一鍋堂 (新都會廣場)

营业中

休息中

Intro: 近年香港午市火鍋多左唔少選擇，而呢一次就揀左養生台式火煲，喺午市都推出左100 分鐘任食火鍋，價錢連埋加一大約160蚊到食物材料款式多到食唔哂架～___________________🍽 100 分鐘任食火鍋💰 138（須加一）✍🏻 呢個套餐有豬牛羊三款肉類選擇，豬肉肉質就比牛羊好，而羊肉蘇味幾重，唔係每人都接受到；✍🏻 而叫左喇沙湯底，但又食唔出坊間喇沙嘅味道；✍🏻 熟食區嘅選擇都有唔好，而攞左炒飯、涼拌冷麵、薯仔絲、蓮藕、鳳爪等等，帶點麻辣嘅感覺，真係好少地方有呢類熟食，感覺唔錯；✍ 菜嘅選擇都好多，最後揀左西洋菜，發覺真係幾甜幾靚；✍ 網上餐單仲可以點手打肉丸，但感覺普通；✍🏻 最後仲有芒果味雪糕，但芒果味偏淡。🍹飲品區 （櫃內）✍🏻 飲品有好多選擇，有多款罐裝同埋最特別嘅養生茶；✍🏻 但有啲養生茶真係入唔到口，薰衣草茶嘅味道真係比較難入口；✍🏻 而洛神花茶就易入口，帶點酸甜嘅味道。___________________🏠 一鍋堂📍 葵芳興芳路223號新都會廣場6樓601-610號舖⭐️ 8/10___________________

其實我地真係好喜歡去一鍋堂因為款式超多，而且我地鍾意食牛，係呢到叫幾多都得唔洗就住就住，今次我地選擇左個沙嗲湯，食豪d 選擇放題C餐 120分鐘。牛魔王的我們來到二話不說緊係叫牛啦，分別係日本產黑毛和牛， 封門柳，美國安格斯牛肉，牛脷心托，精選進口牛板腱。日本產黑毛和牛油脂分佈平均，入口即溶忍唔住都叫左幾轉，愛牛人士超滿意， 安格斯牛肉入口軟腍，封門柳肉味濃， 牛脷夠爽， 牛板腱質感正。海鮮方面叫左沙白蜆、珍珠貝和海蝦都鮮甜， 長長的蟹棒一定會叫，來到一定要出去夾下台灣丸和即炸魚皮，涼拌菜式都有好幾款，少辣的蓮藕、大豆芽和雞腎等都幾開胃架。係呢到最開心都係見到個蔬菜櫃，菜都有4至5種選擇，而我獨愛羽衣甘藍，每次都要幾食round 先肯收手。

天氣一凍緊係要去打個邊爐，咁多間一鍋堂，最鍾意黎新都會分店，因為可以免費泊車，對於揸車人士，的確係加分位。 一鍋堂食材既水準一向都好穩定，打邊爐最緊要食材新鮮， 今次叫左c 餐，有黑毛和牛同北海道千歲戶米豚肉，今次食到d高質肉類，十分驚喜。 其次環境都好重要，兩個鐘坐位十分舒服。⏺️西班牙依比利亞黑毛豬肥瘦均勻，唔會靭。對於唔愛好牛既人，真係福音⏺️牛舌芯⏺️黑毛和牛🥰可打邊爐最緊要係料靚，高質食材好重要。可以任食和牛！⏺️花雕安格斯牛醉雞就食得多， 但呢個牛真係出色，個人覺得好食過雞。⏺️北海道牛歲戶米豚肉第一次食呢款肉， 十分鮮味，肉質嫩口⏺️是日海鮮全部都好新鮮，d蝦爽口彈牙。⏺️自取區有好多丸煩同熟食，熟食都幾好食架。

講到任食火鍋，我一定係推薦一鍋堂，食過好多好多次。上個月天氣凍非常適合打邊爐，我地就揀咗葵芳嗰間，因為係最新最闊落。強烈推薦要book位而且一定要準時，佢受歡迎程度係非常高，5點未開已經係有人排隊wallin，好誇，我地食完出門口已經係成個門口都係人，所以強烈建議要book。葵芳店座位係非常闊落，每枱都係間開，感覺非常舒服，好有私人空間。另外我好中意嘅地方就係環境設計都好夠活力，燈光光猛，又有打卡位，真係搵唔到另一間店可以代替。當晚我地揀C餐，埋單200幾一個人，已經係包埋靚牛，性價比超高。湯底揀咗沙參肉竹湯底，因為靚材料真係唔洗太濃味嘅湯底。M5和牛板肉係好嫩好靚，靚牛肉唔洗多講，一望就知咩料另外封門柳、牛板腱、安格斯牛肉都有得食，真係冇得輸，我個人好鍾意呢款用花雕酒浸過嘅，碌完都仲食到入面嘅酒香，而且非常厚身好嫩滑，全晚食咗好多碟。平時打邊爐我多數食肉片，好少叫丸類，但呢款爆汁牛丸真係大推，外面彈牙，入面餡料好飽滿好香爆汁，全晚點好多次！除咗menu食物，外面仲有個好大嘅自助區攞野食，我地好鍾意呢度嘅小食，麻油菠菜、茄子、四季豆都係非常好食嘅👍飲品方面，出面有個大雪櫃，基本上大路嘅

以往除夕大日子，例必倒數玩通頂，依家年紀越大😌冇咗呢份興緻同魄力，只想簡簡單單同屋企人食餐飯就夠，阿妹🙋🏻‍♀️推介去一鍋堂，話平靚正喎🌟咁一家人去烚下烚下，食店可以用apps攞飛，方便快捷，等咗45分鐘安排入座，唔好睇佢門面細細，裏面地方大而闊落，任食火鍋分有3個價錢，我哋揀咗中價B餐，自助區有冷熱盤供應，不過食店明顯人手不足，連吉碟都未上得切，阿妹話潮汕湯底最好，其他湯底冇乜味，嗌咗第一輪食物，只上了竹笙、花膠、芋頭及濃汁牛丸，其他肉類、海鮮、手打丸等未見蹤影，由落單等咗20分鐘都未上😴，正想出去搵侍應幫手，終於見到送餐姨姨出現🥹♨️肉類🔹️手切牛脊肉～食落好似滑牛😓🔹️美國安格斯牛肉～脂肪含量唔高，牛肉淥一淥好撈起，肉質尚算軟腍🔹️牛板腱～肉味濃，口感較嚡🔹️西班牙栗飼豬肉～好，🐷好食過🐮，好腍好滑，推👐🏻♨️海鮮🔸️鯇魚腩～冇泥腥味🔸️蝦～大隻新鮮🤩🔸️蜆～肥美無沙🔸️白鱔～切得太薄身🤏🏻🔸️扇貝～太細隻♨️丸類🔹️手打丸～超迷你🧐，冇口感可言🔹️濃汁牛丸～爆汁彈牙，超正🏅🔹️餃子～麻麻，個餡較實💔♨️蔬菜🔸️好多款，連白菜仔都有😊，洗得乾淨♨️飲品＆雪糕🔹️冷泡茶～各款都帶甜味嘅🤯🔹️軟雪糕～紫色以為香芋或薰衣草🪻口

之前都食過幾次一鍋堂，新都會開左之後都未黎過呢間分店，估唔到都幾大間😯平日晚飯時間黎都幾多人，建議網上訂位先，唔係就要排啦🫣📌120分鐘放題 C餐🍲 $308淨係湯底已經有17款可以揀，款款都好吸引😙今次我就揀左養生藥膳湯，入面有紅棗、菇類、蔬菜等滋補材料，味道就帶淡淡藥材味，容易入口，感覺健康。自助區都有唔少食物可以拎，可以拎菜類、丸類、醬料同飲品。飲品款式好多，仲有幾款自家製茶，不過好似冇左我最愛嘅冰糖檸檬🤔C餐可以揀日本產黑毛和牛🐮，牛肉色澤光鮮，嫩滑唔韌👍🏻除左黑毛和牛，仲可以揀安格斯、手切牛肉等，牛肉味較濃仲有海蝦🦐、蜆、帆立貝等多款海鮮👍🏻都幾新鮮除左和牛，呢個餐仲有12款特選食材可以嗌，比較特別嘅有蝦滑釀油炸鬼，味道都幾夾，蝦滑爽口彈牙，油炸鬼半脆，形成豐富嘅口感另外推介菠菜韭菜餃🥟，出面較少見，皮薄餡靚😄最後食埋個藍莓雪糕🫐香濃軟滑☺️☺️

講咗總結先：食材- 以火鍋放題黎講，高質。（唔會好似其他火鍋放題咁，第一轉嘅食材ok，但 encore嘅食材就差好遠）環境- 裝修望落係舒服嘅- 座位舒服（但可能因為咁啱未有 4人枱，又無人等緊 6人枱，前面嘅靚女姐姐比咗張 6人枱我地）- 乾淨程度要扣少少分（可能趕住執枱比我地？ 地下仲有 d 垃圾）服務- 好好，真係要讚下前面兩位靚女姐姐，我一直企係前面聽到佢地對住唔同客人嘅「特別問題」，都一直好有禮貌咁回答。 其中一位靚女姐姐知道我同行有兩位老人家（大鄉理，第一次食，問下長者優惠嘅問題），就話「其實轉彎有個打卡位，如果無人坐/無人照相，可以叫老人家坐住先。係食得有 d 趕嘅（係 120分鐘，但因為差唔多 9:30pm先入坐，10:30pm 廚房就截單）。咁但係琴晚係元旦ma，比 d 同理心，無問題嘅 。其實我地又唔係要慶祝/倒數先出去食飯，只係出開新都會買嘢，諗住食埋飯先返屋企，但完全唔記得琴晚係完旦，等咗超耐，等到老人家都差 d 訓著 。 不過，入座後見到 d 食材，又覺得值得 。已經係 APP攞定飛，諗住唔洗等咁耐，不過原來係會先入打電話/網上訂咗位嘅顧客先（APP攞飛同wa

上次想黎試下，點知勁多人，等唔到食左隔黎燒肉店啦，今次閒日去食，等6張枱左右諗住ok la,點知都等左45分鐘，好明顯睇得出係完全唔夠人手的好啦，入到去，果然係勁多位，未執枱嘅又有，又無人帶位啦，都唔緊要，如果好食就得咁最貴個C餐都係$308 日本和牛😅其實308比到咩牛都心裡有數，一黎到d牛係無乜牛味，係肉質好小小，只屬普通，其他牛嘅情況仲麻麻不過新都會無乜呢類型邊爐，所以佢平平地特別多人，但我就唔會再食入座前我仲down左個app,未食完我就del左，最後食個一丁打個底，如果唔係唔夠飽總結：一入座就坐左直升機！伏伏伏伏伏伏

葵芳新都會依間一鍋堂，晚上時間，非常熱鬧，超受歡迎🌟🌟打邊爐，一鍋堂可以話係平靚正之選，座位又舒服，所以多人都好合理😎😎靚靚打卡點養生．靚湯．一鍋堂如果每次嚟打邊爐，都食唔同湯底，都要黎成10幾次😎今次清清地，揀咗蕃茄牛粒湯，個蕃茄湯底越煮越猛烈，食肉同食蔬菜都好夾❤️❤️如果肚餓嘅話，一坐低，就可以出去拎定一啲熟食炸薯條🍟正正子🤤丸類選擇非常多除咗可以喺出面拎之外，仲有手打肉丸可以order. 細細粒，唔會太飽，又唔係會浪費～個墨魚丸堅彈牙！日本黑毛和牛叫咗幾轉，都keep住靚靚水準👍🏼脂肪比例唔算多，勝在肉味香濃北海道千歲戶豚肉淡淡豚肉清甜味，又唔會太肥，配蕃茄湯超正！今次仲食咗好多竹笙，同埋其他蔬菜，原來有紅心蘿蔔，咁梗係唔可以放過啦！清爽，味道比白蘿蔔更加濃郁😎😎蝦兵遇上老油條都係唔可以錯過，油炸鬼吸晒濃郁嘅蕃茄湯，外面柔軟，入面仲可能住少少脆卜卜，超正！如果喺出面單點打邊爐，咁樣叫法都幾貴㗎🌟所以話，想打邊爐嘅話，一鍋堂真係一個非常非常好嘅選擇😎😎

一鍋堂相信大家都有聽過，全因價廉物美，套餐選擇有不同級別的牛；由精選進口牛、特選安格斯牛及高級澳洲和牛。一鍋堂專注於研發港式火鍋，為大家帶來16款香港人最愛的特色湯底，當中亦有不少特色香港本地食材和手作火鍋配料，亦有自家製健康飲品另外亦可配撘16種不同湯底；潮汕鍋、養生鍋、麻辣鍋、冬蔭功、喇沙、胡椒豬肚湯、沙嗲等等牛肉色澤紅潤，牛味濃郁，肉質鮮甜，脂感較低。另外沙白必點，粒粒漲卜卜，大隻沒有沙。各種手打丸及雲吞亦出色。店內熟食及前菜都是用心配撘，有麻辣小菜或炸物小食還有滋潤糖水。雪耳糖水補身潤喉，必食之選。📍一鍋堂 (新都會廣場)地址: 葵芳興芳路223號新都會廣場6樓601-610號舖電話: 36188219

今日天氣好冷 最低只有9度🥶，最適合吃火鍋，在OpenRice 預約了一鍋堂。臨近聖誕，一進門口餐廳已經佈置得非常有聖誕氣氛。☺️🎄門口位有壁畫，有獨一無二的風格。餐廳座位寬敞，坐得很舒適，多點幾碟菜也有位置擺放。飲品冰箱裏有很多款式，而且存貨充足。另外有一鍋堂自家製的飲料，甜度適中，適合健康人士。自助醬料及食物區：擺放整齊又整潔，衛生情況不錯。這次選擇 鴛鴦鍋底，可以一次過滿足兩個人不同的慾望，鍋底是芫荽皮蛋湯、沙參玉竹鯊魚骨湯，有特色而不會搶去食材味道。我第一次喝這薰衣草茶，聞及喝都有濃濃薰衣草味，令心情放鬆，微微甜的容易入口。其他食物（豆腐、餃子等）：梅菜豬肉餃子只有一鍋堂吃到，很有趣的配搭；餃子皮爽滑，不易煮到爛。豆腐嫩滑，口感煙韌，很qq， 像蒟蒻一樣。肉類：肉味濃郁，新鮮，賣相吸引，切得厚薄均勻👍

今日同家姐去咗新都會一鍋堂食lunch打邊爐😄🎀我哋點選了C餐高級澳洲和牛，揀咗鴛鴦鍋底藥膳養生和麻辣湯底，就咁睇湯底真係好足料😋落單就咁掃QR code就落到單超方便😄🎀我哋點選了高級澳洲和牛，有澳洲M5和牛板肉、花雕浸安格斯牛肉、魔鬼辣安格斯牛肉，手切牛脊骨、西班牙橄欖飼豬肉、美國安格斯牛肉、封門柳、牛脷心托等等….每碟每片簿簿的好新鮮，放落湯底好快熟，口感好有牛味呀！😋🎀出面自助區有各式各樣野食，有熟食區，有丸類區，仲有湯水食，蔬菜區有唔同菜選擇，有雨衣金蘭👍🏻一個lunch已經食得好滋味😋

$300 食到安格斯牛肉、和牛打邊爐，(兩小時任食)，呢個價錢我覺得幾抵食，如果9:30後入座，仲要平幾十蚊。星期五晚就決定過嚟試吓放題，原來都幾多人排隊，好彩我book 佐，咁就唔使等位，我book咗8:00佢都準時8:00有枱俾我。介紹吓呢度啲嘢食，一般嘅菜啊魚蛋啊餃子啊海鮮都齊全，係掃QR code點餐。和牛—入口即溶呢個價錢來講任食絕對抵食牛腱牌—好少用嚟打邊爐，都幾好食，大大嚿，有幾好牛口又唔係好韌爆汁牛丸—呢個比我想像中好食，咬入牛丸，真係會爆汁，絕對要試吓海鮮—嗌咗蝦、蜆、鯇魚腩 都新鮮。呢間嘢仲有好多自製嘅飲品，薰衣草茶、薄荷烏龍同埋洛神花茶，任飲任食。

近日天氣正步入冬天正軌,於是趁著放假日子相約好友來個火鍋聚餐;關於選址方面,與好友斟酌一番後,決定前往葵芳新都會廣場的一鍋堂;天氣一凍,火鍋打邊爐之類就成搶手貨,所以這次明顯比前段時間更熱鬧,從門口的排隊人潮可見一斑;先取了二人電腦籌號,再掃了出行碼及針咭後跟著排隊,幸好在較前位置等了幾分鐘就排到;在櫃檯選定套餐及湯底,再跟著店員的安排到大堂內的一隅二人枱坐下;場內依舊是到處有特色標誌的打咭位,經過時已有一種親切感;偌高的樓底,柔亮的燈光,映照在寬闊大堂的人頭擁擁上,甚有氣氛!枱面整潔,火鍋餐具的擺設與乾淨度都讓人滿意,此方面一鍋堂始終保持著質素;今次選的C餐包含了較優質的食材,尤其有澳洲M5和牛板肉,手切牛脊肉及西班牙欖飼豬等等,計起來連加一人均$320有120分鐘任飲任食,如此價錢又真的十分抵!在等待已點的麻辣湯底上來之際,好友去拿取醬油(芫茜與生蒜蓉是靈魂)及一鍋堂自家製的飲品;而就我掃描了點餐紙上的QR Code,進入主畫面開始點選食物;一去到肉類欄見到有限時300日安格斯牛肉供應(整體加起來不愧是2.0升級版),此款食材當然不能錯過啦!陸續點了澳洲M5和牛板肉,欖飼豬肉同一堆

一鍋堂都真係可以話係我飯堂，食極都唔厭，每次都好有驚喜有成十幾20款湯底揀，今次我哋就揀咗期間限定嘅一品魚鍋～湯底材料有魚塊、蝦、蕃茄，蔥、然後再自行加入蘿蔔～煲耐少少好入味～我哋叫咗個C餐，120分鐘無限任點選擇非常之多，蔬菜可以喺出邊拎，款式連羽衣甘藍、菠菜都有，飲品就有自製花茶，打邊爐就唔怕熱氣啦～呢個餐最特別嘅係無添加300天安格斯牛肉，你睇啲雪花問你分布得幾平均，牛味濃郁～一鍋堂牛肉嘅質素真係好好，性價比非常之高～其他菜式特別啲嘅有爆汁肉丸，非常juicy!仲有四至五款墨魚滑、蝦滑～質感仲好彈牙，炸魚皮好鬆脆～最後就梗係要食返個蜜瓜雪糕作結啦～正！