一鳴拉麵

营业中

休息中

呢間拉麵店已經食咗好多年，一直都幫襯開。拉麵湯底夠濃味，第一次食已經好impress到我，平時鐘意食拉麵嘅可以試下呢間特色小店，唔洗次次都幫襯大集團/連鎖式拉麵店。以前係大學站溫完書8-9點肚餓都會搭落嚟大埔搵野食，夜咗呢間拉麵店都唔少人，證明佢係有返咁上下水準。鐘意食辣嘅我好多時都會叫辛辣湯底拉麵，好夠味、完全滿足到我辣欲！個麵完全唔hea，有紫菜、高質流心蛋同大量櫻花蝦。平時呢d拉麵配料要每樣加錢加配，但呢度一次過唔洗加就可以試晒！除咗拉麵之外，我都會叫返d日式小食過下口癮。今日嚟到發現以前好鐘意食嘅巨大章魚燒已經無再賣，好傷心💔。希望遲d可以試返！ 睇睇menu，仲有好多炸物都好吸引。 我今次叫咗個日式炸雞，味道唔錯，脆卜卜嘅炸雞配上lemon juice，又香口又fresh。

有時專登入嚟大埔係專登走去食一鳴拉麵超級重口味之選，就係「香菜鳴拉麵」，每次嚟到都係必點之選! 不過冇諗過食食下原來Openrice大埔區嘅頭三位，一鳴竟然入選， 即係夠哂實力之餘亦都好受歡迎啦。 我其實都試過曬佢嘅四種口味拉麵，如果無食得咁重口味可以試下佢黑蒜鳴湯底，味道都幾濃味，黑蒜味亦都比較突出，而拉麵係軟硬度適中。 講返主角香菜鳴拉麵，其實以前係特別限定時間先有得食，而家就變咗主力拉麵其中一種，可能都賣得啦。第一次見到佢其實就好奇怪，因為佢成碗拉麵都係綠色，亦都好重香菜既味道，唔受得既人會好厭惡，但係受得嘅人係會覺得佢係非常之香。出面坊間亦都唔容易搵到主打香菜味拉麵嘅拉麵。 拉麵都可以揀辣或者唔辣，分三個辣度，亦都可以揀豬軟骨或者叉燒。 坦白說，每次嚟食一鳴拉麵其實最吸引到我嘅就係佢嘅湯底。●綜合評分: 1. 湯底: ★★★★★ 2.食材: ★★★★☆ 3. 環境: ★★★★☆ 4. 價錢: ★★★★☆

又拉麵 ?! 不過，自從轉了新工之後，我真係好耐冇食拉麵啦。而這一次來到大埔墟，買好東西後同太太相議好各自各食之後，我便周圍看看大埔墟有什麼新既飲食地方我係未接觸過既。在大明四里內沒什麼心水，就行過去近山邊的一段似是大明里 extension 的巷仔，找來一間門面有日式風格的拉麵店一試。該店名叫《一鳴》。入來前，我並不知道這間拉麵好不好食，有沒有水準。而吸引我入來的因素，就是此店有很濃厚的日本風。坐在麵包檯，欣賞著麵師傅煮麵，是食拉麵的一個小樂趣。因為來時仍未食早餐，我的肚子絕對是十分餓。所以，吃拉麵的同時，我又叫份餃子令自己開心多一下。日式餃子，向來都是皮薄，豬肉餡夠鮮味是會令食用者開心的，而皮脆也是一個令我食得很開心的其中一個指數。今餐的主角是拉麵，我回了他們的黑蒜鳴。明顯地，就是黑蒜酒豚骨湯底拉麵。黑蒜油，直接令到宧湯十分之香，豚骨的湯或濃郁得黎易入口，叉燒香口肥美，荀亦嫩而香甜，而蛋也是味道美妙，單是流心蛋黃已經是香口至極。是全蛋麵麵條，入口煙韌，慢慢地咀嚼時，掛著湯汁，加上自身有麵條香同蛋香，幾樣味道混在一起吃入口，味蕾感受到豐富，我亦得到了滿足。麵同配菜都令我感滿足既全要原

一早聽講大埔有間好出名既拉麵店，仲聽講廚師係日本人，今次可能星期六所以大概等咗四張臺，都要差唔多二十分鐘，入去冇卡位，只好坐連住的單人座位。第一碗係香菜鳴拉麵，第一次食綠色湯底的拉麵，十分特別，感覺上都比較健康，唐辛醬的辣度可以選擇，我選咗2個辣椒，唔太辣，下次可以試下三個辣椒，配料選咗豬軟骨，唔太滿意係豬軟骨啲肉好乾好難咬，但成個湯底既味道都好唔錯。第二碗係焰鳴拉麵，同樣係豬軟骨湯底，辣度都唔係好辣，不過可能係因為我呢碗冇揀到辛辣醬，都唔錯。

今晚突然想食拉麵🍜, 所以同男朋友去左食一鳴, 去到7點幾已經坐滿左人, 出面亦有幾個人等緊。店出面有凍嘅茶可以倒嚟飲, 超夠凍可以係等候其間解暑🥵 等左一陣就有得入去,日式居酒屋嘅佈置,柔和嘅燈光,加埋播住日文歌,就好似置身係日本嘅橫街小店咁☺️兩個人叫左一個黑蒜豬骨湯拉麵 一個芫荽豬骨湯拉麵 一個黑醋南瓜秋葵沙律🥗 一份燒雞皮 一串燒日本紫薯仔🍠同一杯荔枝熱情果特飲🍹 黑蒜豬骨湯拉麵🍜 黑蒜味道夠唔會太濃, 成個湯都唔太油👍🏻芫荽豬骨湯拉麵🍜食到芫荽嘅味, 同時都食到豬骨湯嘅味, 但芫荽味無搶到豬骨湯嘅味, 唔會妹仔大過主人婆😋, 湯底杰身夠濃, 麵質揀左正常硬度岩岩好, 豬軟骨味道夠, 溏心蛋亦好味😋😋☺️☺️ 黑醋南瓜秋葵沙律🥗黑醋味還好但洋蔥味有點多, 秋葵同南瓜都係適當硬度, 有口感唔會太過軟~燒雞皮同紫薯仔🍠燒雞皮外脆內軟, 油分岩岩好, 好香口, 非常好食, 必點之選👍🏻👍🏻👍🏻紫薯仔外面有一層蜜糖去燒, 更香甜可口, 兩樣都係即燒, 熱辣辣好好味😋😋荔枝熱情果飲品🍹

琴晚突然好想食拉麵，咁岩又響大埔，就諗起之前食過間好好味引抵食既拉麵店。無錯，就係一鳴喇今日去食果陣已經超肚餓，本身已經打算要叫多ｄ野食。所以今次叫左一個拉麵加一個炸物小食。一直以黎都係辣野既愛好者，所以就算係食唔同地方唔同鋪頭既拉麵，都一定係叫辣味拉麵。入黎坐低即刻有人招呼我，比左一大樽檸檬水同埋餐牌我。入面拉麵可以有好多不同配搭，唔同硬度配料。除左叫左個辣拉麵仲叫左個炸軟殼蟹，食落真係冇後悔叫左佢。落完單就禁住手機慢慢等，望下周圍發現間鋪原來都幾似之前去日本居酒屋ｆｅｅｌ，感覺幾有特色。睇落周圍都好乾淨同衛生，同其他拉麵店唔同，試過有大型連鎖拉麵店成地肉都冇人清理。等左大約５—１０分鐘左右個拉麵就到左，雖然辣度唔係好夠（但食落唔係淡，而係用辣引到個湯底香味出黎），食落都有另一種風味。而且軟硬度岩岩好，好易入口。再過多１０分鐘隻軟殼蟹終於都黎埋，隻炸蟹味好鮮同埋好ｊｕｉｃｙ，再配埋檸檬汁完全將個蟹香味帶上另一個高峰。而且係即叫即炸，炸物真係要夠熱先好食。但如果可以早ｄ黎就更加好。經過大埔可以去試下依間拉麵鋪。

整間新店都漫延著木香味-清新環境令人舒適眼見所有木製品都淡淡的木色也令人賞心悅目 今天與好姊妹來進食午餐 二人世界撐枱腳在煩囂的都市中來到這裡像是走進了世外桃源一般令人舒坦地又相交了很多心底話 一杯杯冰水為我們添上 服務又是不錯 雖然有點包場的感覺令我有點不好意思 哈哈😄點餐與好姊妹分別都點了黑蒜味湯頭另外配料有叉燒和豬軟骨可選擇我們各點了一款交換淺嘗湯頭算是不錯 常吃日本拉麵也愛喝乾它的湯頭 這家不算太咸 麵條我也選擇了較幼身的那款糖心蛋也是令人驚喜的 因為都與友人覺得另加有點貴 忘了拉麵上也有半隻可以淺嚐 的確 沒有懷疑 是很好吃的其實顧客可以選擇的湯頭 麵條 配料 套餐都算不錯 會反叮😊❤️

黑蒜 。鳴 （#豬骨濃湯 配自家製黑蒜油）4⭐️$58 超抵食，平時普通拉麵閒閒地都80-100蚊一碗，仲有可能食到假日本拉麵，但係依間小店50幾蚊就有一碗，仲要味道不錯👍🏻比價性好高🤤芝士明太子醬玉子燒 3.5⭐️ $68好味🤤不過相比拉麵就貴少少，要留意返個明太子醬係蛋上面，唔係夾心哦總括黎講價錢合理，食物質素高上，性價比高，可以再encore！下次可以試下晚餐menu💬一鳴拉麵大埔運頭街20-26號廣安大廈地下E舖

聽朋友講大埔墟有一間幾特式嘅日本餐廳小店，今日放工之後，見有時間，專登過嚟試吓。店舖嘅位置係一條小巷裏面，雖然比較隱蔽，但係配合埋門面及餐廳內嘅裝潢，令人覺得更有日本居酒屋特式。餐廳牆壁貼滿日本風海報，室內播放著日本動漫歌曲🎶，令人感覺非常輕鬆。☺️餐紙上嘅選擇非常多，很多款式都很吸引，有串燒、拉麵、玉子燒、炸物、沙律🥗等。今次我就點左 「黑蒜。鳴」、墨魚咀串燒及冬菇串燒。黑蒜。鳴豬骨濃湯黑蒜油拉麵🍜麵條：直麵麵質：普通細蔥：多配料：叉燒唐辛醬：🌶拉麵一上枱，就聞到黑蒜油及細蔥嘅香味，賣相及顏色非常吸引，呷一口湯，感覺到豬骨嘅濃香，麵條爽口彈牙、滑捋捋，叉燒厚薄適中、份量剛好，配料仲有流心蛋🥚、黑木耳及紫菜，流心蛋嘅熟度剛剛好，蛋白彈牙、蛋黃於口腔內慢慢溶化，非常滋味，黑木耳爽口，紫菜香脆，食完好滿足！墨魚咀串燒及冬菇串燒🍢墨魚咀用左醬油同味粉調味，食落口感爽脆，甜甜鹹鹹的，非常惹味。冬菇滿佈牛油香味，食落唔會好乾，味道香濃。整體而言，食物味道唔錯，餐廳裝潢有特式，平日晚飯時段，愈夜愈多人幫襯，很受歡迎。決定下次約多幾個朋友放工嚟呢到體驗下，一邊飲酒🍻、一邊食串燒🍢、一邊傾下計🗣，回憶下

放假去大埔chill下lunch time周圍覓食路經條巷仔見到有間拉麵又好平就試下加20蚊就有嘢飲同成份炸雞真係好正waitress好似好細仲好有禮貌仲要係個拉麵同個雞都係好食嘅下次去大埔會再去

大埔嘅食店有好多，今次我哋去左一條大埔嘅小巷子，呢度有幾間食店，好隱蔽。我哋揀咗依間拉麵店食😊之前嘅午餐我哋食到好飽，所以我哋兩個一齊叫咗一碗拉麵，同埋一個小食，作為今晚嘅晚餐。呢度有個推廣話share嘅話有小食送，不過我哋都係冇做到，哈哈餐牌或者點拉麵嘅order紙設計得好有日本風味，好靚😊店內嘅餐具、木桌椅都好有居酒屋風味小丸子食落去嘅感覺係即叫即做，皮香脆，裏面粒章魚好大粒好彈口啊。我好鍾意啲醬汁，唔記得咗叫店員要多醬添，哈哈😊佢嘅湯底真係好好飲，充滿着豬骨髓嘅味道。糖心蛋好入味。料方面，因為我怕日本叉燒肥，所以今次叫左豬軟骨。肉好林好入味，軟骨部分我都全部食晒。拉麵都好好味，一啖湯一啖麵食入口非常之夾。紙總結而言，值得下次來再試其他味嘅拉麵😊

入座的時候看到三個日本人就坐在旁邊他們整個過程都吃的很開心可能是因為他們吃的是燒烤之類的小食店裡的價格比大商場的拉麵店真的便宜但是，香菜口味的拉麵真的不好吃！而且我特意註明喜歡軟的面，煮完還是硬的。味道慘到下次不會再去消費。

一入鋪環境似日本居酒屋feel 店鋪細細。感覺幾好，可惜係坐吧枱位置，嗅到好大陣酸臭味。絕對影響左，麵質同湯底都好普通，應該都係濃縮味精加湯膽溝成。所以整體只係普普通通，絕對唔覺得係食評中咁好食。經過試下都ok既

大埔好多好嘢食，好多小舖都好好食。我好鍾意食拉麵，今日嚟到一鳴，好驚喜。本身都知道一鳴嘅食評好好，估唔到真係食到好似日本食嘅水準。一睇餐牌就知係用心經營既拉麵店，而且服務同環境都唔錯。湯底有四款（豬骨湯、黑蒜、地獄豬骨湯、一般拉麵舖少有既芫茜豬骨湯）- 個人鍾意豬骨湯麵條選擇有兩款（直麵、太麵）- 今次試太麵麵質都有得揀軟同硬（我胃唔好呀！梗係食軟啦～）蔥既份量同唐辛醬既要辣度都有得揀，基本上會有哂拉麵應該有既配料，而且仲好新鮮主要配料就有得揀豬軟骨 或者 叉燒，其他配菜可以加錢追加。除咗拉麵，仲有其他燒物、串燒、炸物、其他嘢飲等等。好耐冇食燒餅，今次就食埋燒餅啦！燒餅份量都算大，用料豐富而且都幾好味睇見面層啲木魚絲郁下郁下，就已經好吸引一鳴（豬軟骨濃湯底）、硬麵質、太麵、豬軟骨、兩粒辣唐辛醬湯底夠濃，豬軟骨唔肥同好入味。雖然我係揀軟麵質，但唔會過淋。炸雞新鮮炸起，外脆內軟配檸檬汁唔油膩

大埔墟居然不是人流繁華的地區，但由於附近有很多私人屋苑，擁有不少消費能力高的顧客，自自然然吸引各或餐廳到來開業。中西日韓的美食也可以在大埔墟找得到。今次我跟太太去到在廣福道附近的一間拉麵店晚餐。店舖不是開在大路傍，而是在橫巷內，不是區內居民未必會留意到。當晚我們到達時還不到7:30，由於時間尚早很容易找到坐位。店內以昭和風格裝潢，除了用了木製的枱凳外，牆上也貼滿當時的廣告海報，可能因為我本身是個日本🇯🇵迷，對這類裝潢十分欣賞。我們叫了一碗莞茜（香菜）湯底拉麵、一客海鮮御好燒及燒雞翅。拉麵軟硬適中，莞茜湯充滿莞西香味之餘還有濃濃的豬骨味，配上兩大片义燒跟半熟蛋，感覺跟一些日本拉麵店不差兩樣。海鮮御好燒也很有日本地道風味，海鮮份量很多，上面還鋪滿蟹子，十分抵食。除食物外，餐廳服務也很體貼，每當我們的水喝風得差不多時，侍應也會自動給我們加滿。