一鳴拉麵

营业中

休息中

好少去大埔咁遠一去就要好認真仔細揀食咩餐廳見呢間居酒屋幾靚 價錢唔算貴 評價不錯驚多人 一到晚市就走去食 唔駛等🤓門口大大個招牌同裝修都好有日本feel一開門入到去更加唔駛講木枱櫈 吧枱嘅紅色布 牆上貼滿大大少少日本海報 仲有播住日文歌 好有feel🥰同日本好多居酒屋一樣 座位比較少亦可以選擇坐吧枱望住店員整嘢食嘢飲兩個人食咗一個拉麵 幾個小食 好飽好滿足！拉麵可以自己配搭食材份量同軟硬就基本啦不過呢到唔一定係配叉燒 可以揀豬軟骨幾特別一於試吓豬軟骨好淋 醬汁好入味 如果食飯撈埋啲汁仲正🤤湯底好濃黑蒜油味 唔錯！溏心蛋做得幾出色🥰玉子燒大大份好抵食入面夾住拉絲芝士 出面吱上明太子醬慢慢食放耐咗切開仲係熱辣辣一啖食到滿口玉子芝士同明太子好滿足好邪惡😈炸雞炸得幾香脆 唔會太厚粉太油膩吱啲檸檬汁感覺清爽少少重點係想試個醬！少少wasabi味但唔會好攻鼻好味🥳雞軟骨比較少見用嚟做餃子餡多數居酒屋都係串燒雞軟骨又幾有驚喜 餃子皮厚薄幾啱 雞軟骨爽口 感覺好似平時餃子加馬蹄咁食落唔會肉餡咁一pat淋嘅 有咬口啲🤓推薦！呢款燒係底部係菜加麵糊 中間夾住豬肉片 表面再有蛋同醬汁同日本其他大阪燒 廣島燒

Small but good ramen shop to recommend - their pork bone soup was rich but wasn’t too heavy. However, their BBQ pork was thinner and a bit lack of texture than it used to be. You could have your own choice of noodles, noodles texture, amount of spring onions and spicy level. If you fancy a more flavourful and spicy ramen, suggest you to add chilli sauce on top of Tonkotsu Ramen (一鳴) instead because the Akakara Tonkotsu Ramen (焰。鳴) was way too hot that it overshadowed the pork bone soup a bit. If

大埔宵夜首選兩個人叫咗兩個小食加2個拉麵，分別係炸雞，雞軟骨，原味拉麵辣嘅拉麵,兩個拉麵湯底好濃郁好大碗一個人會食唔晒，另外肉質叉燒好林好好食好入味另外炸雞唔咸唔油，好啱唔鍾意咁重口味嘅人

放假與朋友特意到了這間拉麵店，點了一個黑蒜油拉麵及一客芝士明太子醬玉子燒。黑蒜油拉麵味道有點過咸，叉燒味道一般。芝士明太子醬玉子燒相對之下較為美味，能中和一下拉麵咸味。

今天放工見肚餓就諗住食拉麵, 餐廳環境唔錯, 坐得幾舒服. 呢度嘅款式算係簡單，但係基本野都有齊👍🏼先叫左黑蒜拉麵，有豬軟骨， +1隻糖心蛋😋😋😋👍🏻 味道好濃郁！之後叫左碟幾有特色嘅小食, 有炸雞，肉質好腍 ，外表脆，而且價錢亦都好合理！再叫左碟煎餃子，叫咗ramen之後可以加錢配搭，🤤十分滿足而飲品就有唔同口味嘅梳打，你一款係乳酪，唔會太甜，配起食物非常好 🤤甜得嚟唔會太膩！大家不妨試下呀！

這間店在大埔已經開了一段日子，很久之前也來過光顧，主要是來吃拉麵的。裏面的裝修非常特別，當你進入後，像身處於日本的居酒屋一樣。廚房是開放式的，上面掛住紅色的布，寫着店舖的名字。牆上面掛住大大的拉麵圖案，令人在肚餓是時看着也很想吃😋餐桌主要是木枱木凳與整間店舖的裝修相符，配合得很好。拉麵有五種味道可以選擇。除此之外也可以選擇麵條的款式，麵的軟硬度，有沒有蔥，配料要叉燒定豬軟骨以及新辣度也可以選擇！驚喜地發現除了拉麵外，他們也加了很多小食，有玉子燒，鐵板燒，也有飯類以及炸物👍👍叫了一個醬油豬軟骨飯，飯的份量非常之多😮😮好適合男仔食😂剛巧我朋友吃飯的份量非常之多正好配合他了！豬軟骨味道非常濃，醬汁已經完全浸入肉類，再配上兩隻溏心蛋。如果豬肉可以再淋就點會更好。拉麵方面選擇了黑蒜拉麵湯底配上叉燒非常好味🤗額外加了一個明太子章魚燒，價錢很便宜，只是$34。熱辣辣的章魚燒配上明太子醬在上面，非常非常好味😍章魚燒裏面非常多蔥，如果不喜歡的朋友可能要問一下可否走蔥了。

今日放工之後想搵一間好食嘅餐廳，之前都已經有聽過一鳴拉麵唔錯，諗住今日黎試吓，地點方面佢都幾方便，我哋都唔駛等好耐就有得入去，環境都唔錯，唔算太嘈，都幾適合一班朋友嚟聚會。嘢食方面，選擇都算多，我哋首先叫咗黑蒜拉麵味道十分唔錯另外朋友都想試吓好出名嘅炸餃子，同樣地冇令我失望仲可以自己加糖心蛋嘢飲方面我哋就叫咗Soda，唔算太甜都幾好總括來講，今餐嘅體驗都相當好，推介果然冇錯，如果有機會都會再嚟試吓其他嘅食物！

環境：牆上面貼滿日式復舊海報同貼紙，店內播著輕快嘅日文歌，有去到日本居酒屋嘅感覺，非常適當遲收工嘅人去食宵夜放鬆。服務：一坐低就有員工拎筆、餐牌同兩杯水俾我哋，亦有指示我哋可以將袋放喺一張櫈上面，都算貼心。其間我問起一個女職員有冇手工啤酒介紹，佢就推介Beniaka 7% (Aamber Ale)同Tokyo IPA 6% (Belgium IPA)，佢指前者有甜番薯味，後者係花酒，帶有花香味，都適合女士口味。食物：黑蒜鳴：豬骨濃湯配以自家製黑蒜油，跟叉燒及太麵 ($78)豬骨湯底濃郁，黑蒜的味道反而冇咁特出，但叉燒算大塊，總共有兩片。一碗麵的份量應該夠女士食，但對男士可能略嫌偏少。COEDO Beniaka 7% (Aamber Ale) (48)手工啤酒由甜番薯同大麥釀製，入口順滑，絲毫沒有苦澀味。女士應該會很喜歡，值得一試。

當日亦有唔少顧客九點或九點半先到，可見餐廳都頗受附近居民歡迎。但係枱就偏小，啱啱好放到兩碗拉麵同啤酒。限定鳴：磯燒鮑魚豬骨湯，跟叉燒同太麵 ($108)每碗麵有一個溏心蛋附送，唔送追加。拉麵口感正常，湯底清香而不油膩，略帶些許鮮味，鮑魚約一隻蛋大小，有咬嚼口感。叉燒也不俗，肥瘦相隔。山葵忌廉醬伴炸香雞 ($46)總共有五塊炸雞，半張八達通的大小。炸得算是香炸，呈金黃色。最欣賞是山葵醬，味道似他他醬，但較香同埋冇酸黃瓜碎，同炸雞一齊食味道非常特別，配上些少檸檬汁更是一流，性價比算中等。Overall環境舒適輕鬆，很有日式酒屋味道。員工服務態度好，願意介紹菜式同埋不時收走枱面碗碟。食物味道不俗，拉麵正常，兩碗湯底都很濃郁同香，炸雞同手工啤酒都值得一試。略嫌空間有點小，性價比算中等，會考慮再次光顧。

以前喺附近讀書一直想食拉麵都冇試過睇食評寫得咁好特登山長水遠來試下點知太disappointed啦勁難食lor連豚王一半都比唔上唔好講ichiran早知去隔離陳清記食煲仔飯點咗個黑蒜油豬豚骨濃湯底拉麵淡到死兩格辣都唔辣蛋太熟連舊叉燒都冇味麵要軟但係都仲係硬玉子燒芝士章魚丸仲衰唔夠脆皮之餘入邊仲一pat pat又冇味冇D口感講句難聽D似嘔吐物lor服務態度仲巴閉到五毫子都唔收反正唔會再有下次bye-bye

本身想食附近嘅煲仔飯但係見到條長龍排到下年所以周圍行下睇下有咩野好食跟住嚟到呢個巷仔 男友諗起有荃灣嘅朋友講過話會特登入嚟大埔食呢間既拉麵我同男朋友見唔使等位就入去試吓當日都全店滿座 只能夠講我哋好好彩唔使等我哋叫咗兩個拉麵同埋兩個小食拉麵有直面同曲面 我見OpenRice多人揀曲面我哋兩個都揀咗曲面個拉麵黎先 簡直令人失望個豬骨湯底味道好普通 我個人覺得唔夠熱叉燒同豬軟骨都好硬好難食 麵都無乜特別 明明碗面勁細碗我都食唔晒不過！粒溏心蛋好好食！之後到海鮮大阪燒 我覺得呢個係全場最好食大阪燒質地好軟熟 剛剛好海鮮都OK 蝦是彈牙的大阪燒汁和沙律醬份量恰到好處加上木魚 好好食 清晒最後到個玉子燒 等左45分鐘 (佢有預先同我地講)夠熱 蛋味不夠香 芝士有拉絲食落正常ok 但係冇驚喜

黎緊一月會去日本，但已經未出發先興奮，見屋企附近有間日式小店，就嘗試一下。店內有很多懷舊海報，整間店都是深色木，播着一系列動漫的快歌。黑蒜。鳴：是以豬骨濃湯配以自家製黑蒜油，齋聽個名都覺得霸氣～湯底我覺得頗為適合我嘅口味，不太濃，可以邊喝湯邊吃麵。細蔥都很香！而豬軟骨也是很出色，中間的軟骨很入味。炸蒜和芝麻是自助焰。鳴：是秘製地獄湯豬骨湯底，湯底入面嘅蝦味都相當出眾！除咗拉麵這間店還有很多選擇，例如串燒、玉子燒、章魚燒。我們今次點了本格章魚燒，裡面既章魚大大粒，好彈牙，好想再encore但兩個人吃六粒章魚燒也是挺飽的。九點後入座全單八五折

好耐無食過一鳴拉麵，再次去都是很回味，雖然係小店裝潢設計都很有身在日本🇯🇵的感覺呢🌟9:30入座有全單85折😊我地睇餐牌，有4款拉麵，1款係期間限定，仲有好多小食Tim👍🏻我們就選了一鳴和限定·鳴 拉麵🍜拉麵有兩款俾大家選擇有直麵和太麵（曲麵）；直麵是平時食開拉麵的，而太麵就比較粗身。一鳴在冬天食碗麵很暖暖的感覺，一鳴是豬骨濃湯拉麵🍜十分濃郁的豬骨湯底又夠熱，我們都選了太麵，麵的質感適中很有口感👍🏻限定·鳴這款是跟一鳴的湯底一樣，同樣都是選了曲麵，是多了磯煮鮑魚，鮑魚整很好林又入味😋十分美滿的拉麵🍜

因為經常係大埔出沒，自然就會黎到一鳴拉麵喇！今日係星期四，所以人流唔多。好快就有得入座喇！係門口望望餐牌，已經見到人手繪畫既圖，好吸引！而一坐低，就發覺點餐紙超靚，圖文並茂咁，真係好靚好想拎張返屋企！好少會影餐牌既封面，但真係太靚了！連小食都一個個畫出黎呢。好唔括得咁畫花左張點餐紙。好快就上小食喇，係芝士玉子章魚燒，係章魚燒上面鋪上大大片既玉子燒，其實即係一次過食兩款小食呢！而玉子上既芝士好飽滿，可以做到拉絲既效果。章魚燒就偏淋身，不過勝在入面既章魚夠大粒！之後就係我既一鳴拉麵，係一個比較傳統正式既拉麵，有紫菜、曲麵、溏心蛋同埋叉燒、最有印象既係溏心蛋同埋紫菜，呢隻紫菜要講一講，因為好多拉麵店既紫菜都無咩味道，而呢個係唔同的，係好香。而溏心蛋既生熟程度非常適中，真係做到溏心既效果。之後就到友人既焰鳴，一睇就知道焰既意思係辣，所以的確呢個係辣好多，辣度可以簡，而友人係簡左兩條辣椒既程度。至於上面既芝士，係另外加上去既，估唔到會燒一燒，令到「焰鳴」呢個名更貼切更有感覺。加芝士既好處係，可以中和一部份既辣度，所以非常建議大家加呢！總結黎講，係一次食得好開心既晚餐！

大埔依條街好多野食，今次揀食拉麵。入到去先知原來有好多食物種類揀，唔係得拉麵！同朋友叫左兩碗麵，再試下佢既玉子燒😋店內環境都舒服似日本拉麵店，可惜冇勾掛袋，有啲狼狽😂一鳴拉麵湯底正常，配料算幾多，又可以選擇太麵~而個麵呢亦都夠咬口，煮得啱啱好，掛住d湯襯熱食，可能太肚餓，完全係一啖接一啖食，結果係15分鐘入面清晒成碗麵。可惜叉燒比較普通，大致上冇乜特色。隻蛋冇乜甜味，比較一般下次再試佢其他湯底！地獄湯拉麵呢碗拉麵一上枱嘅時候已經聞到好香嘅辣味同埋蝦味，即時流晒口水。食麵之前試左一啖湯，辣得嚟又有蝦嘅鮮甜，越飲越想飲！只於d叉燒呢就好似出面食到果d咁，不過食落肉味更濃，就算浸左係湯入面好耐，佢嘅肉味仲係好突出，無可能俾其他嘢遮到。但係隻蛋就有少少失望，雖然生熟程度啱啱好，但係蛋黃嘅鮮甜就有少少俾湯底蓋過咁。建議食左隻蛋先食碗麵或者試個湯底，如果唔係就有可能好似我咁miss左隻蛋嘅美味🙈蟹肉玉子燒賣相好吸引，蛋甜甜地，幾香口，難得真係用蟹肉而唔係蟹柳，加分！芝士可以再多啲，口感會更好🤗整體係幾唔錯的，而且有好多選擇，唔會只係得拉麵，可以滿足好多要求！