒有失望。芒果🥭很甜不酸，布甸質感很好。聽説老闆晚上到果欄親自攞貨💪🏻💪🏻

午飯放lunch突登坐車落太子食點心😂好耐以前食過一點心，當年仲未大裝修，所以今日重遊舊地唔認得出佢個新look，哈哈！餐廳煥然一新，地方大左，光猛左。食飯時間人多，有堂食也有外賣，幸好一入去就有位坐。皮蛋瘦肉粥皮蛋有大有細粒，不規則切碎，皮蛋味唔夠濃。肉粒喺方粒形狀，唔會因為瘦而嚡熠熠。粥底夠黏身，唔會係粥水，夠飽肚！薄皮鮮蝦餃皮係真係薄既，而鮮蝦大大舊爽滑彈牙，幾好食！茶就唔知點解淡而無味，得個深色，完全無茶味，只係飲左半杯就唔想飲落去... 茶位6蚊一人...

如果我每次一個人到太子，都會入去幫襯佢，差唔多都係例牌，鳳爪排骨飯同牛肉球。但近來星期六星期日及公眾假期，都少去，因為要加壹。同埋有人多幫襯，要等位。呢次兩個人去，食多幾樣嘢。鳳爪排骨飯，鮮竹牛肉球，炸春卷，糯米雞，叉燒餐包，同埋香芒奶皇卷。樣樣都好食，送到餐枱上，樣樣都熱辣辣。脆卜卜。除咗糯米雞同埋盅頭飯外，相信其他三樣都係即做。奶皇卷，凍甜品， 10分美味。茶錢，盛惠每位$6。至於價錢，最近呢幾個月來加咗好多價。其實呢間點心店，由開張直至現在，我都係佢嘅常客，水準還可以保持。

茶，真係好一般，冇茶味。不過好有點心舖嘅氣氛，枱枱凳凳、裝修都有種香港味道，價錢實惠，但你問我係唔係香港必食點心/餐廳之一，絕對唔係🙈*🥟叉燒焗餐包 (3件) $23 🌕🌑🌑🌑🌑嗚，失望。明明係招牌點心，但餐包凍冰冰，叉燒餡又少，咬開基本上係半空心。🥟家鄉咸水角 (3件) $21 🌕🌕🌕🌕🌑熱辣辣，脆卜卜。外皮煙韌香脆，內餡豐富，值得一食。🥟香煎蘿蔔糕 (3件) $22 🌕🌕🌗🌑🌑普普通通，粉多蘿蔔少，可以一食，但不會回頭。🥟潮州蒸粉果 (3件) $19 🌕🌕🌕🌗🌑粉果偏小，內餡豐富但其實係花生量多，沙葛少豬肉少。🥟蜜汁叉燒腸 $28 🌕🌕🌕🌕🌑腸粉皮滑，叉燒完全唔嚡，而且份量合理。🥟鳳爪排骨飯 $30 🌕🌕🌕🌑🌑排骨用左鬆肉粉，肉質腍啤啤0肉味，勝在白飯份量多，撈豉油一流。🥟豐料糯米飯 $32 🌕🌕🌕🌕🌗好耐冇食糯米雞(?)啦，大片荷葉包住糯米飯，入面有一塊肉+半邊鹹蛋黃，料足又香，一啲都唔覺得油膩，不過食完一個一定飽到上心口。

近幾年大家都幫襯多左呢啲點心專門店因為其實佢都方便。今日路經過太子，可能因為太早嘅關係，所以未有人龍，所以就過咗嚟一盅兩件呢度嘅裝修有啲特別，牆上面嘅畫喺7/80年代街景。點心款都算多蒜香蝦春卷 $24新鮮炸出嚟嘅春卷，卜卜脆，入邊嘅蝦肉爽口彈牙蟹黃蒸燒賣 $33一籠入邊有四粒，燒賣嘅肉質偏硬身，中規中矩，如果有兩粒嘅選擇就更加好四寶滑雞札 $34腐皮包住雞件冬菇火腿魚肚，份量都算大，但係味道唔算好突出

又嚟到我最喜愛嘅點心環節🤣點心真係太好食，而且係食極唔厭嘅😋今次好多人一齊Share所以叫嘅款式都可以多好多😍鮮竹牛肉球 -24夠晒大粒熱辣辣入面啲馬蹄好爽口-薑蔥牛栢葉 -28爽口嘅牛栢葉整得都幾入味-豉椒蒸鳳爪 -23唔知大家會唔會好怕食鳳爪呢😳我自己就好鍾意食啦😋呢個鳳爪都幾入味但又唔會話好淋唔會一夾就甩開-四寶滑雞紮 -34好鍾意食佢塊腐皮🤣芋頭都幾粉同幾香-鮮蝦菜苗餃 -26成粒餃漲卜卜🥟入面充滿住咁多菜感覺好似健康啲😜餃皮雖然通透，但都有少少厚😅-北菇滑雞飯 -30有啖飯落肚好似係必須的🤣滑雞份量一啲都唔少幾個人Share又食吓點心都幾夠而且滑雞幾滑蒸飯滲透住啲雞油特別好食😍薄皮鮮蝦餃 -36鮮蝦大大粒不過唔知係咪運送過程中已經焗咗一陣食嘅時候有幾粒蝦餃皮爛咗但佢嘅皮係真係薄嘅👍🏼-叉燒焗餐包 -23誤會咗係雪山叉燒包🤣不過餐包仔都幾好食甜甜哋咁焗翻熱個皮脆脆哋重好食😋咖哩土魷 -28因為個人口味唔太鍾意食所以俾得低分咗啲😳土魷有啲硬-蟹皇蒸燒賣 -33呢個又係食點心必叫之選燒賣大大粒咬落都好厚實-北菇棉花雞 -32好滑好淋😋-黑椒牛肚 -34幾有咬口但又不會太韌整得幾入味

味道其實係可以 但疫情期間要加收10%服務費 感覺好似比人昆左一樣 收銀個表情仲要好似老馮一樣 出左名就唔怕冇生意 .....下次唔去了 ..............................