一點心 (通菜街)

营业中

休息中

剩係得一間位於九龍旺角通菜街，每日都新鮮製造保證點心質量，太子中心點，距離地鐵站5分鐘步程。店舖門面都算幾大，位置都算寬敞，但晏晝過嚟記得要預早派隊，因為而家熱滿咗都幾多人嚟食。主要有好多傳統嘅點心，蝦餃燒賣蘿蔔糕叉燒焗餐包都有，仲會有埋一啲特色嘅，好似古法炸蛋散，芒果布甸、香芒奶黃卷，呢啲都係就快失傳嘅傳統點心。今日我就點咗叉燒焗餐包、香華奶黃包、香芒奶皇卷、香煎蘿蔔糕、蟹皇蒸燒賣、薄皮鮮蝦餃、北菇棉花雞。蘿蔔糕唔算多料，不過勝在蘿蔔味夠清甜，煎得亦唔會太焦。蝦餃皮薄蝦肉適中，大細偏小。燒賣都幾大粒，肉咬落唔會太肥。棉花雞好足料，棉花夠多！🤭香滑柔軟，雞都好滑。叉燒焗餐包有三個，唔算大個，餡料唔算多。香芒奶黃卷真係必點，芒果咬落好冰涼鮮甜🥰

As a local resident who lives nearby, I recently had the pleasure of dining at this restaurant with a friend on a weekday evening. Although we only had to wait for about 10 minutes, it's worth noting that there can be long queues during weekend mornings, so be sure to plan accordingly if you're considering a visit.This Michelin-starred restaurant offers an impressive selection of delicious dishes at very reasonable prices. Despite not being particularly hungry, my friend and I ordered five dishe

晚市想食點心，去開旺角太子首選一定係一點心，貪佢點心夠熱夠新鮮☺️宜家暫時未算多遊客，都係容易入座之選。我同男朋友多數都一次過落單，但如果坐細檯可以考慮分開🤣事源你落單後，點心會一次過蒸起上檯，如果你唔介意逼少少，其實咁樣視覺已經好滿足😍熱辣辣每樣都好新鮮，而且每次食都會有唔同是日精選燉湯，值得一試👍🏼最出色都可以話係蝦米腸，又滑又食到蝦米香，但又唔會蓋過米漿味，如果你好似我咁嗌一檯點心，想試腸粉又覺得撞佐餡料，可以齋齋地試蝦米腸，會有驚喜😍2個人連湯8樣，星期六日、假日會加一服務，都係$240，抵過去酒樓😉不過服務態度一般，得老闆比較話頭醒尾😂如果介意收服務費，建議平日黎食😌

今日參加咗水晶巴士綠色生活本地遊，價錢199，佢哋cross over 埋一點心有個水晶巴士餐。唔單止有得玩，仲可以喺巴士邊欣賞美景，邊享用點心。水晶巴士喺經過改裝嘅雙層巴士，上車位置正正就係一點心隔離。坐位設置於窗口旁邊，一邊係兩坐位，一邊係四坐位，大部份嘅坐位都集中於上層，而下層尾部更有一套卡拉OK俾你唱歌。講返個巴士套餐，佢哋精心設計咗個水晶巴士餐盒，實當精美。打開餐盒，原來入面內藏7款點心，呢個餐盒比起想像中豐富。燒賣大大粒，蝦餃皮薄爽口，蘿蔔糕正常。春卷大條之餘，個皮都爽脆，大滿足。叉燒餐包軟身，叉燒略甜。呢個應該係脆皮雲吞，一口大小，爽脆乾身。芒果奶皇卷，成個餐盒最期待嘅一個菜式，一如所料卷心充滿咗芒果，外皮煙韌，值得一試最後，喺另外一盒上多隻糯米雞，好大份直頭食唔晒，內用就都係有啲肉咁，正常啦

今次是一週內第二次光顧，第一次是晚飯時間，人客多但不用等位，坐得舒服，招呼不錯，食物質素有驚喜，故今天週六中午再幫襯多次，發現門口已有人龍，多人坐在門外等候，感恩我地兩位不用等太久，入坐後即有人招呼，點心即叫即整，新鮮熱辣，味道一流，唯炸兩稍嫌不夠脆，其餘都給我吃清光了。希望下次再吃不同花款。讚。

喺太子夜晚黑想食點心，通常都會去一點心，而家冇晒遊客，所以比以前容易有位今日兩個人叫左五樣野菜乾豬骨粥一上枱侍應會問你要唔要落胡椒粉？但話口未完已經倒咗落去如果係都要落嘅就唔好問山竹牛肉食到有馬蹄粒同芫荽香味蝦餃個皮厚薄適中，但蒸得過咗火，個皮蒸到有啲霉潮州粉果餡料十足，食到沙葛好爽甜、韭菜同花生，個皮好薄適中，好有咬口，另外要讚嘅係佢個辣椒油又香又辣，個人認為潮州粉果，一定要配辣椒油字好味白灼菜心$22得幾條其實算貴，只係慣咗每一餐都要食菜，所以至叫呢度啲侍應姐姐全部服務好一致，會經常喺你附近監視住你食晒啲嘢未？每籠點心一夾起就會收走，真係好想問佢係咪廚房唔夠籠用定係擔心會俾人偷走？到收走晒你啲籠就會問你要唔要加甜品？你話唔要就連碗筷都收起，原來係要趕你走，我個座位係望到門口嘅，平時去任何地方食嘢，如果見到門口好多人排隊自己都會自覺快啲食完讓返個位俾人，等餐廳做多啲生意，但係門口都冇客等，而且大把吉枱都重要咁樣就有啲過分，我哋唔係坐左好耐，7:24分落單，7:50分就趕人走，真係祝佢好生意呀

朋友知你嚟太子買嘢，推介我嚟食呢間點心，話大件夾抵食😎 茶位位位$6，叫咗8款食物，先要讚嘅係份量真係好足，味道就正正常常，又無特别覺得好好食，不過呢度仲好多外國人，唔知邊本旅遊書/網站有介紹過呢🤔 叉燒焗餐包 $23、酸甜炸雲吞 $22、懷舊雞包 $21、皮蛋瘦肉肉粥 $24、豉椒蒸鳳爪 $23、北菇棉花雞 $32、香煎蘿蔔糕 $22仲有香芒奶皇卷 $31 - 但奶皇卷就真係唔太推介了🫣 真係好麻麻整體來講，性價比高，$238/3個人，人均$80，食到上面嘅嘢，過開嚟太子都值得一試🫶🏻

星期日二人飲茶，點了蝦腸，蝦餃，咸水角，叉燒餐包，糯米雞。食完飽到一個點！蝦餃做得不錯，質比一般中高檔次酒樓質素但價格相宜多了。叉燒餐包已很久沒在一般酒樓見到，此乃兒時至愛，當然要一點來回味一番😋包點送上時溫溫熱熱，面包鬆軟，餡量適中，咸甜有致，下次再來一定返點。咸水角又是另一美味，外脆內Q,餡料美味，熱辣辣的！韮黃蝦腸不過不失，略嫌粉皮欠缺一點米香可能澄面較多，少了一點軟濡，但還算是比合格高一點點的…糯米雞 有少許飯粒過濕，但餡料不會過多芡汁，冬菇香味濃郁，用料不錯，但吃過後真的再吃不下甜點了！但可惜食完口渴不已….估計是味精都下得不少。如店方能輕手一點,相信能更上一層樓。最後，想讚賞伙記十分細心，主動加手及跟進加單上菜情況，以速食點心來說，感覺十分良好！

One Dim Sum has been in the location for many years and received an awful lot of favourable comments. From a recent visit, their food quality has been obviously declined. 🏔Price Despite prices unchanged, a 10% service charge was imposed. Overall, quite pricy. Don't understand why they have the right to round up cents to a dollar with no prior notice.🏔Tea quality You only have the choice of Pu' er 普洱 and Iron Tiguanyin 鉄觀音. Both Chinese tea were of no tea fragrance and not hot, like drinking tap

幫襯呢間點心店好多年，咁多年都仲keep 到水準燒賣、雞扎同鳳爪係我地必食點心。燒賣大大粒又夠juicy，雞扎真材實料，裡面舊魚雞好香滑，鳳爪唔會太瘦調味岩岩好。另外第一次叫既叉燒包亦出乎意料好味，個包好鬆軟不過呢間舖只收現金，大家去食記得要帶定現金

擁有米芝蓮星🌟級的點心餐廳。慕名而來，滿足而歸。價錢非常平民化，座位可能因為新裝修的關係，非常寬敞舒適，有上酒樓的感覺。點心非常多元化。因為獨食的關係，可以試的款式不多，只能選擇比較大路的 蝦餃🦐 棉花雞🐔。真心非常好食。

原來呢間點心店有所謂加工費。本來對呢間點心店都幾好印象但因為胃口問題2人點了3籠點心，待付費陣時就要求俾返所謂嘅加工費。如果大家要去吃陣時就要先要唸清楚自己胃口同要點幾多籠點心先唔會出現所謂嘅加工費免得自己一肚氣。

好不幸要家居隔離, 唯有叫deliverxx一點心一向係質素保証, 不會失望,必叫叉燒焗餐飽, 好少地方有得食,蝦餃唔夠胆講全港第一, 但佢係做到咬落去有汁, 唔係咁多地方做到, 燒賣不是一舊死實實, 老派做法, 切肉燒賣今次要讚除了食物外, 係店員對顧客有“心”, 事源用外賣apps下單, 不小心揀了pick-up, 己即時發現, 打去外賣apps客服, 回覆是不能更改, 但隔離中不能出門去自取, 唯有再落張多張外送單, 細心的店員居然致電查詢是否下單出錯, 問我們是否食得哂, 建議我們double的那單, 他們會紀錄低, 下次再送, 不會浪費食物, 真係唔可以唔讚!

今個月愛上了點心就周圍去試，咁就嚟到"一點心", 水滾茶靚多款點心任意選擇， 以下點了:1) 咖哩土魚 $282) 薑蔥牛柏葉 $283) 鮮蝦腐皮卷 $284) 鳳爪排骨飯$305) 韭黃鮮蝦腸粉 $316) 北菇棉花雞 $327) 蟹粉蒸燒賣 $34這裡點心懷舊，味道適中， 虾夠鮮彈牙又大隻!點心有水準點心， 服務員有禮

中秋節同屋企人黎簡簡單單食下點心一點心好多年前已經有幫襯， 以前鋪既收銀阿叔都仲係度做， 以前間鋪好細， 細到得幾張枱， 出入都要非常禮讓， 而家鋪頭大左， 坐得舒服左， 枱同枱之間多左好多空間， 隔離幾枱都有d 遊客/外藉人士黎， 睇黎餐廳都受歡迎。 中午大約12點左右到， 假日等左陣就有位。坐低叫左蝦米腸， 牛柏葉， 粥， 糯米雞， 鮮竹卷， 焗餐包， 點心價錢實惠， 點心夠新鮮熱辣， 夾埋兩個人食左200多d , 而家食點心都好少去d 大型茶樓， 反而多左去呢d 點心鋪。