一目日本料理 (已結業)

情人節就緊係要同女朋友去慶祝下啦，知佢鍾意食日本野，就帶佢去左一目試吓。入到去環境都好乾淨，店員又細心，叫我地去洗洗手先開餐。我地兩個人叫左明太子雞翼、雞腎串燒、一口和牛、六點刺、廣島蠔天婦羅、鵝肝多士、壽司。雞翼、和牛同串燒都係即叫即燒，雞翼裡面好多明太子，脹卜卜好juicy。和牛無根又香口，好味到要2串thx😂。廣島蠔天婦羅個粉唔會厚，好味！有個炸麵線墊底，侍應姐姐話個麵線都可以食，不過我地食左少少就放棄，因為太脆，食到成枱都係，好尷尬😅刺身好鮮甜，送到黎個溫度剛剛好，出面好多都凍到要再等10分鐘先擺到落口。壽司係大廚拍板，用時令野手握壽司。最後個鵝肝多士，超級正，不過塊多士我個人覺得焗得太脆，如果淋返少少可以索到鵝肝啲油就十分好喇。