一葉台灣料理

营业中

休息中

今日約咗朋友喺鰂魚涌食嘢，呢間台灣小店喺芬尼街小巷，平時都唔太覺眼。七點黎度唔使等位，但七點半過後已經坐滿客人。我地兩個坐底咗就叫嘢食，分別叫咗金沙炒苦瓜、羊肉湯粉、糖醋魚金沙炒苦瓜：咸蛋王炒苦瓜，咸蛋王好香，苦瓜唔算太苦，味覺剛剛好羊肉湯粉：濃郁既湯底，羊肉唔羶糖醋魚：呢個製作時間需時，但魚炸得香脆，糖醋汁酸酸甜甜，好醒胃另外我叫咗杯熱黑糖薑母茶，一向好鐘音中飲台灣既黑糖薑母茶，不過呢杯飲品有點失望，薑唔夠辣，黑糖亦唔夠，相對食牠就比較遜色。小店依家並不多，會繼續支持！

收咗工之後口痕痕想食台灣野，上OpenRice 搵吓公司附近有冇邊間台灣野好食，唔想次次來來去去都係食連鎖店，所以搵左呢間係鰂魚涌嘅一葉台灣料理估唔到呢間鋪頭細細地但係都幾滿座，可能係夜晚食飯時間，見到佢有個餐牌係夏日嘅特色美食，一於試吓新口味我哋叫咗幾樣野：口水牛肉伴麵其實我唔係幾食辣，不過職員推介呢個口水牛肉麵好好味，又真係唔係好難，係有啲川香嘅感覺，牛肉夠厚實，麵底應該食落似手打和風涼拌珊瑚草睇相都知道好豐富骨膠原，所以睇到張圖片就叫咗，果然食落去係淡淡骨膠原，幾十蚊食呢個好抵食， 好清新嘅感覺三杯蛋豆腐經典台式食物，三杯雞就食得多，原來整三杯豆腐都咁好味，basil個味好出又配合焦糖手工布丁同行朋友話想食甜野 ，叫咗個布丁同黑糖糕食，又估唔到呢度甜品都OK喎，唔會太甜，黑糖糕整得好好味

成日見同事食佢地外賣，今次收工就去試試。一開門店員好友善歡迎我地，安排個冇咁大冷氣既位置俾我地。高度推介呢個金沙四季豆 $78一上店香味四溢，惹味唔太咸，又大碟👍跟著點左呢個水煮牛肉 $118我地點左小辣，牛肉軟硬大小適中，一啖放落口好滿足，辣得黎香👍👍👍再點左呢個蕃茄牛肉麵 $70店員推薦我地，湯底唔係用罐頭茄膏，而係用新鮮蕃茄淆出黎，麵質爽口，牛腩就用蕃茄湯底煲，好入味又唔太硬，高推高推👍最後店員推薦我地點兩款新甜品，焦糖手工布丁 $15以及台式黑糖糕 $22布丁估唔到咁好味，焦糖不太甜，配上滑滑的雞蛋布丁👍👍👍黑糖糕都好好味，好濃既黑糖味令成個晚餐畫上完美既句號👍總括而言，我地絕對會回頭再試其他菜式😁😁😁

我嗰晚就喺鰂魚涌拍好部車，佢呢間野我從來未試過，我成日見到裹面好旺，又見網上寫得好好，就試吓啦。我就帶咗個面連豬扒。仲叫咗杯嘢飲。佢就嚟咗個面先，因為我都幾肚餓馬上就將個面食晒，由於豬扒味道我再睇睇Menu，佢個肉操飯20幾蚊啫，再叫多個肉操飯，豬扒就到。都夠食！我覺得佢係一種套路嚟㗎，就係首先俾個面你食，豬扒未到，你就感覺食完個面唔夠，又見到嗰個肉操飯20幾蚊好平，就會叫埋，到最尾豬扒到，咁你就會感覺好滿足。佢又做多咗生意，一個人食呢餐成為$140。抵唔抵食就見仁見智。味道係可以啊，又開始嗰個拌麵，到豬扒，到肉操飯。全部都用好食來形容，我只覺得網上評論太過誇張，收咗錢都唔好寫咁誇張！

自從畢業之後，朋友各散穩食，難得夾到時間一齊食個飯，翻下陳年舊事，然後就約係大家的中間點。至於餐廳嘛，當然是隨緣。然後就入左“一葉”，不知會否一葉知秋。睇完餐牌聽埋介紹，最後決定一碗牛肉麵-大大碗，湯都幾濃郁，牛肉燜得入味，麵都幾爽口，唔錯的選擇一碗滷肉飯-細細碗，不過就鋪爆曬滷肉，隨時滿出來的錯覺，所以最後額外叫多個白飯來分左宗棠蝦球-蝦肉大大粒，口感十足，炸完再炒，甜甜辣辣，雖然甜同辣都有點過左頭三杯雞-正常煲仔飯的砂鍋，滿滿的九層塔味，大大塊雞腿肉，不過都是味道比較重另外還叫左幾杯珍珠奶茶，都幾特別，珍珠有微甜，奶茶小甜同滑

平時好少經過鰂魚涌，適逢朋友喺附近放工，就推介食呢間高質台灣菜～當天七點多去到，幾乎全場爆滿😲當中有些食客是台灣來，我想質素應該不錯的😊——————————🔸台式蝦仁炒飯 $75這個蝦仁炒飯炒得很有鑊氣，做到粒粒分明，當中有不少爽口的蝦仁🍤和肉絲，所以每啖都食得很滿足～最意想不到的是份量非常大，兩個人分都有點多😂🔹肉燥飯 $28黎到台式餐廳，當然要試肉燥飯！雖然只有一碗，但肉燥舖到滿滿，未食已經好吸引。肉大多是瘦肉，怕肥嘅朋友呢個就啱晒☺️🔸干煸四季豆 $78想不到四季豆可以咁好食，店家加咗好多蝦乾🦐和肉碎粒一齊炒，很惹味～不過唔送飯食就有點鹹，份量同樣非常多😍🔹沙茶牛肉 $103這個沙茶牛肉未食就聞到好香沙茶味，牛肉很軟腍，和甜甜的洋蔥一齊食就剛剛好👍🏼🔸冬瓜茶檸檬🍋 $20平時都會飲冬瓜茶，但原來加檸檬🍋會多咗一份清新感，有助解膩👅

今日收左工無野做，就約個朋友出黎見面傾下計，比我發現左呢間餐廳係鰂魚涌地鐵站格離，交通非常方便。入到去店面唔算好大，但係服務員既熱情招待就坐落黎了。呢道係食台灣風味。首先我地選左和風涼拌珊瑚草，係涼菜黎，食落酸酸辣辣咁好開胃，食落好爽，而且唔會好辣，味道岩岩好。食完之後胃口大開。之後叫左個口水牛肉拌麵，有一估花生醬味好香口，啲麵好彈牙，牛肉方面入口即溶，煮得好淋好入味，真係好好味。跟住叫左個沙茶羊肉，份量非常多，好有鍋氣味，好香好野味，羊肉味好重，識食一定食羊肉。有羊肉點可以唔叫飯呢，今次我地叫左碗肉操飯，非常之好味。豬肉肥瘦適中，味道岩岩好。撈埋啲飯食真係一生享受。跟住試咪個黑糖珍珠奶茶，奶茶味非常香濃，係我最鐘意既味道，加咪啲黑糖珍珠非常有口感。呢個係新產品，一定要試下。最後叫左個甜品，台式黑糖糕，食落唔會好甜，味道岩岩好，一啖一啖入口即溶，唔會好口乾。飯後甜品必選。

以前係呢邊工作嘅時候來過幾次呢度食午飯，呢度嘅午飯時段以台式便當為主。今日夜晚約朋友過來食晚飯，發現呢度夜晚嘅菜式唔只得一般台式餐廳嘅鹽酥雞、滷肉飯，亦有多款小菜。我地叫左蔥爆羊肉、滷蛋、台式鮮魚羹、紅燒牛肉麵。紅燒牛肉麵有四至五件牛肉，每件牛肉都十分嫩滑，湯底亦都調得幾適當，唔會太濃味，麵條都好彈牙爽口。滷蛋蛋上檯個時熱辣辣，醃得好入味，滷水味好突出！蔥爆羊肉用蔥、蒜爆香炒羊肉，味道調得幾好，羊肉嘅臊味被蓋過，味道十分惹味，水準幾高嘅一道菜！台式鮮魚羹叫左幾樣濃味嘅野，想叫個清淡少少，朋友就點左呢個台式鮮魚羹。魚羹比想像中大碗，好足料，魚羹味道幾鮮甜，裡面有好多切粒嘅魚肉，仲有幾隻蝦，魚肉軟滑、蝦肉都幾爽口！

話說今日同媽咪出開港島咁媽咪比較鐘意做家常菜正好上OpenRice見到附近有依間一葉餐廳所以就搵黎食了🙈🙈🙈一坐低無耐媽咪已經決定好食咩了所以好快就已經落左單了🤣🤣而食物都等左一陣就已經上左枱喇嗯～好香啊！💕💕首先係個蔥爆牛肉 一上枱已經聞到好香蔥味食落熱辣辣 又夠哂鑊氣 牛肉份量好多同切得好大舊送飯一流啊！！！🥰🥰🥰另外 魚香茄子都好好食！大推！！雖然食落同聞落都無咩魚香😂😂不過咁樣反而岩我口味多d！食落係辣辣地 十分惹味！🥵🥵而且茄子亦唔會飛油飛得太硬同太淋真係可以話係我食過嘅魚香茄子中最正嘅！最後我地都叫左個酸辣湯濕下口依到嘅酸辣湯唔同出面果種咁酸有d似加左醋嘅碗仔翅咁😂😂😂不過份量真係好多 用拉麵碗黎裝 （特登擺隻手係格離對比下！）最後我地都飲唔哂😭唯有打包帶走唔好浪費整體而言 份量好足 味道亦好好 價錢合理 食到捧住個肚走！🙈🙈🙈🙈

約了朋友在鰂魚涌工作的朋友傍晚見面，待她下班已六時多， 她提議到公司附近這家餐廳吃飯。餐廳位置離地鐵站不遠，但這條街較短及不顯眼，人流不多。 雖然如此，這家餐廳在此開業已經十年，當晚都滿座，相信已有不少熟客。一葉是地道台菜的餐廳，這晚點的都是服務員介紹的，曾到過台灣多次，但當中的兩味小菜都是第一次吃的。鳳梨苦瓜雞湯 $85 來自台灣的苦瓜，顏色清翠，味道甘美，爽中帶腍，吃後有點回甘。加了幾片菠蘿，更突顯苦瓜的美味!而雞肉不是一般部位，每塊都是圓潤的雞腿，啖啖肉很美味!葱油秋葵松阪肉 $98以葱油炒的秋葵爽中帶腍，很入味。加了薑塊，去了青澀味。松板肉頗嫩滑，原來是豬的肩膊位置。蒼蠅頭 ~ $88 竟然有人用這樣的菜名，真是大膽!免治豬肉、韭菜花、配三色彩椒 ，豆鼓，夠鑊氣，色香味都好，佐飯佳選 !我們要求走辣，否則應有辣椒 、胡椒等。由於原味夠辣，有些川菜館也有供應，估計嗜辣人士應該喜歡。冬瓜茶檸檬 $18, 要求走甜，酸酸甜甜，好味!芋香奶茶 $18 加珍珠 $ 4 ，芋香奶滑，珍珠彈牙!食物可以外賣，致電或上網訂購均可，如果下載apps 訂更有折扣。朋友家住港島，說下次再約朋友到家中

舊同事好耐冇一聚，所以去舊公司側魚涌附近懷緬一下呢間台灣菜。其實以前側魚涌晚飯冇乜好食，有時都會叫呢間外賣，不過去店面食又真係少啲。間鋪唔算好顯眼，亦因我哋去到時間尚早，都未有咩人。（後來就愈坐愈多人）裝潢就都係好似台灣小店行簡約風格。餐牌封面有金沙炒苦瓜($78)，一定要叫黎試下啦。佢會連埋啲菜圃一齊炒，所以除左苦瓜同埋鹹蛋黃之外，仲會食到鹹鹹地嘅菜圃，炒嘅時候瓜都會痴返少少鹹蛋黃，而唔會完全分開哂，同埋苦瓜份量比想像中多。呢味係朋友指定菜式，三杯羊肉($115)。台灣任何三杯既小菜都好好食，不過夾羊來炒又真係少Ｄ見。羊肉落左好多洋蔥同埋九層塔，多香料調味，所以唉某程度上都掩蓋左羊肉嘅騷味，食落肉質都唔錯，有痴到九層塔嘅香味，幾好送飯。不過如果羊既份量多少少會更好。因為兩個人都幾餓，淨食送都係唔得，叫咗個台式蝦仁炒飯($75)。炒飯豉油有甜甜地，同平時港式都幾唔同，蝦嘅份量都好充足，所以成碗飯真係啖啖蝦肉，好滿足。冇叫野飲，所以叫左個紫菜蚵仔湯($78)。蚵仔就點都唔夠台灣食咁好食喇，但係值得一讚嘅係份量都幾多下嘅，加上可能而家蚵仔當造，所以幾鮮甜，肥美飽滿。另外，佢個豆腐唔係滑豆腐

上星期三同妹妹行太古吉之島，晚餐決定在附近食，最後去了芬尼街一葉台式料理食台菜小店經營所以舖面不算大，但晚上六時半開始已經出現一枱枱客人一人一杯台式飲品是必須的，芋香奶茶跟胚芽奶茶，想健康一點記得少甜唷近年台灣興起蔥油拌麵，香酥雞扒蔥油拌麵是妹妹指定菜蔥油拌麵精結在於調味蔥油，雖然材料只有大蔥、生抽、糖，但怎料到這些平價食材同麵線配搭竟能創造出美味熱潮不過蔥油始終屬高熱量，偶爾一次特別滋味我喜歡食辣就叫一客水煮牛肉，入面除了牛肉之外還有很多配菜如芽菜、芹菜、花生等，同四川麻辣水煮稍有不同，辣味很到位，一入口就是味蕾衝擊相比以上兩道菜，台式炒合菜清淡很多，入面料很多，數得出有雞蛋、小溏菜、雞脾菇、雲耳、山苦瓜、大豆芽等，餸料真的很多很多，撈飯確實一流唷，也是店員力推的小菜兩個人食每次只能叫一兩款，下次人多再約聚餐吧，這小店店員真的親切，餸菜價錢也相宜！推薦推薦！

台灣料理，屬於香港其中一種主流飲食文化。近年，有很多集團式台灣料理食店開張，成行成市，提供台灣美食。除了集團式經營外，亦有地道台灣料理小店，憑著食物水準出色，依然屹立不倒。 我講嘅就是我家附近的一葉台灣料理，一葉由台灣人主理，食材也是由台灣直接入口，不經不覺已開業十年了。一葉台灣料理在鰂魚涌芬尼街 13號地下，近掘頭巷尾。店舖外觀不算搶眼，店舖面積亦不算很大，但地方乾淨企理，佈置整整齊齊。除了一些大路菜式外，一葉還有一些不是四處吃到的台灣菜式，如鳳梨苦瓜雞湯和招牌乾燒牛肉麵等。小弟就比較喜歡吃大路菜式，坐下就叫了沙茶牛肉、 黑椒炒松板肉、羊肉湯米粉和飲品珍珠奶茶。沙茶牛肉碟頭夠大，上枱時熱辣辣，鑊氣十足。牛肉薄身而大塊，肉質嫩滑，配芳香沙茶醬和香爆洋蔥絲，好惹味。黑椒炒松板肉，所謂松板肉其實就是指豬的背頸到腮那部份的肉，也就是豬頰肉，這部位的肉充滿細筋，吃起來特別彈牙有嚼勁，配黑胡椒、青紅椒絲爆香同炒，風味甚佳 。 羊肉湯米粉，好大碗，接近細食者二人份量。羊肉細細塊，有點碎，勝在肉質鮮嫩，有兩片大薑和九層塔，辟去羊膻味，湯底清甜，米粉幼細爽口，還有菇菌和大白菜絲伴湯底。珍珠奶茶是必選飲

平日很少到鰂魚涌一帶，這晚約了住在太古的友人在附近相聚，聽說那邊也有很多食肆，有高級也有平民的，跟她來到一條橫街中的隱蔽小店，臥藏了地道的台式食物，性價比頗高。餐牌選擇多，還附有菜餚的照片，看著也餓了。上菜快速，每碟菜都是熱騰騰端上，香味撲鼻，即點即煮，而非那種預先已煮好再翻熱的。不過整體菜式味道偏濃味，較鹹，還是吃清淡點較健康。和風秋葵：秋葵最適合夏天吃，拌著微酸帶甜的醬汁，帶點麻油香，開胃健康的前菜。台式蔥油拌麵配雞排：蔥油拌麵以炒香的蔥絲及醬油製成，麵條很吸味，吃到底會有點油膩的。雞排外皮炸得酥脆，上面灑上調味鹽及甜甜的醬汁，雞肉保留肉汁，不會很乾，而且入味。台式炒米粉：炒米粉有鑊氣，米粉跟雜菜絲、豬肉絲一起炒，上面加些肉燥，不過吃到後期有點鹹，較重口味，如嗜辣的朋友建議可加辣油吃更加惹味。九份綜合小丸子：值得一提的是以紅棗桂圓茶代替糖水或黑糖底，不會太甜。丸子十分煙韌，芋圓嚐到芋頭蓉，不過蕃薯圓則較遜色。

睇到標題係咪以為我太浮誇?但我想講真係每樣都超好味!入到去裝修就無咩特別啦~叫左一樣廚師推介-三杯蛋豆腐好香濃的九層塔味, 用蛋皮包豆腐方式好特別. 食素好適合!呢味用上豬肩肉, 口感偏爽, 個人吾中意呢種肉質, 但調味好好, 所以我主力食菜肉燥飯應該特別改良過, 無正宗的甘多肥豬肉. 但一樣甘香濃, 可以黎十碗飯!米粉炒得夠穫氣, 有大量配料. 眼睇以為好細兜, 點知原來份量都好多!糖水偏甜, 小丸子的話, 芋頭好味D, 啖啖芋頭蓉價錢吾算貴, 性價比高