一葉台灣料理

营业中

休息中

呢晚喺鰂魚涌收工約左同事喺附近食埋晚飯先返屋企喺openrice搵到呢間台式小店價錢不太貴又有各種想食好耐嘅台式料理雖然餐廳位置喺一條小巷入面但都幾多上班族放工過來食7點鐘都坐滿左大半人氣好勁呀餐牌選擇都好多目不暇給老闆娘見我哋猶豫不決同我哋推薦新出嘅 一葉花雕雞$128兩個肉食獸即刻就決定試下上枱係用穫仔裝住新鮮滾熱辣 仲冒緊煙雞肉全部都好大件 雞髀肉為主 食落都好滑而且有花雕酒、老薑、洋蔥、大蔥爆炒過嘅香味好好食呀仲有好耐冇食嘅米血糕煙煙韌韌 正！👍再叫左個炸豬排台式蔥油拌麵$70係台灣既味道呀(喊出黎)實在太耐冇去旅行拌麵乾身有嚼口蔥油好香 味道剛好 唔會過咸豬排好大塊 炸得酥脆 肉質又夠嫩加$15都幾抵食

平時附近返工都會黎食中午比較多人 所以服務就一般好趕同埋會催你走但一到晚上就唔一樣幾次黎加熱茶 主動拎餐牌介紹同埋送左個甜品我地食叫左紅燒牛肉麵牛肉香，入口即化 軟身 好食個湯底夠濃厚麵唔會太軟或太硬蚵仔酥 外脆內軟，不會有腥味而且侍應主動問要唔要辣椒醬另外比個碗我地沾住食加埋係有少少辣 但會蓋左個味所以建議就甘食比較好

同朋友去行完山之後係芬尼街度見到呢間好隱蔽嘅小店，好耐冇食台灣嘅我地即刻去試吓！入面雖然睇度去好細，但係五臟俱全，啲坐位都好舒服，而且啲背景音樂都好有feel。我地叫咗麻辣肉燥撈麵配雞排 ，蒜蓉炒時菜，金沙蝦球同埋紅茶。佢仲有牛肉麵都好多客人叫，可惜我地得兩個人食唔到咁多嘢！先上菜嘅係麻辣肉燥撈麵配雞排，店員好貼心咁分開上，雞排炸得好鬆脆又有肉汁，再配埋醬汁，甜而不膩，好好味，個撈麵有肉燥同青瓜絲撈埋啲辣椒醬，好惹味金沙蝦球粒粒大粒，彈口熱辣辣，蝦出面果層加鹹蛋黃去炸，超級邪惡又好味仲有蒜蓉炒時菜份量都好多，啲菜又新鮮，唔錯唔錯。最尾果杯阿里山古早紅茶冷泡茶係店員推薦，紅茶冰涼有茶味，仲有小小回甘都幾好飲！

鰂魚涌多小店就大家都知，但呢間餐廳嘅位置真係一啲都唔起眼，周圍都係車房，唔係朋友識路嚟都唔會食到。雖然係台灣料理，但見到manu好多都係同上海菜好相近嘅餸，好期待。大大碗熱辣辣台式酸辣湯！有少少似碗仔翅嘅感覺，但就有好多配菜，又唔會太辣，非常開胃。真係出晒煙架！事前對呢個蔥油秋葵松板肉無咩期待，但非常有驚喜。秋葵爽口，而松板肉好鬆軟，兩者夾得好好。台式炒合菜就比較似香港嘅住家餸~老闆娘更加誠意推介我地試下阿里山高山冷泡茶，果然啲茶幾香，再沖多一次都非常濃。

Been a while since we visited and can say they’ve kept up the good work. Ordered 蚵仔酥-good portion, not too oily, oystery 左宗棠雞球-used to be too salty and I think they’ve toned it down which is good豬扒蔥油拌麵-only complaint of the night-the pork chop too forever to arrive which was the same case for the adjacent table. The noodles were long gone when it finally did towards the end羊肉湯麵-this was normal香腸高麗菜-more tasty than your average stir fried vegetables and now they even give out 黑糖花生麻薯 as compliment

係鰂魚涌海光街附近最近開咗不少食店 但經過呢間台灣料理感覺好有家庭式經營 所以一於同朋友試吓👹裝修雖然不算華麗但應有盡有 坐位都差不多 有台灣懷舊感覺😌雖然餐廳細細但餐牌選擇都好多元化 小菜飯麵想食咩都有得揀！咩味道都齊 仲有甜品添咁我地就叫左個左宗棠炒蝦球😛個名既由來就唔了解但聽落好吸引而且係店員極力推介應該係鎮店之寶 一黎到就已經好香 咬落口外脆內軟 出面甜甜地少少鹹 好香脆 而裡面既蝦球熱辣辣 又大舊蝦肉 連埋啲蔥一齊食好夾😻另外都有叫蚵仔酥 好香脆 每粒蚵仔都唔細 仲有紫蘇葉夾埋增加香氣 蚵仔唔會腥同洗得幾乾淨🤤最後仲有個阿里山高山冷泡茶 紅茶香氣濃郁 冷泡左簡直係夏天既恩物 入口亦有回甘既香氣😛好清涼

依間感覺容易被人遺忘既小店 位置其實好方便 地鐵站出口轉左即到店內兩個aunties都好nice 有街坊人情味星期六中午黎到 有set 都係餸加飯/米粉再跟野飲 價錢可接受70左右 但係當你見到個份量就會覺得超值叫左三樣野鹽酥雞扒配米粉台灣米粉比一般幼 大碗 不過個湯底略嫌淡口 要加辣椒油先夠味 鹽酥雞夠大碟 新鮮炸起 夠熱夠脆 另外野飲加錢叫左台灣名物菠蘿啤爽！鹽酥豬扒撈麵對依個有d期望 台灣拌麵話曬都咁出名 不過食落味道同口感只可以話正常 麵係白色既幼麵 煙韌d會更好 味道都係偏淡今餐既VIP真係非炸花枝酥莫屬 大粒 大碟咬落有少少汁 正！！！一葉係鰂魚涌太古城性價比真係算高 味道冇話超好食不過合格有餘 推薦！

推介芋頭湯米粉、炸蚵仔、酸菜魚！ ！芋頭米粉本身就係香港嘅台灣菜餐廳好少見，佢個湯底好鮮甜，應該係用咗好多蝦仔嗰啲去熬製嘅，芋頭好夠粉，好好食，再嚟嘅話一定會叫多次。炸蚵仔好容易會覺得好腥，呢度嘅炸蚵仔好鬆脆，又鮮甜，一啲都唔腥，連我唔鍾意食蠔我都食咗好多舊！酸菜魚都唔錯，佢唔係好辣嗰隻酸菜魚，但係好醒胃，個人可以覺得再酸啲。相對唔太推薦：鹽酥雞、炒牛肉、羊肉米粉。鹽酥雞唔夠香脆，炒牛肉啲牛肉葉得太犀利，冇咗牛味，羊肉米粉九層塔味太重。

#dinner #鰂魚涌呢排到港島東探索吓ʕ •ᴥ•ʔ原來呢邊咁多好嘢食！呢間一葉係鰂魚涌地鐵站出嚟過條天橋就到，唔洗五分鐘好方便٩(˃̶͈̀௰˂̶͈́)و係西環搭地鐵嚟都只係半個鐘，附近兩條街仲有好多泰國嘢/poke bowl/輕便當餐廳，好多都想試！不過主要係做外賣，所以今次就搵間有得坐嘅台灣餐廳ʕ •ᴥ•ʔ今晚叫咗三個餸，有飯有菜有肉有豆腐ʕ •ᴥ•ʔ全部都好快就飄住煙上檯：排骨蛋炒飯用個鑊仔裝住好可愛٩(˃̶͈̀௰˂̶͈́)و唔好睇個鑊仔細細，呢到差唔多有四碗飯(≧▽≦)兩個人食到好飽。豬扒超好食，脆皮而且肉夠淋。炒飯用珍珠米，炒得乾身但入面又唔硬，粒粒分明ʕ •ᴥ•ʔ豬扒同炒飯好夾，食完先發現食咗咁多。台式菜脯炒三寶三寶係苦瓜、茄子、四季豆。炒得好有鑊氣好香，同菜脯炒啲苦瓜就冇咁苦了٩(˃̶͈̀௰˂̶͈́)و金沙豆腐本身想食金沙苦瓜，不過金沙豆腐吸引啲(・ω・)ノ鹹蛋黃嘅鹹香剛剛好，豆腐keep搭到好滑唔乾身٩(˃̶͈̀௰˂̶͈́)و上面有芝麻同紫菜，所以唔會好膩。

今日收咗工同老公去鰂魚沖行街,行到一條橫巷芬尼街見到有間一葉台灣料理,因為疫情關係,好耐都冇去過台灣,於是就入去試下😊店舖細細間,但店員的招呼不錯,非常熱情！首先叫咗個皮蛋豆腐涼拌,份量好大,豆腐軟滑,皮蛋並沒有鹼水味,上面鋪上香脆的肉鬆和白芝麻,加上秘製的豉油汁,吃起來口感十足！跟住叫咗碟金沙四季豆,四季豆非常鮮嫩,吃起來很爽甜,完全沒有渣,加上香香的蛋黃舖在四季豆上,蛋黃的份量恰當,表面上我還有粒粒的蛋黃,配上白芝麻,更香口！再來一個台式蝦仁炒飯,大大碟,够兩個人食👍👍炒飯用粒粒的珍珠米,非常彈牙煙韌,再有一些椰菜絲雞蛋,吃起來非常爽口😄粒粒的虾仁鮮味而且爽口,非常美味👍下次一定要再嚟食多次😋😋

餐廳附近多為寫字樓，收工後嘅晚市時間食客不多，環境舒適清靜，特別適合想食下家常台灣菜嘅客人紫菜蚵仔湯 $78 8/10一大碗熱謄謄嘅紫菜湯，飲落清甜又開胃，湯中有滿滿嘅紫菜、蚵仔同豆腐，蚵仔粒粒飽滿，十分鮮甜蔥油秋葵松板肉 $98 8/10秋葵口感清甜脆嫩，爽中帶稔，上網查過原來「松板肉」係台灣人稱呼，其實就係豬頸肉，肉質食落爽口滑順，口勁適中，十分入味，用蔥油炒更令成碟菜增添台式風味，食落特別香口惹味😋肉燥飯 $28 7.5/10食台灣菜點少得肉燥飯！濃濃嘅古早味肉燥香配上不鹹不膩嘅滷肉，口感可口鬆軟，讓人胃口大開

鰂魚涌作為商業區，附近有好多餐廳，呢間價位都幾好，野食大份，想食台灣菜嘅話可以試試。我同朋友一呢餐兩個人，就叫左一個麵、一個餸配白飯。（1）沙茶牛肉、$108。沙茶醬喺牛肉上面，味道濃郁厚實，識落好Lim口，配搭好啱，帶出牛肉嘅味道，本身冇白飯我哋就嗌多個白飯，白飯係珍珠米。（2）叫左一個古早味家鄉伴麵配雞排，$70，雖然佢係鹵肉，但食落一啲都唔油膩，掛喺個面度嘅汁唔多唔少，條菜睇落冇乜嘢，但當你食到一半嘅時候嗰啲鹵肉汁就會飲咗喺菜上面，食落就會吸咗裏面嘅味，亦都因為係咁所以唔覺得油。唔少得呢個鹽酥雞扒，啱啱新鮮炸起，個古早味醬甜甜地，都幾襯炸雞。（3）冬瓜茶 $14食咗啲炸嘢有啲熱氣，當然唔少得飲冬瓜茶，呢度嘅冬瓜茶仲可以嗌檸檬冬瓜茶。（4）黑糖麻薯，最後仲送左黑糖麻薯比我地，唔係好甜，我鍾意思呀！整體來講都幾好，不過多啲人食應該可以再叫多啲野，除返會再抵啲。性價比，7/10啦！

放工係鰂魚涌同朋友揾野食，小店非常近地鐵站，附近亦有唔少食店，不過一葉係橫巷內裡好易會路過，所以我一直無黎食過，今次黎發掘下先平日晚上黎不多人，有卡位，都算坐得舒服既。鋪面不大，但裝修幾古色古香，特別餐牌整得幾用心啊金沙豆腐 $78我同朋友以為豆腐只係小菜，點知上到黎原來幾大份，都有廿粒金沙豆腐了(ﾟoﾟ;; 一上碟熱辣辣，好有蛋黃鹹香，濃郁咁包覆住豆腐，做到外酥內軟沙茶牛肉 $108用左唔少蔥炒香，牛肉食落非常軟腍。牛肉沾滿沙茶醬，台灣人都幾鐘意用沙茶醬拌麵食，今次都唔好浪費啲醬，叫多碗白飽撈黎食岩曬^-^黑糖花生麻糬最鐘意呢款飯後甜品。沾滿黑糖粉，咬落有好濃好濃既黑糖味，花生內餡食到唔少花生顆粒，口感夠q彈(^з^)

1）食物質素差：話說我同同事一坐低，有位服務推介我哋食台式盬酥雞併粟米餅麵，我哋便點來試試，冇諗過，落完單，不用一分鐘鹽酥雞併粟米餅已送上，全是凍，不是即炸，而且不好食，食咗一半，跟餐的湯面先送到。另外我同事點咗牛助牛肉面，佢話太濃味精，味道一般，食完很口渴。2）位與位之間零距離：我地用餐的枱同隔離用餐的枱差不多是零距離，而且沒板隔開，用餐期間，其實都好驚。3）收銀員服務態度差理單的時候，收銀員服務態度非常非常差，不愉快用餐經歷，不值得再光僱。

行完山，當然要醫肚，朋友跟我去了一間台灣菜館食晚飯。因為行完山冇乜胃口，我們只叫了三樣菜式，以清淡為主。古早味家鄉拌麵配豬扒，豬扒炸得外脆內軟，份量也挺大，欣賞他的拌麵，麵質彈牙，有咬感。拌勻肉燥，櫻花蝦。台灣口味較重食到最後麵有點咸。皮蛋地瓜苗，皮蛋和地瓜苗放湯外，他還有杞子乾子薑片，炸蒜子，份外惹味。地瓜苗功效排便美顏，口感也不懶，非常適合爬了一整天山的我們。和風秋葵，和風汁配上秋葵，秋葵有大量黏滑汁液，又是清腸胃的好東西。他們配上和風汁，帶上一點醋味，非常開胃。黑糖花生糯米糍，不會太甜，粒粒花生醬在裏面。這間小菜館開越多年，受區內街坊支持，如果不是朋友帶我來我也不知道有這間餐廳。行完山不想食煎炸，所以菜式較清淡。滿分為10分(1分最低，10分最高)食物：8環境：7.5衛生：7.5服務：8價錢: 8舒適度：7.5總分：7.5