一遊

营业中

休息中

日本居酒屋，位於灣仔合和中心，開左好多年。傳統日式居酒屋裝修，昏昏暗暗燈光，帶點舊舊的復古味道。令我印象最深刻係和風卷，用Pancake皮卷住鰻魚，牛油果，飛魚子，鰻魚係軟綿綿唔洗咬果種，成個口感好似食緊一件捲蛋咁，好輕盈，難怪老闆話係人氣菜式。

🍴🍽🍴🍽🍴🍽🍲🍲🍲🍲🍲🍴🍽🍴🍽🍴🍽一遊嘅位置係合和中心號3樓，位置對於灣仔嘅打工仔嚟講非常方便😆平時食一遊都係食開Set Lunch，今次夜晚嚟單點都係第一次～整體嚟講除咗位置方便同環境舒適之外，食物都有翻咁上下質素😈其中海膽吞拿魚壽司同白身魚薄切雖然價錢偏貴但份量認真唔惹小🥺石頭湯都幾多蜆肉同豆腐，飲落好鮮甜；鰻魚飯反而又帶種住家飯嘅感覺～🥢 白身魚薄切(胡麻風味) $280 🆗🥢 海膽吞拿魚壽司 $268 🆗🥢 蕃茄海鮮石頭湯 $188 🆗🥢 滑蛋鰻魚石頭燒飯 $148 🆗🥢 燒翠玉瓜 $26/串 🆗🥢 雞中翼 $32/串 🆗🥢 燒牛舌 $62/串 🆗🥢 鹽燒活鰻 $78/串 🆗🥢 藍莓茶 $49 🆗🥢 日本玄米茶 $42 🆗🥢 蜜桃梳打 $42 🆗🥢 柚子梳打 $42 🆗

一間好有日本特色嘅餐廳, 環境好好, 約埋幾個朋友一齊唻食飯, 可以靜靜地傾吓傾刺身盛合五點(特 $450)呢款真係好驚喜, 一上枱我哋都嘩嘩聲, 擺盤好有和風感覺🎋大拖羅非常肥美, 好香油脂味🤤其他嘅仲有厚切油甘魚, 赤貝, 牡丹蝦, 每一樣都好新鮮壽司10貫 $28810款壽司真係每一款都切係好厚身, 食落去夠鮮味又有口感, 海膽都係填到滿滿🧡4款串燒8串 $396之前對牛舌嘅印象麻麻, 但係呢度嘅燒牛舌好唔同, 有牛肉味, 口感亦好好, 比一般牛片煙靭少少, 唔錯喎😲銀鱈魚西京燒 $178銀鱈魚油脂豐富, 一向都唔會令人失望, 呢度仲要加埋咁有心思嘅擺盤, 賞心悅目🌺有機柚子酒 試飲價$45飲品選擇有好多, 最有特色係呢隻柚子酒, 用咗日本高知縣嘅有機柚子, 有好香嘅柚子味, 甜味剛好, 用唻送串燒好夾餐廳唔單只食物高質, 服務都好好, 店員會一路留意每張枱有咩需要👍🏻所以幾個朋友覺得都滿意

平時食佢lunch set就食得多，今次第一次試佢嘅晚餐，比午餐有驚喜！平日嘅午餐時間一定逼到水洩不通，但係平日嘅夜晚入座率得一半，反而坐得好舒服。🐟第一道菜我哋就嗌咗油甘魚刺身。刺身鮮甜，配上麻油更能夠帶出油甘魚嘅油脂比例份量亦都剛好，我哋一行四個人，夾極都仲有得食。🍣之後一上碟就驚艷到我哋嘅，吞拿魚海膽壽司。啲吞拿魚滑到影影下相嘅時候上面舊海膽滑咗落嚟🤣雖然個壽司有啲大舊，普通女仔應該一啖食唔晒，但係海膽勁鮮甜，一啲都唔腥。吞拿魚好似Sir入你個口咁，超滑。🍢另外推介嘅就有佢哋啲串燒。牛舌串燒好彈牙，好Juicy，一咬落口啲肉汁都充滿牛味。🍲🍚最後，我哋都有試佢嘅海鮮蕃茄豆腐湯同埋鰻魚炒飯。呢兩道菜都係中規中矩，鰻魚炒飯，略嫌唔係好夠味，豉油好香，但係冇咩鰻魚味。最後埋單$1600 人均消費大概400，雖然呢個價錢可以有其他選擇，但係喺灣仔同埋居酒屋嚟講真係算係咁啦！

一路都聽過呢間餐廳嘅質素好唔錯，款式豐富，服務又好，今日中環放工就近近地同朋友4個人一齊試吓！🧡刺身盛合五點 (特) hkd450呢個款係我覺得最驚喜！除咗好欣賞佢嘅擺盤真係好吸引日式之外，佢哋嘅刺身係超級新鮮！我自己最鍾意牡丹蝦刺身，同埋吞拿魚刺身！係肥美又鮮甜呀！食完個刺身之後，個員工仲幫我哋炸埋個蝦頭，估唔到炸蝦頭係可以咁香咁好味！如果你哋點左呢個記得要炸埋個蝦頭！真係喜出望外！🧡壽司10貫 hkd 288壽司真係必叫！有10點唔同嘅壽司，例如魷魷魚、三文魚、油甘魚、赤貝、帶子、牡丹蝦，仲有海膽壽司！飯嘅比例啱啱好！而且師傅好細心，咁樣已經調好咗味道，佢個尺寸絕對可以直接入口，好滿足！🧡串燒8串 hkd 396鹽燒活鰻，燒牛舌都好推薦！估唔到原來燒牛舌都咁好食！我哋仲叫咗燒雞翼同埋燒翠玉瓜，都好唔錯😊有串燒就方便配酒！🧡有機柚子酒 tasting price hkd 45日本有機柚子味超級濃厚！成杯真係好香！係好適合女仔飲，因為佢好容易入口，喜歡飲水果酒嘅你哋一定會鍾意！仲有佢個燒銀鱈魚都燒得好好味！油脂比例好好！仲充分運用魚油去煮埋個蘑菇，所以個蘑菇都非常香口！朋友都一致讚呢度

今晚食左間居酒屋好唔錯👍🏼位置係灣仔合和中心，意想不到地平日晚都有7成左右滿，野食性價比幾高🙏🏻。叫左個「特選壽司10貫 $288」除返開20蚊左右件壽司好抵食又鮮味。「特選刺身 5款 $320」刺身好得👍🏼厚切又鮮甜！。串燒超有feel! 睇著佢即叫即燒，仲好似係炭火！全部都外脆內軟。尤其係白鱔！肥美一入口即溶！雞翼 $32雞心 $32翠玉瓜 $26白鱔 $78。定主食都好吸引！特別推介有個「蕃茄海鮮石頭湯 $188」超香甜蕃茄味！大蝦都好鮮甜。「生薑豚肉石頭燒飯 $98」職員仲會幫手撈，好惹味。「西京燒銀雪魚 $178」必點！嫩滑得黎甜甜地。。👌🏻好有驚喜既一餐🥰🥰

問起灣仔附近的居酒屋原來 一遊 名氣幾響亦變相增加了本人對它的期望值一貫木系裝潢、日系掛畫海報及其他掛飾等通通不意外餐廳比預期中大，非小店格局入內先見到方格枱凳與兩邊半開放式理枱再行入就是卡位，有點像包廂的感覺私隱度明顯較open area高先讚店員好friendly 認真介紹時令食材及酒類居酒屋而言這種親切熟絡的vibe其實挺重要是日本文化中的happy hour店員熱心，食客happy𓍼 鮮｜薄切白身魚胡麻風味胡麻風味配白身魚無得輸欣賞調味偏酸能突出白身魚魚香𓍼 卷｜牛油果蟹肉卷｜東洋卷東洋卷好特別第一次見鰻魚卷用crepe來包著吃餅皮夠薄身，微微甜配蟹子、青瓜與鰻魚100%是我愛的「又甜又鹹」滋味！至於牛油果蟹肉卷就正常發揮牛油果味如果再突出點會更好𓍼 燒｜雞翼｜雞臀｜白鱔｜翠肉瓜串燒翠肉瓜、雞翼與雞臀調味剛好沒有死鹹值得給讚白鱔略失望吃得出魚肉新鮮但口感不夠爽彈魚皮亦不夠焦脆𓍼煮｜牛油煮蜆牛油香沒預期中濃令蜆口味偏淡雅𓍼米｜和牛石頭蓋飯調味出色沒有不好吃的道理和牛份量都幾多，足料高CP𓍼酙｜柚子酒｜杏子酒酒真心反覆細量了極長時間因為menu太好看了最後店員推介兩款不太甜的個人尤

夜晚一班朋友食飯，約日本菜一定冇錯。位於灣仔合和中心3樓的「一遊」，朋友說幾年前已到訪過一次，原來屹立在灣仔這個需要地帶很多年。今日同朋友收工去試下。去日本餐廳都要叫下酒，今次我地叫左不同的燒酌聚下舊！杏子燒酌都比較少見，男朋友的梅子燒酌就比較淡味。刺身五點盛盛合有油甘魚、赤貝、牡丹蝦、帆立貝和中拖羅，每款都好新鮮，質素都幾高！蕃茄夠哂fresh! 每件都好多汁！東洋卷東洋卷是用好似pancake 皮包住牛油果、鰻魚等的配料，甜甜地，入口好似食緊墨西哥捲的感覺，不過更加綿滑！絕對係會比外表呃左嘅！串燒 (牛舌、白鱔、雞翼、雞心、翠玉瓜)串燒都是不會有錯的食物！所以串燒都好驚喜！特別欣賞白鱔，食落完全冇骨啖啖肉！燒得剛剛好，翠肉瓜燒香之後，仍然保持多汁。牛舌唔韌因為朋友唔食牛，所以我同男朋友一人一串唔使爭🙂蕃茄海鮮湯新鮮嘅海鮮，包括大頭蝦、大大隻蜆肉等等，海鮮方面算好足料，四人分每人都有一碗！味道的話，甜甜地蕃茄湯都幾comforting，有薄身的蝦味。不過飲到尾會覺得甜得有點誇張！生薑豚肉石頭飯最後來一個石頭飯做主菜，用上珍珠米每粒都好飽滿，每粒都充分吸收哂醬汁，好食！

呢間居酒屋定期都會有新品推出，今日試咗佢哋嘅松葉蟹腳好有驚喜！松葉蟹腳石鍋湯 $238賣相已經好震撼! 好多大大條既松葉蟹腳，石鍋湯好香濃，蟹味濃郁。松葉蟹腳已經剪殼，方便客人食用，非常貼心! 呢個松葉蟹腳石鍋湯係限定，要飲就快D去啦!雜錦海鮮天婦羅 $248天婦羅好多款式好豐富! 天婦羅用上秘製天漿即叫即炸，外面脆口，入面鮮嫩。特別愛紫菜海膽，炸完之後海膽仍然好creamy甘香。另外天婦羅蝦都好大隻，蝦肉爽彈，好食呀!胡麻火炙三文魚卷 $220三文魚味道鲜甜，肉質滑嫩! 將三文魚炙燒熟，外層香脆，聞到陣陣焦香味半生熟三文魚口感特別，油香十足! 壽司飯結實，咬落去口感層次豐富。梅酒 $49酸酸甜甜的滋味，酒精濃度較低，不善飲酒的人也愛不釋手!

同朋友星期五happy hour，去灣仔呢間居酒屋係一個唔錯嘅選擇🌸五點刺身拼盆 $320刺身有赤吞拿魚，油甘魚，三文魚，北海道牡丹蝦和北海道帶子。刺身厚切肥美，夠爽夠甜鮮味，有入口即溶的感覺! 🌸串燒 牛舌 (兩串 $124)雞翼 (兩串 $64)雞心 (兩串 $64)日式居酒屋必備! 雞翼燒到金黃色又脆卜卜，肉汁豐盈! 牛舌爽彈，口感豐富! 雞心燒得帶點微脆，入口爽嫩，蘸一點辣椒粉或山椒粉同吃，又是另一種美味。🌸牛肉泡菜石頭燒飯 $98熱呼呼的石頭燒飯，係一個好足料嘅拌飯，有唔同嘅蔬菜同埋份量都唔少嘅牛肉。牛肉充滿炭燒味道，因為係石鍋燒飯，所以仲會有好似煲仔飯咁樣嘅飯焦，食落好香口仲會脆脆地。🌸新鮮生果茶 $602人份量，味道好出色! 生果茶用小火爐保持溫度，暖暖的飲完好舒服! 用上多種水果，有乾提子、橙、raspberry、蘋果、雪梨和桃制成，飲落去滿口果香，甜甜香香的好fruity好清新!🌸甜品最後送上抹茶和士多啤梨雪糕作結，大滿足呀!

灣仔一遊居酒屋，環境好日式，好似置身日本昭和時代感覺居酒屋食刺身美食當然要飲下清酒🍶，熱清酒暖暖地加刺身真係好好味，點左刺身五點，有5款時令刺身刺身5點時令新鮮刺身，包括鯛魚刺身，其他還有鮮蝦、赤身、帶子、三文魚等，每款都有兩三件壽司6件包括時令有鯛魚、赤身、三文魚、甘蝦、帶子壽司，仲有美味海膽壽司，味道好清甜鮮美雞軟骨雞軟骨都係居酒屋不可以缺少，配清酒特別夾西京燒西京燒即燒銀雪魚，以白味噌做醬汁，又香口醬汁又好味蟹肉凍煮豆腐清甜日本豆腐，加蟹肉做嘅醬汁好有特色松葉蟹湯松葉蟹湯，蟹味清甜，湯底濃郁

匆忙的生活，需要時間與空間讓身心喘息。未能與友人們飛日本「返鄉下」，那只好相約一嚐這間日本風設計十足的居酒屋： 一遊。由灣仔地鐵站利東街出口，走不過五分鐘，抬頭便會見到這間居酒屋位於皇后大道東，合和中心的三樓，位置方便易於前往，不用煩惱迷路。甫坐下，經理已有不少推介，完全不用費神思考。第一道，凍蕃茄沙律。鮮甜紅蕃茄作前菜，大大個，又多汁，伴特製日式醬汁，配搭得恰到好處，且份量不多不少。第二道，特刺身盛合五點甜美吞拿魚腩刺身，四人分量，只能一人一片，其實，即使一人四片，也覺不夠呢！還有，元貝帶子刺身、牡丹蝦刺身、油甘魚刺身和赤貝刺身。如果牡丹蝦，能升級付費炸蝦頭，真的能完全享受整隻蝦。第三道，爐端燒精選有多汁翠肉瓜，味道清甜，能調劑一下其它肉類的油脂感，又有香脆燒雞翼和炭燒鰻魚。每一串都經過精心烹調，散發出誘人的香氣。雞心口感獨特，牛舌則質地細膩，值得一嚐。第四道，吞拿魚腩魚蓉併海膽黑松露壽司卷。不同口感的吞拿魚，再加上海膽和黑松露，讓優質的食材藉着廚師用心的配搭，讓色香味的享受再昇華，簡直是必食推介！第五道，東洋卷。剛上枱時，確有點其貌不揚。但，當咬下一口時，就會發現忌廉蛋餅皮，裹着燒

爸爸媽媽雖然比較傳統但飲食方面都可以大膽接受新野所以有時同佢地出去食飯都可以食下日餐西餐多啲選擇早前同佢地去左一遊居酒屋幾滿意喎～不停讚刺身鮮甜天婦羅香脆個個都食得好滋味👍餐廳為我地安排左卡位坐得舒服又有空間食物選擇多爸媽都揀到心大心細😂仲揀左酒飲添！🍶杏子酒比普通柚子酒無咁鮮香有更溫和嘅果味柚子燒酌胡麻白身魚薄切白身魚本身味淡用胡麻汁提鮮確係特別魚肉結實鮮甜香蔥汁炸雞炸雞脆香香蔥汁特別添了和風口味柚子酒煮蜆呢個柚子酒煮蜆好好味蜆肉鮮甜大隻個湯汁鮮香得黎有種溫柔隔晚媽媽即刻想模仿可惜只俱型不俱神想食唯有下次再黎😂串燒五款自家製雞肉棒肉質鬆軟小青椒辛而不辣👍炸蝦天婦羅烏冬野菜天婦羅烏冬爸媽怕唔夠飽叫啲澱粉飽肚天婦羅酥脆烏冬係讚岐烏冬彈牙爽口

平時落灣仔都會搵下有咩特色野食今次要為大家介紹既係 - 一遊一遊係位於灣仔皇后大道東183號合和中心3樓320-321號舖餐廳係主打食日本菜為主成個環境格局都好日式既居酒屋風格食物個方面 今次分別點左:- 壽司十貫- 白身魚薄切- 塩酥清流河蝦- 串燒 : 免冶雞肉釀日本青椒 , 牛肉車厘茄串 , 雞中翼 ...etc- 道湖淺蜊- 天婦羅蕎麥麵個人大愛佢地個白身魚薄切食落個口感好彈牙而且好鮮甜美味有興趣既朋友仔記得bookmark定一遊Location: Wan ChaiPrice : $400-$500/p.pEnvironment (10 is chill): 7/10Yummy (10 is delicious): 7/10

一向都好喜歡到灣仔一遊🍣食日本食物😍，呢度有日本昭和時代感覺🎏，水產特別出色，食物高質又合宜，CP值好高👍 壽司6件海膽、鯛魚、赤身、三文魚、甘蝦、帶子壽司，味道鮮美 刺身5點時令新鮮刺身，包括鮮蝦、赤身、帶子、三文魚、鯛魚，好大份又鮮味😋 西京燒燒銀雪魚好香，肉質好滑，加沙律醬好味道 雞軟骨配上熱清酒一流，食雞軟骨又脆又香口 蟹肉凍煮豆腐日本豆腐特別鮮甜，有好清涼味道，蟹肉醬汁好吸引松葉蟹湯時令松葉蟹腳，蟹肉美味清甜，蟹肉海鮮湯底一樣清甜