一目日本料理 (已結業)

位於屯門區內的一間平民式日本料理(一目日本料理）好似日本小區裏的小店一樣，價錢合理，材料與做功都很認真，可以值得推介👍🏼復活節五天假期內，都已經幫襯了兩次午餐👍🏼

03.04.2021今日本來用Foodpanda 叫「今日幸料理」冷麵同沙律外賣，點知無喇喇被取消訂單，結果用九秒九速度叫咗「一目日本料理」，錯有錯著，呢間日本野好好食！正！😋其實好耐之前試過堂食，刺身、生蠔都好味，今次叫咗安格斯牛肉烏冬、豆腐和風沙律、蟹子沙律、日本蕃薯仔串燒、冬菇串燒、原條茄子串燒，一句講晒：好味！首先牛肉烏冬，牛肉幾甜幾滑，另外兩份沙律賣相吸引，豆腐好滑，蟹子好多，值得推介！幾款串燒味道不俗，蕃薯仔好甜，下次可以試其他串燒。餐牌裡還有其他刺身、壽司、熱葷，有機會會去堂食，相信會更美味。

大大鍋牛肉鍋，好滋味 （90分）88蚊，lunch免加一，有前菜，沙律，麵鼓湯，牛肉鍋超大份，牛肉份量多，配料好豐富，呢個價錢算好抵食。本身喜歡食壽喜燒果隻牛肉鍋，一般價錢唔平，但呢間價錢公道，份量好多，好岩大食的朋友們，牛肉鍋配料有各式的菜，豆腐，粉絲，蛋等，主角牛肉更加有6-7片，好好味。環境唔錯，平日中午都坐滿人，免加一服務費就超好讚，下次都會再幫襯，唯一唔滿意係個前菜，前菜係螺肉，又凍又唔好食，如果換左個螺肉前菜就更好。

十年都唔入屯門一次，今日入去屯門做嘢，竟然遇到好嘢😍😍😍！首先地方舒適，整潔，員工態度有善！鰻魚飯好有驚喜，好有日本味道😋😋😋，完全食到老闆果種對食材嘅執著。另外再叫多個和式🐂牛肉鍋，壽喜燒汁再加上海量嘅新鮮🥬🥕🧅蔬菜，🐂牛肉軟滑，🥕🥬🧅蔬菜清甜。。。。感覺好似身在日本東京嘅小店一樣！今時今日，在屯門呢個好有香港味道嘅地方，竟然搵到呢間隱世日本餐館，可以遇到呢間非一般嘅日本餐館，除咗覺得自己太幸運外，好似食神上身一樣好有口福🥰！

有咩驅使我奉獻開飯第一個留言?? 係火呀!!69個笑哈哈, 一個喊哂口, 識食, 識睇, 緊係揀呢間一目啦.....食日本野, 自自然然點D佐酒小食先啦,支豆.....隨左食, 仲比埋體驗你, 一路咬D豆出黎, 一路比D毛拮脷, 果然係支豆, Chi  na既豆, 唔錯唔錯 鱈魚干.....一味兩食, 一邊烤得脆, 另一邊堅韌, 新口味主角黎喇 makase既10款壽司, 有牡丹蝦, 加拿大海膽, 大大隻帶子, 大大隻赤貝, 金目鯛, 吞拿, 另外加4款我睇佢似油甘, 深池, 劍魚同埋.....是但啦...一開始必食先啦, 海膽....通常都試一試, 確保新鮮,  一放落口,  嘩, 正野黎喎, 首先會嘗到一浸苦澀味, 然後過左一兩秒後, 會有淡淡既臭味, 最後餘韻更是長達3至5秒既尿壓味.....功夫野黎, 唔係講笑金目鯛......鍾意食既真係推介, 你叫一舊就夠喇, 因為塊魚皮包你可以o趙足15分鐘, 過足鯛癮.....鯛味就緊係鯛你個老味啦牡丹蝦......唔該你比朵牡丹加隻蝦米比我一齊食好喇, 拜託做做好心....赤貝.....咦, 新品種喎, 夠哂爽口, 爽口, 同埋爽口.

同事介紹屯門彩華花園一間好味日本餐廳，小妹心思思，一於去試下佢龍與鳳啦首先要讚左店員服務態度十分好，我地電話book枱順便講埋叫咩野食，一概無托手踭！午市我叫左照燒雞飯，雞扒燒得外脆內滑，肉汁鎖住，唔會太乾，正用左我至愛既珍珠米飯，配埋燒汁，簡簡單單已經好滋味但糖心蛋就有d過熟啦午市送埋前菜同湯，68蚊黎講算係唔錯嘅選擇

今日嚟到屯門置樂嘅小型食街，成條街都都係唔同嘅食肆，見個呢間餐廳名幾特別而價錢亦都合理，就決定喺呢度開餐。叫左個我最喜愛既天婦羅廣島蠔，啲蠔隻隻都肥嘟嘟，咬落好多汁😋跟著order左少量串燒：和牛、雞腎同雞翼，和牛我會重點推介$38/串，好味！好味！好味！食落無根，味道濃郁！食日本野又點少得刺身，叫左個六點刺，即係有6款唔同材料，當中有海膽同帶子，極鮮甜👍🏻另外，叫左師傅拍板既十件壽司，即叫即整，食材全部都好新鮮。而且刺身同壽司既食材溫度恰到好處，唔會雪到凍冰冰。店舖乾淨，店員有禮貌，下次會再約朋友一齊黎食，再試多啲唔同款式既野食。

今次係屯門置樂果頭探朋友食左呢間日本野，質素好唔錯，同朋友都有少少驚喜，我地今餐2個人叫左唔同花款既野刺身油甘魚 三切 $68三文魚 三切 $58三文魚腩 三切 $68刺身方面因為朋友鐘意食三文魚，我地叫左三文魚、三文魚腩同油甘魚試試。呢道d刺身每塊都有d厚度，食落鮮甜，三文魚腩入口即溶，不錯不錯火炙丼 $108三文魚 左口魚 蟹棒三文魚子 玉子我地仲叫左個火灸丼填填肚，驚喜既係個丼飯好足料。一個丼有齊火灸三文魚、火灸蟹柳、燒左口灸、玉子燒、三文魚子同埋流心半熟蛋，超豐富。每啖飯都可以配唔同餸食，好幸福呀👍🏻手卷系列鰻魚手捲 $22吉列炸蝦手捲 $25串燒系列日本雞翼 $25芝士豚肉雞翼 $20鹿兒島豚腩肉 $20串燒方面叫左日本雞翼、芝士豚肉雞翼同豚腩肉。佢2種雞翼都出色，保持到肉入面既水份而且肉嫩、冇燒到過左火。特別推介豚腩肉串燒，調味恰到口處夠野味，咁啱呢串燒得啱啱好食落唔鞋口，每口都肉感飽滿。

好想去日本，但呢排無得飛，唯有係香港搵間日本料理止下渴先得。同朋友仔揀左呢間一目日本料理，好，坐低睇吓有咩好食先。鰻魚玉子燒，暖笠笠軟綿綿既玉子燒包住厚肉醬汁鰻魚，咬落去柔軟既口感，正！黑豚肉烏冬，烏冬滑滑既，仲有好多塊豚肉，糖心蛋係一整隻，抵食！雜錦丼，喜歡食因為可以一個丼試多種刺身，有三文魚粒、鯛魚粒、吞拿魚粒、甜蝦、蟹子，舖滿飯碗，仲有麵豉湯送。油甘魚、劍魚腩刺身，刺身大大片有3片，呢個價錢黎講唔算貴。

🔺一目日本料理住左屯門咁多年嘅小編都系第一次幫趁呢間日式餐廳😯試完原來都唔錯啵👍🏻.油甘魚剌身🐠刺身質素不錯 夠新鮮 重油脂好正👏🏻.蟹蓋海鮮炒飯🦀蟹蓋入面有好多蟹膏😍撈落個海鮮炒飯味道好夾 好邪惡😎而且好足料好多海鮮 好有驚喜😁.牛油果鰻魚卷🥑小編本身系牛油果控牛油果配搭鰻魚整體味道唔錯.三文魚腩手卷🐟三文魚腩好肥美 刺身夠新鮮😋😋.火灸蟹棒壽司🦀穩陣之選 加埋沙律醬好開胃🍣.壽喜燒牛肉鍋🐮成個鍋鋪排得好靚😍啲牛肉系高質牛 牛味好重入面仲有好多配菜 推介👍🏻

情人節就緊係要同女朋友去慶祝下啦，知佢鍾意食日本野，就帶佢去左一目試吓。入到去環境都好乾淨，店員又細心，叫我地去洗洗手先開餐。我地兩個人叫左明太子雞翼、雞腎串燒、一口和牛、六點刺、廣島蠔天婦羅、鵝肝多士、壽司。雞翼、和牛同串燒都係即叫即燒，雞翼裡面好多明太子，脹卜卜好juicy。和牛無根又香口，好味到要2串thx😂。廣島蠔天婦羅個粉唔會厚，好味！有個炸麵線墊底，侍應姐姐話個麵線都可以食，不過我地食左少少就放棄，因為太脆，食到成枱都係，好尷尬😅刺身好鮮甜，送到黎個溫度剛剛好，出面好多都凍到要再等10分鐘先擺到落口。壽司係大廚拍板，用時令野手握壽司。最後個鵝肝多士，超級正，不過塊多士我個人覺得焗得太脆，如果淋返少少可以索到鵝肝啲油就十分好喇。

其實屯門有很多隱世美食，今晚來到一目日本料理，刺身非常新鮮，食落有驚喜！刺身盛六點刺$3686款刺身由廚師發板，廚師會選擇當造的魚做刺身，今日的是牡丹蝦、海膽、帆立貝、油甘魚、深海池魚、吞拿魚各兩件。完全沒想到在小店吃到質素那麼高的海膽，極鮮甜，完全不腥牡丹蝦晶瑩通透，鮮味很濃。深海池魚比一般厚身，爽口清甜。油甘魚油脂香重，食落齒頰留香。帆立貝看賣相就看得出美味！超級甜的。吞拿魚也是超美味的。壽司盛手握壽司六件—— $168 （廚師發板）壽司方面，則有牡丹蝦、柚子油甘魚、深海池魚、火灸左口魚、鰻魚和海膽。部分與刺身盛重復，但太美味了，我很樂意多吃一次。壽司飯口感很好，相對刺身是吃魚肉本身的鮮味，壽司更注重調味（當然魚肉還是要新鮮）。左口魚經火灸後油香更突出，油甘魚加了柚子調味後味道更清新。牛油果吉列炸蝦卷$88牛油果口感滑溜，配上香脆炸蝦和珍珠米飯，經典又美味的卷物！

今日特別來到屯門食日本野， 你問我點解，我就話你知啦！因為我朋友好鍾意食甲羅燒咁佢話呢到的甲羅燒好味道岩佢，佢就捉我入屯門了。見佢話正就即管叫幾味來食下， 先來一碗甲羅丼，入面除左甲羅燒仲有三文魚，吞拿魚蓉和海膽，實在太豐富了， 每樣都新鮮，鮮甜。叫了一客三文魚刺身，都好厚身，夠鮮。金菇牛肉卷唔係用一般的平價肥牛，食得出係靚d 的牛一d 肥肉都冇，個汁煮得剛好唔太甜。甲羅燒， 第一次用青瓜配來食，一脆一濃竟然好夾。最後仲叫多一客海鮮蟹蓋炒飯， 我們將蟹膏拌落飯到，好突出好精彩令人不斷係咁食。今晚一連3樣野都有甲羅燒，真係好出色，下次我都會再來食的。

有幸得到屯門朋友既邀請，請我食佢屋企附近呢間街坊推介既日式餐廳，幾遠都黎食啦☺️同一貫既日式餐廳一樣，呢到都係簡約木系風格，枱唔多，大概十枱左右，最好訂位先，因為都唔少街坊食。呢到食物都幾多元化，有壽司、丼飯、鍋物、炒飯、炸物、串燒同好多款小食，選擇多，唔錯！甜蝦刺身新鮮好味，蝦身大大隻，肥美。呢到刺身唔錯，令我期待其他野食。海膽吞拿魚腩卷呢兩種crossover 跟本冇得輸。肥美既魚腩蓉同香濃既海膽都係入口即化，配上少少蔥花提味，更香口！海膽丼雖然唔及出面啲爆丼視覺上咁震撼，不過呢到都應該用左成板海膽架，金黃既海膽見到都已經垂涎欲滴，食落更正，係好想再encore!要我挑剔既話，只能講略嫌溏心蛋唔夠鹹😂雞肉軟骨棒串燒點麵要試下佢既燒物手勢既，本身雞肉軟骨呢個都好有口感，加上燒得恰好，下次可以叫多啲試下！真係好鍾意去啲小店食飯，感覺冇咁急促，而且會認真啲去烹調，因為主要係serve 街坊，你一失手，就冇辦法留住街坊既胃，難怪咁多熟客回頭！

估唔到置樂會有得食日本菜CP值高見到好多枱熟客👍🏻店員好親切 非常禮貌🙈招呼周到 讚⭐️叫左最愛三文魚刺身😝帶子壽司同魚背壽司刺身好新鮮 三文魚同帶子都好鮮甜😍魚背入口即溶🥰好開心食到魚背 因為唔係個個地方都有得食魚背😭再叫左個海鮮蟹蓋炒飯🦀呢個簡直係招牌菜 當晚已經見到有3枱叫左🙆🏻‍♀️蟹蓋有好多蟹膏 撈飯好好味🤤炒飯都唔馬虎 呢個係必點🤭最後忍唔住叫左個海膽手卷 🤣海膽有驚喜 鮮甜😆有下次👍🏻