一緒一番酒場

营业中

休息中

萬聖節嚟到中環搵食，晏晝就嚟咗，當然食飽飽今晚先有力玩落去，帶埋女朋友黎左呢間朋友大力推介嘅一緒一番。星期六日嘅lunch menu同平日一樣，$100頭就有lunch set，我就決定試下佢嘅$500 lunch omakase，同一般鮨店唔同，呢度嘅omakase 除左食刺身壽司外，仲食埋幾串招牌串燒😀刺身3點: 石垣貝、牡丹蝦、油甘魚最特別石垣貝撞正seasonal，非常鮮甜，睇住佢即開出黎經過拍打收縮，令佢更爽口😳壽司: 深海池魚、金目鯛、比目魚、大拖羅、海膽估唔到lunch呢個價位已經有齊最受歡迎嘅拖羅同海膽，份量仲要唔少，拖羅油脂感豐富海膽則甘甜，十分滿足呢🤤串燒3串，分別有牛肋條、明太子雞肉串同燒豆腐，成個場仲有個open area燒烤爐，當然有返咁上下水準整體而言，lunch omakase 可以話係非常抵食同飽肚，坐住喺26樓嘅bar枱居高臨下咁望住中環難得嘅寧靜，好愜意🥰題外話，可能臨近晏晝落場前先去，整野食外，見到師傅們對刀具真係愛護有加，石磨手磨左好一段時間👏🏻

星期六媽咪放假,同佢出左中環食LUNCH,我地黎左呢間<一緒一番酒場>雖然地方唔大,一眼睇曬,但餐廳採用落地大玻璃設計,睇落空間感十足,個VIEW雖然係中環既高樓大廈,但夜晚應該會仲有FEEL! 我地嗌左2個LUNCH SET. (12pm-3pm提供)每個SET都配有前菜(沙律)，麵豉湯，茶碗蒸，煮物(燒蕃茄煮牛脷)Deluxe Assorted Sashimi Set 特盛剌身定食 $488有成10款刺身,包括北海道既赤蝦,赤身,大拖羅,北海道紫海膽,油甘魚,金目鯛,鰈魚,火炙鰈魚裙邊,北海道養殖既銀鱈魚,深海池魚,seasonal既石坦貝.師傅教先食貝類，白身魚，最後先食拖羅/海膽.全部刺身食落新鮮,當中我最愛既當然係北海道既紫海膽,又甜又CREAMY!超正!Assorted Sushi Set 壽司定食 $208三文魚,深海池魚,金目鯛,油甘魚,餐廳自己醋漬左既鯖魚,北海道養殖既銀鱈魚,帆立貝,蟹柳卷呢個壽司種類當然無Sashimi Set咁多款,都係啲大家常會食到既魚.但都新鮮.

覺得晏晝食日本嘢抵好多😂 喺中環返工嘅有福了‼️環境充滿日光 仲可以睇埋中環嘅景🥳午餐百幾蚊起 有串燒刺身壽司好多選擇( ˘͈ ᵕ ˘͈ )超級放鬆全部都係吧枱 師傅會喺你面前整埋睇表演咁😍❣️前菜•麵豉湯•茶碗蒸•煮物午市配咁多嘢🦦 每樣都用靚餐具上 心情即刻好😂茶碗蒸有柚子幾特別甜甜地😆重點係呢個慢煮牛舌‼️👅 同朋友都覺得超好食🙆🏻‍♀️ 煮到好軟好入味 有成三四塊 蘿蔔都勁好食😂❣️特盛刺身定食 $488有赤身中拖 右口魚 銀鱈魚 金目鯛 深海池魚牡丹蝦 油甘魚 大拖 海膽🐟🐠海膽同大拖羅都係入口即溶 超級肥美🥰今次仲有當造嘅石坦貝 口感同埋味道有啲似象拔蚌 爽口彈牙😚淨係食呢三款刺身已經值回票價( •̀∀︎•́ )✧︎拖羅仲有赤身中拖 雖然冇大拖羅咁肥美 但油分適中又無筋👍🏻 右口魚同銀鱈魚係我最愛嘅肥魚 燒過更香( ˙༥˙ )❣️壽司定食 $208呢個價錢有八件壽司同卷物😍紋甲魷魚壽司比較少食到 口感爽口彈牙😋拖羅同埋炙燒右口魚十分肥美 同刺身一樣正🤤都有金目鯛 鯖魚 拖羅 呢啲普通日本餐廳少見嘅魚🐟

魚料極鮮！食齊刺身、生蠔、壽司、燒物嘅Omakase🍣-田中前排睇新聞，發現呢年youtube，好興日本散步嘅街景video，可能因為大家都太掛住日本。而呢到，正正就掛住一幅幅日本街景相，就好似田中掛住日本咁。-🍣Omakase廚師發辦 ($1180)🦐刺身 四點盛分別有野生油甘魚、石垣貝、右口魚、牡丹蝦，食材當造如石垣貝，新鮮不在話下。🦪北海道仙鳳趾蠔被稱為海中牛奶嘅仙鳳趾蠔，蠔味鮮甜濃郁，珍寶大小，口腔中爆發鮮味。🍣壽司 8貫1️⃣壽司分別有海膽、深海池魚、金目鯛、銀鱈魚、醬油漬吞拿魚、鯖魚、大拖羅等等。2️⃣魚料未算罕有，但夠鮮甜肥美，例如海膽量多滿足，大拖羅入口溶化，而舍利就偏黏濕，酸度中等。3️⃣細節做足，鯖魚配上清新紫蘇葉同醬，醬油漬吞拿魚夾上香口芝麻碎，足見師傅對食材配搭嘅熟識。🍢燒物 6款1️⃣燒物分別係明太子雞肉、豬腩肉、雞掌心、雞腳筋、日本洋蔥仔、燒豆腐。2️⃣每款都燒得剛好，其中雞掌心同雞腳筋最特別，香脆爽口之餘，帶濃郁雞油香。而湯同甜品都仔細認真，湯係濃郁雞骨湯，甜品係士多啤梨雪葩，配合呢個夜景，大滿足。

呢度嘅Omakase Lunch Set性價比好高，有多達九款刺身，由貝殼類，白身魚，去到較重口味嘅拖羅同海膽都有全部都好新鮮😍而且仲會根據時令有所唔同！ 仲可以即場睇到師傳點切，可以期待餐點究竟係咩～保持神秘感整體評分：7.8/10環境：7.8/10人均消費：$400-800地址：一緒一番酒場 (中環)中環士丹利街11號Stanley 11 26樓前菜:面豉湯：有昆布，紅，白蘿蔔片，好足料！茶碗蒸：入面加左柚子醬，味道好清新評分：6.8/10刺身：首先擺盤已經100分！入面有劍魚，赤身,吞拿魚腩，赤貝，甜蝦～🤤全部都好新鮮同鮮甜～其中最鍾意赤貝同甜蝦評分：7.5/10手握壽司（5件）：入面有深海池魚，巴朵碟魚,英格蘭銀雪魚，吞拿魚中腹同埋紫海膽😍其中最愛：吞拿魚中腹：油脂豐富！滿滿嘅肉感，完全係入口即化🤤油香充滿整個口腔深海池魚：脂厚油香，入口魚油甘香細膩，刺身能帶出池魚令人齒類留香的油分巴朵碟魚：火炙令油脂充份釋出，味道香濃英格蘭銀雪魚：最愛之一！師傅火炙之後食落特別香！紫海膽：一啲都唔腥～充滿海洋嘅味道評分：8/10串燒🍢：包括明太子雞肉串，牛肉橫隔膜同埋日本洋蔥。牛肉橫隔膜好香

中環美食多，今次和朋友發掘到一間新的日式餐廳😋樓底特別高，又有大落地玻璃，晚上來應該欣賞到中環城市景色。⁡👉🏻食物: 4.3/5因為有選擇困難症，所以點了廚師發辦午市套餐😋一次過嚐盡刺身、壽司、燒物！⁡▪️前菜海蜇爽口帶少許辣，但吃到最係略咸⁡▪️茶碗煮雞蛋嫩滑，富有蛋香亦鮮甜👍🏻⁡▪️刺身包括了3款刺身及1款火炙魚邊。刺身整體新鮮，肉質彈牙，沒有我最怕的溶雪味。我和朋友都最喜愛大蝦刺身🤤大大隻十分鮮甜！⁡另外一款薄切魚肉刺身配上柚子皮，入口清新深得我心🤩，而友人則比較喜愛厚切油甘魚，但我略嫌油香不夠突岀。⁡▪️壽司共有5款，最突出的當然是海膽😋鮮甜又creamy，令人想一吃再吃！整體壽司上刺身都不俗，可惜壽司飯有少許扣分，飯粒較爛及鬆散，影響了口感。⁡▪️燒物共有3款，包括牛肋肉，肉質軟嫩，富有牛香👍🏻雞翼最有驚喜🤤外皮燒得又薄又香脆💯洋蔥仔爽甜！⁡▪️湯麵豉湯正常發揮⁡▪️甜品冰涷草莓中間包著甜奶油，味道有點像士多啤梨白朱古力🥰⁡

開放式設計，盡享高空料理。特色刺身丼，lunch time超豐富，lunch set包括前菜同主食，滿意又滋味💕特盛刺身定食 $488豐富魚生令人目不暇接，食落厚切好新鮮，最愛炙燒魚生，甘甜可口，魚🐟夠厚實，非常滿足。特上刺身丼 特盛雜錦魚生飯 $248三文魚籽同肥美海膽，實在太滿足，海膽夠鮮甜，入口甘甜，豐富魚生太幸福。環境舒適，服務高質，同friends都可以開心自在傾下計，自製泡菜同味增湯，同樣好滿意！

中環新開既日式料理餐廳，中意食日本野既朋友又多一個選擇☺️ 餐廳主打廚師發辦壽司及刺身、串燒同清酒！係中環返工試下佢個lunch set先🥰 食物採用時令食材，席前可以望住師傅預備食物，又一番風味~ 𝐿𝑢𝑛𝑐ℎ 𝑆𝑒𝑡 午市定食 🇯🇵(均配有前菜、麵鼓湯、茶碗蒸、煮物)▪️特盛刺身定食 $488師傅挑選時令刺身，並會逐一介紹刺身款式同產地，建議我地食既先後次序，先蝦貝類如此類推：✦石垣貝 ✦牡丹蝦 ✦碟魚 - 鋪上柚子 ✦深海池魚 ✦金目鯛 - 魚皮微微燒過 ✦油甘魚 ✦火炙左口魚裙邊 ✦火炙銀鱈魚 ✦中拖羅 ✦海膽全部都好厚切新鮮！海膽非常鮮甜，本人好中意❤️ 拖羅、火炙唔洗講⼀定都係我至愛，好中意魚脂感同入口即融既感覺🥰 另外刺身全部都好彈牙有肉感食到鮮味☺️▪️特盛雜錦魚生飯 $248性價比好高既選擇，2百幾蚊就可以食到時令靚刺身！有三文魚籽、牡丹蝦、拖羅、金目鯛、帶子、海膽、火炙銀鱈魚等等，好高質🤩

D͙e͙l͙u͙x͙e͙ ͙A͙s͙s͙o͙r͙t͙e͙d͙ ͙S͙a͙s͙h͙i͙m͙i͙ ͙S͙e͙t͙🍱特盛刺身定食 $488有成9種唔同嘅刺身，份量十足，師傅會逐一介紹返有邊款刺身，再教你由貝殼類開始食到較重口味嘅拖羅同日本海膽，日本海膽都分好多種，最貴同最靚嘅一定係呢款白海膽🤩口感濃郁，甜度又高🤤而金目鯛肉質細嫩，味道鮮甜，石垣貝味道清甜且口感爽脆….啲刺身真係好高質S͙n͙o͙w͙ ͙C͙r͙a͙b͙ ͙M͙e͙a͙t͙,͙ ͙P͙a͙s͙t͙e͙ ͙a͙n͙d͙ ͙R͙o͙e͙ ͙R͙i͙c͙e͙ ͙B͙o͙w͙l͙🦀松葉蟹丼 $208Wow 😮 成碗都鋪滿晒松葉蟹肉、蟹膏同蟹子，每啖飯都食到松葉蟹嘅味道，松葉蟹肉好軟嫩，蟹膏又唔會腥配埋脆卜卜嘅蟹子真係不得了Lunch Set 仲包埋前菜，茶碗蒸、麵豉湯、泡菜同沙律🥗另外佢哋仲有串燒、生蠔、Omakase🍣⋯⋯加上員工親切有禮💕同埋呢度嘅落地大玻璃望出去個夜景一定好正😎有機會要夜晚再嚟試吓

🐟呢度嘅日式午餐性價比好高，特盛刺身定食（$488）有多達九款刺身，由貝殼類、白身魚，去到較重口味嘅拖羅同海膽都有🤩全部都好新鮮而且仲會根據時令有所唔同！而且仲可以即場睇到師傅點切，等待餐點來臨嘅時候都唔會好悶呀！如果想食平啲仲有好多款午餐可以揀，松葉蟹肉丼（$208）成碗鋪滿蟹肉、蟹膏同蟹子，口感勁豐富，啖啖都好滿足！而且呢度嘅午市仲包埋麵豉湯、前菜、蒸蛋、同埋沙律，淨係食前菜都已經有五分飽咗🤣

這裏的廚師發板，豐富、價錢合理，而且有別於一般廚師發板的餐廳，沒有拘束，這裏的設計帶一點居酒屋風，可以開懷的吃飯聊天或喝酒。魚生、壽司等新鮮！ 非常喜歡那個醬油漬野生鰤魚，極度肥美。想特別介紹串燒，因為質素水平高，外皮香脆內裏仍是軟，而且味道非常好。雞腳筋及雞掌心真的大開眼界，第一次吃，沒有想過這樣花心思來處理，好像不起眼的東西原來有另一個品賞方法。串燒六款每款都有層遞式給你的驚喜，而且去到最後的橫隔膜筋及牛小腸簡直是好味到暈。最後一碗熱湯及主食，再來酸甜的甜品，完成整個餐單設計。要另外一讚這裏的清酒供應，非常多種類，大約超過40多款，而且價錢公允，還有提供300ml的小樽裝，適合兩個人及酒量少的人。他們還有時令清酒，如果喜歡多嘗試不同清酒，可以主動問餐廳職員介紹。OMAKASE DINNER SET廚師發辦晚市套餐前菜Appetizer先付時令生蝶Oysters季節の牡蠣刺身Sashimi（4pcs）北海道牡丹蝦/石垣貝/鰈魚/醬油漬野生鰤魚お造り四点盛りSushi（8pcs）握寿司八貫秋刀魚 /深海池魚/文甲墨魚醬油漬吞拿魚赤身/金目鯛/吞拿魚/醋漬鯖魚/大吞拿魚燒物Skewer（

無意中發現同事升咗職🤭咁唔屈佢請我食飯都講唔通啦😌😌😌今日就揀咗中環呢間開業無耐嘅餐廳，午市主要做Lunch Set，晚市就飲酒為主，仲有串燒、刺身，連 Omakase都有😏下次再屈佢Omakase都好出Lift就係餐廳，黑色格調裝修，落地玻璃窗望中環境，望住食飯都幾舒服。枱上面仲帶唔同嘅消毒用品，超細心。Lunch Set 包咗 ：前菜 - 清新爽脆嘅沙律麵豉湯 - 調味啱啱好，唔會太咸茶碗蒸 - 足料又夠滑嘅日式蒸蛋煮物 - 今日嘅煮物皇帝菜配微甜嘅湯同埋配一大碗白飯😌講開又開你哋識唔識朋友係飯桶？我至少識4-5個，有時都幾驚嘆佢哋嘅食量。🍱一番爐端燒串燒拼盤$178- 八爪魚仔、牛內裙、蒜香豚肉、明太子沙律雞肉串、燒豆腐、燒冬菇中間係Open Kitchen，可以睇住師傅即叫即燒，串燒上枱已經聞到香噴噴。牛肉軟淋肉味濃，豚肉帶少少肥，重蒜香。雞肉夠嫩，配明太子沙律惹味。八爪魚🐙有嚼勁，豆腐同冬菇微微燒焦，配醬汁勁香口。🍱特盛刺身定食 $488秋刀魚 - 係時令嘅刺身，微微火炙過帶出油香而且魚日嫩滑右口魚/ 魚邊 - 火炙過之後魚油又香又夠濃醬油漬吞拿魚赤身 - 魚肉甘香，醬油漬更

今日lunch同朋友去咗間新開嘅日本餐廳食飯，一入到去餐廳嘅座位都係圍住吧枱坐高椅，非常有氣氛！佢哋有午餐set同omakase揀，第一次去梗係首先試吓佢哋嘅午餐先🤭😚叫咗一個魚生飯同埋鰻魚飯💯❤️特上刺身丼 • 特盛雜綿魚生飯 $248 (❤️❤️❤️❤️❤️)刺身丼非常吸引，雖然係定食，但每件刺身都係由師傅係bar枱前面切出黎😉😚刺身有油甘魚，左口魚，吞拿魚，帶子，大頭蝦，海膽‼️每款刺身都好新鮮，海膽鮮甜夠甜味。定食仲有配前菜、沙律🥗、蒸蛋和麵豉湯，都食得非常之飽同滿足！一緒浦燒鰻魚飯$208 (❤️❤️❤️❤️🤍)鰻魚迷嘅我好快就揀好食依個飯，同樣都有前菜、豆腐沙律🥗、蒸蛋和麵豉湯，鰻魚飯係即叫即燒所以等嘅時間會比較耐少少🤏不過都值得等待，佢哋嘅鰻魚係用鰻魚燒汁醬燒嘅，佢哋鰻魚嘅肉質有彈牙，而且食到一半嘅時候條鰻魚都好保温👍🏻👍🏻有機會希望下次試吓佢哋嘅omakase😚佢哋嘅刺身都係值得試一下，另外佢哋都仲有串燒定食‼️同埋座位唔算好多，如果大家想去食有位就訂定枱啦~

這是第二次來了。第一次因為想食日式串燒，和朋友誤打誤撞選擇了這間日式餐廳。食物味道很好，就是份量比較少。而且餐廳環境不錯，我是晚餐時段去，雖然沒有海景，但位於26樓的餐廳，面對窗外五光十色的城景，也頗為浪漫。餐廳氣氛熱鬧但不嘈吵，廚師很和善，很樂意根據你的口味推薦適合你的食物。第二次去試了刺身，非常新鮮甜美，亦沒有令人失望。如果有機會遇到餐廳老闆在場，他們會和客人談笑風生，還有機會請你喝上兩杯呢！值得encore👍🏻

仲未有得飛日本，唯有係香港食住日本嘢當飛左，以解思鄉之愁⛩🇯🇵。店舖裝修明亮雅致💡食物採用時令食材🌟可以近距離睇住師傅預備食物😚好刀功🔪好健談添，仲好nice添🧑🏻‍🍳。前菜好豐富😚 🥣麵豉湯：昆布、紅、白蘿蔔片，好足料 味濃而不咸🥚茶碗蒸：好特別係入面加左小小柚子🍅麻醬番茄：清甜爽口👅蕃茄燜牛舌：軟嫩唔堅韌。🍣特盛刺身定食lunch黎講呢個價錢真係好抵🥳🐠金目鯛:油脂含量適中，滿滿的肉感，完全是入口即化的感覺，油香充滿整個口腔🐠深海池魚:脂厚油香，入口魚油甘香細膩，刺身能帶出池魚令人齒頰留香的油分。🐠左口魚刺身:火炙令油脂充份釋出，味道香濃🐠左口魚邊:是我喜歡的之一🧡這個經過師傅的火炙將魚油都被迫了出來，吃起來特別香滑，滿滿油脂感🐠左口魚裙邊:口感既肥美又爽口🐠油漬吞拿魚:含豐富魚油鮮味濃，甘香鮮甜！🥢海膽:味道鮮甜帶有回甘🦐牡丹蝦:肉質爽脆中帶彈性。🍱一緒浦燒鰻魚飯鰻魚有份量🌟燒得邊位帶焦，吃起來更是香口🤤鰻魚肉非常軟腍，有點碎骨，非常入味。 飯面鋪上煎蛋非常豐富， 米飯圓渾有咬口，帶點黏而挺身🧡