一虎

营业中

休息中

在灣仔上班都有兩、三年，都知道有呢間拉麵店，不過之前舖頭名叫神虎，但一直都無去試試，直至最近終於都和同事來品嚐，不過已經改了名，不知道風格有無不同呢！難得同事都想試試，十二點多來到門口，已排了幾個人，店員給我們一張落單紙，可以選定吃什麼，等了五分鐘左右就有位了。入座後，就選擇食邊款拉麵，都算多款式，都有少少三心兩意落單紙可以選擇麵的粗幼、辣與不辣或加配料等同事點了白虎拉麵，豚骨湯底混合了關西醬汁，湯底濃厚自己就點了黑虎拉麵，湯底加入了黑蒜油，好香唔太咸湯底好味，忍唔住差不多成碗既湯都飲掉，食完成碗都已經好飽了。整體來說，食物、服務、環境都很不錯呢                                                                                                                                                                              

一虎@湾仔厦门街，路径此地被红当当的门牌和日式灯笼吸引住，餐牌上有六种不同种类的汤底的拉面供选择。我最后选择了海老虎-浓浓的虾汤底。味道非常鲜美，面的质感也恰到好处。在香港吃过多家日式拉面店都没有找到这么好的虾汤底，非常不错，可惜叉烧和别的配料都偏淡，没有汤底带来的浓厚的感觉，其实这样有点可惜。反而他们的招牌猪骨汤拉面就没这么特别了，虽然汤很浓但是味道的层次比较单一，对比海老虎来说确实有所不及。只能说下次来还是需要继续点海老虎！

真係值得推介先寫既食評選單是平常自選粗幼拉麵軟硬男友的是白虎軟身粗拉麵，湯底有加醬果款少量油味道較濃厚食落似韓式公仔麵，掛湯1流我就揀左用雜菜加豬骨果款既一虎拉麵幼身軟硬適中都係少量油既個湯真係好正，飲湯多過食麵同埋想講隻蛋好正，5係平時果啲切半上原隻既蛋流心更多，好鍾意因為搭台，見到其他同台4位友人不斷夾台上既配菜，拎上手發現已經食哂佢地尷尷尬自兜咁，店員話芽菜無哂，將隔離台5食既拎左畀我原來咁正，5怪得人地食5停我望左眼隔離個女仔食完既黑蒜拉麵同我地1樣都差不多清哂碗哩間既拉麵份量絕對比其他店既多食到1半已經飽飽地比起著名既一哩間性價比更高

喺灣仔一個人搵食開始悶悶地，搜尋到廈門街好似好多食肆，大多價錢合理，由街頭行到街尾，始終覺得呢間拉麵幾吸引。坐位唔多，拉麵L型吧檯同幾張雙人檯，都幾有氣氛。餐牌話湯底由豬骨淆12個鐘。黑蒜油係我favourite, 雖然好想試辛辣湯底，一虎signature拉麵又會送溏心蛋$88，最終都選了黑虎(黑蒜油拉麵) $82， 再加$10溏心蛋。應該真係即做，因都等成10多分鐘，上檯都沒有令我失望。湯底好香，唔太咸，明顯好濃煲左好耐既豬骨湯，加大量黑蒜油，好香好吸引。叉燒唔肥又好霖，好大片，啱我，最怕見到肥膏溏心蛋，初時覺得點解唔幫我切開一半，原來流心的，yummy大滿足。

同事介紹，揀咗幼麵，有叉燒同糖心蛋。湯好濃味，但係好多油，食嘅時候會見到有一層油係表面。叉燒好好味，肥瘦適中，但係份量好少。但係嗰隻糖心蛋，我就覺得好完美，蛋味好濃郁，正嗰度嘅環境都唔錯，但係其實我覺得有少少貴

作病無心機，隨便找一家医肚。這裡人多，日式拉麵店，似另一間日本拉麵店咁。 湯亦吸引， 補下喉嚨痛。選了白虎， 即是用肴左好耐豬骨湯。 湯好飲。 簡單加左紫菜代替糖心蛋。 熱騰騰湯麵，食緊都出汗，唔怪得冰水放枱比人降温。 總括來說一碗医肚亦不錯。

週末最容易令我滿足的午餐食品，必選的一定是拉麵。食過港島很多的拉麵店，一虎拉麵常常停留在我的心水拉麵店🍜三甲之內。一虎拉麵的水準不容置疑。今天和朋友分別點了赤虎和白虎。赤虎的辣度剛好，配上濃郁的湯底，很開胃。吃完一口麵再飲一啖冰水，辣得過癮。白虎相比之下味道淡一些，但不失豬骨湯的香味。若喜歡一點點辣、一點點爽的話，可以加一些辣味芽菜（免費任加的！）。週末時候要預早少少去食，如果唔係就要係門外排隊（好彩都唔駛排太耐）。

好一段時間無食一虎，上次想食但係收左舖，今次終於食到。佢有三個配料比大家落，中間個辣芽菜加入拉麵係超好食！男朋友叫左拉麵，佢個湯都好香，同埋份量都幾多。有三塊叉燒，雖然係薄切，不過幾好味，好似入口即溶咁。我就嗌左我最鐘意食嘅叉燒飯，我會將蛋黃液撈混啲飯。啲飯應該係珍珠米，佢有好多叉燒，全部都係切粒，好好食。每一啖飯都可以有一粒叉燒一齊食，好正。我地仲嗌左煎餃子，賣相普通，不過一咬好多汁流出嚟，餡料唔會太多肉，都幾好味。整體而言，一虎我都好推介，不過我最推介嘅係個叉燒飯，絕對值得一試。

猶記得一虎的前身神虎拉麵，曾幾何時乃本拉麵控的最愛，今勻造訪，未知會否承傳神虎的精髓。跟神虎開張時先試神虎拉麵的情況一樣，小人先試個一虎拉麵。不管湯底、麵質還是配料都與神虎有著九成相似：湯底是極濃厚的豚骨湯，入口黏黏的有膠著的感覺，直身麵條爽滑，掛湯力還可以。惟叉燒十分瘦弱，好像沒有脂位，溏心蛋亦太熟，蔥亦不及以前的香，影響了整碗麵的質數。若然未試過神虎拉麵的話，作為一碗普通水平的拉麵尚可收貨的。

其實已幫襯此拉麵店好幾年， 每次到灣仔開會後都會叫一碗「赤虎」+ 「啤酒」。赤虎本身辣得有層次， 越喝越辣， 當頭頂冒汗時喝口冰凍啤酒，絕對係perfect match!其實我覺得「神虎」或「一虎」、 品質上分別不大。

先講下野食，係好食既叫左個黑虎同海老虎，湯底好濃，面係有質感，唯一美中不足係個叉燒太乾太瘦。再叫多左個餃子一齊食，咁都係唔錯既。一直同朋友對間野都話係會再返黎幫襯既時候，我地隔離黎左一個放工既男人。佢靜係係張紙圈左個餃子，咁個waitress即刻好shocked話「下你靜係要餃子？」佢地對話都係無大火花，但係waitress既態度係極差，覺得靜係叫一客餃子係唔可以原諒。臨尾仲話「唔係唔得，咁你等耐d啦」其實成件事唔關我地事，而我同朋友成餐飯都係愉快，覺得間店係有心店。但真心覺得個waitress既反應同態度好差。首先個餃子都成$42，點解唔比有人係比較細食？再者，佢無寫明最低消費係幾多，所以佢講乜都係無理據。只可以話，唔會再去。

原來神虎因為合約關係已經改左名做一虎有年幾的時間證明我真係好耐冇黎今日試左一虎拉麵（$88）即豬骨湯底加糖心蛋選了幼麵，蔥同木耳都剔左要填好菜單後幾分鐘送上湯底算對辦濃厚的豬骨湯味而且夠熱糖心蛋因為半熟所以都夠糖心但係叉燒好瘦真係好瘦瘦到乾柴咁整體拉麵質素尚可但實在被塊瘦叉燒拉低左我的整體感覺

係灣仔返工既朋友一定識得一虎拉麵,因為每一個LUNCH都排到人山人海但係咪真係咁好食呢,依個真係見人見智前排終於有機會試試湯底確實唔錯,味道濃郁,不過有小小肥溫泉蛋都夠嫩滑,值得一試但麵條真係一個敗筆,因為用既唔係上等麵條,掛湯力唔夠,而且較林,口感真係麻麻最值得一讚都係溫泉蛋,因為夠曬大隻,入面流心度都好強叉燒半肥瘦,而且唔會燒到好濃,味道唔錯最後我都係成碗食曬,作為對師傅既尊重,但麵條真係麻麻,湯底算加返唔小分

中午放 lunch，突然好想食拉麵，所以同事建議去食一虎。其實已經 12 點零去到門口，冇諗過已經要响門外排隊。等咗大約二十分鐘先至有位坐。職員安排我們在 bar 位的盡頭坐，其實都坐得幾逼吓。點好了心儀的拉麵口味之後，不久就有拉麵食啦~咬一下塊叉燒，覺得塊肉算厚身，而且肉質不會太韌。而麵身的軟硬度還可以吧~ 可能只有 3 種軟硬度選擇，如果可以再多一、兩個軟硬度選擇便好了。再飲一啖湯底，真係好香濃，再把最頂的一點醬混在湯中，增加了醒胃的感覺。

早兩日聽同事推介，灣仔有間很出名的拉麵，是日本人主理，非常多人幫襯，一到午飯時間異常多人。中午12 點已經離開公司，行左10分鐘，去到拉麵店門口都係要等，好明顯呢間食店極之受歡迎。等了10分鐘，獲編配坐在近BAR枱位置。侍應會遞上字條讓我點選拉麵款式，麵的種類，硬度，要不要香油香蔥木耳？最後決定左食本店之招牌拉麵一虎，湯底用新鮮豬骨淆制12 個鐘，滿心歡喜期待師傅的精心製作。過了不久，師傅在我面前奉上香噴噴的拉麵，未開餐已令人食指帶動。湯底有濃郁的豬骨味，不算太鹹，麵質爽滑，义燒肉質鮮嫩。非常滿意的一餐，應該有下次。