一虎

营业中

休息中

叫左個特製拉麵（即全餐）讚：隻蛋好好食，夠味，蛋黃質地好好。片叉燒都還可以，肥瘦適中，有肉味。其中一片有啲”鞋”彈：個湯淡。原本都OK啦，當係健康啲。加麵就出事啦！個替玉好重煮麵水嘅味道。落埋個湯度，個湯淡過茶記例水。最後挨完碗麵。其他就一般正常拉麵

一虎拉麵📍灣仔廈門街23號地舖呢間非常有日本拉麵屋特色嘅 拉麵店其實 我已經唔係第一 二之光顧😛😋 不過通常門口都會排着一條長龍 一入到去就會太急不及待 就食完咗個面 唔記得影相 所以就拖到而家先至第一次寫食評 我超級鍾意佢個櫻花蝦濃湯湯底 （海老虎🤤）不過根據我咁多次嘅經驗，其實所有湯底都非常濃郁 拍得住日本嘅拉麵老字號店 而我朋友就嗌咗赤虎 我哋兩個都一路食，一路讚 最後飲晒個湯同埋我地加左份煎餃子 🥟 餃子嘅皮煎得好香一啲都唔會糊 裏面嘅餡又有肉汁👍配埋一支啤酒 🍻 同朋友吹吓水食住美食 實在太開心了

一虎推出咗檸檬拉麵！有好幾次都有衝動想試吓，今次終於鼓起勇氣，有驚喜喎，好食！佢嘅樣就係一碗豬骨湯拉麵，上面有幾塊新鮮檸檬。即刻飲啖湯先！微微檸檬酸味，配上香濃豬骨湯味，唔會太酸，幾好飲，感覺非常開胃👍🏻👍🏻拉麵彈牙，份量適中如果想再酸啲，可以用筷子拮幾下新鮮嘅檸檬，又有多種食法😁😁檸檬拉麵本身已經有叉燒，但係就冇蛋，所以如果想要糖心蛋嘅話，落單嘅時候就要畫埋。叉燒肥瘦適中，估唔到叉燒、雞蛋，同檸檬拉麵湯底都幾夾，冇乜違和感😁😁有濃郁嘅豬骨湯、酸酸地嘅檸檬，都仲唔夠喉嘅話，可以食埋有少少辣嘅芽菜，免費自行無限添加，口感同味道都更加豐富啦🤓🤓而家仲做緊秋季推廣，星期一至四，食夠$110仲可以用一蚊優惠價錢換取一款配菜，抵！

久違了嘅拉麵，今日跟同事去了灣仔夏門街一間日式拉麵店。二點左右仍然座無虛席，的確係人氣拉麵店。好彩只等了數分鐘。夏日炎炎，想食得清淡啲。期間限定檸檬拉麵，相信能消暑解渴！大約有六，七塊新鮮檸檬，拮一拮，讓檸檬汁流出，混合豬骨湯底，多了一份清新，又可減輕湯底膩感。麵質爽口彈牙，掛湯力強。义燒肉塊薄薄哋，口感軟熟。追加了流心蛋，蛋漿顏色好美，味道濃厚，好味。食拉麵當然要飲番杯凍飲，巨峰提子梳打透心涼。

今晚收工想慰勞下自己決定要食好嘢😆知道呢間拉麵好出名特登嚟試下🥰.💎 $108 檸檬拉麵檸檬拉麵係餐廳熱門之一配以特製既檸檬醬同佢地獨家調製既豬骨湯底拉麵充滿左濃厚既豬骨湯香味而檸檬醬既加入為成個湯底帶黎左一抹清新既風味令湯頭更加清爽又獨特搭配麵條既口感細膩滑順好好食😆😆.💎+$32 叉燒(3pcs)每一塊叉燒肉質都好鮮嫩配埋拉麵一齊食好正😇.💎$18 烏龍茶烏龍茶配埋拉麵一齊食原來好夾🤣

在灣仔地鐵站喜帖街旁邊有幾間拉麵店，今次拉麵之旅就來到一虎，近排在拉麵區都有不少討論關於他們的素食和全素拉麵，下次再有機會要試一試。煎餃子外皮酥脆，內餡多汁。鮮嫩的肉餡搭配蔬菜，調味適中，香氣四溢。黑虎其實是黑蒜油配濃湯豚骨拉麵，豚骨湯底濃郁，帶有豐富的膠質感。而黑蒜油增添了獨特的香氣和深邃的風味。木耳絲有脆爽的口感，豚肉片嫩滑，幼麵吸滿湯汁。一虎是濃湯豚骨拉麵湯底濃厚，口感醇和又帶一層奶滑質地。而溏心蛋的蛋黃香滑，半熟濃郁的蛋黃漿甜甜的。麵條彈牙，有著很高的湯汁吸附力。

呢間拉麵店，去之前，我已經做足心理建設，非常清楚要用咩標準，用邊把尺去量度佢，因為，佢聲稱係做博多風味嘅拉麵，咁，最好嘅量度標準，當然係用一蘭啦。一虎🍜香味 (4/5) - 香氣係夠麵條 (4/5) - 一講博多拉麵，都唔駛多講啦，一定係幼麵。而呢間嘅麵都唔錯湯頭 (3/5) - 以豬骨湯來講，極其量，都只能講係合格，唔係特別出色。豬骨味係有，但未去到濃郁嘅程度。配料 (2/5) - 因為博多拉麵嘅配料本身都係簡單，就叉燒，蔥，有時會跟木耳絲同蛋，偶然會配紅薑。咁呢碗拉麵，蔥，木耳絲同蛋都係正常，不過致命傷係，叉燒有陣好奇怪嘅怪味。我唔識煮，唔知原因，不過我只能夠估係因為 d 叉燒擺耐左變左味。整體 - 不推薦。食一蘭好過啦。

心血來潮想食拉麵，灣仔呢間一虎店舖不大，但擁有超過12款不同的拉麵，當中海虎老拉麵同檸檬拉麵是推薦之選檯面上放上基本應有的凍水，紙巾，各種調味粉及3款配菜，萵菜，辣芽菜同紅姜，可以無限添加海老虎 Ebi Tora $110，可以配秘製辣醬$8，湯底以蝦味噌醬製作，喝一口湯底，蝦味香濃不會太咸拉麵上灑上大量櫻花蝦乾，令湯底的蝦味更突出拉麵硬度可以選擇，更可以選擇需要或不需要蔬菜或香蔥，海老虎配上兩塊豬肉可以另加糖心蛋$12，蛋黃流心程度十足該店用上幼身拉麵，每一啖麵都掛著櫻花蝦乾，再加上特製辣醬，更香更辣小食只有一款，是多汁豬肉餃子6隻$48，即點即煮，輕輕咬一口，餃子底部非常香脆，內著是豬肉蔬菜餡料一想到在灣仔吃拉麵，就會想起一虎的海老虎拉麵

拉麵店細細間, 感覺好似去咗日本當地啲拉麵小店咁🎏！揀好拉麵款式後就可以揀幼麵/粗麵、麵質軟硬度, 另外亦可以追加紫菜、木耳、糖心蛋、叉燒等配料, 選擇都幾多呢！🍜海老虎拉麵 拉麵上面有大量櫻花蝦, 真係好正啊！湯底係秘製蝦味噌, 加埋櫻花蝦🦐, 蝦味非常濃郁！曲麵軟硬度適中, 亦好掛湯, 每一啖麵都食到櫻花蝦嘅味道！🍜一虎拉麵配料有兩大片叉燒、黑木耳、香蔥、糖心蛋🥚, 叉燒肥瘦比例適中, 糖心蛋好嫩好入味～

和媽咪中午行下利東街，見隔離廈門街有一虎拉麵，一於食個午餐先。一入店內，雖然地方細細，但卻很有親切感。我們坐在bar 枱，叫了一虎拉麵、白虎拉麵，及煎餃子。～ 一虎拉麵：湯底濃郁，喝一口已感受到廚師的誠意👍🏻揀了幼麵，口感彈牙。叉燒薄切，不肥不瘦。糖心蛋，半熟透有流心效果，還加埋木耳，更是有益健康。～白虎拉麵：揀了粗麵，很有嚼感。除了少了糖心蛋外，湯底、配料都是和一虎拉麵一樣的。～ 煎餃子：一客六隻，新鮮的煎出來，餡料的菜肉比例很好，值得推薦。整體來說，這裡的拉麵款式多，亦很有特色，如鮪魚拉麵，及檸檬拉麵。而最欣賞的是，他們有素拉麵，及全素選擇，照顧到素食者的需要，下次一定再來。

今日下午天氣非常悶熱，唔想食飯，食碗日本拉麵就最好不過，位於灣仔呢間拉麵店，已經食過好幾次，水準一直都保持到👍✨一虎拉麵✨湯底係豬骨湯，麵可選擇粗幼和軟硬度；配兩件稔滑义燒、鹵水味香濃嘅流心蛋，仲可加埋木耳、好多好多香蔥，非常醒胃😋✨檸檬拉麵✨上面加了幾片新鮮檸檬片，令同樣係豬骨湯底的味道，增添咗清香和酸甜味，湯麵一樣有兩片美味叉燒，但如要流心蛋，就要加配了；在桌面上還有幾款配菜，如香辣芽菜、醃菜、酸薑絲等，加入湯麵一齊食，都好滋味🥰

「一虎」這家拉麵店提供了多樣化的選擇，無論是豬骨、味噌還是檸檬，都能滿足不同偏好的食客。每款拉麵都做得相當出色，麵條有勁道，湯頭濃郁，口味均衡，是一家值得一訪的拉麵店。這天午後跟同事忙裏偷閒，過來吃了兩碗美味拉麵！赤虎（$103）這家店的激辛味噌赤虎拉麵絕對是我的最愛！麵條韌性十足，入口即化，而濃郁的味噌湯汁更是令人難忘。雖然辣度刺激，但卻不會蓋過其他味道，反而增添了層次感，值得一試！黑虎 ($103）黑虎拉麵實在太讚了！濃郁香醇的豚骨湯底，再加上那獨特的黑蒜油香氣，無疑是拉麵界的一絕。麵條咬勁十足，完全吸飽了湯汁的鮮美。整體而言，這是一道拉麵佳作。煎餃子（$48）餃子煎至外層金黃酥脆，具一層酥脆的口感，同時保持內餡軟嫩多汁，豐富多樣。檸檬可樂（$15）見到有這罐黃色可樂十分迷人，點了一罐一試，清爽可口，加入檸檬味後，不僅增添酸甜的柑橘香氣，同時也中和了可樂的甜膩感。綜上所述，「一虎」拉麵極具特色，值得一試。相信不同口味偏好的食客都能在店中找到心儀的拉麵。一虎 (灣仔)地址：灣仔廈門街23號地舖

前幾日約咗喺灣仔返工嘅朋友仔嚟呢間灣仔人氣拉麵店🍜「一虎」，呢度長期都keep住有人龍，所以我都專登早少少去排定隊，朋友嚟到就剛剛好😊麵條可選擇 幼麵/粗麵 同軟硬度🌟一虎 $105呢款揀咗粗麵，食落煙韌而且掛到湯汁，仲有濃濃嘅豬骨湯味道，食落唔油膩🥰配料有糖心蛋、木耳同兩塊軟腍叉燒🌟黑虎 $103係黑蒜油配濃豬骨湯😍湯底味道香濃拉麵麵條揀咗幼麵，入口爽彈，配料同樣有齊糖心蛋、木耳同兩塊軟腍叉燒，掛上湯汁好滿足😌仲可追加 紫菜、叉燒、味筍、木耳同糖心蛋可樂 $15檸檬可樂 $15

今日岀去上堂，食飽飽先夠精神，係廈門街搵下有咩好食，見到呢間拉麵，好似好正咁！好，坐低睇下有咩好食先。一虎特選，自家湯底，一上枱，梗係要飲啖湯先，真係超濃郁既豬骨湯底，仲有所有配菜，望落已經好豐富，仲要份量都有番咁上下。全隻糖心蛋，好新鮮既蛋白，又彈又滑，咬開流岀蛋黃，正！叉燒超大塊，多瘦少肥，食落肉味濃，有叉燒既香。麵條麵彈，浸過湯底，湯麵合一，食到雪雪聲。其他配菜，仲有紫菜、木耳、荀和青蔥。夏天熱辣辣，叫左支蜜桃茶爽下。

之前已經聽朋友說灣仔有間日本拉麵很好味，店舖空間雖然細少，但已經坐滿客人，而且客人流量亦很快。一虎拉麵日本拉麵有個好處，就是可以自由選擇粗或幼麵及麵的硬度，需要加蔥花，木耳等，再配上香濃的豬骨湯，美味的叉燒及流心蛋，非常豐富美味。檸檬拉麵同樣是豬骨湯底，但加了新鮮的檸檬片，香甜中帶有清香的檸檬味，酸酸甜甜，夏天非常醒胃。麵質選了自己喜歡的硬度，很有口感。另外追加了流心蛋，鹵水味很香，軟綿綿，好好味。另外枱上有不同的配菜，很香麻油味的芽菜，微酸的薑絲及醃菜，可以加入麵中。