一鍋堂 (新都會廣場)

营业中

休息中

讓你在門口白等20分鐘，室内有過半的table都是空的, 垃圾經理和門口安排位置的人惰到不肯安排位置，零分服務，十分趕客，永不再来，这店是這品牌中最差的店，千萬別來

這店裝修頗新，鍋底選擇十分多，連素鍋底都有，真貼心。而今次我選擇了胡椒豬肚鍋底，微微辣但十分香，料頭也足。封門柳和安格斯牛，油花均勻，入口甘香，牛味十足，光吃牛肉已值回票價。另外令我很感興趣的就是白鱔片，在其他的火鍋放題很少有，爽口彈牙，頗新鮮。令我頗意外的是他們的手切烏魚片，極嫩滑，入口無渣，鮮味，必定要試試。除此以外還有很多生料選擇，串蝦肉質爽彈，十分新鮮，不錯。而三色墨魚磚以前未吃過，三種顏色好有趣，一口咬下，很彈牙，而且感到有不同的墨魚味，值得推介。這裏除手機下單外，還有自助檔，有生料，有熟食，選擇多多，真的有花多眼亂之感。而且這裏的青菜很新鮮，種裏也多，不錯。飲品選擇也多，尤其是他們自家製的健康飲料，不太甜，好喝。但很意外他們的中國茶包超好飲，陳皮普洱正合我意，一定要試。兩個人不用550元，價錢合理，抵食。

同朋友慶祝佢揾到新工所以就帶咗佢去葵芳廣場嘅一鍋堂打邊爐🤪今次去呢間係旗艦店所以好明顯係大過旺角嗰間好多😳不過如果想去洗手間要落返兩層，呢個就有少少唔方便☹️野飲有超多選擇，除咗一般常見嘅汽水之外仲有自家制嘅野飲🤣肉嗰啲就可以scan QR code落單，而丸嗰啲就可以自己出去夾認真方便呀😛而且佢啲食物口味都好啱我，有好多辣野，而且最估唔到係有紅薯粉😳我地叫咗韓式泡菜湯底，湯底十分足料😍估唔到喺呢度竟然有豬腸，個人超級鐘意😍除咗豬腸之外肉類都係高質嘅，唔會話好多血水咁😆鐘意食海鮮嘅朋友都可以滿足到😛食完正餐之後點都要留胃口食返個雪糕先得！隔離仲有啲配料比你加埋落去，不過如果有多啲選擇就好啦🤣埋單兩個人食都唔會話好貴，每個人都係250左右🙆🏻‍♂️地址：葵芳興芳路223號新都會廣場6樓601-610號舖

今日好想食火鍋，決定試試一鍋堂。環境都幾舒適，自助區有好多熟食選擇，飲品最欣賞就係自家製嘅涼茶，蔬菜區把好多蔬菜🥬放在雪櫃內，有趣！本想試限定的魚湯鍋，可惜沽清，只好改為喇沙鍋，這湯底夠濃，好有有驚喜。😍😍油麥菜同鲜萵笋，它們完全吸滿喇沙湯，明顯食到椰香同甜好正。安格斯牛鬆軟又有喇沙汁，好好味。💯手串生猛海蝦：蝦肉鲜甜弹牙，好爽。🦐🦐西班牙粟飼豬肉：半肥瘦好豬肉味。👍帆立貝：同喇沙湯係絕配之一，另一樣就係蜆。蜆殼有D喇沙湯同蜆肉一齊食，yummy手打香辣孜然雞丸：雞丸有小小辣又有醃料的香味，好特別。👏👏100%濃汁爽弹牛丸：果然彈牙之餘仲食到濃濃的牛肉汁，頂瓜瓜。💕其實外面仲有好多嘢食，好多嘢飲，例如麻辣土豆絲，醃蘿蔔，麻辣鳳爪，真係一次食唔晒，都好，下次再嚟。

平日放工後都會相約老公仔到葵芳，皆因該處食嘢選擇多，今晚我哋揀咗一鍋堂120分鐘火鍋放題b餐，注意不同時段入座有不同收費。先看看店內環境火鍋湯底我們選了店員推介的「一鍋潮汕湯」，用上了香港生曬大地魚炮製，散發出香港獨有的鮮甜滋味。湯底更使用豬骨慢火熬製，入口時散發濃濃的大地魚鮮甜味，當中卻帶有淡淡的豬骨味及胡椒碎，口感層次豐富，相信是一鍋堂獨有的味道！無論是下單或自取食物方面，選擇都非常多，先看看自助區點餐食物推介的包括肉類和海鮮，當中有鮮蝦和貝類。其次就是美國安格斯牛肉、自家製鮮蝦雲吞、韭菜餃等。看看安格斯牛肉油花層次分明，紐西蘭羊肉羊味濃。鮮蝦和貝類都新鮮，這個價位能吃到新鮮海鮮實在是值了。此外蔬菜和飲品的種類琳琅滿目，比起市場上其他家的放題火鍋都要豐富。如果約朋友又諗唔到食咩好，自助放題火鍋一鍋堂絕對是一個不錯的選擇呢！

星期日出外吃飯不訂座真的不行，太多人了。開心不用等，吃足2小時滿足的一餐火鍋放題。B餐是最抵食，因為跟朋友都不要求吃最靚最勁的肉肉，配了杏汁豬肺湯底，挺有特色的。入座後，當然要直接飛奔到自助區和飲品區，喜歡他們自家製的飲品，有薄荷烏龍茶和洛神花。自取的火鍋料都非常新鮮，因為在十分冷凍的位置。牛肉必點～美國安格斯，封門柳，牛板腱。都有十足的牛味，吃不到雪藏味非常美味，配料十分多選擇，120分鐘邊聊邊吃十分自在。

潮汕湯底：用了蝦米和大地魚，鮮味又有咸香，一般火鍋都會自己調醬，這個湯底不會搶去醬油的味道，更加可以令味道提升。鱔片：肉厚沒有腥味，魚肉滑，骨不是太多，很容易吃。自家製韭菜餃：韭菜味很香濃，調味剛好咸度適中，多菜少肉很健康。洛神花茶：酸甜開胃，跟外面賣三十元一支的味道差不多，很欣賞放題有這樣的飲品。蟹子蝦滑：非常彈牙，而且保留大粒少少的蝦肉，口感不會單一，加上爆汁的蟹子，是我吃過最好食的蝦滑。蝶豆花雪糕：牛奶味十足，用料高檔。

再次來到這裡吃東西，因為食物有質素又吃得飽，吃飽飽後又可到附近逛街，所以感覺很方便的🙈。這次去了位於葵芳的旗艦店，環境大座位寛敞舒適。自助區有前菜、小吃、飲品、雪糕及醬油。-💥特選安格斯牛餐 HKD$208，這個限時100分鐘，肉肉有六款選擇。點了美國安格斯牛肉、封門柳、精選進口牛板腱及紐西蘭羊捲肉。肉肉色澤紅潤紋理分明😍，薄切肉肉容易熟透，肉質嫰滑鮮味。-火鍋湯底選擇了韓式泡菜湯，這個味道很香而用料十足😚。湯底味道濃郁味道微辣，味道足夠所以不用額外調味，裡面的豆腐吸入湯汁挺入味的🤤。-另外點了鴨血、手打墨魚丸、日本南瓜及蟹籽蝦膠釀冬菇等等。黑血點了好幾份，因為我們也很喜歡吃😋。鴨血和釀冬菇口感豐富，墨魚丸味道鮮味。店家的自家製飲品有幾款選擇，我們也喜歡玫瑰黑枸杞茶，因為味道香甜滋潤。-

葵芳的大型商場之內，餐廳主打的就是火鍋。這天和朋友一同前來，我們挑選了鴛鴦湯底，喜愛餐廳點點的細心，一高一低兩邊的湯，不會混和在一起。使用手機下單，環保，也喜愛這樣的貼心，隨時隨地也能檢閱自己吃了多少。最喜愛這裏的牛肉和炸魚皮，牛肉雖然薄薄一片，但只需要在湯底內數秒就能馬上品嚐，十分方便快捷，絕對是肚餓是必點的良品，加上高級的肉質，口感豐富，令人不禁吃完一片又一片。炸魚皮，香脆可口本是十分基本，但這裏的在湯底內數秒鐘，也能保持如此香脆。

*此餐廳收取加一服務費。120分鐘晚市成人B套餐（兩人$416），韓式泡菜湯，內有大量泡菜、大蔥，味道酸辣。封門柳（跟餐$0），牛味濃厚。精選進口牛板腱、美國安格斯牛肉（跟餐$0），肉質嫩滑，肉味濃香。牛脷心托（跟餐$0），食落有咬口。100%濃汁爽彈牛丸（跟餐$0），口感彈牙，內有牛脂，食落肉汁豐富。新鮮鵝腸（跟餐$0），口感爽脆，帶有脂肪。鮮雞件（跟餐$0），肉質嫩滑。沙白蜆（跟餐$0），味道鮮甜。

下午5點半在取位機按咗1位，機正常出號票。咁等咗一陣，叫到我號碼，到櫃檯取位時，女職員說一個人食要另加收50元！如果唔想做1個人生意，咁取位機唔好有1位票取；或在門口餐牌上註明要加錢都得（其他食店都做到呢兩點）！喺呢到食，就算食最平餐，1人消費連加一，起碼都要成300元，俾多嗰50元，如果一早知道我冇問題；但要客人等咗好耐，錯過去其他食店攞位機會，焗住俾你舖屈加錢至有飯食！真係好唔高興，明俾人烚！所以我唔幫襯。落樓下其他食店，都使咗二佰幾。

今日同朋友行完街喺新都會廣場食打邊爐放題，之前都有去過其他分店嘅一鍋堂打邊爐，佢嘅湯底同埋肉類都好多選擇好味😋今次我哋就叫咗喇沙湯底因為想食少少辣，佢嘅湯底非常嘢未和出色👍🏻👍🏻佢哋嘅晚餐任食都成人120分鐘任食每位248。湯底方面我哋就叫咗檳城喇沙湯，微辣而且好香喇沙味，建議鍾意食喇沙麵嘅朋友都試吓呢個湯底，我哋就覺得好特別因為唔係度度都有👍🏻👍🏻火鍋嘅配料亦都好多款式揀，除咗有QR code落單外，還有自助區可以拎唔同嘅嘢食，外面有熟食區、蔬菜區、肉丸類等，熟食區也會有燒賣魚蛋炒麵等等，包羅萬有有好多香港特色嘅熟食都會喺嗰度見到🤤自助區之外還有些海鮮同埋唔同肉類選擇，佢哋嘅肉類都非常好👍🏻？依個價錢可以任食打邊爐兩個鐘真係好抵食，所以如果想食到咁抵嘅萬事要早啲去排隊

一鍋堂真係我嘅飯堂黎🤣基本上朋友一話想食任食火鍋放題，我就一定會推介佢嚟一鍋堂食，今日真係食盡葵芳🤣晏晝去葵廣掃街，夜晚就當然要來一鍋堂啦🤪-一鍋堂嘅湯底一向都係特色，總共有16款可以俾你揀，有陣時仲會有期間限定湯底俾你揀添🤣我今晚就揀咗豬骨粟米，清清地唔會蓋過火鍋材料嘅味道🉐-除咗有得用QR code嗌嘢食之外，出面自助區仲可以自己拎飲品，醬料，前菜，蔬菜同埋雪糕🍦飲品係非常之有特色，有幾款都係自家製，自己最鍾意就係洛神花茶，酸酸甜甜幾開胃🥰今晚嘅雪糕同以前有唔同，係佢蝶豆花顏色，藍色嘅雪糕用嚟打卡一流😝-係自助區拎完一輪食物之後，又坐返埋位用QR code嗌嘢食，次次都嗌到成枱滿晒，推介如果鍾意食海鮮嘅話，可以叫多啲蝦，因為超級新鮮，食咗10嘅隻全部都唔梅🙌🏻另外仲有手工梅菜豬肉餃，個皮夠薄，個餡好似食緊梅菜肉餅咁，超正😝

友人早在兩個星期前已book了葵芳一鍋堂與我打邊爐。我七點鐘到達見到這裏的環境佈置都有它的特色，而且望進去店内已經是人頭湧湧熱鬧非常，由於葵芳店内面積比荃灣分店大，坐位環境亦相對闊落和舒適很多。打邊爐亦是我喜歡的美食之一，坐下先出去拿些飲品、醬料、蔬菜。順道取些熟食填吓肚先，但見到外面的盤內食物已所剩不多，由此可知雖是作為陪襯的熟食亦頗受歡迎。今晚只點了他們的套餐B。但論種類亦是十分豐盛的，這裡的牛肉、羊肉、豬肉的質量都有中上的水準， 肉纇都切得很薄很有肉味，牛肉稍為一灼熟，入口又嫩又無渣。還有朋友最喜歡的長蟹柳，亦是必食之選。至於其他火煱必有的魚、蝦和海產類、肉丸類、各式的腸類、瓜菓菇類等美食都很豐富。可能因為食客人流多的關係，食材去得很快，因此各種食物全部都很新鮮。只是個人覺得在短短的兩個小時內，未能把大部份的美食都能吃上一遍，就是最大的遺憾！

由佢開張幫襯過幾次到而家，見到佢有啲水準下降嘅趨勢首先冇咗最愛嘅紫淮山，雪糕機成日都用唔到，唔知搞咩今日帶咗個午市b餐，冇加海鮮，唔想食辣，就揀咗個潮汕鍋底，點知都係冇咩味，如果話係招牌嘅話，有啲失望揀B餐係因為佢有個牛舌，亦都係全個餐裏面最好味嘅牛，因為封門柳同安格斯牛肉都差唔多水準，唔係特別突出，反而牛舌係最滑，其他配料都算正常不過呢度啲枱都幾窄，啲嘢食盤係可以疊高，但係收餐盤又唔係好快，所以都食得幾迫