一葉台灣料理

营业中

休息中

我自己真係好鍾意食鹽酥雞，所以每一次去到任何台灣餐廳，都一定係揀鹽酥雞黎食上個星期lunch time，約咗朋友喺鰂魚涌見面就特登搵左間台灣餐廳嚟食。一入到去間餐廳，啲staff已經好好招待，即刻安排我哋入去坐。間餐廳不斷播一啲好熟悉嘅台灣歌，好有回憶最後我就揀咗呢一個鹽酥雞扒飯。除咗有雞排之外，仲有好大量嘅肉碎同埋配菜。鹽酥雞嘅汁係酸酸甜甜嘅，好夾好好味。由於個汁好正，我都忍唔住問員工可唔可以俾多少少，員工都冇問題，直接畀晒成枝我，自己想倒幾多就幾多佢仲送埋一杯豆漿唔會話好甜，而且好滑

今日happy firsay同friend 食lunch，人少少所以就想搵啲平時大班人去唔到嘅地方，諗起一葉，然後發現原來自己已經有幾年冇食過。本身打算食雞排飯，食姐姐話有特餐，見到都唔少人食，而且都係雞，所以諗都冇諗就叫左黎試下。食左幾淡先記得影相😂 雞好滑好香，食落去酸酸地咸咸地，配飯幾好，不過佢啲飯比較林，個人比較鐘意硬身少少嘅飯。份量好大，基本上食哂啲雞同青瓜，半個飯已經超飽。然後因為見到朋友嗌米粉，我先回憶起佢地啲米粉好出色，所以下次一定要叫雞扒米粉食

踏入店內，「歡迎光臨！幾多位呀？」穿著棗紅色圍裙的阿姨喊著，那種肉緊程度，媲美一個老闆一所典型的台灣料理格局小館，紅木枱櫈，簡單的米白牆紙掛著點綴而不喧賓奪主的美食掛畫，背景播著90年代耳熟能詳的國語粵語流行曲，賞心悅目，心情放鬆。是日點了兩款由店員推介的菜式，「左宗棠蝦球🍤」和「金沙嫩魚塊🐟」一般台式店只有「左宗棠雞」，而且這道菜享譽國際。特別喜愛它的醬汁，帶有醋香和微辣，好開胃店員推介左宗棠蝦，那就試下。果然好有驚喜，蝦球大大粒（像粒乒乓波般大），在一層厚薄剛好的炸粉下，蝦肉肉質爽口彈牙，加上糯米醋香撲鼻，是還回的味道層次令人最意外嘅係，食到用餐尾段，已擺了約半小時，蝦球🍤依然香脆可口，沒有失色第二道是「金沙嫩魚塊」，對他們特製的炸粉不用置疑，特別的是魚塊有一種纖維感，原來是台灣直接入口的鯛魚，在香脆的魚塊外面撒上台式鳥香鬆（柴魚，芝麻，海苔），糅合在一起，味道迴旋蕩漾我晚上沒有吃米飯的習慣，但聞說這裡的肉燥飯很不錯，加上這兩道好有驚喜的小菜，相信會說「添多碗飯吖唔該！」

好奇開店的老闆娘退出之後食物水準有否改變， 沒想到會那麼差。甫入店，已覺不對勁，留言牆不見了，格調變得普通。看餐牌，價錢提高了。鹽酥雞排 - 肉不新鮮，有陣「雪」味，不能下嚥，馬上吐出。擔擔麵 - 湯像花生醬開水，麵太軟兼無味。牛肉麵 - 湯有點酸，牛肉硬，麵條尚可。三杯蛋豆腐 - 這個不錯。整體來說已經不是以前的一家店了。聽說老闆娘時代廚師變了很多次，但都能夠保持水準，證明她的監製工作很了得。當了六年多的熟客，有點戚戚然。

豬軟骨做法五花百門，廚師推介的✨烏醋骨✨以豬軟骨及台灣烏醋，加入鎮江醋、廣東片糖和特別調製而成的醬汁一起炆燉而成，酸酸甜甜非常醒胃，而且入味又夠腍，配飯吃好正🤤。

「正月葱，二月韭」,春天是韭菜最鮮、最香、最當造的季節。😋當造的韭菜花脆嫩無渣，最能食出韭菜的天然清香呢！如果等到夏天, 韭菜便會帶菜腥味了。韭菜花、蓮藕和萵苣是疏菜中纖維質含量最高, 據說韭菜花中含有大量的硫化物，有很強的殺菌和抗氧化作用，可以抑制胃腸道中有害細菌的繁殖。一葉最新推出菜式<蒼蠅頭> 以當造韭菜花、新鮮肉碎、豆干和皮蛋為主食材, 加上台式秘製酱汁下鍋炒,十足火侯,香味四溢。🙋🏻‍♀️🙋🏻‍♂️

今日有親友請食飯，近近地在佢屋企鰂魚涌附近搵嘢食，諗住搵間中式小炒就返老人家胃口， 我阿姨就推介一間台式料理， 佢以台式小炒為主，但位置比較偏僻，就在鰂魚涌地鐵站對面近太古坊一條橫街內， 呢條街平時人流唔多都幾隱蔽。我哋一行七人，本身擔心店內座位不多好難就，幸好我哋早少少霸位，好好人的店員姨姨為我哋安排咗四張二人枱拼埋，姨姨態度親切還推介了幾款受歡迎菜式比我們。 最後叫咗八碟餸，特別推介係金沙炒苦瓜，梅子排骨，小炒王，三杯雞， 無論賣相味道都唔錯， 食得出廚師嘅用心，絕無取巧，大家也滿足飽飽

說起台灣餐廳，就令人聯想起一張方形木桌，一碗熱騰騰的牛肉麵，簡單而雅致，樸素而溫馨；下班後拖著疲憊的身軀進店，喝一口熱湯，點滴溫暖在心頭。「一葉」是由台灣人開設的小店，阿姨(侍應)友善殷勤，人情味濃厚，確是有點台灣的感覺。一踏進門口，就聽到似曾相識的典型台灣流行樂。牆上掛著一系列文藝風油畫，以氣氛來說，「台灣感」確是比茶木更濃厚。茶木的裝潢和氛圍，實在「香港」了一點。近日試了茶木的元貝蔥油撈麵，我決定試試一葉的雞扒蔥油撈麵，比較兩者差別。我點了menu上寫著"廚師推介"的雞扒蔥油撈麵。食物來得很快。蔥油的味道不強，吃著竟有點像營多撈麵的味道(？！) 相信喜歡營多的人會喜歡吃的lol。蔥油麵不算油膩 (茶木的比較油膩)，份量有點小，但雞扒的份量夠大。雞扒是炸的，肉有點雪藏的氣息，雞味不濃，但肉質還算嫩滑，佐甜酸醬吃也挺開胃的。我不吃炸物，將炸雞皮全放在一旁。但其實雞皮炸得很鬆脆，喜歡吃炸物的人定會喜歡（其實我也愛鬆化脆脆卜卜的炸雞皮融化在口中的感覺，可惜因健康原因已戒吃炸物）。原想多叫一份淨蔥油麵的，但侍應說要50元。雖然好吃，但50元這麼一小碗我決定...還是不了，下次再來吃豬扒或雞扒

今日同幾個同事試咗依間台式嘅料理。我地中午十二點幾去到餐廳，但餐廳出面已經好多人等位。所以排咗5分鐘到，不過好快入位。間餐廳比較細少，位置都唔算多。有二十幾個位到。而裝修比較簡單，有掛牆食物poster。點咗佢嘅本週推介，台灣担担麵，配雞扒，$62蚊。配咗一杯豆漿。.担担麵麵條都幾幼細，而且幾彈，唔容易㫁開。而且有少少辣，應該落咗紅辣椒🌶️油。但湯太過濃稠，花生同麻醬過濃。而且無碎花生同蔥花配搭，感覺差少少。而雞扒都幾多。炸得算香脆丶不過感覺上太油膩，而且佢個醬，怪怪地，又唔甜又唔酸咁，有點點兒苦。整體來說，普普通通，不是太出色嘅台灣菜。

是日想品嚐台式鹽酥雞，立馬想起鰂魚涌兩家台灣菜之一的一葉台灣料理。有來過這間餐廳的朋友都應該很清楚這裡有兩個特點：音量大，速度快。還沒到店門，店面已經遠遠的招客過來，來到門前已經可以先下單，後安排座位。人越少入座速度越快。餐牌如下：在坐下之時基本上點餐已經完成，三分鐘後快餐已經完整送上：雖然香酥雞並不是非常熱，但雞外皮仍脆，雞肉沒上一次的嫩口；粗麵好吃彈牙有口感，不過湯底無甚特別。餐廳環境擠迫，基本上只要吃完店員就會準備下一輪入座；店員之間不用對講機，直接叫喊就已經行了。總計61元，只吃了十三分鐘，對於只需要吃飽就行的人來說，這是好的選擇。

今天和同事一起試這間台灣菜，看網上評語也不俗就想試吓，我們一共叫了滷香豬排飯，椒麻雞排飯和紅燒牛肉麵，總體味道也不錯，又有台式風味,本想下次再光臨，但今日服務員的態度真的嚇到了我們，以後不再來了。事源因為自己身體有點不舒服，怕被人傳染所以戴上口罩，吃飯時自己已經折好口罩，放在枱邊不會影響人的位置，本想吃完之後一起帶走，侍應一看到我們吃完飯已經迅速拿走餐盤，之後一位侍應特別走過來問我那個口罩還要不要，我下意識地說不要了，她就突然塞一張紙巾跟我說"咁你拎返走!", 我呆一呆問她為什麼給我一張紙巾,她說比我包走，其實整件事也沒問題的，但我們也認為這位侍應的態度是命令式嘅態度，好像說給你一張紙巾已經好好。這樣也算了，之後我同事飲品仲未飲完飲品，另外一位侍應已經企在我們桌邊對着我們，而整張桌子只有我們三個，其他搭枱的五位客人已離開，感覺上好像趕着我們走一樣，我明白午餐時段座位緊張，但看到出面沒有人等，而我們也坐不夠半小時，店內也有很多空位才坐多一回，沒想到侍應的感覺是這樣差，感覺上等位的時間比吃飯的時間還要長，想好好和同事食一餐，冇諗過感覺這麼差，好似想趕你快點走，第一次對一間餐廳這樣反感同失望

久唔久就會想食台灣嘢於是周圍搵有咩冇乜人識嘅台灣餐廳去試吓 😀 呢間系鰂魚涌嘅小店真係開得好隱蔽嘅，系一條好似車房小巷嘅盡頭，我諗真係住呢頭嘅街坊先識嚟食 😂 賣嘅都係一般台灣嘢，大部分都係單嗌，有啲小炒可以嗌白飯食。唔算有咩新意思，但嘢食都唔錯嘅肉燥飯 ❤️ ($25) (滷蛋 +$6)評分：7.5/10.多數都食滷肉飯，見到呢到肉燥飯好似唔錯決定一試。肉燥汁系成碗飯都索晒，幾香，肉燥唔會太碎/水，都 keep 到漿口台式鹽酥雞 ❤️ ($60)評分：7/10.初初見望落個樣咁乾同皺皮 😅 諗住一定唔方好食了 😨 不過食落反而又冇乜大問題，雞肉都軟熟，純粹就好碎細細粒咁唔夠啖啖肉，但就比平時嘅鹽水雞感覺少油好多，而且似系用麵包糠炸而唔系炸粉，所以感覺冇咁熱氣凍冬瓜茶 ❤️ ($16)評分：7.5/10.冬瓜茶只係落咗好少冰，算幾大大杯，冰溶得太快叫廚房幫我加番少少佢哋都冇托手踭，服務滿意

上次無意中搵到呢間台式餐廳，食左櫻花蝦炒飯，幾 今次泥已經加左落menu，當時老闆娘話睇下反應先，仲問左我意見，睇泥客人反應真係唔錯喎。今次繼續食牛面麵，睇下有乜材料先。牛肉有4-5件，好冧同入味，又夠厚身雖然唔見蘿蔔，但湯底有濃濃蘿蔔味。麵條都幾QQ，仲有梅菜同兩條生菜，整體不錯。份量係正常碗仔size，肉燥好咸，食完要check下個腎（講笑）不過下次唔會再食，哈哈。味道唔錯，但唔算突出，珍珠唔夠QQ，但我覺得還好。係openrice見到有優惠，而且店員又推介，就點一份試試。賣相幾，好香，雞球大概有4-5啖。外層甜甜地辣辣地，好香脆，雞肉嫩滑。食得重口味既朋友會鍾意

一葉呀！每次經過鰂魚涌，都特登黎食一葉！一葉始終係我最愛既台灣小店！呢碟不得了呀！喜歡咸香味道既朋友更不可以錯過呢～呢碟係櫻花蝦炒高麗菜！蝦香既味道，配合高麗菜既爽甜！真係夾到一個點呀！咸香咸香，配白飯一流！介紹朋友吃，朋友都讚好呀！呢碟係左宗棠雞球！嘩！係我食幾多次都吾會厭既小菜！雞球非常脆口，味覺一流！都係配白飯最好，所以每次都食得好滿足！兩個人食，兩個餸，兩碗白飯，剛剛好，好滿足的一個晚餐！強力推薦！！！

忙咗成朝，#小秘書 連早餐都無時間食，好彩聽日買咗啲🍌生果，都可以頂吓肚👀 摩打手係咁做... 終於捱到中午放飯✌🏻 雖然好肚餓，但係又諗唔到食咩好🤔 我哋漫無目的咁行吓行吓去到 一葉台灣料理店 🍃 印象中味道麻麻嘅 #一葉，對佢無咩期待，不過見啲 #阿豬媽 咁熱情，即管比個機會再試吓😌#阿豬媽 似乎好想做多幾輪生意，我哋連櫈都未坐穩，佢已經想幫我哋落單，一輪咀係咁介紹啲「特式」食物比我哋😅 見 #阿豬媽 盛意拳拳... 我都唔好意思托手踭，就聽佢話試吓個 #排骨蔥油拌麵 😋 排骨先上枱，外貌唔錯，無幾耐拌麵又到，份量真係比較少，筷子大注啲都夾得起全部🤣 不過 #小秘書 一向都眼闊肚窄，食哂自己果份再飲埋杯餐飲豆漿就啱啱好😋 結論係 #阿豬媽 介紹嘅 #蔥油拌麵 味道唔差，#排骨 就油膩咗啲😅 ... 今次比佢合格啦！