一葉台灣料理

营业中

休息中

台式芋頭米粉台灣新竹米粉，用台灣食材，唔懶惰內有芋頭、鮮冬菇、蝦米、西芹、肉碎，好飽肚！湯底有少少胡椒豬肚湯的感覺，好正糖醋雞球醃製嘅方式以台式主，配上港式甜酸醬配料有紅椒、青椒、洋蔥、菠蘿，近日台式菠蘿很有名，也令我想起鳳梨😍😍😍雞扒擔擔麵本來多花生，多醬，店主指湯料已被配搭好，我欣賞這堅持！唔會因食客要求而改變自己原則！雞扒椒鹽醃製、好好吃，一吃上口便知道是台式炸物👍🏼👍🏼配上甜辣醬，甜甜辣辣，挺特別的✌🏻飯後甜品：黑糖花生麻薯職員服務態度一流，不停為我們加水，閒時問我們味道，值得欣賞小店要多多支持門有每日推薦

襯依家仲有晚市堂食當然要把握機會約下朋友我地就去左公司附近嘅台式餐廳🇹🇼因為平時都有食開呢度嘅Lunch覺得唔錯今次特意試下平日比較少食嘅晚市小菜果然都係好出色😋.🌟台式菜脯煎蛋 ($65)煎蛋一上枱就聞到勁香🍳大廚係新鮮整 煎蛋仲係熱辣辣出煙成個煎蛋嘅調味都好夾而且菜脯真係令煎蛋生色不少😛.🌟台式酸菜魚 ($128)近年大熱嘅酸菜魚竟然係呢度都食到😮❗而且呢度真係同平時食開嘅川式酸菜魚唔一樣 風味截然不同大廚採用左綠色辣椒(應該係尖椒?) 所以成碗都係綠色🟢而且湯底冇咁麻辣反而偏酸 不過依然食得出有椒香唔食得辣嘅朋友都可以食到👍🏻至於魚片係啖啖肉冇骨 仲要又大塊又厚身 真係好抵食酸菜魚亦都加入左寬粉其實今次係我第一次食呢種粉 睇過下資料原來佢都係薯粉嘅一種但係就扁身食落口好順滑彈牙 好好食!.🌟古早味家鄉拌麵配雞排 ($70)古早味嘅拌麵用左肉燥、冬菜同醬油粗麵條嘅掛汁力一流估唔到仲加左櫻花蝦添! 成個拌麵都好香好惹味 至於雞排真係好好食!!!🤩外層炸粉薄得黎又脆雞肉仲落左少少孜然粉調味配埋甜酸醬真係好開胃🥰.🌟黑糖花生麻糬 (Free)食完之後老闆娘好好人咁送左2粒麻糬俾我地

係鰂魚涌返工 突然好想食台灣嘢 但係附近無乜台灣餐廳就揀左食呢間 本身諗住求其入一間止下癮 點知好有驚喜😍🤣我叫左紅燒牛肉麵($68) 因為係lunch set所以包一杯飲品 我個日就係送冬瓜茶~ 個人覺得唔錯 有台灣嘅古早味嘅感覺😂😂呢個紅燒牛肉麵份量真係好多 麵同埋牛肉都係! 總共有4大舊牛肉~ 一黎到當然要試左個湯先啦🤣 湯底非常濃郁👍🏼同埋甜甜地 非常唔錯 最後忍唔住要飲多幾啖🙈🙈🙈 麵都好彈牙 而且索晒啲湯 好正! 牛肉都係好入味 而且肉質都算嫩滑 整體黎講真係唔錯👍🏼 會再黎食!

2021年2月28 唔肚餓都等到肚餓 日，19點16分叫外賣，等到20點45分都未送到，做唔到就唔好接order簡直不知所謂， 次次都係咁，唔肚餓都等到肚餓，肚餓就等到火滾。

呢間餐廳雖然叫台灣料理，但味道明顯有就港人口味做調整，幾盒我個人口味，而且份量亦好大，甚有驚喜首先叫咗紅燒牛筋牛肉麵，牛筋同牛肉都炆得好林，但湯底就正常，冇咩特別令人記得嘅調味台式擔擔麵就幾有驚喜，麵質幼滑，湯底就麻味比較重，有啲蝦米同花生碎，幾好食，我亦都加配咗個雞扒，雞扒嚟到嘅時候仍然好脆，值得一讚，而盒入面有少少配雞扒嘅醬汁，雖然個醬汁幾好食，但係令到掂醬汁嘅雞扒部位林咗，而且醬汁份量亦都好少，所以建議一係唔好提供醬汁，一係就另外俾多少少醬汁會比較好另外嗌咗個蚵仔煎蛋，初頭以為係台式的蚵仔煎，但食落感覺更似煎蠔餅，一來中間係無麻薯嘅，但係加咗九層塔喺煎蛋餅之中，味道好夾，蠔亦都新鮮，但整煮煎蛋中竟然發現三塊蠔殼，太危險了，好彩無插損個咀，希望店主多多留意！最後亦都係最有驚喜嘅就係九份綜合小丸子，一打開發現成個碗都係滿滿嘅小丸子，好誇張😂入面分別有黃色同紫色嘅芋圓，黃色嗰粒冇乜味，而紫色嗰粒就明顯食得出係芋頭味，湯底方面就識到啲紅棗，桂圓，同埋少量陳皮，之後我自己加咗兩片薑再滾下，仲正

有個雞排飯，醬汁酸辣還是不錯的，主要是雞排很嫩，也有汁，但是豬排感的我覺得味道就很一般了因為有點乾巴巴，滷肉飯還可以，飲料點了一個氣泡的完全把甜，不喜歡，另外一個芋香奶茶還可以！

本身好鐘意食台灣野，一於就去食好近地點站的一葉台灣料理，疫情關係，環境衛生都做足夠，好乾淨利落~首先食左個三杯蛋豆腐，宜家d天氣，見到個煲仔上，熱辣辣，食落真係好暖！豆腐好滑，個醬汁係整三杯雞個d味道，送飯都真係一流，又健康營養。之後再上左宗棠雞球，雞係有炸過，外面少少脆，咬開啲雞肉仲有肉汁，唔鞋。口感好正，又嘢味，送飯真係一流，個汁真係會食多2碗飯。食完飯，會送一客甜品，真係一個完美endding.

話說最近局長去咗鰂魚涌嗰邊返工咁啱又要OT 係加班完之後就好肚餓但由於附近啲餐廳都係平時中午食開感覺好似食來食去都係嗰啲 所以本身都冇諗住喺附近食但局長我諗諗吓發現其實我未睇過佢哋晚餐有咩食所以就喺附近啲餐廳望一望佢哋夜晚有咩食發現一間本身都係我中午飯堂嘅台灣野佢嘅晚餐餐單都好似幾吸引咁本身食過佢哋中午都覺得唔錯所以就不妨試一下佢哋嘅晚餐餐廳嘅防疫措施做得好好 每一張枱都有膠板隔開而且都唔會擺得好密每張枱之間都有足夠空間咁影下餐牌先原來晚市餐牌係有咁多嘢食真係多不勝數數都數唔晒所以我就問吓老闆娘有咩推介佢就話佢哋出咗一個冬天嘅餐牌叫我試吓佢哋嗰個芋頭米粉啦碗米粉入面有好多材料例如冬菇芋頭櫻花蝦佢個湯底仲飲都有啲淡淡的櫻花蝦味真係非常之咁鮮甜同埋我諗識食嘅大家都知道米粉係一樣幾難駕馭嘅麵類好容易就會浸到發脹但係我食到最尾佢都係keep到最佳嘅狀態非常之抵讚 呢一個米粉好食 大家不妨一試然後再嗌左一個好暖身嘅蔥炒羊肉呢一個羊肉亦都係超級好食食完個人係暖粒粒極之補身嘅佢羊肉嘅份量好多 而且啲蔥亦都好嫩 炒得好香佢啲蔥係嫩到好似食緊韭菜咁真係非常之好食 直頭清埋佢啲蔥完全冇諗過啲蔥係咁好食 差

朋友喺鰂魚涌返工，呢日就過去搵佢食晚飯，佢推介左我一間好正既台灣餐廳。打開餐牌，見到呢度有好多地道既台灣菜，好多望落去都好吸引，揀左好耐，最後點左三道菜！首先，我地點左碗台式芋頭湯米，冬天食返碗熱辣辣既湯米真係好正，感覺好幸福！呢碗湯米真係好有家的味道，完全冇街外啲湯麵既味道！佢既芋頭好粉，好味道！呢碗米粉落左好多香料，好似芹菜同埋蝦米咁，所以個湯底係勁香既，但同時又好清，食落去勁舒服，所以我地連湯都飲哂！另外，我地點左個干煸四季豆，四季豆炒到好惹味，仲有啲肉碎，好味到食唔停啊！最後，我地點左碟皮蛋豆腐，廚師既刀功好好，將豆腐切得好幼細，豆腐口感好滑，勁正！皮蛋都好香口，配埋個醬汁，成個配搭真係perfect ！最後，老闆仲請左我地食甜品。

發現呢餐係我兩個禮拜內食緊第四餐台灣菜。不過今次就唔再係食紅燒牛肉麵，而係黎到呢間台式餐廳，食下啲台灣家常小菜。🐮老媽炒牛肉 $108老媽炒牛肉係店員知我鍾意食辣之後推介嘅，牛肉由豆豉、香蔥，韭菜、黑椒炒成，食落香辣開胃，感覺有啲似黑椒炒牛肉，最啱用嚟配飯食。🥬台式香腸炒高麗菜 $78香腸炒高麗菜炒出嚟嘅味道比想像中更台灣，香腸好有油香味，配合新鮮嘅蔬菜，味道不錯。不過如果再少油啲就更加健康啦。🌶辣油 $0店員介紹話呢到嘅辣油都幾受歡迎，lunch set有雞扒飯嗰啲，佢話有啲客人會特登用啲辣油撈黎食。我試左少沙辣油，將牛肉點落辣油到食，都幾香，味道幾特別。🍚白飯 $12白飯係幾好食嘅珍珠米，粒粒分明，軟硬適中。🍡黑糖花生麻糬 $0食到最後，店員突然送上兩粒黑糖花生麻糬，話係餐廳送比客人嘅甜品。黑糖麻糬包住粗粒嘅花生醬，都幾好食。望一望餐牌，原來都有得單獨order嘅，餐牌幅圖入面有五粒，寫住$28。呢排成日大魚大肉，食返餐台灣家常小菜，有種平淡之中嘅幸福嘅感覺，成餐飯都食得好舒服。朋友話佢試過黎食lunch set，佢都覺得食呢到嘅小菜感覺幸福啲，好有台灣嘅感覺。又好掛住台灣啦。

今日同朋友去搵嘢食，然後就路過左喺大街小巷裏面嘅呢一間台灣店。呢間小店位於一條巷仔裏面，雖然唔係特別顯眼，但係招牌非常容易認得出。一開始見到外面好似幾樸素咁，點知原來入到去裏面嘅設計都幾好㗎，就好似呢一盞圓形球體嘅燈咁，喺舖頭裏面別樹一格，又唔會太高調，令成間店舖有種韻味令一樣令我覺得非常之特別嘅嘢，就係佢哋嘅餐牌。同其他舖頭唔同嘅地方，就係佢哋用一個好特別嘅設計去令到餐牌可以合埋做一幅圖，真係好有心思㗎！同老闆娘傾過計之後，佢推介左呢個水煮魚，辣辣地，又非常之香，我自己就好鍾意啦除咗與之外，亦有牛同埋羊可以選擇，非常值得一試㗎同事亦試咗呢個金銀蛋莧菜，清淡一啲，不過又冇煮得太耐老晒，所以都係幾唔錯㗎至於嘢飲，我絕對推介呢個胚芽珍珠奶茶，有大量嘅胚芽之餘，珍珠亦唔會好硬最後仲有黑糖糯米糍做甜品，真係大滿足呀有機會就去試吓啦，係幾好嘅一個平民價晚餐

去開鰂魚涌，試下這間好多年前食過一次午餐的台灣餐廳。不過今次來食晚市，所以我和朋友點了小菜食。我們覺得三杯羊肉 ($118)比經典食到的三杯雞更好食。羊羶味並不算重，而且嫩口。不過這碟小菜理所當然是偏油，配飯吃會幾好！另外我們點了台式酸辣湯($78)。我不是太食到辣的人都食到。味道我覺得不過不失，但份量和材料多到我們食剩了不少。餐廳還送了一份黑糖花生麻糬甜品。麻糬煙韌清甜，花生餡很香之餘，還有花生碎粒！這餐後甜品雖然小巧，卻又能凸顯精髓出來。所以個人幾推介三杯羊肉和一定要留肚仔食麻糬。

朋友突然話想食台灣菜 然後就搵到依間睇起上嚟好地道嘅台灣菜🤪店舖嘅位置都好隱世 係啲橫街小巷入面 不過都唔算難搵店內環境比較樸素 有家嘅感覺Menu設計好特別 拼埋係一幅畫咁有好多唔同款嘅台灣小菜俾大家揀第一樣嘢食係排骨蛋炒飯($78) 佢用依個鍋仔裝住真係好得意!啲飯份量好足 炒起上嚟粒粒分明 幾乾身 係好食嘅炒飯 再加上酥脆排骨 真係一流 排骨嘅炸皮唔會話好厚 食起上嚟冇咩好油膩嘅感覺因為好多飯嘅關係 我哋嗌多咗個小菜一齊食 佢就係台式一葉小炒($98) 一嚟已經聞到好香 好有鑊氣 入面嘅材料有五花肉 豆腐 蔥 西芹 紅椒 餸飯食冇得輸 好惹味食咗啲濃味嘅小菜梗係要飲返杯嘢飲 我就嗌左紅粉菲菲($24) 其實佢就係豆奶加紅豆 值得一讚嘅係佢用咗無糖豆奶 我呢啲減肥人士就最適合 豆味都幾濃 再加上紅豆嘅甜味 唔鍾意飲太甜嘅人就好適合最後我哋買咗一個紅豆黑糖小丸子($32) 佢嘅小丸子其實就係竽圓 都唔錯㗎員工係最後俾咗兩粒花生麻薯我哋食 呢一個係最驚喜 入面啲花生味真係好濃 好好食 好想encore依餐最後食咗二百幾蚊 整體嚟講都好推薦大家嚟試吓 而且呢度啲員工服務態度超級好 仲會同

第一次同男朋友黎鰂魚涌，見佢依間都幾吸引就入左黎，店舖位置都幾隱蔽下但又幾易搵到😂近地鐵站。假日黎都吾算太多人，都吾洗等位就入得，但見佢既外賣都冇停過手，都算幾旺下。我地嗌左台式擔擔麵配豬扒、紅燒牛肉麵、台式鹽酥雞同珍珠奶茶。擔擔麵比我想像中濃味，同上海擔擔麵個味都幾似，都幾重麻醬同花生味，而且仲有d辣味，而個豬扒都幾入味，又吾會鞋口。就咁睇紅燒牛肉麵其實已經有成三四舊大既牛肉，吾係啲牛展塊，成舊又淋又入味個湯底好似有啲藥材味咁甜甜地，絕對吾係味精味，而個麵都岩岩好，索到啲湯，好入味呀鹽酥雞既份量都吾少，適合兩至三個人share食，炸得外脆內軟，係台灣既味道呀！反而珍珠奶茶就一般，其實都幾重茶味，係啲珍珠淋左少少，但整體黎講可以回頭呀！而且餐廳仲好好送左花生麻糬俾我地做甜品食，好香花生同黃豆粉味，又煙韌，！

今日朋友帶我食呢間家庭式台灣菜，店舖位置都几隱蔽係小巷內。我朋友係膽之前係呢頭返工，佢食過lunch話几正，所以帶我去試下。店舖裝修簡樸，座位不多，店員也得數個，感覺有點温暖家庭式。一座下，個餐牌好特別，菜式唔多，全部都係台灣命名小菜。我地二人揀左三個菜式：糖醋雞球 // 酸酸甜甜汁好清爽醒胃，雞肉炸得剛好夠鮮嫩，肉帶紅嫩，夠新鮮。份量多，配菜適中,足料👍🏻台式炒合菜 // 熱辣辣，多款時菜合炒加少調味，不喊不淡，送飯一流。台式蒽油拌麵 // 簡單又可口，煮熟的麵，加入油蔥酥、醬油、蔥花拌勻，香味四溢配個炒合菜唔錯。細細間舖頭，即叫即炒，d餸可以同時上，呢下好欣賞 （我影到大合照而d餸菜仲熱辣辣)最後老板娘送左個甜品比我哋，話係疫情下先有 麻薯花生丸，希望大家都開心d ,疫情快啲過